Library·Atharvaveda Saṃhitā (Śaunaka)·11
अग्ने जायस्वादितिर् नाथितेयं ब्रह्मौदनं पचति पुत्रकामा । सप्तऋषयो भूतकृतस् ते त्वा मन्थन्तु प्रजया सहेह ॥१॥
agne jāyasvāditir nāthiteyaṃ brahmaudanaṃ pacati putrakāmā | saptaṛṣayo bhūtakṛtas te tvā manthantu prajayā saheha ||1||
O Agni, be thou born; Aditi here, suppliant, cooks a brahmán -rice-dish, desiring sons; the seven seers, being-makers—let them churn thee here together with progeny.
Translated by William Dwight Whitney (1905)
कृणुत धूमं वृषणः सखायो ऽद्रोघाविता वाचम् अछ । अयम् अग्निः पृतनाषाट् सुवीरो येन देवा असहन्त दस्यून् ॥२॥
kṛṇuta dhūmaṃ vṛṣaṇaḥ sakhāyo 'droghāvitā vācam acha | ayam agniḥ pṛtanāṣāṭ suvīro yena devā asahanta dasyūn ||2||
Make ye smoke, O ye bulls, companions, ye that are aided by the unhateful (?), unto speech; this Agni [is] fight-overpowering, having good heroes, by whom the gods overpowered the barbarians.
Translated by William Dwight Whitney (1905)
अग्ने ऽजनिष्ठा महते वीर्याय ब्रह्मौदनाय पक्तवे जातवेदः । सप्तऋषयो भूतकृतस् ते त्वाजीजनन्न् अस्यै रयिं सर्ववीरं नि यछ ॥३॥
agne 'janiṣṭhā mahate vīryāya brahmaudanāya paktave jātavedaḥ | saptaṛṣayo bhūtakṛtas te tvājījanann asyai rayiṃ sarvavīraṃ ni yacha ||3||
O Agni, thou hast been born unto great heroism, unto the cooking of the brahmán -rice-dish, O Jātavedas; the seven seers, being-makers—they have given thee birth; do thou confirm to this woman wealth with all heroes.
Translated by William Dwight Whitney (1905)
समिद्धो अग्ने समिधा सम् इध्यस्व विद्वान् देवान् यज्ञियां एह वक्षः । तेभ्यो हविः श्रपयं जातवेद उत्तमं नाकम् अधि रोहयेमम् ॥४॥
samiddho agne samidhā sam idhyasva vidvān devān yajñiyāṃ eha vakṣaḥ | tebhyo haviḥ śrapayaṃ jātaveda uttamaṃ nākam adhi rohayemam ||4||
Kindled, O Agni, be thou kindled with kindling (samídh); mayest thou bring hither, knowing, the worshipful gods; for them cooking (çrā) the oblation, O Jātavedas, make thou this man to ascend to the highest firmament (nā́ka).
Translated by William Dwight Whitney (1905)
त्रेधा भागो निहितो यः पुरा वो देवानां पितॄणां मर्त्यानाम् । अंशां जानीध्वं वि भजामि तान् वो यो देवानां स इमां पारयाति ॥५॥
tredhā bhāgo nihito yaḥ purā vo devānāṃ pitṝṇāṃ martyānām | aṃśāṃ jānīdhvaṃ vi bhajāmi tān vo yo devānāṃ sa imāṃ pārayāti ||5||
Threefold is set down the share that is yours of old—of gods, of Fathers, of mortals; know ye the portions (áṅça); I share them out to you; that one that is the gods' shall set this woman across.
Translated by William Dwight Whitney (1905)
अग्ने सहस्वान् अभिभूर् अभीद् असि नीचो न्य् उब्ज द्विषतः सपत्नान् । इयं मात्रा मीयमाना मिता च सजातांस् ते बलिहृतः कृणोतु ॥६॥
agne sahasvān abhibhūr abhīd asi nīco ny ubja dviṣataḥ sapatnān | iyaṃ mātrā mīyamānā mitā ca sajātāṃs te balihṛtaḥ kṛṇotu ||6||
O Agni, powerful, overcoming, thou overcomest; put down (ni-ubj) [our] hating rivals; let this measure (mā́trā), being measured, and measured, make [thy] fellows tribute-bringers to thee.
Translated by William Dwight Whitney (1905)
साकं सजातैः पयसा सहैध्य् उद् उब्जैनां महते वीर्याय । ऊर्ध्वो नाकस्याधि रोह विष्टपं स्वर्गो लोक इति यं वदन्ति ॥७॥
sākaṃ sajātaiḥ payasā sahaidhy ud ubjaināṃ mahate vīryāya | ūrdhvo nākasyādhi roha viṣṭapaṃ svargo loka iti yaṃ vadanti ||7||
In company with thy fellows, be thou united with milk; urge her up unto great heroism; ascend aloft to the summit (viṣṭáp) of the firmament (nā́ka), which they call by the name heavenly world.
Translated by William Dwight Whitney (1905)
इयं मही प्रति गृह्णातु चर्म पृथिवी देवी सुमनस्यमाना । अथ गछेम सुकृतस्य लोकम् ॥८॥
iyaṃ mahī prati gṛhṇātu carma pṛthivī devī sumanasyamānā | atha gachema sukṛtasya lokam ||8||
Let this great one (mahī́) accept the hide, the divine earth, with favoring mind; then may we go to the world of the well-done.
Translated by William Dwight Whitney (1905)
एतौ ग्रावाणौ सयुजा युङ्धि चर्मणि निर्बिन्ध्य् अंशून् यजमानाय साधु । अवघ्नती नि जहि य इमां पृतन्यव ऊर्ध्वं प्रजाम् उद्भरन्त्य् उद् ऊह ॥९॥
etau grāvāṇau sayujā yuṅdhi carmaṇi nirbindhy aṃśūn yajamānāya sādhu | avaghnatī ni jahi ya imāṃ pṛtanyava ūrdhvaṃ prajām udbharanty ud ūha ||9||
Join thou on the hide these two allied stones; split apart the shoots (aṅçú) successfully for the sacrificer; smiting down, smite them that would fight her; bearing up thy progeny aloft, lift up.
Translated by William Dwight Whitney (1905)
गृहाण ग्रावाणौ सकृतौ वीर हस्त आ ते देवा यज्ञिया यज्ञम् अगुः । त्रयो वरा यतमांस् त्वं वृणीषे तास् ते समृद्धीर् इह राधयामि ॥१०॥ १
gṛhāṇa grāvāṇau sakṛtau vīra hasta ā te devā yajñiyā yajñam aguḥ | trayo varā yatamāṃs tvaṃ vṛṇīṣe tās te samṛddhīr iha rādhayāmi ||10|| 1
Seize in thy hand, O hero, the two joint-acting (sakṛ́t) stones; the worshipful gods have come to thy sacrifice; three boons, whichsoever thou choosest—those successes do I here make successful for thee.
