प्रजापतिरश्वमेधमसृजत । सोऽस्मात्सृष्टोऽपाक्रामत् । तमष्टादशिभिरनुप्रायुङ्क्त । तमाप्नोत् । तमाप्त्वाष्टादशिभिरवारुन्ध । यदष्टादशिन आलभ्यन्ते । यज्ञमेव तैराप्त्वा यजमानोऽवरुन्धे । संवत्सरस्य वा एषा प्रतिमा । यदष्टादशिनः । द्वादश मासाः पञ्चृतवः १ संवत्सरोऽष्टादशः । यदष्टादशिन आलभ्यन्ते । संवत्सरेमेव तैराप्त्वा यजमानोऽवरुन्धे । अग्निष्ठेऽन्यान्पशूनुपाकरोति । इतरेषु यूपेष्वष्टादशि-नोऽजामित्वाय । नवनवालभ्यन्ते सवीर्यत्वाय । यदारण्यैः सꣳ स्थापयेत् । व्यवस्येतां पितापुत्रौ । व्यध्वानः क्रामेयुः । विदूरं ग्रामयोर्ग्रामान्तौ स्याताम् २ ऋक्षीकाः पुरुषव्याघ्राः परिमोषिणि आव्याधिनीस्तस्करा अरण्येष्वाजायेरन् । तदाहुः । अपशवो वा एते । यदारण्याः । यदारण्यैः सꣳ स्थापयेत् । क्षिप्रे यजमानमरण्यं मृतꣳ हरेयुः । अरण्यायतना ह्यारण्याः पशव इति । यत्पशून्नालभेत । अनवरुद्धा अस्य पशवः स्युः । यत्पर्यग्निकृतानुत्सृजेत् ३ यज्ञवैशसं कुर्यात् । यत्पशूनालभते । तेनैव पशूनवरुन्धे । यत्पर्यग्नि-कृतानुत्सृजत्ययज्ञवैशसाय । अवरुद्धा अस्य पशवो भवन्ति । न यज्ञवैशसं भवति । न यजमानमरण्यं मृतꣳ हरन्ति । ग्राम्यैः सꣳ स्थापयति । एते वै पशवः क्षेमो नाम । सं पितापुत्राववस्यतः । समध्वानः क्रामन्ति । समन्तिकं ग्रामयोर्ग्रामातौ भवतः । नर्क्षीकाः पुरुषव्याघ्राः परिमोषिण आव्याधिनीस्तस्करा अरण्येष्वाजायन्ते ४
prajāpatiraśvamedhamasṛjata | so'smātsṛṣṭo'pākrāmat | tamaṣṭādaśibhiranuprāyuṅkta | tamāpnot | tamāptvāṣṭādaśibhiravārundha | yadaṣṭādaśina ālabhyante | yajñameva tairāptvā yajamāno'varundhe | saṃvatsarasya vā eṣā pratimā | yadaṣṭādaśinaḥ | dvādaśa māsāḥ pañcṛtavaḥ 1 saṃvatsaro'ṣṭādaśaḥ | yadaṣṭādaśina ālabhyante | saṃvatsaremeva tairāptvā yajamāno'varundhe | agniṣṭhe'nyānpaśūnupākaroti | itareṣu yūpeṣvaṣṭādaśi-no'jāmitvāya | navanavālabhyante savīryatvāya | yadāraṇyaiḥ sam̐ sthāpayet | vyavasyetāṃ pitāputrau | vyadhvānaḥ krāmeyuḥ | vidūraṃ grāmayorgrāmāntau syātām 2 ṛkṣīkāḥ puruṣavyāghrāḥ parimoṣiṇi āvyādhinīstaskarā araṇyeṣvājāyeran | tadāhuḥ | apaśavo vā ete | yadāraṇyāḥ | yadāraṇyaiḥ sam̐ sthāpayet | kṣipre yajamānamaraṇyaṃ mṛtam̐ hareyuḥ | araṇyāyatanā hyāraṇyāḥ paśava iti | yatpaśūnnālabheta | anavaruddhā asya paśavaḥ syuḥ | yatparyagnikṛtānutsṛjet 3 yajñavaiśasaṃ kuryāt | yatpaśūnālabhate | tenaiva paśūnavarundhe | yatparyagni-kṛtānutsṛjatyayajñavaiśasāya | avaruddhā asya paśavo bhavanti | na yajñavaiśasaṃ bhavati | na yajamānamaraṇyaṃ mṛtam̐ haranti | grāmyaiḥ sam̐ sthāpayati | ete vai paśavaḥ kṣemo nāma | saṃ pitāputrāvavasyataḥ | samadhvānaḥ krāmanti | samantikaṃ grāmayorgrāmātau bhavataḥ | narkṣīkāḥ puruṣavyāghrāḥ parimoṣiṇa āvyādhinīstaskarā araṇyeṣvājāyante 4
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.