अग्नेर् वै दीक्षया देवा विराजम् आप्नुवन् तिस्रो रात्रीर् दीक्षितः स्यात् त्रिपदा { विराट् ^ विराज् } विराजम् आप्नोति षड् रात्रीर् दीक्षितः स्यात् षड् वा ऋतवः संवत्सरः संवत्सरो { विराड् ^ विराज् } विराजम् आप्नोति दश रात्रीर् दीक्षितः स्यात् । दशाक्षरा { विराड् ^ विराज् } विराजम् आप्नोति द्वादश रात्रीर् दीक्षितः स्यात् । द्वादश मासाः संवत्सरः संवत्सरो { विराड् ^ विराज् } विराजम् आप्नोति त्रयोदश रात्रीर् दीक्षितः स्यात् त्रयोदश मासाः संवत्सरः॥ संवत्सरो { विराड् ^ विराज् } पञ्चदश रात्रीर् दीक्षितः स्यात् पञ्चदश वा अर्धमासस्य रात्रयः । अर्धमासशः संवत्सर आप्यते संवत्सरो { विराड् ^ विराज् } विराजम् आप्नोति सप्तदश रात्रीर् दीक्षितः स्यात् । द्वादश मासाः पञ्चर्तवः स संवत्सरः संवत्सरो { विराड् ^ विराज् } विराजम् आप्नोति चतुर्विꣳ शतिꣳ रात्रीर् दीक्षितः स्यात् । चतुर्विꣳ शतिर् अर्धमासाः संवत्सरः संवत्सरो { विराड् ^ विराज् } विराजम् आप्नोति त्रिꣳ शतꣳ रात्रीर् दीक्षितः स्यात् ॥ त्रिꣳ शदक्षरा { विराड् ^ विराज् } विराजम् आप्नोति मासं दीक्षितः स्यात् । यो मासः स संवत्सरः संवत्सरो { विराड् ^ विराज् } विराजम् आप्नोति चतुरो मासो दीक्षितः स्यात् । चतुरो वा एतम् मासो वसवो ऽबिभरुस् ते पृथिवीम् आऽजयन् गायत्रीं छन्दः । अष्टौ रुद्रास् ते ऽन्तरिक्षम् आऽजयन् त्रिष्टुभं छन्दः । द्वादशादित्यास् ते दिवम् आऽजयञ् जगतीं छन्दस् ततो वै ते व्यावृतम् अगच्छञ् छ्रैष्ठ्यं देवानाम् । तस्माद् द्वादश मासो भृत्वाग्निं चिन्वीत द्वादश मासाः संवत्सरः संवत्सरो ऽग्निश् चित्यस् तस्याहोरात्राणीष्टकाः । आप्तेष्टकम् एनं चिनुते ऽथो व्यावृतम् एव गच्छति श्रैष्ठ्यꣳ समानानाम् ॥
agner vai dīkṣayā devā virājam āpnuvan tisro rātrīr dīkṣitaḥ syāt tripadā { virāṭ ^ virāj } virājam āpnoti ṣaḍ rātrīr dīkṣitaḥ syāt ṣaḍ vā ṛtavaḥ saṃvatsaraḥ saṃvatsaro { virāḍ ^ virāj } virājam āpnoti daśa rātrīr dīkṣitaḥ syāt | daśākṣarā { virāḍ ^ virāj } virājam āpnoti dvādaśa rātrīr dīkṣitaḥ syāt | dvādaśa māsāḥ saṃvatsaraḥ saṃvatsaro { virāḍ ^ virāj } virājam āpnoti trayodaśa rātrīr dīkṣitaḥ syāt trayodaśa māsāḥ saṃvatsaraḥ|| saṃvatsaro { virāḍ ^ virāj } pañcadaśa rātrīr dīkṣitaḥ syāt pañcadaśa vā ardhamāsasya rātrayaḥ | ardhamāsaśaḥ saṃvatsara āpyate saṃvatsaro { virāḍ ^ virāj } virājam āpnoti saptadaśa rātrīr dīkṣitaḥ syāt | dvādaśa māsāḥ pañcartavaḥ sa saṃvatsaraḥ saṃvatsaro { virāḍ ^ virāj } virājam āpnoti caturvim̐ śatim̐ rātrīr dīkṣitaḥ syāt | caturvim̐ śatir ardhamāsāḥ saṃvatsaraḥ saṃvatsaro { virāḍ ^ virāj } virājam āpnoti trim̐ śatam̐ rātrīr dīkṣitaḥ syāt || trim̐ śadakṣarā { virāḍ ^ virāj } virājam āpnoti māsaṃ dīkṣitaḥ syāt | yo māsaḥ sa saṃvatsaraḥ saṃvatsaro { virāḍ ^ virāj } virājam āpnoti caturo māso dīkṣitaḥ syāt | caturo vā etam māso vasavo 'bibharus te pṛthivīm ā'jayan gāyatrīṃ chandaḥ | aṣṭau rudrās te 'ntarikṣam ā'jayan triṣṭubhaṃ chandaḥ | dvādaśādityās te divam ā'jayañ jagatīṃ chandas tato vai te vyāvṛtam agacchañ chraiṣṭhyaṃ devānām | tasmād dvādaśa māso bhṛtvāgniṃ cinvīta dvādaśa māsāḥ saṃvatsaraḥ saṃvatsaro 'gniś cityas tasyāhorātrāṇīṣṭakāḥ | āpteṣṭakam enaṃ cinute 'tho vyāvṛtam eva gacchati śraiṣṭhyam̐ samānānām ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.