Translated by William Dwight Whitney (1905)
इयं ते धीतिर् इदम् उ ते जनित्रं गृह्णातु त्वाम् अदितिः शूरपुत्रा । परा पुनीहि य इमां पृतन्यवो ऽस्यै रयिं सर्ववीरं नि यछ ॥११॥
iyaṃ te dhītir idam u te janitraṃ gṛhṇātu tvām aditiḥ śūraputrā | parā punīhi ya imāṃ pṛtanyavo 'syai rayiṃ sarvavīraṃ ni yacha ||11||
This [is] thy thought (? dhītí) and this thy place of birth; let Aditi, of hero-sons, seize thee; cleanse away them that would fight her; confirm to her wealth with all heroes.
Translated by William Dwight Whitney (1905)
उपश्वसे द्रुवये सीदता यूयं वि विच्यध्वं यज्ञियासस् तुषैः । श्रिया समानान् अति सर्वान्त् स्यामाधस्पदं द्विषतस् पादयामि ॥१२॥
upaśvase druvaye sīdatā yūyaṃ vi vicyadhvaṃ yajñiyāsas tuṣaiḥ | śriyā samānān ati sarvānt syāmādhaspadaṃ dviṣatas pādayāmi ||12||
Sit ye in the wooden blower (? upaçvasá); be ye winnowed, worshipful ones, from the husks. By fortune (çrī́) may we surpass all [our] equals; I make [our] haters to fall under foot.
Translated by William Dwight Whitney (1905)
परेहि नारि पुनर् एहि क्षिप्रम् अपां त्वा गोष्ठो अध्य् अरुक्षद् भराय । तासां गृह्णीताद् यतमा यज्ञिया असन् विभाज्य धीरीतरा जहीतात् ॥१३॥
parehi nāri punar ehi kṣipram apāṃ tvā goṣṭho adhy arukṣad bharāya | tāsāṃ gṛhṇītād yatamā yajñiyā asan vibhājya dhīrītarā jahītāt ||13||
Go away, woman; come back quickly; the stall (goṣṭhá) of the waters hath ascended thee for bearing; seize then of them ⌊f.⌋ whichever shall be worshipful; having shared [them] out wisely, then leave the others.
Translated by William Dwight Whitney (1905)
एमा अगुर् योषितः शुम्भमाना उत् तिष्ठ नारि तवसं रभस्व । सुपत्नी पत्या प्रजया प्रजावत्य् आ त्वागन् यज्ञः प्रति कुम्भं गृभाय ॥१४॥
emā agur yoṣitaḥ śumbhamānā ut tiṣṭha nāri tavasaṃ rabhasva | supatnī patyā prajayā prajāvaty ā tvāgan yajñaḥ prati kumbhaṃ gṛbhāya ||14||
These maidens (yoṣít) have come, adorning themselves; stand up, woman, take hold of the mighty one; well-spoused with husband, progeny-possessing with progeny; to thee hath come the sacrifice; receive thou the vessel (kumbhá).
Translated by William Dwight Whitney (1905)
ऊर्जो भागो निहितो यः पुरा व ऋषिप्रशिष्टाप आ भरैताः । अयं यज्ञो गातुविन् नाथवित् प्रजाविद् उग्रः पशुविद् वीरविद् वो अस्तु ॥१५॥
ūrjo bhāgo nihito yaḥ purā va ṛṣipraśiṣṭāpa ā bharaitāḥ | ayaṃ yajño gātuvin nāthavit prajāvid ugraḥ paśuvid vīravid vo astu ||15||
The portion of refreshment (ū́rj) [is] set down which [is] yours of old; do thou, instructed by the seer, bring these waters; let this sacrifice be for you progress-gaining (gātu-víd), refuge-gaining, progeny-gaining, formidable, cattle-gaining, hero-gaining.
Translated by William Dwight Whitney (1905)
अग्ने चरुर् यज्ञियस् त्वाध्य् अरुक्षच् छुचिस् तपिष्ठस् तपसा तपैनम् । आर्षेया दैवा अभिसंगत्य भागम् इमं तपिष्ठा ऋतुभिस् तपन्तु ॥१६॥
agne carur yajñiyas tvādhy arukṣac chucis tapiṣṭhas tapasā tapainam | ārṣeyā daivā abhisaṃgatya bhāgam imaṃ tapiṣṭhā ṛtubhis tapantu ||16||
O Agni, the worshipful pot hath ascended thee; bright (çúci), very hot, do thou heat it with heat; let those of the seers, those of the gods, gathering unto their share, very hot, heat this with the seasons.
Translated by William Dwight Whitney (1905)
शुद्धाः पूता योषितो यज्ञिया इमा आपश् चरुम् अव सर्पन्तु शुभ्राः । अदुः प्रजां बहुलां पशून् नः पक्तौदनस्य सुकृताम् एतु लोकम् ॥१७॥
śuddhāḥ pūtā yoṣito yajñiyā imā āpaś carum ava sarpantu śubhrāḥ | aduḥ prajāṃ bahulāṃ paśūn naḥ paktaudanasya sukṛtām etu lokam ||17||
Let these cleansed, purified, worshipful maidens, the waters, beauteous ones, creep down to the pot; they have given us abundant progeny, cattle; let the cooker of the rice-dish go to the world of the well-doers.
Translated by William Dwight Whitney (1905)
ब्रह्मणा शुद्धा उत पूता घृतेन सोमस्यांशवस् तण्डुला यज्ञिया इमे । अपः प्र विशत प्रति गृह्णातु वश् चरुर् इमं पक्त्वा सुकृताम् एत लोकम् ॥१८॥
brahmaṇā śuddhā uta pūtā ghṛtena somasyāṃśavas taṇḍulā yajñiyā ime | apaḥ pra viśata prati gṛhṇātu vaś carur imaṃ paktvā sukṛtām eta lokam ||18||
Cleansed with prayer (bráhman) and purified with ghee, shoots of Soma [are] these worshipful rice-grains; enter ye the waters; let the pot receive you; having cooked this, go ye to the world of the well-doers.
Translated by William Dwight Whitney (1905)
उरुः प्रथस्व महता महिम्ना सहस्रपृष्ठः सुकृतस्य लोके । पितामहाः पितरः प्रजोपजाहं पक्ता पञ्चदशस् ते अस्मि ॥१९॥
uruḥ prathasva mahatā mahimnā sahasrapṛṣṭhaḥ sukṛtasya loke | pitāmahāḥ pitaraḥ prajopajāhaṃ paktā pañcadaśas te asmi ||19||
Spread thyself broad, with great greatness, thousand-backed, in the world of the well-done: grandfathers, fathers, progeny, descendants (upajā́): I am thy fifteen-fold cooker.
