वाजस्य मा प्रसवेनोद्ग्राभेणोद् अग्रभीत् । अथा सपत्नाꣳ इन्द्रो मे निग्राभेणाधराꣳ अकः ॥ उद्ग्राभं च निग्राभं च ब्रह्म देवा अवीवृधन् । अथा सपत्नान् इन्द्राग्नी मे विषूचीनान् व्यस्यताम् ॥ वसुभ्यस् त्वा रुद्रेभ्यस् त्वादित्येभ्यस् त्वा । अक्तꣳ रिहाणा वियन्तु वयः प्रजां योनिम् मा निर् मृक्षम् आ प्यायन्ताम् आप ओषधयः । मरुताम् पृषतयः स्थ दिवम् गच्छ ततो नो वृष्टिम् एरय । आयुष्पा अग्ने ऽस्य् आयुर् मे पाहि चक्षुष्पा अग्ने ऽसि चक्षुर् मे पाहि ध्रुवाऽसि यम् परिधिम् पर्यधत्था अग्ने देव पणिभिर् वीयमाणस् तं त एतम् अनु जोषम् भरामि नेद् एष त्वद् अपचेतयातै यज्ञस्य पाथ उप सम् इतम् । सꣳस्रावभागाः स्थेषा बृहन्तः प्रस्तरेष्ठा बर्हिषदश् च ॥ देवा इमां वाचम् अभि विश्वे गृणन्त आसद्यास्मिन् बर्हिषि मादयध्वम् अग्नेर् वाम् अपन्नगृहस्य सदसि सादयामि सुम्नाय सुम्निनी सुम्ने मा धत्तम् । धुरि धुर्यौ पातम् अग्ने ऽदब्धायो ऽशीततनोपाहि माऽद्य दिवः पाहि प्रसित्यै पाहि दुरिष्ट्यै पाहि दुरद्मन्यै पाहि दुश्चरितात् । अविषं नः पितुं कृणु सुषदा योनिꣳ स्वाहा देवा गातुविदो गातुं वित्त्वा गातुम् इत मनसस् पत इमं नो देव देवेषु यज्ञꣳ स्वाहा वाचि स्वाहा वाते धाः ॥
vājasya mā prasavenodgrābheṇod agrabhīt | athā sapatnām̐ indro me nigrābheṇādharām̐ akaḥ || udgrābhaṃ ca nigrābhaṃ ca brahma devā avīvṛdhan | athā sapatnān indrāgnī me viṣūcīnān vyasyatām || vasubhyas tvā rudrebhyas tvādityebhyas tvā | aktam̐ rihāṇā viyantu vayaḥ prajāṃ yonim mā nir mṛkṣam ā pyāyantām āpa oṣadhayaḥ | marutām pṛṣatayaḥ stha divam gaccha tato no vṛṣṭim eraya | āyuṣpā agne 'sy āyur me pāhi cakṣuṣpā agne 'si cakṣur me pāhi dhruvā'si yam paridhim paryadhatthā agne deva paṇibhir vīyamāṇas taṃ ta etam anu joṣam bharāmi ned eṣa tvad apacetayātai yajñasya pātha upa sam itam | sam̐srāvabhāgāḥ stheṣā bṛhantaḥ prastareṣṭhā barhiṣadaś ca || devā imāṃ vācam abhi viśve gṛṇanta āsadyāsmin barhiṣi mādayadhvam agner vām apannagṛhasya sadasi sādayāmi sumnāya sumninī sumne mā dhattam | dhuri dhuryau pātam agne 'dabdhāyo 'śītatanopāhi mā'dya divaḥ pāhi prasityai pāhi duriṣṭyai pāhi duradmanyai pāhi duścaritāt | aviṣaṃ naḥ pituṃ kṛṇu suṣadā yonim̐ svāhā devā gātuvido gātuṃ vittvā gātum ita manasas pata imaṃ no deva deveṣu yajñam̐ svāhā vāci svāhā vāte dhāḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
a With the impulse of strength, With elevation he hath lifted me up; Then Indra hath made my enemies Humble by depression. b The gods have increased my prayer. What is elevation and depression; Then do ye, O Indra and Agni, Scatter my foes on every side. c To the Vasus thee, to the Rudras thee, to the Adityas thee! d Licking the anointed lot the birds go asunder. e May I not brush offispring and the organ. f Swell, ye waters and plants. g Ye are the spotted steeds of the Maruts. h Fare to the sky [1], thence bring us rain. i Guardian of life art thou, O Agni, guard my life. k Guardian of the eye art thou, O Agni, guard my eye. I Thou art the secure one. m The fence which thou didst put round thee When thou wast beset by the Panis, O god Agni, That do I bring here to thee that thou mayst rejoice in it, That it be not removed from thee. n Go ye two to the place of the gods. o Ye are sharers in the remains (of the oblation), well nourished, mighty Ye gods that are on the prastara and sit on the strew [2]. Accepting this supplication, do ye all, Seated on this strew enjoy yourselves. p I set thee in the seat of Agni whose abode is secure. q For goodwill, O ye two with goodwill, place me in goodwill. r Guard ye the yoke-horses at the yoke. s O Agni, with life unhurt, with not-cool body, guard me this day from the sky, guard from bondage, guard from error in sacrifice, guard from evil food, guard from ill deed. t Make our food free from poison, the lap pleasant to sit in; hail! u O ye gods that know the way, knowing the way, go ye the way. v O lord of mind, this sacrifice for us place among the gods, O god, hail! in speech, hail! in the wind, hail!
Translated by Arthur Berriedale Keith (1914)