Library·Atharvaveda Saṃhitā (Śaunaka)·18·18.4

Atharvaveda Saṃhitā (Śaunaka) 18.4

आ रोहत जनित्रीं जातवेदसः पितृयानैः सं व आ रोहयामि । अवाड् ढव्येषितो हव्यवाह ईजानं युक्ताः सुकृतां धत्त लोके ॥१॥

ā rohata janitrīṃ jātavedasaḥ pitṛyānaiḥ saṃ va ā rohayāmi | avāḍ ḍhavyeṣito havyavāha ījānaṃ yuktāḥ sukṛtāṃ dhatta loke ||1||

Ascend to [your] generatrix, ye Jātavedases; by [roads] that the Fathers travel I make you ascend together; the offering-carrier, sent out, hath carried the offerings; united (yuktá), set ye him who hath sacrificed in the world of the well-doing.

Translated by William Dwight Whitney (1905)

देवा यज्ञम् ऋतवः कल्पयन्ति हविः पुरोडाशं स्रुचो यज्ञायुधानि । तेभिर् याहि पथिभिर् देवयानैर् यैर् ईजानाः स्वर्गं यन्ति लोकम् ॥२॥

devā yajñam ṛtavaḥ kalpayanti haviḥ puroḍāśaṃ sruco yajñāyudhāni | tebhir yāhi pathibhir devayānair yair ījānāḥ svargaṃ yanti lokam ||2||

The gods, the seasons, arrange the sacrifice, the oblation, the sacrificial cake, the ladles (srúc), the implements (-ā́yudha) of sacrifice; with them go thou by roads that the gods travel, by which they that have sacrificed go to the heavenly (svargá) world.

Translated by William Dwight Whitney (1905)

ऋतस्य पन्थाम् अनु पश्य साध्व् अङ्गिरसः सुकृतो येन यन्ति । तेभिर् याहि पथिभिः स्वर्गं यत्रादित्या मधु भक्षयन्ति तृतीये नाके अधि वि श्रयस्व ॥३॥

ṛtasya panthām anu paśya sādhv aṅgirasaḥ sukṛto yena yanti | tebhir yāhi pathibhiḥ svargaṃ yatrādityā madhu bhakṣayanti tṛtīye nāke adhi vi śrayasva ||3||

Look thou happily (sādhú) along the road of righteousness, by which go the An̄girases, well-doers; by those roads go thou to heaven (svargá), where the Ādityas feed on honey; spread thou out upon the third firmament.

Translated by William Dwight Whitney (1905)

त्रयः सुपर्णा उपरस्य मायू नाकस्य पृष्ठे अधि विष्टपि श्रिताः । स्वर्गा लोका अमृतेन विष्ठा इषम् ऊर्जं यजमानाय दुह्राम् ॥४॥

trayaḥ suparṇā uparasya māyū nākasya pṛṣṭhe adhi viṣṭapi śritāḥ | svargā lokā amṛtena viṣṭhā iṣam ūrjaṃ yajamānāya duhrām ||4||

Three eagles (suparṇá)...upon the back of the firmament (nā́ka), at the summit (? viṣṭáp) are set (çritá); let the heavenly (svargá) worlds, filled (?) with amṛ́ta, yield (duh) food, refreshment to the sacrificer.

Translated by William Dwight Whitney (1905)

जुहूर् दाधार द्याम् उपभृद् अन्तरिक्षं ध्रुवा दाधार पृथिवीं प्रतिष्ठाम् । प्रतीमां लोका घृतपृष्ठाः स्वर्गाः कामंकामं यजमानाय दुह्राम् ॥५॥

juhūr dādhāra dyām upabhṛd antarikṣaṃ dhruvā dādhāra pṛthivīṃ pratiṣṭhām | pratīmāṃ lokā ghṛtapṛṣṭhāḥ svargāḥ kāmaṃkāmaṃ yajamānāya duhrām ||5||

The sacrificial spoon (juhū́) sustains the sky, the offering spoon (upabhṛ́t) the atmosphere; the ladle (dhruvā́) sustains ⌊ dhṛ ⌋ the earth, the support (pratiṣṭhā́); unto me (?) let the worlds, ghee-backed, heavenly (svargá), yield every desire for the sacrificer.

Translated by William Dwight Whitney (1905)

ध्रुव आ रोह पृथिवीं विश्वभोजसम् अन्तरिक्षम् उपभृद् आ क्रमस्व । जुहु द्यां गछ यजमानेन साकं स्रुवेण वत्सेन दिशः प्रपीनाः सर्वा धुक्ष्वाहृण्यमानः ॥६॥

dhruva ā roha pṛthivīṃ viśvabhojasam antarikṣam upabhṛd ā kramasva | juhu dyāṃ gacha yajamānena sākaṃ sruveṇa vatsena diśaḥ prapīnāḥ sarvā dhukṣvāhṛṇyamānaḥ ||6||

O ladle, ascend the all-nourishing earth; stride, O offering spoon, unto the atmosphere; O sacrificial spoon, go to the sky (dív) in company with the sacrificer; with the little spoon (sruvá) [as] calf, milk thou all the teeming, unirritated quarters.

Translated by William Dwight Whitney (1905)

तीर्थैस् तरन्ति प्रवतो महीर् इति यज्ञकृतः सुकृतो येन यन्ति । अत्रादधुर् यजमानाय लोकं दिशो भूतानि यद् अकल्पयन्त ॥७॥

tīrthais taranti pravato mahīr iti yajñakṛtaḥ sukṛto yena yanti | atrādadhur yajamānāya lokaṃ diśo bhūtāni yad akalpayanta ||7||

By fords they cross the advances (pravát) called the great ones, by what [road] the sacrifice-makers, the well-doers, go; there did they set a world for the sacrificer, when they arranged the quarters, the creatures (bhūtá).