Translated by William Dwight Whitney (1905)
सहस्रपृष्ठः शतधारो अक्षितो ब्रह्मौदनो देवयानः स्वर्गः । अमूंस् त आ दधामि प्रजया रेषयैनान् बलिहाराय मृडतान् मह्यम् एव ॥२०॥ २
sahasrapṛṣṭhaḥ śatadhāro akṣito brahmaudano devayānaḥ svargaḥ | amūṃs ta ā dadhāmi prajayā reṣayainān balihārāya mṛḍatān mahyam eva ||20|| 2
Thousand-backed, hundred-streamed, unexhausted, [is] the brahmán -rice-dish, god-traveled, heaven-going; them yonder I assign to thee; lessen (?) thou them with progeny; be gracious then to me [as] bringer of tribute.
Translated by William Dwight Whitney (1905)
उदेहि वेदिं प्रजया वर्धयैनां नुदस्व रक्षः प्रतरं धेह्य् एनाम् । श्रिया समानान् अति सर्वान्त् स्यामाधस्पदं द्विषतस् पादयामि ॥२१॥
udehi vediṃ prajayā vardhayaināṃ nudasva rakṣaḥ prataraṃ dhehy enām | śriyā samānān ati sarvānt syāmādhaspadaṃ dviṣatas pādayāmi ||21||
Go thou up to the sacrificial hearth; increase her with progeny; push [away] the demon; set her further forward; by fortune may we surpass all [our] equals; I make [our] haters to fall under foot.
Translated by William Dwight Whitney (1905)
अभ्यावर्तस्व पशुभिः सहैनां प्रत्यङ्ङ् एनां देवताभिः सहैधि । मा त्वा प्रापच् छपथो माभिचारः स्वे क्षेत्रे अनमीवा वि राज ॥२२॥
abhyāvartasva paśubhiḥ sahaināṃ pratyaṅṅ enāṃ devatābhiḥ sahaidhi | mā tvā prāpac chapatho mābhicāraḥ sve kṣetre anamīvā vi rāja ||22||
Turn thou toward her together with cattle; be opposite to her together with the divinities; let not curse attain thee, nor witchcraft (abhicārá); bear rule (vi-rāj) in thine own field (kṣétra), free from disease.
Translated by William Dwight Whitney (1905)
ऋतेन तष्टा मनसा हितैषा ब्रह्मौदनस्य विहिता वेदिर् अग्रे । अंसध्रीं शुद्धाम् उप धेहि नारि तत्रौदनं सादय दैवानाम् ॥२३॥
ṛtena taṣṭā manasā hitaiṣā brahmaudanasya vihitā vedir agre | aṃsadhrīṃ śuddhām upa dhehi nāri tatraudanaṃ sādaya daivānām ||23||
Fashioned by righteousness (ṛtá), set by mind, this was ordained in the beginning the sacrificial hearth of the brahmán -rice-dish; apply, O woman, the cleansed shoulder-bearer (?); on that set the rice-dish of them of the gods.
Translated by William Dwight Whitney (1905)
अदितेर् हस्तां स्रुचम् एतां द्वितीयां सप्तऋषयो भूतकृतो याम् अकृण्वन् । सा गात्राणि विदुष्य् ओदनस्य दर्विर् वेद्याम् अध्य् एनं चिनोतु ॥२४॥
aditer hastāṃ srucam etāṃ dvitīyāṃ saptaṛṣayo bhūtakṛto yām akṛṇvan | sā gātrāṇi viduṣy odanasya darvir vedyām adhy enaṃ cinotu ||24||
Aditi's hand, this second ladle (srúc), which the seven seers, being-makers, made—let that spoon, knowing the members of the rice-dish, collect it upon the sacrificial hearth.
Translated by William Dwight Whitney (1905)
शृतं त्वा हव्यम् उप सीदन्तु दैवा निःसृप्याग्नेः पुनर् एनान् प्र सीद । सोमेन पूतो जठरे सीद ब्रह्मणाम् आर्षेयास् ते मा रिषन् प्राशितारः ॥२५॥
śṛtaṃ tvā havyam upa sīdantu daivā niḥsṛpyāgneḥ punar enān pra sīda | somena pūto jaṭhare sīda brahmaṇām ārṣeyās te mā riṣan prāśitāraḥ ||25||
Let them of the gods sit by thee, a cooked (çṛtá) oblation; having crept out of the fire, sit thou forward again to them; purified by soma, sit thou in the belly of the worshipers (brahmán); let not them of the seers, partakers (prāçitṛ́) of thee, suffer harm.
Translated by William Dwight Whitney (1905)
सोम राजन्त् संज्ञानम् आ वपैभ्यः सुब्राह्मणा यतमे त्वोपसीदान् । ऋषीन् आर्षेयांस् तपसो ऽधि जातान् ब्रह्मौदने सुहवा जोहवीमि ॥२६॥
soma rājant saṃjñānam ā vapaibhyaḥ subrāhmaṇā yatame tvopasīdān | ṛṣīn ārṣeyāṃs tapaso 'dhi jātān brahmaudane suhavā johavīmi ||26||
O king Soma, strew harmony for them, for whatsoever good Brahmans shall sit by thee; with good call, I call loudly to the brahmán -rice-dish the seers, them of the seers, born from penance (tápas).
Translated by William Dwight Whitney (1905)
शुद्धाः पूता योषितो यज्ञिया इमा ब्रह्मणां हस्तेषु प्रपृथक् सादयामि । यत्काम इदम् अभिषिञ्चामि वो ऽहम् इन्द्रो मरुत्वान्त् स ददाद् इदं मे ॥२७॥
śuddhāḥ pūtā yoṣito yajñiyā imā brahmaṇāṃ hasteṣu prapṛthak sādayāmi | yatkāma idam abhiṣiñcāmi vo 'ham indro marutvānt sa dadād idaṃ me ||27||
These cleansed purified worshipful maidens I seat in separate succession in the hands of the priests (brahmán); with what desire I now pour you on, may Indra here with the Maruts grant me that.
