जुषस्व सप्रथस्तमम् । वचो देवप्सरस्तमम् । हव्या जुह्वान आसनि । इमं नो यज्ञममृतेषु धेहि । इमा हव्या जातवेदो जुषस्व । स्तोकानामग्ने मेदसो घृतस्य । होतः प्राशान प्रथमो निषद्य । घृतवन्तः पावक ते । स्तोकाः श्चोतन्ति मेदसः । स्वधर्मं देववीतये १ श्रेष्ठं नो धेहि वार्यम् । तुभ्यꣳ स्तोका घृतश्चुतः । अग्ने विप्राय सन्त्य । ऋषिः श्रेष्ठः समिध्यसे । यज्ञस्य प्राविता भव । तुभ्यꣳ श्चोतन्त्यध्रिगो शचीवः । स्तोकासो अग्ने मेदसो घृतस्य । कविशस्तो बृहता भानुनागाः । हव्या जुषस्व मेधिर । ओजिष्ठं ते मध्यतो मेद उद्भृतम् । प्र ते वयं ददामहे । श्चोतन्ति ते वसो स्तोका अधि त्वचि । प्रति तान्देवशो विहि २
juṣasva saprathastamam | vaco devapsarastamam | havyā juhvāna āsani | imaṃ no yajñamamṛteṣu dhehi | imā havyā jātavedo juṣasva | stokānāmagne medaso ghṛtasya | hotaḥ prāśāna prathamo niṣadya | ghṛtavantaḥ pāvaka te | stokāḥ ścotanti medasaḥ | svadharmaṃ devavītaye 1 śreṣṭhaṃ no dhehi vāryam | tubhyam̐ stokā ghṛtaścutaḥ | agne viprāya santya | ṛṣiḥ śreṣṭhaḥ samidhyase | yajñasya prāvitā bhava | tubhyam̐ ścotantyadhrigo śacīvaḥ | stokāso agne medaso ghṛtasya | kaviśasto bṛhatā bhānunāgāḥ | havyā juṣasva medhira | ojiṣṭhaṃ te madhyato meda udbhṛtam | pra te vayaṃ dadāmahe | ścotanti te vaso stokā adhi tvaci | prati tāndevaśo vihi 2
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.