Atharvaveda Saṃhitā (Śaunaka) 2

चन्द्र यत् ते हरस् तेन तं प्रति हर यो ऽस्मान् द्वेष्टि यं वयं द्विष्मः ॥२॥

candra yat te haras tena taṃ prati hara yo 'smān dveṣṭi yaṃ vayaṃ dviṣmaḥ ||2||

Sanskrit only: no published translation is held for this verse.

चन्द्र यत् ते ऽर्चिस् तेन तं प्रत्य् अर्च यो ऽस्मान् द्वेष्टि यं वयं द्विष्मः ॥३॥

candra yat te 'rcis tena taṃ praty arca yo 'smān dveṣṭi yaṃ vayaṃ dviṣmaḥ ||3||

Sanskrit only: no published translation is held for this verse.

चन्द्र यत् ते शोचिस् तेन तं प्रति शोच यो ऽस्मान् द्वेष्टि यं वयं द्विष्मः ॥४॥

candra yat te śocis tena taṃ prati śoca yo 'smān dveṣṭi yaṃ vayaṃ dviṣmaḥ ||4||

Sanskrit only: no published translation is held for this verse.

चन्द्र यत् ते तेजस् तेन तम् अतेजसं कृणु यो ऽस्मान् द्वेष्टि यं वयं द्विष्मः ॥५॥

candra yat te tejas tena tam atejasaṃ kṛṇu yo 'smān dveṣṭi yaṃ vayaṃ dviṣmaḥ ||5||

Sanskrit only: no published translation is held for this verse.

आपो यद् वस् तपस् तेन तं प्रति तपत यो ऽस्मान् द्वेष्टि यं वयं द्विष्मः ॥१॥

āpo yad vas tapas tena taṃ prati tapata yo 'smān dveṣṭi yaṃ vayaṃ dviṣmaḥ ||1||

Sanskrit only: no published translation is held for this verse.

आपो यद् वस् हरस् तेन तं प्रति हरत यो ऽस्मान् द्वेष्टि यं वयं द्विष्मः ॥२॥

āpo yad vas haras tena taṃ prati harata yo 'smān dveṣṭi yaṃ vayaṃ dviṣmaḥ ||2||

Sanskrit only: no published translation is held for this verse.

आपो यद् वस् ऽर्चिस् तेन तं प्रति अर्चत यो ऽस्मान् द्वेष्टि यं वयं द्विष्मः ॥३॥

āpo yad vas 'rcis tena taṃ prati arcata yo 'smān dveṣṭi yaṃ vayaṃ dviṣmaḥ ||3||

Sanskrit only: no published translation is held for this verse.

आपो यद् वस् शोचिस् तेन तं प्रति शोचत यो ऽस्मान् द्वेष्टि यं वयं द्विष्मः ॥४॥

āpo yad vas śocis tena taṃ prati śocata yo 'smān dveṣṭi yaṃ vayaṃ dviṣmaḥ ||4||

Sanskrit only: no published translation is held for this verse.

आपो यद् वस् तेजस् तेन तम् अतेजसं कृणुत यो ऽस्मान् द्वेष्टि यं वयं द्विष्मः ॥५॥

āpo yad vas tejas tena tam atejasaṃ kṛṇuta yo 'smān dveṣṭi yaṃ vayaṃ dviṣmaḥ ||5||

Sanskrit only: no published translation is held for this verse.

शेरभक शेरभ पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥१॥

śerabhaka śerabha punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||1||

Sanskrit only: no published translation is held for this verse.

शेवृधक शेवृध पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥२॥

śevṛdhaka śevṛdha punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||2||

Sanskrit only: no published translation is held for this verse.

म्रोकानुम्रोक पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥३॥

mrokānumroka punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||3||

Sanskrit only: no published translation is held for this verse.

सर्पानुसर्प पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥४॥

sarpānusarpa punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||4||

Sanskrit only: no published translation is held for this verse.

जूर्णि पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥५॥

jūrṇi punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||5||

Sanskrit only: no published translation is held for this verse.

उपब्दे पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥६॥

upabde punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||6||

Sanskrit only: no published translation is held for this verse.

अर्जुनि पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥७॥

arjuni punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||7||

Sanskrit only: no published translation is held for this verse.

