उभा वाम् इन्द्राग्नी आहुवध्या उभा राधसः सह मादयध्यै । उभा दाताराव् इषाꣳ रयीणाम् उभा वाजस्य सातये हुवे वाम् ॥ अश्रवꣳ हि भूरिदावत्तरा वां विजामातुर् उत वा घा स्यालात् । अथा सोमस्य प्रयती युवभ्याम् इन्द्राग्नी स्तोमं जनयामि नव्यम् ॥ इन्द्राग्नी नवतिम् पुरो दासपत्नीर् अधूनुतम् । साकम् एकेन कर्मणा ॥ शुचिं नु स्तोमं नवजातं अद्येन्द्राग्नी वृत्रहणा जुषेथाम् ॥ उभा हि वाꣳ सुहवा जोहवीमि ता वाजꣳ सद्य उशते धेष्ठा ॥ वयम् उ त्वा पथस् पते रथं न वाजसातये । धिये पूषन्न् अयुज्महि ॥ पथस्पथः परिपतिं वचस्या कामेन कृतो अभ्य् आनड् अर्कम् । स नो रासच् छुरुधश् चन्द्राग्रा धियं धियꣳ सीषधाति प्र पूषा ॥ क्षेत्रस्य पतिना वयं हितेनेव जयामसि । गाम् अश्वम् पोषयित्न्व् आ स नः मृडातीदृशे ॥ क्षेत्रस्य पते मधुमन्तमूर्मिं धेनुर् इव पयो अस्मासु धुक्ष्व । मधुश्चुतं घृतम् इव सुपूतम् ऋतस्य नः पतयो मृडयन्तु ॥ अग्ने नय सुपथा राये अस्मान् विश्वानि देव वयुनानि विद्वान् । युयोध्य् अस्मज् जुहुराणम् एनो भूयिष्ठां ते नमउक्तिं विधेम ॥ आ देवानाम् अपि पन्थाम् अगन्म यच् छक्नवाम तद् अनु प्रवोढुम् । अग्निर् विद्वान्त् स यजात् सेद् उ होता सो अध्वरान्त् स ऋतून् कल्पयाति ॥ यद् वाहिष्ठं तद् अग्नये बृहद् अर्च विभावसो । महिषीव त्वद् रयिस् त्वद् वाजा उद् ईरते ॥ अग्ने त्वम् पारया नव्यो अस्मान्त् स्वस्तिभिर् अति दुर्गाणि विश्वा । पूश् च पृथ्वी बहुला न उर्वी भवा तोकाय तनयाय शं योः ॥ त्वम् अग्ने व्रतपा असि देव आ मर्त्येष्व् आ । त्वं यज्ञेष्व् ईड्यः ॥ यद् वो वयम् प्रमिनाम व्रतानि विदुषां देवा अविदुष्टरासः । अग्निष् टद् विश्वम् आ पृणाति विद्वान् येभिर् देवां ऋतुभिः कल्पयाति ॥
ubhā vām indrāgnī āhuvadhyā ubhā rādhasaḥ saha mādayadhyai | ubhā dātārāv iṣām̐ rayīṇām ubhā vājasya sātaye huve vām || aśravam̐ hi bhūridāvattarā vāṃ vijāmātur uta vā ghā syālāt | athā somasya prayatī yuvabhyām indrāgnī stomaṃ janayāmi navyam || indrāgnī navatim puro dāsapatnīr adhūnutam | sākam ekena karmaṇā || śuciṃ nu stomaṃ navajātaṃ adyendrāgnī vṛtrahaṇā juṣethām || ubhā hi vām̐ suhavā johavīmi tā vājam̐ sadya uśate dheṣṭhā || vayam u tvā pathas pate rathaṃ na vājasātaye | dhiye pūṣann ayujmahi || pathaspathaḥ paripatiṃ vacasyā kāmena kṛto abhy ānaḍ arkam | sa no rāsac churudhaś candrāgrā dhiyaṃ dhiyam̐ sīṣadhāti pra pūṣā || kṣetrasya patinā vayaṃ hiteneva jayāmasi | gām aśvam poṣayitnv ā sa naḥ mṛḍātīdṛśe || kṣetrasya pate madhumantamūrmiṃ dhenur iva payo asmāsu dhukṣva | madhuścutaṃ ghṛtam iva supūtam ṛtasya naḥ patayo mṛḍayantu || agne naya supathā rāye asmān viśvāni deva vayunāni vidvān | yuyodhy asmaj juhurāṇam eno bhūyiṣṭhāṃ te namauktiṃ vidhema || ā devānām api panthām aganma yac chaknavāma tad anu pravoḍhum | agnir vidvānt sa yajāt sed u hotā so adhvarānt sa ṛtūn kalpayāti || yad vāhiṣṭhaṃ tad agnaye bṛhad arca vibhāvaso | mahiṣīva tvad rayis tvad vājā ud īrate || agne tvam pārayā navyo asmānt svastibhir ati durgāṇi viśvā | pūś ca pṛthvī bahulā na urvī bhavā tokāya tanayāya śaṃ yoḥ || tvam agne vratapā asi deva ā martyeṣv ā | tvaṃ yajñeṣv īḍyaḥ || yad vo vayam pramināma vratāni viduṣāṃ devā aviduṣṭarāsaḥ | agniṣ ṭad viśvam ā pṛṇāti vidvān yebhir devāṃ ṛtubhiḥ kalpayāti ||
Roman (IAST) transliteration rendered by HREEM from the edition's Devanagari; the Devanagari is the edition's own.
a Ye twain shall be summoned, O Indra and Agni. Ye twain shall rejoice together in the offering. You both givers of food and riches, You both I summon for the winning of strength. b For I have heard that ye both are more generous Than a worthless son-in-law or a wife's brother. So with the offering of Soma I make for you, O 1ndra and Agni, a new hymn of praise; c O Indra and Agni, ninety forts Of which the Dasas were lords ye overtbrew Together in one deed. d This pure new-born hymn of praise this day, O Indra and Agni, slayers of Vrtra, accept with joy [1]. For on you both I call that are ready to listen, You that are ever readiest to give strength to the eager. e We thee, O lord of the path, As a chariot to win the prize, Have yoked for our prayer, O Pusan. f Lord of each way with eloquence; Driven by love he went to Arka; May he give us the comfort of gold, May Pusan further our every prayer. g By the lord of the field As by a friend may we win What nourishes our kine and horses; May he be [2] favourable to such as we are. h O lord of the field, the honey-bearing wave, As a cow milk, so for us milk; May the lords of right graciously accord us That which drops honey and is well purified like ghee. i O Agni, lead us by a fair path to wealth, O god, knowing all the ways; Keep away from us the sin that makes us wander; We will accord to thee most abundant honour. k We have come to the path of the gods To accomplish that which we have power to do; Let wise Agni sacrifice [3], let him be Hotr Let him arrange the offerings him the seasons. l What carrieth best is for Agni; Sing aloud, O thou of brilliant radiance. From thee wealth, like a cow, From thee strength riseth forth. m O Agni, once more lead us With thy favour over every trouble. Be a broad, thick, wide fortress for us, Health and wealth for our children and descendants. Thou, O Agni, art the guardian of law, Among the gods and mortals; Thou art to be invoked at the sacrifices. o If laws of you wise ones, O gods, In our ignorance we transgress, May Agni make good all that, He that knoweth the seasons wherein he may satisfy the gods.
Translated by Arthur Berriedale Keith (1914)