Translated by William Dwight Whitney (1905)

अङ्गिरसाम् अयनं पूर्वो अग्निर् आदित्यानाम् अयनं गार्हपत्यो दक्षिणानाम् अयनं दक्षिणाग्निः । महिमानम् अग्नेर् विहितस्य ब्रह्मणा समङ्गः सर्व उप याहि शग्मः ॥८॥

aṅgirasām ayanaṃ pūrvo agnir ādityānām ayanaṃ gārhapatyo dakṣiṇānām ayanaṃ dakṣiṇāgniḥ | mahimānam agner vihitasya brahmaṇā samaṅgaḥ sarva upa yāhi śagmaḥ ||8||

The track (áyana) of the An̄girases is the eastern fire; the Ādityas' track is the householder's fire; the track of the sacrificial gifts is the southern fire; do thou, with thy limbs, whole (sárva), powerful (? çagmá), go unto the greatness of Agni [as] disposed by bráhman.

Translated by William Dwight Whitney (1905)

पूर्वो अग्निष् ट्वा तपतु शं पुरस्ताच् छं पश्चात् तपतु गार्हपत्यः । दक्षिणाग्निष् टे तपतु शर्म वर्मोत्तरतो मध्यतो अन्तरिक्षाद् दिशोदिशो अग्ने परि पाहि घोरात् ॥९॥

pūrvo agniṣ ṭvā tapatu śaṃ purastāc chaṃ paścāt tapatu gārhapatyaḥ | dakṣiṇāgniṣ ṭe tapatu śarma varmottarato madhyato antarikṣād diśodiśo agne pari pāhi ghorāt ||9||

Let the eastern fire burn (tap) thee happily (çám) in front; let the householder's fire burn happily behind; let the southern fire burn refuge, defense for thee; from the north, from the midst, from the atmosphere, from each quarter, O Agni, protect him round about from what is terrible.

Translated by William Dwight Whitney (1905)

यूयम् अग्ने शंतमाभिस् तनूभिर् ईजानम् अभि लोकं स्वर्गम् । अश्वा भूत्वा पृष्टिवाहो वहाथ यत्र देवैः सधमादं मदन्ति ॥१०॥ २०

yūyam agne śaṃtamābhis tanūbhir ījānam abhi lokaṃ svargam | aśvā bhūtvā pṛṣṭivāho vahātha yatra devaiḥ sadhamādaṃ madanti ||10|| 20

Ye, O Agni, having become back-carrying (? pṛṣṭiváh) horses, shall with most healthful forms (tanū́) carry him that has sacrificed unto the heavenly (svargá) world, where they revel in common revelry with the gods.

Translated by William Dwight Whitney (1905)

शम् अग्ने पश्चात् तप शं पुरस्ताच् छम् उत्तराच् छम् अधरात् तपैनम् । एकस् त्रेधा विहितो जातवेदः सम्यग् एनं धेहि सुकृताम् उ लोके ॥११॥

śam agne paścāt tapa śaṃ purastāc cham uttarāc cham adharāt tapainam | ekas tredhā vihito jātavedaḥ samyag enaṃ dhehi sukṛtām u loke ||11||

Burn (tap), O Agni, happily behind, happily in front; burn him happily above, happily below; being one, O Jātavedas, triply disposed, set him collectedly (samyák) in the world of the well-doers.

Translated by William Dwight Whitney (1905)

शम् अग्नयः समिद्धा आ रभन्तां प्राजापत्यं मेध्यं जातवेदसः । शृतं कृण्वन्त इह माव चिक्षिपन् ॥१२॥

śam agnayaḥ samiddhā ā rabhantāṃ prājāpatyaṃ medhyaṃ jātavedasaḥ | śṛtaṃ kṛṇvanta iha māva cikṣipan ||12||

Let the fires, kindled, take hold happily; let the Jātavedases, making done (çṛtá) here him that is Prajāpati's [and] sacrificial, not throw him down.

Translated by William Dwight Whitney (1905)

यज्ञ एति विततः कल्पमान ईजानम् अभि लोकं स्वर्गम् । तम् अग्नयः सर्वहुतं जुषन्तां प्राजापत्यं मेध्यं जातवेदसः ॥१३॥

yajña eti vitataḥ kalpamāna ījānam abhi lokaṃ svargam | tam agnayaḥ sarvahutaṃ juṣantāṃ prājāpatyaṃ medhyaṃ jātavedasaḥ ||13||

The sacrifice goes, extended, adapting itself (? kḷp), [taking] him who hath sacrificed, unto the heavenly (svargá) world; let the fires enjoy it, made a whole oblation; let the Jātavedases, making done here him that is Prajāpati's [and] sacrificial, not throw him down.

Translated by William Dwight Whitney (1905)

ईजानश् चितम् आरुक्षद् अग्निं नाकस्य पृष्ठाद् दिवम् उत्पतिष्यन् । तस्मै प्र भाति नभसो ज्योतिषीमान्त् स्वर्गः पन्थाः सुकृते देवयानः ॥१४॥

ījānaś citam ārukṣad agniṃ nākasya pṛṣṭhād divam utpatiṣyan | tasmai pra bhāti nabhaso jyotiṣīmānt svargaḥ panthāḥ sukṛte devayānaḥ ||14||

He that hath sacrificed hath ascended the piled fire, about to fly up to heaven (dív) from the back of the firmament (nā́ka); for him, the well-doer, shines forth from the welkin (nábhas), full of light, the heavenly road, traveled by the gods.

Translated by William Dwight Whitney (1905)

अग्निर् होताध्वर्युष् टे बृहस्पतिर् इन्द्रो ब्रह्मा दक्षिणतस् ते अस्तु । हुतो ऽयं संस्थितो यज्ञ एति यत्र पूर्वम् अयनं हुतानाम् ॥१५॥

agnir hotādhvaryuṣ ṭe bṛhaspatir indro brahmā dakṣiṇatas te astu | huto 'yaṃ saṃsthito yajña eti yatra pūrvam ayanaṃ hutānām ||15||

Agni thine invoker, Brihaspati thine officiating priest, be Indra on the right thy supervising priest (brahmán); this offered sacrifice, being completed (sáṁsthita), goeth where is the ancient track of those offered.

Translated by William Dwight Whitney (1905)

अपूपवान् क्षीरवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥१६॥

apūpavān kṣīravāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||16||

Rich in cakes, rich in milk (kṣīrá-) let the dish (carú) take seat here; to the world-makers, the road-makers, do we sacrifice, whoever of you are here, sharing in the oblation of the gods.

