एकविꣳ शोऽग्निर्भवति । एकविꣳ शः स्तोमः । एकविꣳ शतिर्यूपाः । यथा वा अश्वा वर्षभा वा वृषाणः सꣳ स्फुरेरन् । एवमेतत्स्तोमाः सꣳ स्फुरन्ते । यदेकविꣳ शाः । ते यत्समृच्छेरन् । हन्येतास्य यज्ञः । द्वादश एवाग्निः स्यादित्याहुः । द्वादशः स्तोमः १ एकादश युपाः । यद्द्वादशोऽग्निर्भवति । द्वादश मासाः संवत्सरः । संवत्सरेणैवास्मा अन्नमवरुन्धे । यद्दश यूपा भवन्ति । दशाक्षरा विराट् । अन्नं विराट् । विराजैवान्नाद्यमवरुन्धे । य एकादशः । स्तन एवास्यै सः २ दुह एवैनां तेन । तदाहुः । यद्द्वादशोऽग्निः स्याद्द्वादशः स्तोम एकादश यूपाः । यथा स्थुरिणा यायात् । तादृक्तत् । एकविꣳ श एवाग्निः स्यादित्याहुः । एकविꣳ शः स्तोमः । एकविꣳ शतिर्यूपाः । यथा प्रष्टिभिर्याति । तादृगेव तत् ३ यो वा अश्वमेधे तिस्रः ककुभो वेद । ककुद्ध राज्ञां भवति । एकविꣳ शोऽनिर्भवति । एकविꣳ शः स्तोमः । एकविꣳ शतिर्यूपाः । एता वा अश्वमेधे तिस्रः ककुभः । य एवं वेद । ककुद्ध राज्ञां भवति । यो वा अश्वमेधे त्रीणि शीर्षाणि वेद । शिरो ह राज्ञां भवति । एकविꣳ शोऽग्निर्भवति । एकविꣳ शः स्तोमः । एकविꣳ शतिर्यूपाः । एतानि वा अश्वमेधे त्रीणि शीर्षाणि । य एवं वेद । शिरो ह राज्ञां भवति ४
ekavim̐ śo'gnirbhavati | ekavim̐ śaḥ stomaḥ | ekavim̐ śatiryūpāḥ | yathā vā aśvā varṣabhā vā vṛṣāṇaḥ sam̐ sphureran | evametatstomāḥ sam̐ sphurante | yadekavim̐ śāḥ | te yatsamṛccheran | hanyetāsya yajñaḥ | dvādaśa evāgniḥ syādityāhuḥ | dvādaśaḥ stomaḥ 1 ekādaśa yupāḥ | yaddvādaśo'gnirbhavati | dvādaśa māsāḥ saṃvatsaraḥ | saṃvatsareṇaivāsmā annamavarundhe | yaddaśa yūpā bhavanti | daśākṣarā virāṭ | annaṃ virāṭ | virājaivānnādyamavarundhe | ya ekādaśaḥ | stana evāsyai saḥ 2 duha evaināṃ tena | tadāhuḥ | yaddvādaśo'gniḥ syāddvādaśaḥ stoma ekādaśa yūpāḥ | yathā sthuriṇā yāyāt | tādṛktat | ekavim̐ śa evāgniḥ syādityāhuḥ | ekavim̐ śaḥ stomaḥ | ekavim̐ śatiryūpāḥ | yathā praṣṭibhiryāti | tādṛgeva tat 3 yo vā aśvamedhe tisraḥ kakubho veda | kakuddha rājñāṃ bhavati | ekavim̐ śo'nirbhavati | ekavim̐ śaḥ stomaḥ | ekavim̐ śatiryūpāḥ | etā vā aśvamedhe tisraḥ kakubhaḥ | ya evaṃ veda | kakuddha rājñāṃ bhavati | yo vā aśvamedhe trīṇi śīrṣāṇi veda | śiro ha rājñāṃ bhavati | ekavim̐ śo'gnirbhavati | ekavim̐ śaḥ stomaḥ | ekavim̐ śatiryūpāḥ | etāni vā aśvamedhe trīṇi śīrṣāṇi | ya evaṃ veda | śiro ha rājñāṃ bhavati 4
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.