भरूजि पुनर् वो यन्तु यातवः पुनर् हेतिः किमीदिनः । यस्य स्थ तम् अत्त यो वो प्राहैत् तम् अत्त स्वा मांसान्य् अत्त ॥८॥

bharūji punar vo yantu yātavaḥ punar hetiḥ kimīdinaḥ | yasya stha tam atta yo vo prāhait tam atta svā māṃsāny atta ||8||

Sanskrit only: no published translation is held for this verse.

शं नो देवी पृश्निपर्ण्य् अशं निरृत्या अकः । उग्रा हि कण्वजम्भनी ताम् अभक्षि सहस्वतीम् ॥१॥

śaṃ no devī pṛśniparṇy aśaṃ nirṛtyā akaḥ | ugrā hi kaṇvajambhanī tām abhakṣi sahasvatīm ||1||

Sanskrit only: no published translation is held for this verse.

सहमानेयं प्रथमा पृश्निपर्ण्य् अजायत । तयाहं दुर्णाम्नां शिरो वृश्चामि शकुनेर् इव ॥२॥

sahamāneyaṃ prathamā pṛśniparṇy ajāyata | tayāhaṃ durṇāmnāṃ śiro vṛścāmi śakuner iva ||2||

Sanskrit only: no published translation is held for this verse.

अरायम् असृक्पावानं यश् च स्फातिं जिहीर्षति । गर्भादं कण्वं नाशय पृश्निपर्णि सहस्व च ॥३॥

arāyam asṛkpāvānaṃ yaś ca sphātiṃ jihīrṣati | garbhādaṃ kaṇvaṃ nāśaya pṛśniparṇi sahasva ca ||3||

Sanskrit only: no published translation is held for this verse.

गिरिम् एनां आ वेशय कण्वान् जीवितयोपनान् । तांस् त्वं देवि पृश्निपर्ण्य् अग्निर् इवानुदहन्न् इहि ॥४॥

girim enāṃ ā veśaya kaṇvān jīvitayopanān | tāṃs tvaṃ devi pṛśniparṇy agnir ivānudahann ihi ||4||

Sanskrit only: no published translation is held for this verse.

पराच एनान् प्र णुद कण्वान् जीवितयोपनान् । तमांसि यत्र गछन्ति तत् क्रव्यादो अजीगमम् ॥५॥

parāca enān pra ṇuda kaṇvān jīvitayopanān | tamāṃsi yatra gachanti tat kravyādo ajīgamam ||5||

Sanskrit only: no published translation is held for this verse.

एह यन्तु पशवो ये परेयुर् वायुर् येषां सहचारं जुजोष । त्वष्टा येषां रूपधेयानि वेदास्मिन् तान् गोष्ठे सविता नि यछतु ॥१॥

eha yantu paśavo ye pareyur vāyur yeṣāṃ sahacāraṃ jujoṣa | tvaṣṭā yeṣāṃ rūpadheyāni vedāsmin tān goṣṭhe savitā ni yachatu ||1||

इमं गोष्ठं पशवः सं स्रवन्तु बृहस्पतिर् आ नयतु प्रजानन् । सिनीवाली नयत्व् आग्रम् एषाम् आजग्मुषो अनुमते नि यछ ॥२॥

imaṃ goṣṭhaṃ paśavaḥ saṃ sravantu bṛhaspatir ā nayatu prajānan | sinīvālī nayatv āgram eṣām ājagmuṣo anumate ni yacha ||2||

सं सं स्रवन्तु पशवः सम् अश्वाः सम् उ पूरुषाः । सं धान्यस्य या स्फातिः संस्राव्येण हविषा जुहोमि ॥३॥

saṃ saṃ sravantu paśavaḥ sam aśvāḥ sam u pūruṣāḥ | saṃ dhānyasya yā sphātiḥ saṃsrāvyeṇa haviṣā juhomi ||3||

सं सिञ्चामि गवां क्षीरम् सम् आज्येन बलम् रसम् । संसिक्ता अस्माकं वीरा ध्रुवा गावो मयि गोपतौ ॥४॥

saṃ siñcāmi gavāṃ kṣīram sam ājyena balam rasam | saṃsiktā asmākaṃ vīrā dhruvā gāvo mayi gopatau ||4||

आ हरामि गवां क्षीरम् आहार्षं धान्यं रसम् । आहृता अस्माकं वीरा आ पत्नीर् इदम् अस्तकम् ॥५॥