Translated by William Dwight Whitney (1905)

अपूपवान् दधिवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥१७॥

apūpavān dadhivāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||17||

Rich in cakes, rich in curds (dádhi-), let the dish etc. etc.

Translated by William Dwight Whitney (1905)

अपूपवान् द्रप्सवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥१८॥

apūpavān drapsavāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||18||

Rich in cakes, rich in drops (drapsá-), let the dish etc. etc.

Translated by William Dwight Whitney (1905)

अपूपवान् घृतवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥१९॥

apūpavān ghṛtavāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||19||

Rich in cakes, rich in ghee, let the dish etc. etc.

Translated by William Dwight Whitney (1905)

अपूपवान् मांसवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥२०॥ २१

apūpavān māṃsavāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||20|| 21

Rich in cakes, rich in flesh (māṅsá-), let the dish etc. etc.

Translated by William Dwight Whitney (1905)

अपूपवान् अन्नवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥२१॥

apūpavān annavāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||21||

Rich in cakes, rich in food, let the dish etc. etc.

Translated by William Dwight Whitney (1905)

अपूपवान् मधुमांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥२२॥

apūpavān madhumāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||22||

Rich in cakes, rich in honey, let the dish etc. etc.

Translated by William Dwight Whitney (1905)

अपूपवान् रसवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥२३॥

apūpavān rasavāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||23||

Rich in cakes, rich in sap, let the dish etc. etc.

Translated by William Dwight Whitney (1905)

अपूपवान् अपवांश् चरुर् एह सीदतु । लोककृतः पथिकृतो यजामहे ये देवानां हुतभागा इह स्थ ॥२४॥

apūpavān apavāṃś carur eha sīdatu | lokakṛtaḥ pathikṛto yajāmahe ye devānāṃ hutabhāgā iha stha ||24||

Rich in cakes, rich in water (ápa-), let the dish etc. etc.

Translated by William Dwight Whitney (1905)

अपूपापिहितान् कुम्भान् यांस् ते देवा अधारयन् । ते ते सन्तु स्वधावन्तो मधुमन्तो घृतश्चुतः ॥२५॥

apūpāpihitān kumbhān yāṃs te devā adhārayan | te te santu svadhāvanto madhumanto ghṛtaścutaḥ ||25||

What vessels covered with cakes the gods maintained for thee, be they for thee rich in svadhā́, rich in honey, dripping with ghee.

Translated by William Dwight Whitney (1905)

यास् ते धाना अनुकिरामि तिलमिश्राः स्वधावतीः । तास् ते सन्तूद्भ्वीः प्रभ्वीस् तास् ते यमो राजानु मन्यताम् ॥२६॥

yās te dhānā anukirāmi tilamiśrāḥ svadhāvatīḥ | tās te santūdbhvīḥ prabhvīs tās te yamo rājānu manyatām ||26||

What grains I scatter along for thee, mixed with sesame, rich in svadhā́, be they for thee uprising (udbhú), prevailing; them let king Yama approve for thee.

Translated by William Dwight Whitney (1905)

अक्षितिं भूयसीम् ॥२७॥

akṣitiṃ bhūyasīm ||27||

A more abundant inexhaustibleness.

Translated by William Dwight Whitney (1905)

द्रप्सश् चस्कन्द पृथिवीम् अनु द्याम् इमं च योनिम् अनु यश् च पूर्वः । समानं योनिम् अनु सम्चरन्तं द्रप्सम् जुहोम्य् अनु सप्त होत्राः ॥२८॥

drapsaś caskanda pṛthivīm anu dyām imaṃ ca yonim anu yaś ca pūrvaḥ | samānaṃ yonim anu samcarantaṃ drapsam juhomy anu sapta hotrāḥ ||28||

The drop leaped (skand) toward the earth, the sky (dív), toward both this lair (yóni) and the one that was of old; of the drop that goes about toward the same lair do I make oblation, after seven invocations (hótrā).

Translated by William Dwight Whitney (1905)

शतधारं वायुम् अर्कं स्वर्विदं नृचक्षसस् ते अभि चक्षते रयिम् । ये पृनन्ति प्र च यछन्ति सर्वदा ते दुह्रते दक्षिणां सप्तमातरम् ॥२९॥

śatadhāraṃ vāyum arkaṃ svarvidaṃ nṛcakṣasas te abhi cakṣate rayim | ye pṛnanti pra ca yachanti sarvadā te duhrate dakṣiṇāṃ saptamātaram ||29||

A hundred-streamed Vāyu, a heaven-finding sun (? arká), wealth, do those men-beholders look upon; whoso bestow (pṛ) and present (prayam) always, they milk a sacrificial gift having seven mothers.

Translated by William Dwight Whitney (1905)

कोशं दुहन्ति कलशं चतुर्बिलम् इडां धेनुं मधुमतीं स्वस्तये । ऊर्जं मदन्तीम् अदितिं जनेष्व् अग्ने मा हिंसीः परमे व्योमन् ॥३०॥ २२

kośaṃ duhanti kalaśaṃ caturbilam iḍāṃ dhenuṃ madhumatīṃ svastaye | ūrjaṃ madantīm aditiṃ janeṣv agne mā hiṃsīḥ parame vyoman ||30|| 22

They milk a receptacle (kóça), a jar with four orifices, iḍā [as] milch-cow rich in honey, in order to well-being; reveling refreshment, Aditi among the people, injure thou not, O Agni, in the highest firmament (vyòman).

Translated by William Dwight Whitney (1905)

एतत् ते देवः सविता वासो ददाति भर्तवे । तत् त्वं यमस्य राज्ये वसानस् तार्प्यं चर ॥३१॥

etat te devaḥ savitā vāso dadāti bhartave | tat tvaṃ yamasya rājye vasānas tārpyaṃ cara ||31||

This garment god Savitar gives thee to wear (bhṛ); putting on that, which is tārpyà, do thou go about in Yama's realm.

