Library·Jayadeva: Gitagovinda-kavya (in pausa)·1
मेघैः मेदुरम् अम्बरम् वन-भुवः श्यामाः तमाल-द्रुमैः नक्तम् भीरुः अयम् त्वम् एव तत् इमम् राधे गृहम् प्रापय । इत्थम् नन्द-निदेशतः चलितयोः प्रति-अध्व-कुञ्ज-द्रुमम् राधा-माधवयोः जयन्ति यमुना-कूले रहः-केलयः ॥
meghaiḥ meduram ambaram vana-bhuvaḥ śyāmāḥ tamāla-drumaiḥ naktam bhīruḥ ayam tvam eva tat imam rādhe gṛham prāpaya / ittham nanda-nideśataḥ calitayoḥ prati-adhva-kuñja-drumam rādhā-mādhavayoḥ jayanti yamunā-kūle rahaḥ-kelayaḥ //
Sanskrit only: no published translation is held for this verse.
वाक्-देवता-चरित-चित्रित-चित्त-सद्मा पद्मावती-चरण-चारण-चक्रवर्ती श्री-वासुदेव-रति-केलि-कथा-समेतम् एतम् करोति जयदेव-कविः प्रबन्धम् ॥
vāk-devatā-carita-citrita-citta-sadmā padmāvatī-caraṇa-cāraṇa-cakravartī śrī-vāsudeva-rati-keli-kathā-sametam etam karoti jayadeva-kaviḥ prabandham //
Sanskrit only: no published translation is held for this verse.
वाचः पल्लवयति उमापतिधरः संदर्भ-शुद्धिम् गिराम् जानीते जयदेवः एव शरणः श्लाघ्यः दुरूह-द्रुते । शृङ्गार-उत्तर-सत्-प्रमेय-रचनैः आचार्यगोवर्धन- स्पर्धी कः अपि न विश्रुतः श्रुतिधरः धोयी कवि-क्ष्मापतिः ॥
vācaḥ pallavayati umāpatidharaḥ saṃdarbha-śuddhim girām jānīte jayadevaḥ eva śaraṇaḥ ślāghyaḥ durūha-drute / śṛṅgāra-uttara-sat-prameya-racanaiḥ ācāryagovardhana- spardhī kaḥ api na viśrutaḥ śrutidharaḥ dhoyī kavi-kṣmāpatiḥ //
Sanskrit only: no published translation is held for this verse.
यदि हरि-स्मरणे सरसम् मनः यदि विलास-कलासु कुतूहलम् । मधुर-कोमल-कान्त-पद-आवलीम् शृणु तदा जयदेव-सरस्वतीम् ॥
yadi hari-smaraṇe sarasam manaḥ yadi vilāsa-kalāsu kutūhalam / madhura-komala-kānta-pada-āvalīm śṛṇu tadā jayadeva-sarasvatīm //
Sanskrit only: no published translation is held for this verse.
प्रलय-पयोधि-जले धृतवान् असि वेदम्। विहित-वहित्र-चरित्रम् अखेदम् ॥ केशव धृत-मीन-शरीर जय जगदीश हरे ॥
pralaya-payodhi-jale dhṛtavān asi vedam/ vihita-vahitra-caritram akhedam // keśava dhṛta-mīna-śarīra jaya jagadīśa hare //
Sanskrit only: no published translation is held for this verse.
क्षितिः अतिविपुलतरे तव तिष्ठति पृष्ठे । धरणि-धरण-किण-चक्र-गरिष्ठे ॥ केशव धृत-कच्छप-रूप जय जगदीश हरे ॥
kṣitiḥ ativipulatare tava tiṣṭhati pṛṣṭhe / dharaṇi-dharaṇa-kiṇa-cakra-gariṣṭhe // keśava dhṛta-kacchapa-rūpa jaya jagadīśa hare //
Sanskrit only: no published translation is held for this verse.
वसति दशन-शिखरे धरणी तव लग्ना । शशिनि कलङ्क-कला इव निमग्ना ॥ केशव धृत-शूकर-रूप जय जगदीश हरे ॥
vasati daśana-śikhare dharaṇī tava lagnā / śaśini kalaṅka-kalā iva nimagnā // keśava dhṛta-śūkara-rūpa jaya jagadīśa hare //
Sanskrit only: no published translation is held for this verse.
तव कर-कमल-वरे नखम् अद्भुत-शृङ्गम् । दलित-हिरण्यकशिपु-तनु-भृङ्गम् ॥ केशव धृत-नरहरि-रूप जय जगदीश हरे ॥
tava kara-kamala-vare nakham adbhuta-śṛṅgam / dalita-hiraṇyakaśipu-tanu-bhṛṅgam // keśava dhṛta-narahari-rūpa jaya jagadīśa hare //
Sanskrit only: no published translation is held for this verse.