ā harāmi gavāṃ kṣīram āhārṣaṃ dhānyaṃ rasam | āhṛtā asmākaṃ vīrā ā patnīr idam astakam ||5||

नेच् छत्रुः प्राशं जयाति सहमानाभिभूर् असि । प्राशं प्रतिप्राशो जह्य् अरसान् कृण्व् ओषधे ॥१॥

nec chatruḥ prāśaṃ jayāti sahamānābhibhūr asi | prāśaṃ pratiprāśo jahy arasān kṛṇv oṣadhe ||1||

सुपर्णस् त्वान्व् अविन्दत् सूकरस् त्वाखनन् नसा । प्राशं प्रतिप्राशो जह्य् अरसान् कृण्व् ओषधे ॥२॥

suparṇas tvānv avindat sūkaras tvākhanan nasā | prāśaṃ pratiprāśo jahy arasān kṛṇv oṣadhe ||2||

इन्द्रो ह चक्रे त्वा बाहाव् असुरेभ्य स्तरीतवे । प्राशं प्रतिप्राशो जह्य् अरसान् कृण्व् ओषधे ॥३॥

indro ha cakre tvā bāhāv asurebhya starītave | prāśaṃ pratiprāśo jahy arasān kṛṇv oṣadhe ||3||

पाटाम् इन्द्रो व्य् आश्नाद् असुरेभ्य स्तरीतवे । प्राशं प्रतिप्राशो जह्य् अरसान् कृण्व् ओषधे ॥४॥

pāṭām indro vy āśnād asurebhya starītave | prāśaṃ pratiprāśo jahy arasān kṛṇv oṣadhe ||4||

तयाहं शत्रून्त् साक्ष इन्द्रः सालावृकां इव । प्राशं प्रतिप्राशो जह्य् अरसान् कृण्व् ओषधे ॥५॥

tayāhaṃ śatrūnt sākṣa indraḥ sālāvṛkāṃ iva | prāśaṃ pratiprāśo jahy arasān kṛṇv oṣadhe ||5||

रुद्र जलाषभेषज नीलशिखण्ड कर्मकृत् । प्राशं प्रतिप्राशो जह्य् अरसान् कृण्व् ओषधे ॥६॥

rudra jalāṣabheṣaja nīlaśikhaṇḍa karmakṛt | prāśaṃ pratiprāśo jahy arasān kṛṇv oṣadhe ||6||

तस्य प्राशं त्वं जहि यो न इन्द्राभिदासति । अधि नो ब्रूहि शक्तिभिः प्राशि माम् उत्तरं कृधि ॥७॥

tasya prāśaṃ tvaṃ jahi yo na indrābhidāsati | adhi no brūhi śaktibhiḥ prāśi mām uttaraṃ kṛdhi ||7||

तुभ्यम् एव जरिमन् वर्धताम् अयम् मेमम् अन्ये मृत्यवो हिंसिषुः शतं ये । मातेव पुत्रं प्रमना उपस्थे मित्र एनं मित्रियात् पात्व् अंहसः ॥१॥

tubhyam eva jariman vardhatām ayam memam anye mṛtyavo hiṃsiṣuḥ śataṃ ye | māteva putraṃ pramanā upasthe mitra enaṃ mitriyāt pātv aṃhasaḥ ||1||

मित्र एनं वरुणो वा रिशादा जरामृत्युं कृणुतां संविदानौ । तद् अग्निर् होता वयुनानि विद्वान् विश्वा देवानां जनिमा विवक्ति ॥२॥

mitra enaṃ varuṇo vā riśādā jarāmṛtyuṃ kṛṇutāṃ saṃvidānau | tad agnir hotā vayunāni vidvān viśvā devānāṃ janimā vivakti ||2||

त्वम् ईशिषे पशूनाम् पार्थिवानां ये जाता उत वा ये जनित्राः । मेमं प्राणो हासीन् मो अपानो मेमं मित्रा वधिषुर् मो अमित्राः ॥३॥

tvam īśiṣe paśūnām pārthivānāṃ ye jātā uta vā ye janitrāḥ | memaṃ prāṇo hāsīn mo apāno memaṃ mitrā vadhiṣur mo amitrāḥ ||3||

