चत्वार ऋत्विजः समुक्षन्ति । आभ्य एवैनं चतसृभ्यो दिग्भ्योऽभिसमीरयन्ति । शतेन राजपुत्रैः सहाध्वर्युः । पुरस्तात्प्रत्यङ्तिष्ठन्प्रोक्षति । अनेनाश्वेन मेध्येनेष्ट्वा । अयꣳ राजा वृत्रं वध्यादिति । राज्यं वा अध्वर्युः । क्षत्त्रꣳ राजपुत्रः । राज्येनैवास्मिन्क्षत्त्रं दधाति । शतेनाराजभिरुग्रैः सह ब्रह्मा १ दक्षिणत उदङ्तिष्ठन्प्रोक्षति । अनेनाश्वेन मेध्येनेष्ट्वा । अयꣳ राजाप्रतिधृष्यो-ऽस्त्विति । बलं वै ब्रह्मा । बलमराजोग्रः । बलेनैवास्मिन्बलं दधाति । शतेन सूतग्रामणिभिः सह होता । पश्चात्प्राङ्तिष्ठन्प्रोक्षति । अनेनाश्वेन मेध्येनेष्ट्वा । अयꣳ राजास्यै विशः २ बहुग्वै बह्वश्वायै बह्वजाविकायै । बहुव्रीहियवायै बहुमाषतिलायै । बहुहि-रण्यायै बहुहस्तिकायै । बहुदासपूरुषायै रयिमत्यै पुष्टिमत्यै । बहुराय-स्पोषायै राजास्त्विति । भूमा वै होता । भूमा सूतग्रामण्यः । भूम्नैवा-स्मिन्भूमानं दधाति । शतेन क्षत्तसंग्रहीतृभिः सहोद्गाता । उत्तरतो दक्षिणा तिष्ठन्प्रोक्षति ३ अनेनाश्वेन मेध्येनेष्ट्वा । अयꣳ राजा सर्वमायुरेत्विति । आयुर्वा उद्गाता । आयुः क्षत्तसंग्रहीतारः । आयुषैवास्मिन्नायुर्दधाति । शतꣳ शतं भवन्ति । शतायुः पुरुषः शतेन्द्रि यः । आयुष्येवेन्द्रि ये प्रतितिष्ठति चतुःशता भवन्ति । चतस्रो दिशः । दिक्ष्वेव प्रतितिष्ठति ४
catvāra ṛtvijaḥ samukṣanti | ābhya evainaṃ catasṛbhyo digbhyo'bhisamīrayanti | śatena rājaputraiḥ sahādhvaryuḥ | purastātpratyaṅtiṣṭhanprokṣati | anenāśvena medhyeneṣṭvā | ayam̐ rājā vṛtraṃ vadhyāditi | rājyaṃ vā adhvaryuḥ | kṣattram̐ rājaputraḥ | rājyenaivāsminkṣattraṃ dadhāti | śatenārājabhirugraiḥ saha brahmā 1 dakṣiṇata udaṅtiṣṭhanprokṣati | anenāśvena medhyeneṣṭvā | ayam̐ rājāpratidhṛṣyo-'stviti | balaṃ vai brahmā | balamarājograḥ | balenaivāsminbalaṃ dadhāti | śatena sūtagrāmaṇibhiḥ saha hotā | paścātprāṅtiṣṭhanprokṣati | anenāśvena medhyeneṣṭvā | ayam̐ rājāsyai viśaḥ 2 bahugvai bahvaśvāyai bahvajāvikāyai | bahuvrīhiyavāyai bahumāṣatilāyai | bahuhi-raṇyāyai bahuhastikāyai | bahudāsapūruṣāyai rayimatyai puṣṭimatyai | bahurāya-spoṣāyai rājāstviti | bhūmā vai hotā | bhūmā sūtagrāmaṇyaḥ | bhūmnaivā-sminbhūmānaṃ dadhāti | śatena kṣattasaṃgrahītṛbhiḥ sahodgātā | uttarato dakṣiṇā tiṣṭhanprokṣati 3 anenāśvena medhyeneṣṭvā | ayam̐ rājā sarvamāyuretviti | āyurvā udgātā | āyuḥ kṣattasaṃgrahītāraḥ | āyuṣaivāsminnāyurdadhāti | śatam̐ śataṃ bhavanti | śatāyuḥ puruṣaḥ śatendri yaḥ | āyuṣyevendri ye pratitiṣṭhati catuḥśatā bhavanti | catasro diśaḥ | dikṣveva pratitiṣṭhati 4
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.