देवा देवेषु पराक्रमध्वम् । प्रथमा द्वितीयेषु । द्वितीयास्तृतीयेषु । त्रिरेकादशा इह मावत । इदꣳ शकेयं यदिदं करोमि । आत्मा करोत्वात्मने । इदं करिष्ये भेषजम् । इदं मे विश्वभेषजा । अश्विना प्रावतं युवम् । इदमहꣳ सेनाया अभीत्वर्यै १ मुखमपोहामि । सूर्यज्योतिर्विभाहि । महत इन्द्रि याय । आप्यायतां घृतयोनिः । अग्निर्हव्यानुमन्यताम् । खमङ्क्ष्व त्वचमङ्क्ष्व । सुरूपं त्वा वसुविदम् । पशूनां तेजसा । अग्नये जुष्टमभिघारयामि । स्योनं ते सदनं करोमि २ घृतस्य धारया सुशेवं कल्पयामि । तस्मिन्त्सीदामृते प्रतितिष्ठ । व्रीहीणां मेध सुमनस्यमानः । आर्द्र ः! प्रथस्नुर्भुवनस्य गोपाः । शृत उत्स्नाति जनिता मतीनाम् । यस्त आत्मा पशुषु प्रविष्टः । देवानां विष्ठामनु यो वितस्थे । आत्मन्वान्त्सोम घृतवान्हि भूत्वा । देवान्गच्छ सुवर्विद यजमानाय मह्यम् । इरा भूतिः पृथिव्यै रसो मोत्क्रमीत् ३ देवाः पितरः पितरो देवाः । योऽहमस्मि स सन्यजे । यस्यास्मि न तमन्तरेमि । स्वं म इष्टꣳ स्वं दत्तम् । स्वं पूर्तꣳ स्वꣳ श्रान्तम् । स्वꣳ हुतम् । तस्य मेऽग्निरुपद्र ष्टा । वायुरुपश्रोता । आदित्योऽनुख्याता । द्यौः पिता ४ पृथिवी माता । प्रजापतिर्बन्धुः । य एवास्मि स सन्यजे । मा भेर्मा संविक्था मा त्वा हिꣳ सिषम् । मा ते तेजोऽपक्रमीत् । भरतमुद्धरेमनुसिञ्च । अवदानानि ते प्रत्यवदास्यामि । नमस्ते अस्तु मा मा हिꣳ सीः । यदवदानानि तेऽवद्यन् । विलोमाकार्षमात्मनः ५ आज्येन प्रत्यनज्म्येनत् । तत्त आप्यायतां पुनः । अज्यायो यवमात्रात् । आव्याधात्कृत्यतामिदम् । मा रूरुपाम यज्ञस्य । शुद्धꣳ स्विष्टमिदꣳ हविः । मनुना दृष्टां घृतपदीम् । मित्रावरुणसमीरिताम् । दक्षिणार्धादसंभिन्दन् । अवद्याम्येकतोमुखाम् ६ इडे भागं जुषस्व नः । जिन्व गा जिन्वार्वतः । तस्यास्ते भक्षिवाणः स्याम । सर्वात्मानः सर्वगणाः । ब्रध्न पिन्वस्व । ददतो मे मा क्षायि । कुर्वतो मे मोपदसत् । दिशां क्ळ्प्तिरसि । दिशो मे कल्पन्ताम् । कल्पन्तां मे दिशः ७ दैवीश्च मानुषीश्च । अहोरात्रे मे कल्पेताम् । अर्धमासा मे कल्पन्ताम् । मासा मे कल्पन्ताम् । ऋतवो मे कल्पन्ताम् । संवत्सरो मे कल्पताम् । क्ळ्प्तिरसि कल्पतां मे । आशानां त्वाशापालेभ्यः । चतुर्भ्यो अमृतेभ्यः । इदं भूतस्याध्यक्षेभ्यः ८ विधेम हविषा वयम् । भजतां भागी भागम् । माभागो भक्त । निरभागं भजामः । अपस्पिन्व । ओषधीर्जिन्व । द्विपात्पाहि । चतुष्पादव । दिवो वृष्टिमेरय । ब्राह्मणानामिदꣳ हविः ९ सोम्यानाꣳ सोमपीथिनाम् । निर्भक्तोऽब्राह्मणः । नेहाब्राह्मणस्यास्ति । समङ्क्तां बर्हिर्हविषा घृतेन । समादित्यैर्वसुभिः सं मरुद्भिः । समिन्द्रे ण विश्वेभिर्देवेभिरङ्क्ताम् । दिव्यं नभो गच्छतु यत्स्वाहा । इन्द्रा णीवाविधवा भूयासम् । अदितिरिव