प्रजापतिरकामयताश्वमेधेन यजेयेति । स तपोऽतप्यत । तस्य तेपानस्य । सप्तात्मनो देवता उदक्रामन् । सा दीक्षाभवत् । स एतानि वैश्वदेवान्यपश्यत् । तान्यजुहोत् । तैर्वै स दीक्षामवारुन्ध । यद्वैश्वदेवानि जुहोति । दीक्षामेव तैर्यजमानोऽवरुन्धे १ सप्त जुहोति । सप्त हि ता देवता उदक्रामन् । अन्वहं जुहोति । अन्वहमेव दीक्षामवरुन्धे । त्रीणि वैश्वदेवानि जुहोति । चत्वार्यौद्ग्रहणानि । सप्त संपद्यन्ते । सप्त वै शीर्षण्याः प्राणाः । प्राणा दीक्षा । प्राणैरेव प्राणान्दी-क्षामवरुन्धे २ एकविꣳ शतिं वैश्वदेवानि जुहोति । एकविꣳ शतिर्वै देवलोकाः । द्वादश मासाः पञ्चर्तवः । त्रय इमे लोकाः । असावादित्य एकविꣳ शः । एष सुवर्गो लोकः । तद्दैव्यं क्षत्त्रम् । सा श्रीः । तद्ब्रध्नस्य विष्टपम् । तत्स्वाराज्यमुच्यते ३ त्रिꣳ शतमौद्ग्रहणानि जुहोति । त्रिꣳ शदक्षरा विराट् । अन्नं विराट् । विराजैवान्नाद्यमवरुन्धे । त्रेधा विभज्य देवतां जुहोति । त्र्! यावृतो वै देवाः । त्र्! यावृत इमे लोकाः । एषां लोकानामाप्त्यै । एषां लोकानां क्ळ्प्त्यै । अप वा एतस्मात्प्राणाः क्रामन्ति ४ यो दीक्षामतिरेचयति । सप्ताहं प्रचरन्ति । सप्त वै शीर्षन्याः प्राणः । प्राणा दीक्षा । प्राणैरेव प्राणान्दीक्षामवरुन्धे । पूर्णाहुतिमुत्तमां जुहोति । सर्वं वै पूर्णाहुतिः । सर्वमेवाप्नोति । अथो इयं वै पूर्णाहुतिः । अस्यामेव प्रतितिष्ठति ५
prajāpatirakāmayatāśvamedhena yajeyeti | sa tapo'tapyata | tasya tepānasya | saptātmano devatā udakrāman | sā dīkṣābhavat | sa etāni vaiśvadevānyapaśyat | tānyajuhot | tairvai sa dīkṣāmavārundha | yadvaiśvadevāni juhoti | dīkṣāmeva tairyajamāno'varundhe 1 sapta juhoti | sapta hi tā devatā udakrāman | anvahaṃ juhoti | anvahameva dīkṣāmavarundhe | trīṇi vaiśvadevāni juhoti | catvāryaudgrahaṇāni | sapta saṃpadyante | sapta vai śīrṣaṇyāḥ prāṇāḥ | prāṇā dīkṣā | prāṇaireva prāṇāndī-kṣāmavarundhe 2 ekavim̐ śatiṃ vaiśvadevāni juhoti | ekavim̐ śatirvai devalokāḥ | dvādaśa māsāḥ pañcartavaḥ | traya ime lokāḥ | asāvāditya ekavim̐ śaḥ | eṣa suvargo lokaḥ | taddaivyaṃ kṣattram | sā śrīḥ | tadbradhnasya viṣṭapam | tatsvārājyamucyate 3 trim̐ śatamaudgrahaṇāni juhoti | trim̐ śadakṣarā virāṭ | annaṃ virāṭ | virājaivānnādyamavarundhe | tredhā vibhajya devatāṃ juhoti | tr! yāvṛto vai devāḥ | tr! yāvṛta ime lokāḥ | eṣāṃ lokānāmāptyai | eṣāṃ lokānāṃ kl̤ptyai | apa vā etasmātprāṇāḥ krāmanti 4 yo dīkṣāmatirecayati | saptāhaṃ pracaranti | sapta vai śīrṣanyāḥ prāṇaḥ | prāṇā dīkṣā | prāṇaireva prāṇāndīkṣāmavarundhe | pūrṇāhutimuttamāṃ juhoti | sarvaṃ vai pūrṇāhutiḥ | sarvamevāpnoti | atho iyaṃ vai pūrṇāhutiḥ | asyāmeva pratitiṣṭhati 5
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.