Translated by William Dwight Whitney (1905)
इदं मे ज्योतिर् अमृतं हिरण्यं पक्वं क्षेत्रात् कामदुघा म एषा । इदं धनं नि दधे ब्राह्मणेषु कृण्वे पन्थां पितृषु यः स्वर्गः ॥२८॥
idaṃ me jyotir amṛtaṃ hiraṇyaṃ pakvaṃ kṣetrāt kāmadughā ma eṣā | idaṃ dhanaṃ ni dadhe brāhmaṇeṣu kṛṇve panthāṃ pitṛṣu yaḥ svargaḥ ||28||
This my light (jyótis), immortal gold, cooked (pakvá) from the field, this my desire-milker; this riches I deposit in the Brahmans; I make a road to the Fathers that is heaven-going.
Translated by William Dwight Whitney (1905)
अग्नौ तुषान् आ वप जातवेदसि परः कम्बूकां अप मृड्ढि दूरम् । एतं शुश्रुम गृहराजस्य भागम् अथो विद्म निरृतेर् भागधेयम् ॥२९॥
agnau tuṣān ā vapa jātavedasi paraḥ kambūkāṃ apa mṛḍḍhi dūram | etaṃ śuśruma gṛharājasya bhāgam atho vidma nirṛter bhāgadheyam ||29||
Strew thou the husks in the fire, in Jātavedas; wipe off far away the chaff (? kambū́kān); this we have heard to be the share of the house-king; also we know the portion (bhāgadhéya) of Perdition (nírṛti).
Translated by William Dwight Whitney (1905)
श्राम्यतः पचतो विद्धि सुन्वतः पन्थां स्वर्गम् अधि रोहयैनम् । येन रोहात् परम् आपद्य यद् वय उत्तमं नाकं परमं व्योम ॥३०॥ ३
śrāmyataḥ pacato viddhi sunvataḥ panthāṃ svargam adhi rohayainam | yena rohāt param āpadya yad vaya uttamaṃ nākaṃ paramaṃ vyoma ||30|| 3
Know thou the toiling, cooking, soma-pressing one; make him to ascend the heaven-going road, by which he may ascend, arriving at the vigor that is beyond, to the highest firmament, to the furthest vault (vyòmati).
Translated by William Dwight Whitney (1905)
बभ्रेर् अध्वर्यो मुखम् एतद् वि मृड्ढ्य् आज्याय लोकं कृणुहि प्रविद्वान् । घृतेन गात्रानु सर्वा वि मृड्ढि कृण्वे पन्थां पितृषु यः स्वर्गः ॥३१॥
babhrer adhvaryo mukham etad vi mṛḍḍhy ājyāya lokaṃ kṛṇuhi pravidvān | ghṛtena gātrānu sarvā vi mṛḍḍhi kṛṇve panthāṃ pitṛṣu yaḥ svargaḥ ||31||
Wipe off, O serving priest (adhvaryú), this face of the bearing one (? babhrí); make thou, understanding it, room for the sacrificial butter; wipe off with ghee along all [its] members; I make a road to the Fathers that is heaven-going.
Translated by William Dwight Whitney (1905)
बभ्रे रक्षः समदम् आ वपैभ्यो ऽब्राह्मणा यतमे त्वोपसीदान् । पुरीषिणः प्रथमानाः पुरस्ताद् आर्षेयास् ते मा रिषन् प्राशितारः ॥३२॥
babhre rakṣaḥ samadam ā vapaibhyo 'brāhmaṇā yatame tvopasīdān | purīṣiṇaḥ prathamānāḥ purastād ārṣeyās te mā riṣan prāśitāraḥ ||32||
O bearing one, [as] a demon, strew discord for them, for whatsoever non-Brahmans shall sit by thee; rich in ground (? purīṣín), spreading themselves forward, let not them of the seers, partakers of thee, suffer harm.
Translated by William Dwight Whitney (1905)
आर्षेयेषु नि दध ओदन त्वा नानार्षेयाणाम् अप्य् अस्त्य् अत्र । अग्निर् मे गोप्ता मरुतश् च सर्वे विश्वे देवा अभि रक्षन्तु पक्वम् ॥३३॥
ārṣeyeṣu ni dadha odana tvā nānārṣeyāṇām apy asty atra | agnir me goptā marutaś ca sarve viśve devā abhi rakṣantu pakvam ||33||
I set thee down, O rice-dish, among them of the seers; for them that are not of the seers there is no portion here; let Agni my guardian, and all the Maruts, let all the gods defend the cooked [offering].
Translated by William Dwight Whitney (1905)
यज्ञं दुहानं सदम् इत् प्रपीनं पुमांसं धेनुं सदनं रयीणाम् । प्रजामृतत्वम् उत दीर्घम् आयू रायश् च पोषैर् उप त्वा सदेम ॥३४॥
yajñaṃ duhānaṃ sadam it prapīnaṃ pumāṃsaṃ dhenuṃ sadanaṃ rayīṇām | prajāmṛtatvam uta dīrgham āyū rāyaś ca poṣair upa tvā sadema ||34||
The offering, yielding milk (duh), constantly full (prápīna), a male (púmāṅs) milch-cow, seat of wealth, immortality through offspring, and a long life-time—and may we sit by thee with abundance (pl.) of wealth.
Translated by William Dwight Whitney (1905)
वृषभो ऽसि स्वर्ग ऋषीन् आर्षेयान् गछ । सुकृतां लोके सीद तत्र नौ संस्कृतम् ॥३५॥
vṛṣabho 'si svarga ṛṣīn ārṣeyān gacha | sukṛtāṃ loke sīda tatra nau saṃskṛtam ||35||
Thou art a heaven-going bull; go to the seers, to them of the seers; sit in the world of the well-doing; there is there preparation (saṁskṛtá) for us both.
Translated by William Dwight Whitney (1905)
समाचिनुष्वानुसंप्रयाह्य् अग्ने पथः कल्पय देवयानान् । एतैः सुकृतैर् अनु गछेम यज्ञं नाके तिष्ठन्तम् अधि सप्तरश्मौ ॥३६॥
samācinuṣvānusaṃprayāhy agne pathaḥ kalpaya devayānān | etaiḥ sukṛtair anu gachema yajñaṃ nāke tiṣṭhantam adhi saptaraśmau ||36||
Gather thou together unto, go thou together forth after; O Agni, make ready (kalpay-) the roads traveled by the gods; by them, well-made, may we go after the offering, that stands upon the seven-rayed firmament.
Translated by William Dwight Whitney (1905)
येन देवा ज्योतिषा द्याम् उदायन् ब्रह्मौदनं पक्त्वा सुकृतस्य लोकम् । तेन गेष्म सुकृतस्य लोकं स्वर् आरोहन्तो अभि नाकम् उत्तमम् ॥३७॥ ४
yena devā jyotiṣā dyām udāyan brahmaudanaṃ paktvā sukṛtasya lokam | tena geṣma sukṛtasya lokaṃ svar ārohanto abhi nākam uttamam ||37|| 4
With what light the gods went up to the sky, having cooked the brahmán -rice-dish, to the world of the well-done, with that may we go to the world of the well-done, ascending the heaven, unto the highest firmament.
