प्रजापतिरश्वमेधमसृजत । तꣳ सृष्टꣳ रक्षाꣳ स्यजिघाꣳ सन् । स एतान्प्रजा-पतिर्नक्तꣳ होमानपश्यत् । तानजुहोति । तैर्वै स यज्ञाद्र क्षाꣳ स्यपाहन् । यन्नक्तꣳ होमाञ्जुहोति । यज्ञादेव तैर्यजमानो रक्षाꣳ स्यपहन्ति । आज्येन जुहोति । वज्रो वा आज्यम् । वज्रेणैव यज्ञाद्र क्षाꣳ स्यपहन्ति १ आज्यस्य प्रतिपदं करोति । प्राणो वा आज्यम् । मुखत एवास्य प्राणं दधाति । अन्नहोमाञ्जुहोति । शरीरवदेवावरुन्धे । व्यत्यासं जुहोति । उभय-स्यावरुध्यै । नक्तं जुहोति । रक्षसामपहत्यै । आज्येनान्नततो जुहोति २ प्राणो वा आज्यम् । उभयत एवास्य प्राणं दधाति । पुरस्ताच्चोपरिष्टाच्च । एकस्मै स्वाहेत्याह । अस्मिन्नेव लोके प्रतितिष्ठति । द्वाभ्याꣳ स्वाहेत्याह । अमुष्मिन्नेव लोके प्रतितिष्ठति । उभयोरेव लोकयोः प्रतितिष्ठति । अस्मिꣳ श्चा-मुष्मिꣳ श्च । शताय स्वाहेत्याह । शतायुर्वै पुरुषः शतवीर्यः । आयुरेव वीर्यमवरुन्धे । सहस्राय स्वाहेत्याह । आयुर्वै सहस्रम् । आयुरेवावरुन्धे । सर्वस्मै स्वाहेत्याह । अपरिमितमेवावरुन्धे ३
prajāpatiraśvamedhamasṛjata | tam̐ sṛṣṭam̐ rakṣām̐ syajighām̐ san | sa etānprajā-patirnaktam̐ homānapaśyat | tānajuhoti | tairvai sa yajñādra kṣām̐ syapāhan | yannaktam̐ homāñjuhoti | yajñādeva tairyajamāno rakṣām̐ syapahanti | ājyena juhoti | vajro vā ājyam | vajreṇaiva yajñādra kṣām̐ syapahanti 1 ājyasya pratipadaṃ karoti | prāṇo vā ājyam | mukhata evāsya prāṇaṃ dadhāti | annahomāñjuhoti | śarīravadevāvarundhe | vyatyāsaṃ juhoti | ubhaya-syāvarudhyai | naktaṃ juhoti | rakṣasāmapahatyai | ājyenānnatato juhoti 2 prāṇo vā ājyam | ubhayata evāsya prāṇaṃ dadhāti | purastāccopariṣṭācca | ekasmai svāhetyāha | asminneva loke pratitiṣṭhati | dvābhyām̐ svāhetyāha | amuṣminneva loke pratitiṣṭhati | ubhayoreva lokayoḥ pratitiṣṭhati | asmim̐ ścā-muṣmim̐ śca | śatāya svāhetyāha | śatāyurvai puruṣaḥ śatavīryaḥ | āyureva vīryamavarundhe | sahasrāya svāhetyāha | āyurvai sahasram | āyurevāvarundhe | sarvasmai svāhetyāha | aparimitamevāvarundhe 3
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.