द्यौष् ट्वा पिता पृथिवी माता जरामृत्युं कृणुतां संविदाने । यथा जीवा अदितेर् उपस्थे प्राणापानाभ्यां गुपितः शतं हिमाः ॥४॥

dyauṣ ṭvā pitā pṛthivī mātā jarāmṛtyuṃ kṛṇutāṃ saṃvidāne | yathā jīvā aditer upasthe prāṇāpānābhyāṃ gupitaḥ śataṃ himāḥ ||4||

इमम् अग्ने आयुषे वर्चसे नय प्रियं रेतो वरुण मित्र राजन् । मातेवास्मा अदिते शर्म यछ विश्वे देवा जरदष्टिर् यथासत् ॥५॥

imam agne āyuṣe varcase naya priyaṃ reto varuṇa mitra rājan | mātevāsmā adite śarma yacha viśve devā jaradaṣṭir yathāsat ||5||

पार्थिवस्य रसे देवा भगस्य तन्वो बले । आयुष्यम् अस्मा अग्निः सूर्यो वर्च आ धाद् बृहस्पतिः ॥१॥

pārthivasya rase devā bhagasya tanvo bale | āyuṣyam asmā agniḥ sūryo varca ā dhād bṛhaspatiḥ ||1||

आयुर् अस्मै धेहि जातवेदः प्रजां त्वष्टर् अधिनिधेहि अस्मै । रायस् पोषं सवितर् आ सुवास्मै शतं जीवाति शरदस् तवायम् ॥२॥

āyur asmai dhehi jātavedaḥ prajāṃ tvaṣṭar adhinidhehi asmai | rāyas poṣaṃ savitar ā suvāsmai śataṃ jīvāti śaradas tavāyam ||2||

आशीर् ण ऊर्जम् उत सौप्रजास्त्वं दक्षं धत्तं द्रविणं सचेतसौ । जयम् क्षेत्राणि सहसायम् इन्द्र कृण्वानो अन्यान् अधरान्त् सपत्नान् ॥३॥

āśīr ṇa ūrjam uta sauprajāstvaṃ dakṣaṃ dhattaṃ draviṇaṃ sacetasau | jayam kṣetrāṇi sahasāyam indra kṛṇvāno anyān adharānt sapatnān ||3||

इन्द्रेण दत्तो वरुणेन शिष्टो मरुद्भिर् उग्रः प्रहितो नो आगन् । एष वां द्यावापृथिवी उपस्थे मा क्षुधन् मा तृषत् ॥४॥

indreṇa datto varuṇena śiṣṭo marudbhir ugraḥ prahito no āgan | eṣa vāṃ dyāvāpṛthivī upasthe mā kṣudhan mā tṛṣat ||4||

ऊर्जम् अस्मा ऊर्जस्वती धत्तं पयो अस्मै पयस्वती धत्तम् । ऊर्जम् अस्मै द्यावपृथिवी अधातां विश्वे देवा मरुत ऊर्जम् आपः ॥५॥

ūrjam asmā ūrjasvatī dhattaṃ payo asmai payasvatī dhattam | ūrjam asmai dyāvapṛthivī adhātāṃ viśve devā maruta ūrjam āpaḥ ||5||

शिवाभिष् टे हृदयं तर्पयाम्य् अनमीवो मोदिषीष्ठाः सुवर्चाः । सवासिनौ पिबतां मन्थम् एतम् अश्विनो रूपं परिधाय मायाम् ॥६॥

śivābhiṣ ṭe hṛdayaṃ tarpayāmy anamīvo modiṣīṣṭhāḥ suvarcāḥ | savāsinau pibatāṃ mantham etam aśvino rūpaṃ paridhāya māyām ||6||

इन्द्र एतां ससृजे विद्धो अग्र ऊर्जां स्वधाम् अजरां सा त एषा । तया त्वं जीव शरदः सुवर्चा मा त आ सुस्रोद् भिषजस् ते अक्रन् ॥७॥

indra etāṃ sasṛje viddho agra ūrjāṃ svadhām ajarāṃ sā ta eṣā | tayā tvaṃ jīva śaradaḥ suvarcā mā ta ā susrod bhiṣajas te akran ||7||

यथेदं भूम्या अधि तृणं वातो मथायति । एवा मथ्नामि ते मनो यथा मां कामिन्य् असो यथा मन् नापगा असः ॥१॥

yathedaṃ bhūmyā adhi tṛṇaṃ vāto mathāyati | evā mathnāmi te mano yathā māṃ kāminy aso yathā man nāpagā asaḥ ||1||

Sanskrit only: no published translation is held for this verse.

