यः पितुरनुजायाः पुत्रः । स पुरस्तान्नयति । यो मातुरनुजायाः पुत्रः । स पश्चान्नयति । विष्वञ्चमेवास्मात्पाप्मानं विवृहतः । यो अर्वन्तं जिघाꣳ सति तमभ्यमीति वरुण इति श्वानं चतुरक्षं प्रसौति । परो मर्तः परः श्वेति शुनश्चतुरक्षस्य प्रहन्ति । श्वेव वै पाप्मा भ्रातृव्यः । पाप्मानमेवास्य भ्रातृव्यꣳ हन्ति । सैध्रकं मुसलं भवति १ कर्मकर्मैवास्मै साधयति । पौꣳ श्चलेयो हन्ति । पुꣳ श्चल्वां वै देवाः शुचं न्यदधुः । शुचैवास्य शुचꣳ हन्ति । पाप्मा वा एतमीप्सतीत्याहुः । योऽश्वमेधेन यजत इति । अश्वस्याधस्पदमुपास्यति । वज्री वा अश्वः प्राजापत्यः । वज्रेणैव पाप्मानं भ्रातृव्यमवक्रामति । दक्षिणापप्लावयति २ पाप्मानमेवास्माच्छमलमपप्लावयति । ऐषीक उदूहो भवति । आयुर्वा इषीकाः । आयुरेवास्मिन्दधति । अमृतं वा इषीकाः । अमृतमेवास्मिन्दधति । वेतसशाखोपसंबद्धा भवति । अप्सुयोनिर्वा अश्वः । अप्सुजो वेतसः । स्वादेवैनं योनिर्निर्मिमीते । पुरस्तात्प्रत्यञ्चमभ्युदूहति । पुरस्तादेवास्मि-न्प्रतीच्यमृतं दधाति । अहं च त्वं च वृत्रहन्निति ब्रह्मा यजमानस्य हस्तं गृह्णाति । ब्रह्मक्षत्त्रे एव संदधाति । अभि क्रत्वेन्द्र भूरध ज्मन्नित्यध्वर्युर्यजमानं वाचयत्यभिजित्यै ३
yaḥ pituranujāyāḥ putraḥ | sa purastānnayati | yo māturanujāyāḥ putraḥ | sa paścānnayati | viṣvañcamevāsmātpāpmānaṃ vivṛhataḥ | yo arvantaṃ jighām̐ sati tamabhyamīti varuṇa iti śvānaṃ caturakṣaṃ prasauti | paro martaḥ paraḥ śveti śunaścaturakṣasya prahanti | śveva vai pāpmā bhrātṛvyaḥ | pāpmānamevāsya bhrātṛvyam̐ hanti | saidhrakaṃ musalaṃ bhavati 1 karmakarmaivāsmai sādhayati | paum̐ ścaleyo hanti | pum̐ ścalvāṃ vai devāḥ śucaṃ nyadadhuḥ | śucaivāsya śucam̐ hanti | pāpmā vā etamīpsatītyāhuḥ | yo'śvamedhena yajata iti | aśvasyādhaspadamupāsyati | vajrī vā aśvaḥ prājāpatyaḥ | vajreṇaiva pāpmānaṃ bhrātṛvyamavakrāmati | dakṣiṇāpaplāvayati 2 pāpmānamevāsmācchamalamapaplāvayati | aiṣīka udūho bhavati | āyurvā iṣīkāḥ | āyurevāsmindadhati | amṛtaṃ vā iṣīkāḥ | amṛtamevāsmindadhati | vetasaśākhopasaṃbaddhā bhavati | apsuyonirvā aśvaḥ | apsujo vetasaḥ | svādevainaṃ yonirnirmimīte | purastātpratyañcamabhyudūhati | purastādevāsmi-npratīcyamṛtaṃ dadhāti | ahaṃ ca tvaṃ ca vṛtrahanniti brahmā yajamānasya hastaṃ gṛhṇāti | brahmakṣattre eva saṃdadhāti | abhi kratvendra bhūradha jmannityadhvaryuryajamānaṃ vācayatyabhijityai 3
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.