सं वपामि सम् आपो अद्भिर् अग्मत सम् ओषधयो रसेन सꣳ रेवतीर् जगतीभिर् मधुमतीर् मधुमतीभिः सृज्यध्वम् अद्भ्यः परि प्रजाता स्थ समद्भिः पृच्यध्वम् । जनयत्यै त्वा सं यौमि । अग्नये त्वाऽग्नीषोमाभ्याम् मखस्य शिरो ऽसि घर्मो ऽसि विश्वायुः । उरु प्रथस्वोरु ते यज्ञपतिः प्रथताम् । त्वचं गृह्णीष्व । अन्तरितꣳ रक्षो ऽन्तरिता अरातयः । देवस् त्वा सविता श्रपयतु वर्षिष्ठे अधि नाके । अग्निस् ते तनुवम् माऽति धाक् । अग्ने हव्यꣳ रक्षस्व सम् ब्रह्मणा पृच्यस्व । एकताय स्वाहा द्विताय स्वाहा त्रिताय स्वाहा ॥
saṃ vapāmi sam āpo adbhir agmata sam oṣadhayo rasena sam̐ revatīr jagatībhir madhumatīr madhumatībhiḥ sṛjyadhvam adbhyaḥ pari prajātā stha samadbhiḥ pṛcyadhvam | janayatyai tvā saṃ yaumi | agnaye tvā'gnīṣomābhyām makhasya śiro 'si gharmo 'si viśvāyuḥ | uru prathasvoru te yajñapatiḥ prathatām | tvacaṃ gṛhṇīṣva | antaritam̐ rakṣo 'ntaritā arātayaḥ | devas tvā savitā śrapayatu varṣiṣṭhe adhi nāke | agnis te tanuvam mā'ti dhāk | agne havyam̐ rakṣasva sam brahmaṇā pṛcyasva | ekatāya svāhā dvitāya svāhā tritāya svāhā ||
Roman (IAST) transliteration rendered by HREEM from the edition's Devanagari; the Devanagari is the edition's own.
a I pour together. b The waters have joined with the waters, the plants with sap. c Join ye rich ones with the moving ones, sweet ones with the sweet. d From the waters ye are born, be united with the waters. e For generation I unite thee. f For Agni thee, for Agni and Soma. g Thou art the head of Makha. h Thou art the cauldron that contains all life. i Be extended wide, let the lord of the sacrifice be extended wide. k Grasp the skin. I The Raksas is obstructed, the evil spirits are obstructed. m Let the god Savitr make thee ready on the highest firmament. n May Agni burn not too much thy body. o O Agni, guard the offering. p Be united with our prayer. q Hail to Ekata, hail to Dvita, hail to Trita.
Translated by Arthur Berriedale Keith (1914)