सं चेन् नयाथो अश्विना कामिना सं च वक्षथः । सं वां भगासो अग्मत सं चित्तानि सम् उ व्रता ॥२॥

saṃ cen nayātho aśvinā kāminā saṃ ca vakṣathaḥ | saṃ vāṃ bhagāso agmata saṃ cittāni sam u vratā ||2||

Sanskrit only: no published translation is held for this verse.

यत् सुपर्णा विवक्षवो अनमीवा विवक्षवः । तत्र मे गछताद् धवं शल्य इव कुल्मलं यथा ॥३॥

yat suparṇā vivakṣavo anamīvā vivakṣavaḥ | tatra me gachatād dhavaṃ śalya iva kulmalaṃ yathā ||3||

Sanskrit only: no published translation is held for this verse.

यद् अन्तरं तद् बाह्यं यद् बाह्यं तद् अन्तरम् । कन्यानां विश्वरूपाणां मनो गृभायौषधे ॥४॥

yad antaraṃ tad bāhyaṃ yad bāhyaṃ tad antaram | kanyānāṃ viśvarūpāṇāṃ mano gṛbhāyauṣadhe ||4||

Sanskrit only: no published translation is held for this verse.

एयम् अगन् पतिकामा जनिकामो ऽहम् आगमम् । अश्वः कनिक्रदद् यथा भगेनाहं सहागमम् ॥५॥

eyam agan patikāmā janikāmo 'ham āgamam | aśvaḥ kanikradad yathā bhagenāhaṃ sahāgamam ||5||

Sanskrit only: no published translation is held for this verse.

इन्द्रस्य या मही दृषत् क्रिमेर् विश्वस्य तर्हणी । तया पिनष्मि सं क्रिमीन् दृषदा खल्वां इव ॥१॥

indrasya yā mahī dṛṣat krimer viśvasya tarhaṇī | tayā pinaṣmi saṃ krimīn dṛṣadā khalvāṃ iva ||1||

दृष्टम् अदृष्टम् अतृहम् अथो कुरूरुम् अतृहम् । अल्गण्डून्त् सर्वान् छलुनान् क्रिमीन् वचसा जम्भयामसि ॥२॥

dṛṣṭam adṛṣṭam atṛham atho kurūrum atṛham | algaṇḍūnt sarvān chalunān krimīn vacasā jambhayāmasi ||2||

अल्गण्डून् हन्मि महता वधेन दूना अदूना अरसा अभूवन् । शिष्टान् अशिष्टान् नि तिरामि वाचा यथा क्रिमीणां नकिर् उछिषातै ॥३॥

algaṇḍūn hanmi mahatā vadhena dūnā adūnā arasā abhūvan | śiṣṭān aśiṣṭān ni tirāmi vācā yathā krimīṇāṃ nakir uchiṣātai ||3||

अन्वान्त्र्यं शीर्षण्यम् अथो पार्ष्टेयं क्रिमीन् । अवस्कवं व्यध्वरं क्रिमीन् वचसा जम्भयामसि ॥४॥

anvāntryaṃ śīrṣaṇyam atho pārṣṭeyaṃ krimīn | avaskavaṃ vyadhvaraṃ krimīn vacasā jambhayāmasi ||4||

ये क्रिमयः पर्वतेशु वनेष्व् ओषधीषु पशुष्व् अप्स्व् अन्तः । ये अस्माकं तन्वम् आविविशुः सर्वं तद् धन्मि जनिम क्रिमीणाम् ॥५॥

ye krimayaḥ parvateśu vaneṣv oṣadhīṣu paśuṣv apsv antaḥ | ye asmākaṃ tanvam āviviśuḥ sarvaṃ tad dhanmi janima krimīṇām ||5||

उद्यन्न् आदित्यः क्रिमीन् हन्तु निम्रोचन् हन्तु रश्मिभिः । ये अन्तः क्रिमयो गवि ॥१॥

udyann ādityaḥ krimīn hantu nimrocan hantu raśmibhiḥ | ye antaḥ krimayo gavi ||1||