Translated by William Dwight Whitney (1905)

धाना धेनुर् अभवद् वत्सो अस्यास् तिलो ऽभवत् । तां वै यमस्य राज्ये अक्षिताम् उप जीवति ॥३२॥

dhānā dhenur abhavad vatso asyās tilo 'bhavat | tāṃ vai yamasya rājye akṣitām upa jīvati ||32||

The grains became a milch-cow; the sesame became her calf; upon her, unexhausted, one lives in Yama's realm.

Translated by William Dwight Whitney (1905)

एतास् ते असौ धेनवः कामदुघा भवन्तु । एनीः श्येनीः सरूपा विरूपास् तिलवत्सा उप तिष्ठन्तु त्वात्र ॥३३॥

etās te asau dhenavaḥ kāmadughā bhavantu | enīḥ śyenīḥ sarūpā virūpās tilavatsā upa tiṣṭhantu tvātra ||33||

Be these, O so-and-so, thy milch-kine that yield what is desired; variegated, white, of like form, of different form, with sesame as calf, let them wait upon (upa-sthā) thee there.

Translated by William Dwight Whitney (1905)

एनीर् धाना हरिणीः श्येनीर् अस्य कृष्णा धाना रोहिणीर् धेनवस् ते । तिलवत्सा ऊर्जम् अस्मै दुहाना विश्वाहा सन्त्व् अनपस्फुरन्तीः ॥३४॥

enīr dhānā hariṇīḥ śyenīr asya kṛṣṇā dhānā rohiṇīr dhenavas te | tilavatsā ūrjam asmai duhānā viśvāhā santv anapasphurantīḥ ||34||

Grains variegated, yellow, white, grains black, red, [be] thy milch-kine here; with sesame as calf, yielding (duh) him refreshment, be they ever unresisting.

Translated by William Dwight Whitney (1905)

वैश्वानरे हविर् इदं जुहोमि साहस्रं शतधारम् उत्सम् । स बिभर्ति पितरं पितामहान् प्रपितामहान् बिभर्ति पिन्वमानः ॥३५॥

vaiśvānare havir idaṃ juhomi sāhasraṃ śatadhāram utsam | sa bibharti pitaraṃ pitāmahān prapitāmahān bibharti pinvamānaḥ ||35||

In Vāiçvānara I offer this oblation, a thousand-fold, hundred-streamed fountain (útsa); it supports (bhṛ) [our] father, grandfathers; [our] great-grandfathers it supports, swelling.

Translated by William Dwight Whitney (1905)

सहस्रधारं शतधारम् उत्सम् अक्षितं व्यच्यमानं सलिलस्य पृष्ठे । ऊर्जं दुहानम् अनपस्फुरन्तम् उपासते पितरः स्वधाभिः ॥३६॥

sahasradhāraṃ śatadhāram utsam akṣitaṃ vyacyamānaṃ salilasya pṛṣṭhe | ūrjaṃ duhānam anapasphurantam upāsate pitaraḥ svadhābhiḥ ||36||

A thousand-streamed, hundred-streamed fountain, unexhausted, expanded upon the back of the sea, yielding refreshment, unresisting, do the Fathers wait on at their will (? svadhā́bhis).

Translated by William Dwight Whitney (1905)

इदं कसाम्बु चयनेन चितं तत् सजाता अव पश्यतेत । मर्त्यो ऽयम् अमृतत्वम् एति तस्मै गृहान् कृणुत यावत्सबन्धु ॥३७॥

idaṃ kasāmbu cayanena citaṃ tat sajātā ava paśyateta | martyo 'yam amṛtatvam eti tasmai gṛhān kṛṇuta yāvatsabandhu ||37||

This funeral pile (? kásāmbu) [is] piled with piling; come, ye [his] fellows, look down at it; this mortal goeth to immortality; make ye houses for him according to his kindred.

Translated by William Dwight Whitney (1905)

इहैवैधि धनसनिर् इहचित्त इहक्रतुः । इहैधि वीर्यवत्तरो वयोधा अपराहतः ॥३८॥

ihaivaidhi dhanasanir ihacitta ihakratuḥ | ihaidhi vīryavattaro vayodhā aparāhataḥ ||38||

Be thou just here, winning riches, with thought here, with ability here; be thou here, very heroic, vigor-bestowing, not smitten away.

Translated by William Dwight Whitney (1905)

पुत्रं पौत्रम् अभितर्पयन्तीर् आपो मधुमतीर् इमाः । स्वधां पितृभ्यो अमृतं दुहाना आपो देवीर् उभयांस् तर्पयन्तु ॥३९॥

putraṃ pautram abhitarpayantīr āpo madhumatīr imāḥ | svadhāṃ pitṛbhyo amṛtaṃ duhānā āpo devīr ubhayāṃs tarpayantu ||39||

These waters, rich in honey, satisfying (abhi-tṛp) son [and] grandson, yielding to the Fathers svadhā́ [and] amṛ́ta —let the heavenly waters gratify both sides.

Translated by William Dwight Whitney (1905)

आपो अग्निं प्र हिणुत पितॄंर् उपेमं यज्ञं पितरो मे जुषन्ताम् । आसीनाम् ऊर्जम् उप ये सचन्ते ते नो रयिं सर्ववीरं नि यछान् ॥४०॥ २३

āpo agniṃ pra hiṇuta pitṝṃr upemaṃ yajñaṃ pitaro me juṣantām | āsīnām ūrjam upa ye sacante te no rayiṃ sarvavīraṃ ni yachān ||40|| 23

O waters, send forth (pra-hi) Agni unto the Fathers; this sacrifice of mine let the Fathers enjoy; they who attach themselves unto a sitting refreshment, may they confirm to us wealth having all heroes.

Translated by William Dwight Whitney (1905)

सम् इन्धते अमर्त्यं हव्यवाहं घृतप्रियम् । स वेद निहितान् निधीन् पितॄन् परावतो गतान् ॥४१॥

sam indhate amartyaṃ havyavāhaṃ ghṛtapriyam | sa veda nihitān nidhīn pitṝn parāvato gatān ||41||

They kindle the immortal one, oblation-carrying, ghee-loving; he knoweth the deposited deposits, the Fathers that are gone away to the distances.