Translated by William Dwight Whitney (1905)
भवाशर्वौ मृडतं माभि यातं भूतपती पशुपती नमो वाम् । प्रतिहिताम् आयतां मा वि स्राष्टं मा नो हिंसिष्टं द्विपदो मा चतुष्पदः ॥१॥
bhavāśarvau mṛḍataṃ mābhi yātaṃ bhūtapatī paśupatī namo vām | pratihitām āyatāṃ mā vi srāṣṭaṃ mā no hiṃsiṣṭaṃ dvipado mā catuṣpadaḥ ||1||
O Bhava-and-Çarva, be gracious; do not go against [us]; ye lords of beings, lords of cattle, homage to you! [the arrow] that is fitted, that is drawn, do not let fly; do not harm our bipeds nor quadrupeds.
Translated by William Dwight Whitney (1905)
शुने क्रोष्ट्रे मा शरीराणि कर्तम् अलिक्लवेभ्यो गृध्रेभ्यो ये च कृष्णा अविष्यवः । मक्षिकास् ते पशुपते वयांसि ते विघसे मा विदन्त ॥२॥
śune kroṣṭre mā śarīrāṇi kartam aliklavebhyo gṛdhrebhyo ye ca kṛṣṇā aviṣyavaḥ | makṣikās te paśupate vayāṃsi te vighase mā vidanta ||2||
Make ye not bodies for the dog, the jackal, for the buzzards (? alíklava), the vultures, and them that are black [and] greedy (aviṣyú); let thy flies, lord of cattle, let thy birds not find themselves at food.
Translated by William Dwight Whitney (1905)
क्रन्दाय ते प्राणाय याश् च ते भव रोपयः । नमस् ते रुद्र कृण्मः सहस्राक्षायामर्त्य ॥३॥
krandāya te prāṇāya yāś ca te bhava ropayaḥ | namas te rudra kṛṇmaḥ sahasrākṣāyāmartya ||3||
Unto thy noise (? kránda), [thy] breath, and what pangs (? rópi) are thine, O Bhava—homage we pay to thee that art thousand-eyed, O Rudra, immortal one.
Translated by William Dwight Whitney (1905)
पुरस्तात् ते नमः कृण्म उत्तराद् अधराद् उत । अभीवर्गाद् दिवस् पर्य् अन्तरिक्षाय ते नमः ॥४॥
purastāt te namaḥ kṛṇma uttarād adharād uta | abhīvargād divas pary antarikṣāya te namaḥ ||4||
We pay thee homage in front, above, also below; forth from the sphere of the sky, homage [be] to thine atmosphere.
Translated by William Dwight Whitney (1905)
मुखाय ते पशुपते यानि चक्षूंषि ते भव । त्वचे रूपाय संदृशे प्रतीचीनाय ते नमः ॥५॥
mukhāya te paśupate yāni cakṣūṃṣi te bhava | tvace rūpāya saṃdṛśe pratīcīnāya te namaḥ ||5||
To thy face, O lord of cattle; the eyes that thou hast, O Bhava; to [thy] skin, form, aspect, to thee standing opposite [be] homage.
Translated by William Dwight Whitney (1905)
अङ्गेभ्यस् त उदराय जिह्वाया आस्याय ते । दद्भ्यो गन्धाय ते नमः ॥६॥
aṅgebhyas ta udarāya jihvāyā āsyāya te | dadbhyo gandhāya te namaḥ ||6||
To thy members, belly, tongue, thy mouth, to thy teeth, smell, [be] homage.
Translated by William Dwight Whitney (1905)
अस्त्रा नीलशिखण्डेन सहस्राक्षेण वाजिना । रुद्रेणार्धकघातिना तेन मा सम् अरामहि ॥७॥
astrā nīlaśikhaṇḍena sahasrākṣeṇa vājinā | rudreṇārdhakaghātinā tena mā sam arāmahi ||7||
With the blue-locked archer, the thousand-eyed, vigorous, with Rudra, the half-smiter (?)—with him may we not come into collision (sam-ṛ).
Translated by William Dwight Whitney (1905)
स नो भवः परि वृणक्तु विश्वत आप इवाग्निः परि वृणक्तु नो भवः । मा नो ऽभि मांस्त नमो अस्त्व् अस्मै ॥८॥
sa no bhavaḥ pari vṛṇaktu viśvata āpa ivāgniḥ pari vṛṇaktu no bhavaḥ | mā no 'bhi māṃsta namo astv asmai ||8||
Let this Bhava avoid us on every side; as fire the waters, let Bhava avoid us; let him not plot against us; homage be to him.
Translated by William Dwight Whitney (1905)
चतुर् नमो अष्टकृत्वो भवाय दश कृत्वः पशुपते नमस् ते । तवेमे पञ्च पशवो विभक्ता गावो अश्वाः पुरुषा अजावयः ॥९॥
catur namo aṣṭakṛtvo bhavāya daśa kṛtvaḥ paśupate namas te | taveme pañca paśavo vibhaktā gāvo aśvāḥ puruṣā ajāvayaḥ ||9||
Four times ⌊ catús ⌋ homage, eight times, to Bhava; ten times, O lord of cattle, be homage to thee; thine are shared out these five creatures (paçú)—cows, horses, men, sheep and goats.
Translated by William Dwight Whitney (1905)
तव चतस्रः प्रदिशस् तव द्यौस् तव पृथिवी तवेदम् उग्रोर्व् अन्तरिक्षम् । तवेदं सर्वम् आत्मन्वद् यत् प्राणत् पृथिवीम् अनु ॥१०॥ ५
tava catasraḥ pradiśas tava dyaus tava pṛthivī tavedam ugrorv antarikṣam | tavedaṃ sarvam ātmanvad yat prāṇat pṛthivīm anu ||10|| 5
Thine are the four directions, thine the heaven, thine the earth, thine, O formidable one, this wide atmosphere, thine is all this that has life (ātmán), that is breathing upon (ánu) the earth.
Translated by William Dwight Whitney (1905)
उरुः कोशो वसुधानस् तवायं यस्मिन्न् इमा विश्वा भुवनान्य् अन्तः । स नो मृड पशुपते नमस् ते परः क्रोष्टारो अभिभाः श्वानः परो यन्त्व् अघरुदो विकेश्यः ॥११॥
uruḥ kośo vasudhānas tavāyaṃ yasminn imā viśvā bhuvanāny antaḥ | sa no mṛḍa paśupate namas te paraḥ kroṣṭāro abhibhāḥ śvānaḥ paro yantv agharudo vikeśyaḥ ||11||
This wide vessel, holder of good things, is thine, within which are all these beings; do thou be gracious to us, O lord of cattle; homage to thee; away let the jackals, the portents (abhibhā́), the dogs go, away the weepers of evil with disheveled hair.