विश्वरूपं चतुरक्षं क्रिमिं सारङ्गम् अर्जुनम् । शृणाम्य् अस्य पृष्टीर् अपि वृश्चामि यच् छिरः ॥२॥

viśvarūpaṃ caturakṣaṃ krimiṃ sāraṅgam arjunam | śṛṇāmy asya pṛṣṭīr api vṛścāmi yac chiraḥ ||2||

अत्रिवद् वः क्रिमयो हन्मि कण्ववज् जमदग्निवत् । अगस्त्यस्य ब्रह्मणा सं पिनष्म्य् अहं क्रिमीन् ॥३॥

atrivad vaḥ krimayo hanmi kaṇvavaj jamadagnivat | agastyasya brahmaṇā saṃ pinaṣmy ahaṃ krimīn ||3||

हतो राजा क्रिमीणाम् उतैषां स्थपतिर् हतः । हतो हतमाता क्रिमिर् हतभ्राता हतस्वसा ॥४॥

hato rājā krimīṇām utaiṣāṃ sthapatir hataḥ | hato hatamātā krimir hatabhrātā hatasvasā ||4||

हतासो अस्य वेशसो हतासः परिवेशसः । अथो ये क्षुल्लका इव सर्वे ते क्रिमयो हताः ॥५॥

hatāso asya veśaso hatāsaḥ pariveśasaḥ | atho ye kṣullakā iva sarve te krimayo hatāḥ ||5||

प्र ते शृणामि शृङ्गे याभ्यां वितुदायसि । भिनाद्मि ते कुषुम्भं यस् ते विषधानः ॥६॥

pra te śṛṇāmi śṛṅge yābhyāṃ vitudāyasi | bhinādmi te kuṣumbhaṃ yas te viṣadhānaḥ ||6||

अक्षीभ्यां ते नासिकाभ्यां कर्णाभ्यां छुबुकाद् अधि । यक्ष्मं शीर्षण्यं मस्तिष्काज् जिह्वाया वि वृहामि ते ॥१॥

akṣībhyāṃ te nāsikābhyāṃ karṇābhyāṃ chubukād adhi | yakṣmaṃ śīrṣaṇyaṃ mastiṣkāj jihvāyā vi vṛhāmi te ||1||

ग्रीवाभ्यस् त उष्णिहाभ्यः कीकसाभ्यो अनूक्यात् । यक्ष्मं दोषण्यम् अंसाभ्यां बाहुभ्यां वि वृहामि ते ॥२॥

grīvābhyas ta uṣṇihābhyaḥ kīkasābhyo anūkyāt | yakṣmaṃ doṣaṇyam aṃsābhyāṃ bāhubhyāṃ vi vṛhāmi te ||2||

हृदयात् ते परि क्लोम्नो हलीक्ष्णात् पार्श्वाभ्याम् । यक्ष्मं मतस्नाभ्यां प्लीह्नो यक्नस् ते वि वृहामसि ॥३॥

hṛdayāt te pari klomno halīkṣṇāt pārśvābhyām | yakṣmaṃ matasnābhyāṃ plīhno yaknas te vi vṛhāmasi ||3||

आन्त्रेभ्यस् ते गुदाभ्यो वनिष्ठोर् उदराद् अधि । यक्ष्मं कुक्षिभ्याम् प्लाशेर् नाभ्या वि वृहामि ते ॥४॥

āntrebhyas te gudābhyo vaniṣṭhor udarād adhi | yakṣmaṃ kukṣibhyām plāśer nābhyā vi vṛhāmi te ||4||

ऊरुभ्यां ते अष्ठीवद्भ्यां पार्ष्णिभ्यां प्रपदाभ्याम् । यक्ष्मं भसद्यं श्रोणिभ्यां भासदं भंससो वि वृहामि ते ॥५॥

ūrubhyāṃ te aṣṭhīvadbhyāṃ pārṣṇibhyāṃ prapadābhyām | yakṣmaṃ bhasadyaṃ śroṇibhyāṃ bhāsadaṃ bhaṃsaso vi vṛhāmi te ||5||

अस्थिभ्यस् ते मज्जभ्यः स्नावभ्यो धमनिभ्यः । यक्ष्मम् पाणिभ्याम् अङ्गुलिभ्यो नखेभ्यो वि वृहामि ते ॥६॥

asthibhyas te majjabhyaḥ snāvabhyo dhamanibhyaḥ | yakṣmam pāṇibhyām aṅgulibhyo nakhebhyo vi vṛhāmi te ||6||