सुपुत्रा । अस्थूरि त्वा गार्हपत्य १० उप निषदे सुप्रजास्त्वाय । सं पत्नी पत्या सुकृतेन गच्छताम् । यज्ञस्य युक्तौ धुर्यावभूताम् । संजानानौ विजहतामरातीः । दिवि ज्योतिरजरमारभेताम् । दश ते तनुवो यज्ञ यज्ञियाः । ताः प्रीणातु यजमानो घृतेन । नारिष्ठयोः प्रशिषमीडमानः । देवानां दैव्येऽपि यजमानोऽमृतोऽभूत् । यं वां देवा अकल्पयन् ११ ऊर्जो भागꣳ शतक्रतू ।एतद्वां तेन प्रीणानि । तेन तृप्यतमꣳ हहौ । अहं देवानाꣳ सुकृतामस्मि लोके । ममेदमिष्टं न मिथुर्भवाति । अहं नारिष्ठावनुयजामि विद्वान् । यदाभ्यामिन्द्रो अदधाद्भागधेयम् । अदारसृद्भवत देव सोम । अस्मिन्यज्ञे मरुतो मृडता नः । मा नो विददभि भामो अशस्तिः १२ मा नो विदद्वृजना द्वेष्या या । ऋषभं वाजिनं वयम् । पूर्णमासं यजामहे । स नो दोहताꣳ सुवीर्यम् । रायस्पोषꣳ सहस्रिणम् । प्राणाय सुराधसे । पूर्णमासाय स्वाहा । अमावास्या सुभगा सुशेवा । धेनुरिव भूय आप्यायमाना । सा नो दोहताꣳ सुवीर्यम् । रायस्पोषꣳ सहस्रिणम् । अपानाय सुराधसे । अमावास्यायै स्वाहा । अभिस्तृणीहि परिधेहि वेदिम् । जामिं मा हिꣳ सीरमुया शयाना । होतृषदना हरिताः सुवर्णाः । निष्का इमे यजमानस्य ब्रध्ने १३
devā deveṣu parākramadhvam | prathamā dvitīyeṣu | dvitīyāstṛtīyeṣu | trirekādaśā iha māvata | idam̐ śakeyaṃ yadidaṃ karomi | ātmā karotvātmane | idaṃ kariṣye bheṣajam | idaṃ me viśvabheṣajā | aśvinā prāvataṃ yuvam | idamaham̐ senāyā abhītvaryai 1 mukhamapohāmi | sūryajyotirvibhāhi | mahata indri yāya | āpyāyatāṃ ghṛtayoniḥ | agnirhavyānumanyatām | khamaṅkṣva tvacamaṅkṣva | surūpaṃ tvā vasuvidam | paśūnāṃ tejasā | agnaye juṣṭamabhighārayāmi | syonaṃ te sadanaṃ karomi 2 ghṛtasya dhārayā suśevaṃ kalpayāmi | tasmintsīdāmṛte pratitiṣṭha | vrīhīṇāṃ medha sumanasyamānaḥ | ārdra ḥ! prathasnurbhuvanasya gopāḥ | śṛta utsnāti janitā matīnām | yasta ātmā paśuṣu praviṣṭaḥ | devānāṃ viṣṭhāmanu yo vitasthe | ātmanvāntsoma ghṛtavānhi bhūtvā | devāngaccha suvarvida yajamānāya mahyam | irā bhūtiḥ pṛthivyai raso motkramīt 3 devāḥ pitaraḥ pitaro devāḥ | yo'hamasmi sa sanyaje | yasyāsmi na tamantaremi | svaṃ ma iṣṭam̐ svaṃ dattam | svaṃ pūrtam̐ svam̐ śrāntam | svam̐ hutam | tasya me'gnirupadra ṣṭā | vāyurupaśrotā | ādityo'nukhyātā | dyauḥ pitā 4 pṛthivī mātā | prajāpatirbandhuḥ | ya evāsmi sa sanyaje | mā bhermā saṃvikthā mā tvā him̐ siṣam | mā te tejo'pakramīt | bharatamuddharemanusiñca | avadānāni te pratyavadāsyāmi | namaste astu mā mā him̐ sīḥ | yadavadānāni te'vadyan | vilomākārṣamātmanaḥ 