Translated by William Dwight Whitney (1905)

यं ते मन्थं यम् ओदननं यन् मांसं निपृणामि ते । ते ते सन्तु स्वधावन्तो मधुमन्तो घृतश्चुतः ॥४२॥

yaṃ te manthaṃ yam odananaṃ yan māṃsaṃ nipṛṇāmi te | te te santu svadhāvanto madhumanto ghṛtaścutaḥ ||42||

What stirabout for thee, what rice-dish, what flesh I offer (ni-pṛ) to thee, be they for thee rich in svadhā́, rich in honey, dripping with ghee.

Translated by William Dwight Whitney (1905)

यास् ते धाना अनुकिरामि तिलमिश्राः स्वधावतीः । तास् ते सन्तूद्भ्वीः प्रभ्वीस् तास् ते यमो राजानु मन्यताम् ॥४३॥

yās te dhānā anukirāmi tilamiśrāḥ svadhāvatīḥ | tās te santūdbhvīḥ prabhvīs tās te yamo rājānu manyatām ||43||

What grains I scatter along for thee, mixed with sesame, rich in svadhā́, be they for thee abundant, prevailing; them let king Yama approve for thee.

Translated by William Dwight Whitney (1905)

इदं पूर्वम् अपरं नियानं येना ते पूर्वे पितरः परेताः । पुरोगवा ये अभिसाचो अस्य ते त्वा वहन्ति सुकृताम् उ लोकम् ॥४४॥

idaṃ pūrvam aparaṃ niyānaṃ yenā te pūrve pitaraḥ paretāḥ | purogavā ye abhisāco asya te tvā vahanti sukṛtām u lokam ||44||

This [is] the former, the after down-track, by which thy former Fathers went away; they who are the forerunners, the followers (? abhiṣác) of it, they carry thee to the world of the well-doing.

Translated by William Dwight Whitney (1905)

सरस्वतीं देवयन्तो हवन्ते सरस्वतीम् अध्वरे तायमाने । सरस्वतीं सुकृतो हवन्ते सरस्वती दाशुषे वार्यं दात् ॥४५॥

sarasvatīṃ devayanto havante sarasvatīm adhvare tāyamāne | sarasvatīṃ sukṛto havante sarasvatī dāśuṣe vāryaṃ dāt ||45||

On Sarasvatī do the pious call; on Sarasvatī, while the sacrifice is being extended; on Sarasvatī do the well-doers call; may Sarasvatī give what is desirable to the worshiper.

Translated by William Dwight Whitney (1905)

सरस्वतीं पितरो हवन्ते दक्षिणा यज्ञम् अभिनक्षमाणाः । आसद्यास्मिन् बर्हिषि मादयध्वम् अनमीवा इष आ धेह्य् अस्मे ॥४६॥

sarasvatīṃ pitaro havante dakṣiṇā yajñam abhinakṣamāṇāḥ | āsadyāsmin barhiṣi mādayadhvam anamīvā iṣa ā dhehy asme ||46||

On Sarasvatī do the Fathers call, arriving at the sacrifice on the south; sitting on this barhís, do ye revel; assign thou to us food free from disease.

Translated by William Dwight Whitney (1905)

सरस्वति या सरथं ययाथोक्थैः स्वधाभिर् देवि पितृभिर् मदन्ती । सहस्रार्घम् इडो अत्र भागं रायस् पोषं यजमानाय धेहि ॥४७॥

sarasvati yā sarathaṃ yayāthokthaiḥ svadhābhir devi pitṛbhir madantī | sahasrārgham iḍo atra bhāgaṃ rāyas poṣaṃ yajamānāya dhehi ||47||

O Sarasvatī, that wentest in company with the songs, with the svadhā́s, O goddess, reveling with the Fathers, assign thou to the sacrificer here a portion of refreshment of thousand-fold value, abundance of wealth.

Translated by William Dwight Whitney (1905)

पृथिवीं त्वा पृथिव्याम् आ वेशयामि देवो नो धाता प्र तिरात्य् आयुः । परापरैता वसुविद् वो अस्त्व् अधा मृताः पितृषु सं भवन्तु ॥४८॥

pṛthivīṃ tvā pṛthivyām ā veśayāmi devo no dhātā pra tirāty āyuḥ | parāparaitā vasuvid vo astv adhā mṛtāḥ pitṛṣu saṃ bhavantu ||48||

Thee, being earth, I make enter into earth; may god Dhātar lengthen out our life-time; let him that goeth very far away be a finder of good for you; then may the dead (pl.) come to be (sam-bhū) among the Fathers.

Translated by William Dwight Whitney (1905)

आ प्र च्यवेथाम् अप तन् मृजेथां यद् वाम् अभिभा अत्रोचुः । अस्माद् एतम् अघ्न्यौ तद् वशीयो दातुः पितृष्व् इहभोजनौ मम ॥४९॥

ā pra cyavethām apa tan mṛjethāṃ yad vām abhibhā atrocuḥ | asmād etam aghnyau tad vaśīyo dātuḥ pitṛṣv ihabhojanau mama ||49||

Start ye (du.) forward hither, wipe off that which the portents (? abhibhā́) have said there of you; from that come ye, inviolable ones, to this which is better, being bestowers here on me, a giver to the Fathers.

Translated by William Dwight Whitney (1905)

एयम् अगन् दक्षिणा भद्रतो ना अनेन दत्ता सुदुघा वयोधाः । यौवने जीवान् उपपृञ्चती जरा पितृभ्य उपसंपराणयाद् इमान् ॥५०॥ २४

eyam agan dakṣiṇā bhadrato nā anena dattā sudughā vayodhāḥ | yauvane jīvān upapṛñcatī jarā pitṛbhya upasaṃparāṇayād imān ||50|| 24

This sacrificial gift hath come excellently to us, given by him, well-milking, vigor-bestowing; old age, coming close to (? upa-pṛc) them living in youth, shall lead these away together unto the Fathers.