अङ्गेअङ्गे लोम्निलोम्नि यस् ते पर्वणिपर्वणि । यक्ष्मं त्वचस्यं ते वयं कश्यपस्य वीबर्हेण विष्वञ्चं वि वृहामसि ॥७॥

aṅgeaṅge lomnilomni yas te parvaṇiparvaṇi | yakṣmaṃ tvacasyaṃ te vayaṃ kaśyapasya vībarheṇa viṣvañcaṃ vi vṛhāmasi ||7||

य ईशे पशुपतिः पशूनाम् चतुष्पदाम् उत यो द्विपदाम् । निष्क्रीतः स यज्ञियं भागम् एतु रायस् पोषा यजमानं सचन्ताम् ॥१॥

ya īśe paśupatiḥ paśūnām catuṣpadām uta yo dvipadām | niṣkrītaḥ sa yajñiyaṃ bhāgam etu rāyas poṣā yajamānaṃ sacantām ||1||

प्रमुञ्चन्तो भुवनस्य रेतो गातुं धत्त यजमानाय देवाः । उपाकृतं शशमानं यद् अस्थात् प्रियम् देवानाम् अप्य् एतु पाथः ॥२॥

pramuñcanto bhuvanasya reto gātuṃ dhatta yajamānāya devāḥ | upākṛtaṃ śaśamānaṃ yad asthāt priyam devānām apy etu pāthaḥ ||2||

ये बध्यमानम् अनु दीध्याना अन्वैक्षन्त मनसा चक्षुषा च । अग्निष् टान् अग्रे प्र मुमोक्तु देवो विश्वकर्मा प्रजया संरराणः ॥३॥

ye badhyamānam anu dīdhyānā anvaikṣanta manasā cakṣuṣā ca | agniṣ ṭān agre pra mumoktu devo viśvakarmā prajayā saṃrarāṇaḥ ||3||

ये ग्राम्याः पशवो विश्वरूपा विरूपाः सन्तो बहुधैकरूपाः । वायुष् टान् अग्रे प्र मुमोक्तु देवः प्रजापतिः प्रजया संरराणः ॥४॥

ye grāmyāḥ paśavo viśvarūpā virūpāḥ santo bahudhaikarūpāḥ | vāyuṣ ṭān agre pra mumoktu devaḥ prajāpatiḥ prajayā saṃrarāṇaḥ ||4||

प्रजानन्तः प्रति गृह्णन्तु पूर्वे प्राणम् अङ्गेभ्यः पर्य् आचरन्तम् । दिवं गछ प्रति तिष्ठा शरीरैः स्वर्गं याहि पथिभिर् देवयानैः ॥५॥

prajānantaḥ prati gṛhṇantu pūrve prāṇam aṅgebhyaḥ pary ācarantam | divaṃ gacha prati tiṣṭhā śarīraiḥ svargaṃ yāhi pathibhir devayānaiḥ ||5||

ये भक्षयन्तो न वसून्य् आनृधुर् यान् अग्नयो अन्वतप्यन्त धिष्ण्याः । या तेषाम् अवया दुरिष्टिः स्विष्टिं नस् तां कृणवद् विश्वकर्मा ॥१॥

ye bhakṣayanto na vasūny ānṛdhur yān agnayo anvatapyanta dhiṣṇyāḥ | yā teṣām avayā duriṣṭiḥ sviṣṭiṃ nas tāṃ kṛṇavad viśvakarmā ||1||

यज्ञपतिम् ऋषयः एनसाहुर् निर्भक्तं प्रजा अनुतप्यमानम् । मथव्यान्त् स्तोकान् अप यान् रराध सं नष् टेभिः सृजतु विश्वकर्मा ॥२॥

yajñapatim ṛṣayaḥ enasāhur nirbhaktaṃ prajā anutapyamānam | mathavyānt stokān apa yān rarādha saṃ naṣ ṭebhiḥ sṛjatu viśvakarmā ||2||

अदान्यान्त् सोमपान् मन्यमानो यज्ञस्य विद्वान्त् समये न धीरः । यद् एनश् चकृवान् बद्ध एष तं विश्वकर्मन् प्र मुञ्चा स्वस्तये ॥३॥

adānyānt somapān manyamāno yajñasya vidvānt samaye na dhīraḥ | yad enaś cakṛvān baddha eṣa taṃ viśvakarman pra muñcā svastaye ||3||