5 ājyena pratyanajmyenat | tatta āpyāyatāṃ punaḥ | ajyāyo yavamātrāt | āvyādhātkṛtyatāmidam | mā rūrupāma yajñasya | śuddham̐ sviṣṭamidam̐ haviḥ | manunā dṛṣṭāṃ ghṛtapadīm | mitrāvaruṇasamīritām | dakṣiṇārdhādasaṃbhindan | avadyāmyekatomukhām 6 iḍe bhāgaṃ juṣasva naḥ | jinva gā jinvārvataḥ | tasyāste bhakṣivāṇaḥ syāma | sarvātmānaḥ sarvagaṇāḥ | bradhna pinvasva | dadato me mā kṣāyi | kurvato me mopadasat | diśāṃ kl̤ptirasi | diśo me kalpantām | kalpantāṃ me diśaḥ 7 daivīśca mānuṣīśca | ahorātre me kalpetām | ardhamāsā me kalpantām | māsā me kalpantām | ṛtavo me kalpantām | saṃvatsaro me kalpatām | kl̤ptirasi kalpatāṃ me | āśānāṃ tvāśāpālebhyaḥ | caturbhyo amṛtebhyaḥ | idaṃ bhūtasyādhyakṣebhyaḥ 8 vidhema haviṣā vayam | bhajatāṃ bhāgī bhāgam | mābhāgo bhakta | nirabhāgaṃ bhajāmaḥ | apaspinva | oṣadhīrjinva | dvipātpāhi | catuṣpādava | divo vṛṣṭimeraya | brāhmaṇānāmidam̐ haviḥ 9 somyānām̐ somapīthinām | nirbhakto'brāhmaṇaḥ | nehābrāhmaṇasyāsti | samaṅktāṃ barhirhaviṣā ghṛtena | samādityairvasubhiḥ saṃ marudbhiḥ | samindre ṇa viśvebhirdevebhiraṅktām | divyaṃ nabho gacchatu yatsvāhā | indrā ṇīvāvidhavā bhūyāsam | aditiriva suputrā | asthūri tvā gārhapatya 10 upa niṣade suprajāstvāya | saṃ patnī patyā sukṛtena gacchatām | yajñasya yuktau dhuryāvabhūtām | saṃjānānau vijahatāmarātīḥ | divi jyotirajaramārabhetām | daśa te tanuvo yajña yajñiyāḥ | tāḥ prīṇātu yajamāno ghṛtena | nāriṣṭhayoḥ praśiṣamīḍamānaḥ | devānāṃ daivye'pi yajamāno'mṛto'bhūt | yaṃ vāṃ devā akalpayan 11 ūrjo bhāgam̐ śatakratū |etadvāṃ tena prīṇāni | tena tṛpyatamam̐ hahau | ahaṃ devānām̐ sukṛtāmasmi loke | mamedamiṣṭaṃ na mithurbhavāti | ahaṃ nāriṣṭhāvanuyajāmi vidvān | yadābhyāmindro adadhādbhāgadheyam | adārasṛdbhavata deva soma | asminyajñe maruto mṛḍatā naḥ | mā no vidadabhi bhāmo aśastiḥ 12 mā no vidadvṛjanā dveṣyā yā | ṛṣabhaṃ vājinaṃ vayam | pūrṇamāsaṃ yajāmahe | sa no dohatām̐ suvīryam | rāyaspoṣam̐ sahasriṇam | prāṇāya surādhase | pūrṇamāsāya svāhā | amāvāsyā subhagā suśevā | dhenuriva bhūya āpyāyamānā | sā no dohatām̐ suvīryam | rāyaspoṣam̐ sahasriṇam | apānāya surādhase | amāvāsyāyai svāhā | abhistṛṇīhi paridhehi vedim | jāmiṃ mā him̐ sīramuyā śayānā | hotṛṣadanā haritāḥ suvarṇāḥ | niṣkā ime yajamānasya bradhne 13
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.