Translated by William Dwight Whitney (1905)

इदं पितृभ्यः प्र भरामि बर्हिर् जीवं देवेभ्य उत्तरं स्तृणामि । तद् आ रोह पुरुष मेध्यो भवन् प्रति त्वा जानन्तु पितरः परेतम् ॥५१॥

idaṃ pitṛbhyaḥ pra bharāmi barhir jīvaṃ devebhya uttaraṃ stṛṇāmi | tad ā roha puruṣa medhyo bhavan prati tvā jānantu pitaraḥ paretam ||51||

This barhís I bring forward for the Fathers; a living, higher one I strew for the gods; that do thou ascend, O man, becoming sacrificial; let the Fathers acknowledge thee who art departed.

Translated by William Dwight Whitney (1905)

एदं बर्हिर् असदो मेध्यो ऽभूः प्रति त्वा जानन्तु पितरः परेतम् । यथापरु तन्वं सं भरस्व गात्राणि ते ब्रह्मणा कल्पयामि ॥५२॥

edaṃ barhir asado medhyo 'bhūḥ prati tvā jānantu pitaraḥ paretam | yathāparu tanvaṃ saṃ bharasva gātrāṇi te brahmaṇā kalpayāmi ||52||

Thou hast sat upon this barhís, thou hast become sacrificial; let the Fathers acknowledge thee who art departed; collect thy body according to its joints; I arrange thy members with bráhman.

Translated by William Dwight Whitney (1905)

पर्णो राजापिधानं चरूणाम् ऊर्जो बलं सह ओजो न आगन् । आयुर् जीवेभ्यो विदधद् दीर्घायुत्वाय शतशारदाय ॥५३॥

parṇo rājāpidhānaṃ carūṇām ūrjo balaṃ saha ojo na āgan | āyur jīvebhyo vidadhad dīrghāyutvāya śataśāradāya ||53||

King leaf is the cover of the dishes; the strength of refreshment, the power, vigor, hath come to us, dispensing (vi-dhā) life-time to the living (pl.), in order to length of life for a hundred autumns.

Translated by William Dwight Whitney (1905)

ऊर्जो भागो य इमं जजानाश्मान्नानाम् आधिपत्यं जगाम । तम् अर्चत विश्वमित्रा हविर्भिः स नो यमः प्रतरं जीवसे धात् ॥५४॥

ūrjo bhāgo ya imaṃ jajānāśmānnānām ādhipatyaṃ jagāma | tam arcata viśvamitrā havirbhiḥ sa no yamaḥ prataraṃ jīvase dhāt ||54||

The share of refreshment that generated this man;—the stone attained (gam) the overlordship of the foods;—him praise ye, all-befriended, with oblations; may that Yama make (dhā) us to live further.

Translated by William Dwight Whitney (1905)

यथा यमाय हर्म्यम् अवपन् पञ्च मानवाः । एवा वपामि हर्म्यं यथा मे भूरयो ऽसत ॥५५॥

yathā yamāya harmyam avapan pañca mānavāḥ | evā vapāmi harmyaṃ yathā me bhūrayo 'sata ||55||

As the five clans (mānavá) scattered (vap) a dwelling (harmyá) for Yama, so do I scatter a dwelling, that there may be many of me (?).

Translated by William Dwight Whitney (1905)

इदं हिरण्यं बिभृहि यत् ते पिताबिभः पुरा । स्वर्गं यतः पितुर् हस्तं निर् मृड्ढि दक्षिणम् ॥५६॥

idaṃ hiraṇyaṃ bibhṛhi yat te pitābibhaḥ purā | svargaṃ yataḥ pitur hastaṃ nir mṛḍḍhi dakṣiṇam ||56||

Wear (bhṛ) thou this gold, which thy father wore before; of thy father, going to heaven (svargá), do thou wipe off the right hand.

Translated by William Dwight Whitney (1905)

ये च जीवा ये च मृता ये जाता ये च यज्ञियाः । तेभ्यो घृतस्य कुल्यैतु मधुधारा व्युन्दती ॥५७॥

ye ca jīvā ye ca mṛtā ye jātā ye ca yajñiyāḥ | tebhyo ghṛtasya kulyaitu madhudhārā vyundatī ||57||

Both those who are living and those who are dead; those who are born and those who are worshipful—for them let there go a brook of ghee, honey-streamed, overflowing.

Translated by William Dwight Whitney (1905)

वृषा मतीनां पवते विचक्षणः सूरो अह्नां प्रतरीतोषसां दिवः । प्राणः सिन्धूनां कलशां अचिक्रदद् इन्द्रस्य हार्दिम् आविशन् मनीषया ॥५८॥

vṛṣā matīnāṃ pavate vicakṣaṇaḥ sūro ahnāṃ pratarītoṣasāṃ divaḥ | prāṇaḥ sindhūnāṃ kalaśāṃ acikradad indrasya hārdim āviśan manīṣayā ||58||

There purifies itself the conspicuous bull of the prayers, the sun of days, lengthener out of dawns, of the sky (dív); the breath of the rivers hath made the jars to resound loudly; entering Indra's heart with skill.

Translated by William Dwight Whitney (1905)

त्वेषस् ते धूम ऊर्णोतु दिवि षं छुक्र आततः । सूरो न हि द्युता त्वं कृपा पावक रोचसे ॥५९॥

tveṣas te dhūma ūrṇotu divi ṣaṃ chukra ātataḥ | sūro na hi dyutā tvaṃ kṛpā pāvaka rocase ||59||

Let thy sparkling (? tveṣá) smoke cover, being in the sky, extended bright; for thou, O purifier, shinest like the sun with luster, with beauty (kṛpā́).

Translated by William Dwight Whitney (1905)

प्र वा एतीन्दुर् इन्द्रस्य निष्कृतिं सखा सख्युर् न प्र मिनाति संगिरः । मर्य इव योषाः सम् अर्षसे सोमः कलशे शतयामना पथा ॥६०॥ २५

pra vā etīndur indrasya niṣkṛtiṃ sakhā sakhyur na pra mināti saṃgiraḥ | marya iva yoṣāḥ sam arṣase somaḥ kalaśe śatayāmanā pathā ||60|| 25

Soma (índu) verily goes forward to Indra's rendezvous; the comrade does not violate (pra-mī) the comrade's agreements; thou rushest to join, as a male after females—soma, in the jar, by a road of a hundred tracks.