Translated by William Dwight Whitney (1905)
धनुर् बिभर्षि हरितं हिरण्ययं सहस्रघ्निं शतवधं शिखण्डिन् । रुद्रस्येषुश् चरति देवहेतिस् तस्यै नमो यतमस्यां दिशीतः ॥१२॥
dhanur bibharṣi haritaṃ hiraṇyayaṃ sahasraghniṃ śatavadhaṃ śikhaṇḍin | rudrasyeṣuś carati devahetis tasyai namo yatamasyāṃ diśītaḥ ||12||
Thou bearest a yellow golden bow, a thousand-slaying, hundred-weaponed, O tufted one; Rudra's arrow goes, a god-missile; to that be homage, in whichever direction from here.
Translated by William Dwight Whitney (1905)
यो ऽभियातो निलयते त्वां रुद्र निचिकीर्षति । पश्चाद् अनुप्रयुङ्क्षे तं विद्धस्य पदनीर् इव ॥१३॥
yo 'bhiyāto nilayate tvāṃ rudra nicikīrṣati | paścād anuprayuṅkṣe taṃ viddhasya padanīr iva ||13||
He who, attacked (abhi-yā), hides himself, [who] tries to put thee down, O Rudra, him from behind thou pursuest, like the tracker (? padanī́) of one that is pierced.
Translated by William Dwight Whitney (1905)
भवारुद्रौ सयुजा संविदानाव् उभाव् उग्रौ चरतो वीर्याय । ताभ्यां नमो यतमस्यां दिशीतः ॥१४॥
bhavārudrau sayujā saṃvidānāv ubhāv ugrau carato vīryāya | tābhyāṃ namo yatamasyāṃ diśītaḥ ||14||
Bhava-and-Rudra, allied, in concord, both go about, formidable, unto heroism; to them be homage, in whichever direction from here.
Translated by William Dwight Whitney (1905)
नमस् ते अस्त्व् आयते नमो अस्तु परायते । नमस् ते रुद्र तिष्ठत आसीनायोत ते नमः ॥१५॥
namas te astv āyate namo astu parāyate | namas te rudra tiṣṭhata āsīnāyota te namaḥ ||15||
Homage be to thee coming, homage be [to thee] going away; homage to thee, O Rudra, standing; to thee sitting also [be] homage.
Translated by William Dwight Whitney (1905)
नमः सायं नमः प्रातर् नमो रात्र्या नमो दिवा । भवाय च शर्वाय चोभाभ्याम् अकरं नमः ॥१६॥
namaḥ sāyaṃ namaḥ prātar namo rātryā namo divā | bhavāya ca śarvāya cobhābhyām akaraṃ namaḥ ||16||
Homage in the evening, homage in the morning, homage by night, homage by day; to Bhava and to Çarva, to both have I paid homage.
Translated by William Dwight Whitney (1905)
सहस्राक्षम् अतिपश्यं पुरस्ताद् रुद्रम् अस्यन्तं बहुधा विपश्चितम् । मोपाराम जिह्वयेयमानम् ॥१७॥
sahasrākṣam atipaśyaṃ purastād rudram asyantaṃ bahudhā vipaścitam | mopārāma jihvayeyamānam ||17||
With the thousand-eyed one, seeing across in front, with Rudra, hurling in many places, inspired one, may we not come in collision, as he goes about (ī́ya-) with the tongue.
Translated by William Dwight Whitney (1905)
श्यावाश्वं कृष्णम् असितं मृणन्तं भीमं रथं केशिनः पादयन्तम् । पूर्वे प्रतीमो नमो अस्त्व् अस्मै ॥१८॥
śyāvāśvaṃ kṛṣṇam asitaṃ mṛṇantaṃ bhīmaṃ rathaṃ keśinaḥ pādayantam | pūrve pratīmo namo astv asmai ||18||
We go forward (pū́rva) to meet him of dark horses, black, swarthy, killing, fearful, making to fall the chariot of the hairy one (keçín); homage be to him.
Translated by William Dwight Whitney (1905)
मा नो ऽभि स्रा मत्यं देवहेतिं मा नः क्रुधः पशुपते नमस् ते । अन्यत्रास्मद् दिव्यां शाखां वि धूनु ॥१९॥
mā no 'bhi srā matyaṃ devahetiṃ mā naḥ krudhaḥ paśupate namas te | anyatrāsmad divyāṃ śākhāṃ vi dhūnu ||19||
Do not let fly at us the club (? matyà), the god-missile; be not angry at us, O lord of cattle; homage to thee; elsewhere than [over] us shake out the heavenly bough.
Translated by William Dwight Whitney (1905)
मा नो हिंसीर् अधि नो ब्रूहि परि णो वृङ्धि मा क्रुधः । मा त्वया सम् अरामहि ॥२०॥ ६
mā no hiṃsīr adhi no brūhi pari ṇo vṛṅdhi mā krudhaḥ | mā tvayā sam arāmahi ||20|| 6
Do not harm us; bless us; avoid us; be not angry; let us not come into collision with thee.
Translated by William Dwight Whitney (1905)
मा नो गोषु पुरुषेषु मा गृधो नो अजाविषु । अन्यत्रोग्र वि वर्तय पियारूणां प्रजां जहि ॥२१॥
mā no goṣu puruṣeṣu mā gṛdho no ajāviṣu | anyatrogra vi vartaya piyārūṇāṃ prajāṃ jahi ||21||
[Be] not [greedy] for our kine, our men; be not greedy for our goats and sheep; elsewhere, O formidable one, roll forth [thy missile]; smite the progeny of the mockers (píyāru).
Translated by William Dwight Whitney (1905)
यस्य तक्मा कासिका हेतिर् एकम् अश्वस्येव वृषणः क्रन्द एति । अभिपूर्वं निर्णयते नमो अस्त्व् अस्मै ॥२२॥
yasya takmā kāsikā hetir ekam aśvasyeva vṛṣaṇaḥ kranda eti | abhipūrvaṃ nirṇayate namo astv asmai ||22||
Of whom the takmán, the kā́sikā, goes as one weapon, like the noise of a stallion horse, to him, leading out in succession, be homage.
