प्रजापतिर्देवेभ्यो यज्ञान्व्यादिशत् । स आत्मन्नश्वमेधमधत्त । तं देवा अब्रुवन् । एष वाव यज्ञः । यदश्वमेधः । अप्येव नोऽत्रास्त्विति । तेभ्य एतानन्नहोमान्प्रायच्छत् । तानजुहोत् । तैर्वै स देवानप्रीणात् । यदन्नहोमाञ्जुहोति १ देवानेव तैर्यजमानः प्रीणाति । आज्येन जुहोति । अग्नेर्वा एतद्रू पम् । यदाज्यम् । यदाज्येन जुहोति । अग्निमेव तत्प्रीणाति । मधुना जुहोति । महत्यै वा एतद्देवतायै रूपम् । यन्मधु । यन्मधुना जुहोति २ महतीमेव तद्देवतां प्रीणाति । तण्डुलैर्जुहोति । वसूनां वा एतद्रू पम् । यत्तण्डुलाः । यत्तण्डुलैर्जुहोति । वसूनेव तत्प्रीणाति । पृथुकैर्जुहोति । रुद्रा णां वा एतद्रू पम् । यत्पृथुकाः । यत्पृथुकैर्जुहोति ३ रुद्रा नेव तत्प्रीणाति । लाजैर्जुहोति । आदित्यानां वा एतद्रू पम् । यल्लाजाः । यल्लाजैर्जुहोति । आदित्यानेव तत्प्रीणाति । करम्बैर्जुहोति । विश्वेषां वा एतद्देवानाꣳ रूपम् । यत्करम्बाः । यत्करम्बैर्जुहोति ४ विश्वानेव तद्देवान्प्रीणाति । धानाभिर्जुहोति । नक्षत्राणां वा एतद्रू पम् । यद्धानाः । यद्धानाभिर्जुहोति । नक्षत्राण्येव तत्प्रीणाति । सक्तुभिर्जुहोति । प्रजापतेर्वा एतद्रू पम् । यत्सक्तवः । यत्सक्तुभिर्जुहोति ५ प्रजापतिमेव तत्प्रीणाति । मसूस्यैर्जुहोति । सर्वासां वा एतद्देवताꣳ रूपम् । यन्मसूस्यानि । यन्मसूस्यैर्जुहोति । सर्वा एव तद्देवताः प्रीणाति । प्रियङ्गुतण्डुलैर्जुहोति । प्रियाङ्गा ह वै नामैते । एतैर्वै देवा अश्वस्याङ्गानि समदधुः । यत्प्रियङ्गुतण्डुलैर्जुहोति । अश्वस्यैवाङ्गानि संदधाति । दशान्नानि जुहोति । दशाक्षरा विराट् । विराट्कृत्स्नस्यान्नाद्यस्यावरुद्ध्यै ६
prajāpatirdevebhyo yajñānvyādiśat | sa ātmannaśvamedhamadhatta | taṃ devā abruvan | eṣa vāva yajñaḥ | yadaśvamedhaḥ | apyeva no'trāstviti | tebhya etānannahomānprāyacchat | tānajuhot | tairvai sa devānaprīṇāt | yadannahomāñjuhoti 1 devāneva tairyajamānaḥ prīṇāti | ājyena juhoti | agnervā etadrū pam | yadājyam | yadājyena juhoti | agnimeva tatprīṇāti | madhunā juhoti | mahatyai vā etaddevatāyai rūpam | yanmadhu | yanmadhunā juhoti 2 mahatīmeva taddevatāṃ prīṇāti | taṇḍulairjuhoti | vasūnāṃ vā etadrū pam | yattaṇḍulāḥ | yattaṇḍulairjuhoti | vasūneva tatprīṇāti | pṛthukairjuhoti | rudrā ṇāṃ vā etadrū pam | yatpṛthukāḥ | yatpṛthukairjuhoti 3 rudrā neva tatprīṇāti | lājairjuhoti | ādityānāṃ vā etadrū pam | yallājāḥ | yallājairjuhoti | ādityāneva tatprīṇāti | karambairjuhoti | viśveṣāṃ vā etaddevānām̐ rūpam | yatkarambāḥ | yatkarambairjuhoti 4 viśvāneva taddevānprīṇāti | dhānābhirjuhoti | nakṣatrāṇāṃ vā etadrū pam | yaddhānāḥ | yaddhānābhirjuhoti | nakṣatrāṇyeva tatprīṇāti | saktubhirjuhoti | prajāpatervā etadrū pam | yatsaktavaḥ | yatsaktubhirjuhoti 5 prajāpatimeva tatprīṇāti | masūsyairjuhoti | sarvāsāṃ vā etaddevatām̐ rūpam | yanmasūsyāni | yanmasūsyairjuhoti | sarvā eva taddevatāḥ prīṇāti | priyaṅgutaṇḍulairjuhoti | priyāṅgā ha vai nāmaite | etairvai devā aśvasyāṅgāni samadadhuḥ | yatpriyaṅgutaṇḍulairjuhoti | aśvasyaivāṅgāni saṃdadhāti | daśānnāni juhoti | daśākṣarā virāṭ | virāṭkṛtsnasyānnādyasyāvaruddhyai 6
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.