Translated by William Dwight Whitney (1905)

अक्षन्न् अमीमदन्त ह्य् अव प्रियां अधूषत । अस्तोषत स्वभानवो विप्रा यविष्ठा ईमहे ॥६१॥

akṣann amīmadanta hy ava priyāṃ adhūṣata | astoṣata svabhānavo viprā yaviṣṭhā īmahe ||61||

They have eaten; they have revelled ⌊surely⌋; they have shaken off (áva) those that are dear; having own brightness (svábhānu), they have praised; inspired, youngest, we implore.

Translated by William Dwight Whitney (1905)

आ यात पितरः सोम्यासो गम्भीरैः पथिभिः पितृयाणैः । आयुर् अस्मभ्यं दधतः प्रजां च रायश् च पोषैर् अभि नः सचध्वम् ॥६२॥

ā yāta pitaraḥ somyāso gambhīraiḥ pathibhiḥ pitṛyāṇaiḥ | āyur asmabhyaṃ dadhataḥ prajāṃ ca rāyaś ca poṣair abhi naḥ sacadhvam ||62||

Come ye, O Fathers, delectable, by profound roads that the Fathers travel, assigning to us lifetime and progeny; and do ye attach yourselves to us with abundances of wealth.

Translated by William Dwight Whitney (1905)

परा यात पितरः सोम्यासो गम्भीरैः पथिभिः पूर्याणैः । अधा मासि पुनर् आ यात नो गृहान् हविर् अत्तुं सुप्रजसः सुवीराः ॥६३॥

parā yāta pitaraḥ somyāso gambhīraiḥ pathibhiḥ pūryāṇaiḥ | adhā māsi punar ā yāta no gṛhān havir attuṃ suprajasaḥ suvīrāḥ ||63||

Go away, O Fathers, delectable, by profound roads that go to the stronghold (pūryā́ṇa); then, in a month, come ye again to our houses to eat the oblation, with good progeny, with good heroes.

Translated by William Dwight Whitney (1905)

यद् वो अग्निर् अजहाद् एकम् अङ्गं पितृलोकं गमयं जातवेदाः । तद् व एतत् पुनर् आ प्याययामि साङ्गाः स्वर्गे पितरो मादयध्वम् ॥६४॥

yad vo agnir ajahād ekam aṅgaṃ pitṛlokaṃ gamayaṃ jātavedāḥ | tad va etat punar ā pyāyayāmi sāṅgāḥ svarge pitaro mādayadhvam ||64||

What one limb of you Agni Jātavedas left when making you go to the Fathers' world, that same for you I fill up again; revel ye, O Fathers, in heaven (svargá) with [all] your limbs.

Translated by William Dwight Whitney (1905)

अभूद् दूतः प्रहितो जातवेदाः सायं न्यह्न उपवन्द्यो नृभिः । प्रादाः पितृभ्यः स्वधया ते अक्षन्न् अद्धि त्वं देव प्रयता हवींषि ॥६५॥

abhūd dūtaḥ prahito jātavedāḥ sāyaṃ nyahna upavandyo nṛbhiḥ | prādāḥ pitṛbhyaḥ svadhayā te akṣann addhi tvaṃ deva prayatā havīṃṣi ||65||

Jātavedas has been the messenger sent forth, at evening, at close of day to be honored by men;—thou hast given to the Fathers; they have eaten after their wont; eat thou, O god, the presented oblations.

Translated by William Dwight Whitney (1905)

असौ हा इह ते मनः ककुत्सलम् इव जामयः । अभ्य् एनं भूम ऊर्णुहि ॥६६॥

asau hā iha te manaḥ kakutsalam iva jāmayaḥ | abhy enaṃ bhūma ūrṇuhi ||66||

Thou yonder, ho! hither thy mind! as sisters (jāmí) a kákutsala, do thou cover him, O earth.

Translated by William Dwight Whitney (1905)

शुम्भन्तां लोकाः पितृषदनाः पितृषदने त्वा लोक आ सादयामि ॥६७॥

śumbhantāṃ lokāḥ pitṛṣadanāḥ pitṛṣadane tvā loka ā sādayāmi ||67||

Let the worlds where the Fathers sit adorn themselves (çumbh); I make thee to sit in the world where the Fathers sit.

Translated by William Dwight Whitney (1905)

ये अस्माकं पितरस् तेषां बर्हिर् असि ॥६८॥

ye asmākaṃ pitaras teṣāṃ barhir asi ||68||

Thou art the barhís of them that are our Fathers.

Translated by William Dwight Whitney (1905)

उद् उत्तमं वरुण पाशम् अस्मद् अवाधमं श्रथाय । अधा वयम् आदित्य व्रते तवानागसो अदितये स्याम ॥६९॥

ud uttamaṃ varuṇa pāśam asmad avādhamaṃ śrathāya | adhā vayam āditya vrate tavānāgaso aditaye syāma ||69||

Loosen up the uppermost fetter from us, O Varuṇa, [loosen] down the lowest, off the midmost; then may we in thy sphere, O Āditya, be guiltless unto Aditi.

Translated by William Dwight Whitney (1905)

प्रास्मत् पाशान् वरुण मुञ्च सर्वान् यैः समामे बध्यते यैर् व्यामे । अधा जीवेम शरदं शतानि त्वया राजन् गुपिता रक्षमाणाः ॥७०॥ २६

prāsmat pāśān varuṇa muñca sarvān yaiḥ samāme badhyate yair vyāme | adhā jīvema śaradaṃ śatāni tvayā rājan gupitā rakṣamāṇāḥ ||70|| 26

Release from us all fetters, O Varuṇa, with which one is bound crosswise, with which lengthwise; so may we live hundreds of autumns, by thee, O king, guarded, defended.

Translated by William Dwight Whitney (1905)

अग्नये कव्यवाहनाय स्वधा नमः ॥७१॥

agnaye kavyavāhanāya svadhā namaḥ ||71||

To Agni, carrier of the kavyás, [be] svadhā́ [and] homage.

Translated by William Dwight Whitney (1905)

सोमाय पितृमते स्वधा नमः ॥७२॥

somāya pitṛmate svadhā namaḥ ||72||

To Soma with the Fathers [be] svadhā́ [and] homage.