Translated by William Dwight Whitney (1905)
यो ऽन्तरिक्षे तिष्ठति विष्टभितो ऽयज्वनः प्रमृणन् देवपीयून् । तस्मै नमो दशभिः शक्वरीभिः ॥२३॥
yo 'ntarikṣe tiṣṭhati viṣṭabhito 'yajvanaḥ pramṛṇan devapīyūn | tasmai namo daśabhiḥ śakvarībhiḥ ||23||
He who stands propped up in the atmosphere, killing the non-sacrificing, the god-mockers—to him be homage with the ten clever ones (çákvarī).
Translated by William Dwight Whitney (1905)
तुभ्यम् आरण्याः पशवो मृगा वने हिता हंसाः सुपर्णाः शकुना वयांसि । तव यक्षं पशुपते अप्स्व् अन्तस् तुभ्यं क्षरन्ति दिव्या आपो वृधे ॥२४॥
tubhyam āraṇyāḥ paśavo mṛgā vane hitā haṃsāḥ suparṇāḥ śakunā vayāṃsi | tava yakṣaṃ paśupate apsv antas tubhyaṃ kṣaranti divyā āpo vṛdhe ||24||
To thee are assigned the forest animals ⌊paçú⌋, the wild beasts in the woods, the geese (haṅsá), eagles, hawks, birds; thine, O lord of cattle, is the monster (? yakṣá) within the waters; for thine increase flow the waters of the heaven.
Translated by William Dwight Whitney (1905)
शिंशुमारा अजगराः पुरीकया जषा मत्स्या रजसा येभ्यो अस्यसि । न ते दूरं न परिष्ठास्ति ते भव सद्यः सर्वां परि पश्यसि भूमिं पूर्वस्माद् धंस्य् उत्तरस्मिन्त् समुद्रे ॥२५॥
śiṃśumārā ajagarāḥ purīkayā jaṣā matsyā rajasā yebhyo asyasi | na te dūraṃ na pariṣṭhāsti te bhava sadyaḥ sarvāṃ pari paśyasi bhūmiṃ pūrvasmād dhaṃsy uttarasmint samudre ||25||
The dolphins (çiṅçumā́ra), boas (ajagará), purīkáyas, jashás, fishes, rajasás, at which thou hurlest: there is no distance for thee nor hindrance for thee, O Bhava; at once thou loolcest over the whole earth; from the eastern thou smitest in the northern ocean.
Translated by William Dwight Whitney (1905)
मा नो रुद्र तक्मना मा विषेण मा नः सं स्रा दिव्येनाग्निना । अन्यत्रास्मद् विद्युतं पातयैताम् ॥२६॥
mā no rudra takmanā mā viṣeṇa mā naḥ saṃ srā divyenāgninā | anyatrāsmad vidyutaṃ pātayaitām ||26||
Do not, O Rudra, unite (sam-sṛj) us with the takmán, not with poison, not with the fire of heaven; elsewhere than [on] us make that lightning fall.
Translated by William Dwight Whitney (1905)
भवो दिवो भव ईशे पृथिव्या भव आ पप्र उर्व् अन्तरिक्षम् । तस्यै नमो यतमस्यां दिशीतः ॥२७॥
bhavo divo bhava īśe pṛthivyā bhava ā papra urv antarikṣam | tasyai namo yatamasyāṃ diśītaḥ ||27||
Bhava is master (īç) of the heaven, Bhava of the earth; Bhava has filled the wide atmosphere; to him be homage, in whichever direction from here.
Translated by William Dwight Whitney (1905)
भव राजन् यजमानाय मृड पशूनां हि पशुपतिर् बभूथ । यः श्रद्दधाति सन्ति देवा इति चतुष्पदे द्विपदे ऽस्य मृड ॥२८॥
bhava rājan yajamānāya mṛḍa paśūnāṃ hi paśupatir babhūtha | yaḥ śraddadhāti santi devā iti catuṣpade dvipade 'sya mṛḍa ||28||
O king Bhava, be gracious to the sacrificer, for thou hast become cattle-lord of cattle; whoever has faith, saying "the gods are," be thou gracious to his bipeds [and] quadrupeds.
Translated by William Dwight Whitney (1905)
मा नो महान्तम् उत मा नो अर्भकं मा नो वहन्तम् उत मा नो वक्ष्यतः । मा नो हिंसीः पितरं मातरं च स्वां तन्वं रुद्र मा रीरिषो नः ॥२९॥
mā no mahāntam uta mā no arbhakaṃ mā no vahantam uta mā no vakṣyataḥ | mā no hiṃsīḥ pitaraṃ mātaraṃ ca svāṃ tanvaṃ rudra mā rīriṣo naḥ ||29||
Not our great one, and not our small, not our carrying one, and not those that will carry, not our father and mother do thou harm; our own self (tanū́), O Rudra, do not injure.
Translated by William Dwight Whitney (1905)
रुद्रस्यैलबकारेभ्यो ऽसंसूक्तगिलेभ्यः । इदं महास्येभ्यः श्वभ्यो अकरं नमः ॥३०॥
rudrasyailabakārebhyo 'saṃsūktagilebhyaḥ | idaṃ mahāsyebhyaḥ śvabhyo akaraṃ namaḥ ||30||
To Rudra's howl-making, unhymned-swallowing (?), great-mouthed dogs I have paid this homage.
Translated by William Dwight Whitney (1905)
नमस् ते घोषिणीभ्यो नमस् ते केशिनीभ्यः । नमो नमस्कृताभ्यो नमः संभुञ्जतीभ्यः । नमस् ते देव सेनाभ्यः स्वस्ति नो अभयं च नः ॥३१॥ ७
namas te ghoṣiṇībhyo namas te keśinībhyaḥ | namo namaskṛtābhyo namaḥ saṃbhuñjatībhyaḥ | namas te deva senābhyaḥ svasti no abhayaṃ ca naḥ ||31|| 7
Homage to thy noisy ones, homage to thy hairy ones, homage to those to whom homage is paid, homage to the jointly-enjoying—homage, [namely], O god, to thine armies; welfare [be] to us, and fearlessness to us.
Translated by William Dwight Whitney (1905)
तस्यौदनस्य बृहस्पतिः शिरो ब्रह्म मुखम् ॥१॥
tasyaudanasya bṛhaspatiḥ śiro brahma mukham ||1||
Sanskrit only: no published translation is held for this verse.
द्यावापृथिवी श्रोत्रे सूर्याचन्द्रमसाव् अक्षिणी सप्तऋषयः प्राणापानाः ॥२॥
dyāvāpṛthivī śrotre sūryācandramasāv akṣiṇī saptaṛṣayaḥ prāṇāpānāḥ ||2||
Sanskrit only: no published translation is held for this verse.
चक्षुर् मुसलं काम उलूखलम् ॥३॥
cakṣur musalaṃ kāma ulūkhalam ||3||
Sanskrit only: no published translation is held for this verse.