घोरा ऋषयो नमो अस्त्व् एभ्यश् चक्षुर् यद् एषां मनसश् च सत्यम् । बृहस्पतये महिष द्युमन्न् नमो विश्वकर्मन् नमस् ते पाह्य् अस्मान् ॥४॥

ghorā ṛṣayo namo astv ebhyaś cakṣur yad eṣāṃ manasaś ca satyam | bṛhaspataye mahiṣa dyumann namo viśvakarman namas te pāhy asmān ||4||

यज्ञस्य चक्षुः प्रभृतिर् मुखं च वाचा श्रोत्रेण मनसा जुहोमि । इमं यज्ञं विततं विश्वकर्मणा देवा यन्तु सुमनस्यमानाः ॥५॥

yajñasya cakṣuḥ prabhṛtir mukhaṃ ca vācā śrotreṇa manasā juhomi | imaṃ yajñaṃ vitataṃ viśvakarmaṇā devā yantu sumanasyamānāḥ ||5||

आ नो अग्ने सुमतिं संभलो गमेद् इमां कुमारीं सह नो भगेन । जुष्टा वरेषु समनेषु वल्गुर् ओषं पत्या सौभगम् अस्तु अस्यै ॥१॥

ā no agne sumatiṃ saṃbhalo gamed imāṃ kumārīṃ saha no bhagena | juṣṭā vareṣu samaneṣu valgur oṣaṃ patyā saubhagam astu asyai ||1||

Sanskrit only: no published translation is held for this verse.

सोमजुष्टं ब्रह्मजुष्टम् अर्यम्ना संभृतं भगम् । धातुर् देवस्य सत्येन कृणोमि पतिवेदनम् ॥२॥

somajuṣṭaṃ brahmajuṣṭam aryamnā saṃbhṛtaṃ bhagam | dhātur devasya satyena kṛṇomi pativedanam ||2||

Sanskrit only: no published translation is held for this verse.

इयम् अग्ने नारी पतिम् विदेष्ट सोमो हि राजा सुभगां कृणोति । सुवाना पुत्रान् महिषी भवाति गत्वा पतिं सुभगा वि राजतु ॥३॥

iyam agne nārī patim videṣṭa somo hi rājā subhagāṃ kṛṇoti | suvānā putrān mahiṣī bhavāti gatvā patiṃ subhagā vi rājatu ||3||

Sanskrit only: no published translation is held for this verse.

यथाखरो मघवंश् चारुर् एष प्रियो मृगाणां सुषदा बभूव । एवा भगस्य जुष्टेयम् अस्तु नारी संप्रिया पत्याविराधयन्ती ॥४॥

yathākharo maghavaṃś cārur eṣa priyo mṛgāṇāṃ suṣadā babhūva | evā bhagasya juṣṭeyam astu nārī saṃpriyā patyāvirādhayantī ||4||

Sanskrit only: no published translation is held for this verse.

भगस्य नावम् आ रोह पूर्णाम् अनुपदस्वतीम् । तयोपप्रतारय यो वरः प्रतिकाम्यः ॥५॥

bhagasya nāvam ā roha pūrṇām anupadasvatīm | tayopapratāraya yo varaḥ pratikāmyaḥ ||5||

Sanskrit only: no published translation is held for this verse.

आ क्रन्दय धनपते वरम् आमनसं कृणु । सर्वं प्रदक्षिणं कृणु यो वरः प्रतिकाम्यः ॥६॥

ā krandaya dhanapate varam āmanasaṃ kṛṇu | sarvaṃ pradakṣiṇaṃ kṛṇu yo varaḥ pratikāmyaḥ ||6||

Sanskrit only: no published translation is held for this verse.

इदं हिरण्यं गुल्गुल्व् अयम् औक्षो अथो भगः । एते पतिभ्यस् त्वाम् अदुः प्रतिकामाय वेत्तवे ॥७ आ ते नयतु सविता नयतु पतिर् यः प्रतिकाम्यः ।

idaṃ hiraṇyaṃ gulgulv ayam aukṣo atho bhagaḥ | ete patibhyas tvām aduḥ pratikāmāya vettave ||7 ā te nayatu savitā nayatu patir yaḥ pratikāmyaḥ |

Sanskrit only: no published translation is held for this verse.