आ ददे । इन्द्रस्य बाहुर् असि दक्षिणः सहस्रभृष्टिः शततेजाः । वायुर् असि तिग्मतेजाः पृथिवि देवयजन्य् ओषध्यास् ते मूलम् मा हिꣳसिषम् अपहतो ऽररुः पृथिव्यै व्रजं गच्छ गोस्थानम् । वर्षतु ते द्यौर् बधान देव सवितः परमस्याम् परावति शतेन पाशैर् यो ऽस्मान् द्वेष्टि यं च वयं द्विष्मस् तम् अतो मा मौक् । अपहतो ऽररुः पृथिव्यै देवयजन्यै व्रजम् गच्छ गोस्थानम् । वर्षतु ते द्यौर् बधान देव सवितः परमस्याम् परावति शतेन पाशैर् यो ऽस्मान् द्वेष्टि यं च वयं द्विष्मस् तम् अतो मा मौक् । अपहतो ऽररुः पृथिव्या अदेवयजनः । व्रजं गच्छ गोस्थानम् । वर्षतु ते द्यौः । बधान देव सवितः परमस्याम् परावति शतेन पाशैर् यो ऽस्मान् द्वेष्टि यं च वयं द्विष्मस् तम् अतो मा मौक् । अररुस् ते दिवं मा स्कान् वसवस् त्वा परि गृह्णन्तु गायत्रेण छन्दसा रुद्रास् त्वा परि गृह्णन्तु त्रैष्टुभेन छन्दसादित्यास् त्वा परि गृह्णन्तु जागतेन छन्दसा देवस्य सवितुः सवे कर्म कृण्वन्ति वेधसः । ऋतम् अस्य् ऋतसदनम् अस्य् ऋतश्रीर् असि धा असि स्वधा असि । उर्वी चासि वस्वी चासि पुरा क्रूरस्य विसृपो विरप्शिन्न् उदादाय पृथिवीं जीरदानुर् याम् ऐरयञ् चन्द्रमसि स्वधाभिस् तां धीरासो अनुदृश्य यजन्ते ॥
ā dade | indrasya bāhur asi dakṣiṇaḥ sahasrabhṛṣṭiḥ śatatejāḥ | vāyur asi tigmatejāḥ pṛthivi devayajany oṣadhyās te mūlam mā him̐siṣam apahato 'raruḥ pṛthivyai vrajaṃ gaccha gosthānam | varṣatu te dyaur badhāna deva savitaḥ paramasyām parāvati śatena pāśair yo 'smān dveṣṭi yaṃ ca vayaṃ dviṣmas tam ato mā mauk | apahato 'raruḥ pṛthivyai devayajanyai vrajam gaccha gosthānam | varṣatu te dyaur badhāna deva savitaḥ paramasyām parāvati śatena pāśair yo 'smān dveṣṭi yaṃ ca vayaṃ dviṣmas tam ato mā mauk | apahato 'raruḥ pṛthivyā adevayajanaḥ | vrajaṃ gaccha gosthānam | varṣatu te dyauḥ | badhāna deva savitaḥ paramasyām parāvati śatena pāśair yo 'smān dveṣṭi yaṃ ca vayaṃ dviṣmas tam ato mā mauk | ararus te divaṃ mā skān vasavas tvā pari gṛhṇantu gāyatreṇa chandasā rudrās tvā pari gṛhṇantu traiṣṭubhena chandasādityās tvā pari gṛhṇantu jāgatena chandasā devasya savituḥ save karma kṛṇvanti vedhasaḥ | ṛtam asy ṛtasadanam asy ṛtaśrīr asi dhā asi svadhā asi | urvī cāsi vasvī cāsi purā krūrasya visṛpo virapśinn udādāya pṛthivīṃ jīradānur yām airayañ candramasi svadhābhis tāṃ dhīrāso anudṛśya yajante ||
Roman (IAST) transliteration rendered by HREEM from the edition's Devanagari; the Devanagari is the edition's own.
a I grasp (thee). b Thou art Indra's right arm with a thousand spikes, a hundred edges. c Thou art the wind of sharp edge. d O earth whereon sacrifice is offered to the gods, let me harm not the root of thy plant. e Araru is smitten away from the earth. f Go to the fold where the cattle are. g May heaven rain for thee. h O god Savitr, bind thou in the furthest distance with a hundred fetters him who hateth us and whom we hate, thence let him not free. i Araru is smitten away from the earth, the place of sacrifice. k Go to the fold [1] where the cattle are. l May heaven rain for thee. m O god Savitr &c. n Araru is smitten away from the earth, he that sacrifices not to the gods. o Go to the fold where the cattle are. p May heaven rain for thee. q O god Savitr, &c. [2] r Let not Araru mount the sky for thee. s Let the Vasus grasp thee with the Gayatri metre, let the Rudras grasp thee with the Tristubb. metre, let the Adityas grasp thee with the Jagati metre. t On the impulse of the god Savitr wise ones perform the rite. u Thou art the right, thou art the seat of right, thou art the glory of right. v Thou art the holder, thou art the self-holder. w Thou art broad, and wealthy art thou. x Before the cruel foe slips away, O glorious one, Taking up the earth, with plenteous drops, The earth which they place in the moon by their offerings, Which wise men use to guide them in the sacrifice.
Translated by Arthur Berriedale Keith (1914)