Translated by William Dwight Whitney (1905)

पितृभ्यः सोमवद्भ्यः स्वधा नमः ॥७३॥

pitṛbhyaḥ somavadbhyaḥ svadhā namaḥ ||73||

To the Fathers with Soma, svadhā́ [and] homage.

Translated by William Dwight Whitney (1905)

यमाय पितृमते स्वधा नमः ॥७४॥

yamāya pitṛmate svadhā namaḥ ||74||

To Yama with the Fathers, svadhā́ [and] homage.

Translated by William Dwight Whitney (1905)

एतत् ते प्रततामह स्वधा ये च त्वाम् अनु ॥७५॥

etat te pratatāmaha svadhā ye ca tvām anu ||75||

Here is svadhā́ for thee, O great-grandfather, and for them that are after (ánu) thee.

Translated by William Dwight Whitney (1905)

एतत् ते ततामह स्वधा ये च त्वाम् अनु ॥७६॥

etat te tatāmaha svadhā ye ca tvām anu ||76||

Here is svadhā́ for thee, O grandfather, and for them that are after thee.

Translated by William Dwight Whitney (1905)

एतत् ते तत स्वधा ॥७७॥

etat te tata svadhā ||77||

Here is svadhā́ for thee, O father.

Translated by William Dwight Whitney (1905)

स्वधा पितृभ्यः पृथिविषद्भ्यः ॥७८॥

svadhā pitṛbhyaḥ pṛthiviṣadbhyaḥ ||78||

Svadhā́ to the Fathers that sit upon the earth.

Translated by William Dwight Whitney (1905)

स्वधा पितृभ्यो अन्तरिक्षसद्भ्यः ॥७९॥

svadhā pitṛbhyo antarikṣasadbhyaḥ ||79||

Svadhā́ to the Fathers that sit in the atmosphere.

Translated by William Dwight Whitney (1905)

स्वधा पितृभ्यो दिविषद्भ्यः ॥८०॥ २७

svadhā pitṛbhyo diviṣadbhyaḥ ||80|| 27

Svadhā́ to the Fathers that sit in the sky (dív).

Translated by William Dwight Whitney (1905)

नमो वः पितर ऊर्जे नमो वः पितरो रसाय ॥८१॥

namo vaḥ pitara ūrje namo vaḥ pitaro rasāya ||81||

Homage, O Fathers, to your refreshment (ū́rj); homage, O Fathers, to your sap.

Translated by William Dwight Whitney (1905)

नमो वः पितरो भामाय नमो वः पितरो मन्यवे ॥८२॥

namo vaḥ pitaro bhāmāya namo vaḥ pitaro manyave ||82||

Homage, O Fathers, to your terror* (bhā́ma); homage, O Fathers, to your fury.

Translated by William Dwight Whitney (1905)

नमो वः पितरो यद् घोरं तस्मै नमो वः पितरो यत् क्रूरं तस्मै ॥८३॥

namo vaḥ pitaro yad ghoraṃ tasmai namo vaḥ pitaro yat krūraṃ tasmai ||83||

Homage, O Fathers, to that of yours which is terrible; homage, O Fathers, to that of yours which is cruel.

Translated by William Dwight Whitney (1905)

नमो वः पितरो यच् छिवं तस्मै नमो वः पितरो यत् स्योनं तस्मै ॥८४॥

namo vaḥ pitaro yac chivaṃ tasmai namo vaḥ pitaro yat syonaṃ tasmai ||84||

Homage, O Fathers, to that of yours which is propitious; homage, O Fathers, to that of yours which is pleasant.

Translated by William Dwight Whitney (1905)

नमो वः पितरः स्वधा वः पितरः ॥८५॥

namo vaḥ pitaraḥ svadhā vaḥ pitaraḥ ||85||

Homage to you, O Fathers; svadhā́ to you, O Fathers.

Translated by William Dwight Whitney (1905)

ये ऽत्र पितरः पितरो ये ऽत्र यूयं स्थ युष्मांस् ते ऽनु यूयं तेषां श्रेष्ठा भूयास्थ ॥८६॥

ye 'tra pitaraḥ pitaro ye 'tra yūyaṃ stha yuṣmāṃs te 'nu yūyaṃ teṣāṃ śreṣṭhā bhūyāstha ||86||

They who are there, O Fathers—Fathers there are ye—[be] they after you; may ye be the best of them.

Translated by William Dwight Whitney (1905)

य इह पितरो जीवा इह वयं स्मः । अस्मांस् ते ऽनु वयं तेषां श्रेष्ठा भूयास्म ॥८७॥

ya iha pitaro jīvā iha vayaṃ smaḥ | asmāṃs te 'nu vayaṃ teṣāṃ śreṣṭhā bhūyāsma ||87||

They who are here, O Fathers—alive here are we—[be] they after us; may we be the best of them.

Translated by William Dwight Whitney (1905)

आ त्वाग्न इधीमहि द्युमन्तं देवाजरम् । यद् घ सा ते पनीयसी समिद् दीदयति द्यवि । इषं स्तोतृभ्य आ भर ॥८८॥

ā tvāgna idhīmahi dyumantaṃ devājaram | yad gha sā te panīyasī samid dīdayati dyavi | iṣaṃ stotṛbhya ā bhara ||88||

Thee, O Agni, would we kindle, full of light (dyumánt), O god, unwasting; as that very wondrous fuel of thine shall shine in the sky (dív), bring thou food for thy praisers.

Translated by William Dwight Whitney (1905)

चन्द्रमा अप्स्व् अन्तर् आ सुपर्णो धावते दिवि । न वो हिरण्यनेमयः पदं विन्दन्ति विद्युतो वित्तं मे अस्य रोदसी ॥८९॥ २८

candramā apsv antar ā suparṇo dhāvate divi | na vo hiraṇyanemayaḥ padaṃ vindanti vidyuto vittaṃ me asya rodasī ||89|| 28

The moon among the waters runs, an eagle in the sky (dív); they find not your track, O golden-rimmed lightnings: know me as such, O firmaments (ródasī).

Translated by William Dwight Whitney (1905)