दितिः शूर्पम् अदितिः शूर्पग्राही वातो ऽपाविनक् ॥४॥
ditiḥ śūrpam aditiḥ śūrpagrāhī vāto 'pāvinak ||4||
Sanskrit only: no published translation is held for this verse.
अश्वाः कणा गावस् तण्डुला मशकास् तुषाः ॥५॥
aśvāḥ kaṇā gāvas taṇḍulā maśakās tuṣāḥ ||5||
Sanskrit only: no published translation is held for this verse.
कब्रु फलीकरणाः शरो ऽभ्रम् ॥६॥
kabru phalīkaraṇāḥ śaro 'bhram ||6||
Sanskrit only: no published translation is held for this verse.
श्यामम् अयो ऽस्य मांसानि लोहितम् अस्य लोहितम् ॥७॥
śyāmam ayo 'sya māṃsāni lohitam asya lohitam ||7||
Sanskrit only: no published translation is held for this verse.
त्रपु भस्म हरितं वर्णः पुष्करम् अस्य गन्धः ॥८॥
trapu bhasma haritaṃ varṇaḥ puṣkaram asya gandhaḥ ||8||
Sanskrit only: no published translation is held for this verse.
खलः पात्रं स्फ्याव् अंसाव् ईषे अनूक्ये ॥९॥
khalaḥ pātraṃ sphyāv aṃsāv īṣe anūkye ||9||
Sanskrit only: no published translation is held for this verse.
आन्त्राणि जत्रवो गुदा वरत्राः ॥१०॥
āntrāṇi jatravo gudā varatrāḥ ||10||
Sanskrit only: no published translation is held for this verse.
इयम् एव पृथिवी कुम्भी भवति राध्यमानस्यौदनस्य द्यौर् अपिधानम् ॥११॥
iyam eva pṛthivī kumbhī bhavati rādhyamānasyaudanasya dyaur apidhānam ||11||
Sanskrit only: no published translation is held for this verse.
सीताः पर्शवः सिकता ऊबध्यम् ॥१२॥
sītāḥ parśavaḥ sikatā ūbadhyam ||12||
Sanskrit only: no published translation is held for this verse.
ऋतं हस्तावनेजनं कुल्योपसेचनम् ॥१३॥
ṛtaṃ hastāvanejanaṃ kulyopasecanam ||13||
Sanskrit only: no published translation is held for this verse.
ऋचा कुम्भ्य् अधिहितार्त्विज्येन प्रेषिता ॥१४॥
ṛcā kumbhy adhihitārtvijyena preṣitā ||14||
Sanskrit only: no published translation is held for this verse.
ब्रह्मणा परिगृहीता साम्ना पर्यूढा ॥१५॥
brahmaṇā parigṛhītā sāmnā paryūḍhā ||15||
Sanskrit only: no published translation is held for this verse.
बृहद् आयवनं रथन्तरं दर्विः ॥१६॥
bṛhad āyavanaṃ rathantaraṃ darviḥ ||16||
Sanskrit only: no published translation is held for this verse.
ऋतवः पक्तार आर्तवाः सम् इन्धते ॥१७॥
ṛtavaḥ paktāra ārtavāḥ sam indhate ||17||
Sanskrit only: no published translation is held for this verse.
चरुं पञ्चबिलम् उखं घर्मो ऽभीन्धे ॥१८॥ [नोते चोर्रिगेन्द्अ एद्। श्प्प्]
caruṃ pañcabilam ukhaṃ gharmo 'bhīndhe ||18|| [note CORRIGENDA ed. ŚPP]
Sanskrit only: no published translation is held for this verse.
ओदनेन यज्ञवतः सर्वे लोकाः समाप्याः ॥१९॥
odanena yajñavataḥ sarve lokāḥ samāpyāḥ ||19||
Sanskrit only: no published translation is held for this verse.
यस्मिन्त् समुद्रो द्यौर् भूमिस् त्रयो ऽवरपरं श्रिताः ॥२०॥
yasmint samudro dyaur bhūmis trayo 'varaparaṃ śritāḥ ||20||
Sanskrit only: no published translation is held for this verse.
यस्य देवा अकल्पन्तोच्छिष्टे षड् अशीतयः ॥२१॥
yasya devā akalpantocchiṣṭe ṣaḍ aśītayaḥ ||21||
Sanskrit only: no published translation is held for this verse.
तं त्वौदनस्य पृछामि यो अस्य महिमा महान् ॥२२॥
taṃ tvaudanasya pṛchāmi yo asya mahimā mahān ||22||
Sanskrit only: no published translation is held for this verse.
स य ओदनस्य महिमानं विद्यात् ॥२३॥
sa ya odanasya mahimānaṃ vidyāt ||23||
Sanskrit only: no published translation is held for this verse.
नाल्प इति ब्रूयान् नानुपसेचन इति नेदं च किं चेति ॥२४॥
nālpa iti brūyān nānupasecana iti nedaṃ ca kiṃ ceti ||24||
Sanskrit only: no published translation is held for this verse.
यावद् दाताभिमनस्येत तन् नाति वदेत् ॥२५॥
yāvad dātābhimanasyeta tan nāti vadet ||25||
Sanskrit only: no published translation is held for this verse.
ब्रह्मवादिनो वदन्ति पराञ्चम् ओदनं प्राशी३ः प्रत्यञ्चा३म् इति ॥२६॥
brahmavādino vadanti parāñcam odanaṃ prāśī3ḥ pratyañcā3m iti ||26||
Sanskrit only: no published translation is held for this verse.
त्वम् ओदनं प्राशी३स् त्वाम् ओदना३ इति ॥२७॥
tvam odanaṃ prāśī3s tvām odanā3 iti ||27||
Sanskrit only: no published translation is held for this verse.
पराञ्चं चैनं प्राशीः प्राणास् त्वा हास्यन्तीत्य् एनम् आह ॥२८॥
parāñcaṃ cainaṃ prāśīḥ prāṇās tvā hāsyantīty enam āha ||28||
Sanskrit only: no published translation is held for this verse.
प्रत्यञ्चं चैनं प्राशीर् अपानास् त्वा हास्यन्तीत्य् एनम् आह ॥२९॥
pratyañcaṃ cainaṃ prāśīr apānās tvā hāsyantīty enam āha ||29||
Sanskrit only: no published translation is held for this verse.
नैवाहम् ओदनं न माम् ओदनः ॥३०॥
naivāham odanaṃ na mām odanaḥ ||30||
Sanskrit only: no published translation is held for this verse.
ओदन एवौदनं प्राशीत् ॥३१॥ ८
odana evaudanaṃ prāśīt ||31|| 8
Sanskrit only: no published translation is held for this verse.