छलयसि विक्रमणे बलिम् अद्भुत-वामन । पद-नख-नीर-जनित-जन-पावन ॥ केशव धृत-वामन-रूप जय जगदीश हरे ॥
chalayasi vikramaṇe balim adbhuta-vāmana / pada-nakha-nīra-janita-jana-pāvana // keśava dhṛta-vāmana-rūpa jaya jagadīśa hare //
Sanskrit only: no published translation is held for this verse.
क्षत्रिय-रुधिर-मये जगत् अपगत-पापम् । स्नपयसि पयसि शमित-भव-तापम् ॥ केशव धृत-भृगुपति-रूप जय जगदीश हरे ॥
kṣatriya-rudhira-maye jagat apagata-pāpam / snapayasi payasi śamita-bhava-tāpam // keśava dhṛta-bhṛgupati-rūpa jaya jagadīśa hare //
Sanskrit only: no published translation is held for this verse.
वितरसि दिक्षु रणे दिक्पति-कमनीयम् । दशमुख-मौलि-बलिम् रमणीयम् ॥ केशव धृत-राम-शरीर जय जगदीश हरे ॥
vitarasi dikṣu raṇe dikpati-kamanīyam / daśamukha-mauli-balim ramaṇīyam // keśava dhṛta-rāma-śarīra jaya jagadīśa hare //
Sanskrit only: no published translation is held for this verse.
वहसि वपुषि विशदे वसनम् जलद-आभम् । हल-हति-भीति-मिलित-यमुना-आभम् ॥ केशव धृत-हलधर-रूप जय जगदीश हरे ॥
vahasi vapuṣi viśade vasanam jalada-ābham / hala-hati-bhīti-milita-yamunā-ābham // keśava dhṛta-haladhara-rūpa jaya jagadīśa hare //
Sanskrit only: no published translation is held for this verse.
निन्दसि यज्ञ-विधेः अहह श्रुति-जातम् । सदय-हृदय दर्शित-पशु-घातम् ॥ केशव धृत-बुद्ध-शरीर जय जगदीश हरे ॥
nindasi yajña-vidheḥ ahaha śruti-jātam / sadaya-hṛdaya darśita-paśu-ghātam // keśava dhṛta-buddha-śarīra jaya jagadīśa hare //
Sanskrit only: no published translation is held for this verse.
म्लेच्छ-निवह-निधने कलयसि करवालम् । धूम-केतुम् इव किम् अपि करालम् ॥ केशव धृत-कल्कि-शरीर जय जगदीश हरे ॥
mleccha-nivaha-nidhane kalayasi karavālam / dhūma-ketum iva kim api karālam // keśava dhṛta-kalki-śarīra jaya jagadīśa hare //
Sanskrit only: no published translation is held for this verse.
श्रीजयदेव-कवेः इदम् उदितम् उदारम् । शृणु सुखदम् शुभदम् भव-सारम् ॥ केशव धृत-दश-विध-रूप जय जगदीश हरे ॥
śrījayadeva-kaveḥ idam uditam udāram / śṛṇu sukhadam śubhadam bhava-sāram // keśava dhṛta-daśa-vidha-rūpa jaya jagadīśa hare //
Sanskrit only: no published translation is held for this verse.
वेदान् उद्धरते जगत् निवहते भूगोलम् उद्बिभ्रते दैत्यम् दारयते बलिम् छलयते क्षत्र-क्षयम् कुर्वते । पौलस्त्यम् जयते हलम् कलयते कारुण्यम् आतन्वते म्लेच्छान् मूर्च्छयते दश-आकृति-कृते कृष्णाय तुभ्यम् नमः ॥
vedān uddharate jagat nivahate bhūgolam udbibhrate daityam dārayate balim chalayate kṣatra-kṣayam kurvate / paulastyam jayate halam kalayate kāruṇyam ātanvate mlecchān mūrcchayate daśa-ākṛti-kṛte kṛṣṇāya tubhyam namaḥ //
Sanskrit only: no published translation is held for this verse.
श्रित-कमला-कुच-मण्डल धृत-कुण्डल ए । कलित-ललित-वन-माल जय जयदेव हरे ॥
śrita-kamalā-kuca-maṇḍala dhṛta-kuṇḍala e / kalita-lalita-vana-māla jaya jayadeva hare //
Sanskrit only: no published translation is held for this verse.
दिन-मणि-मण्डल-मण्डन भव-खण्डन ए । मुनि-जन-मानस-हंस जय जयदेव हरे ॥
dina-maṇi-maṇḍala-maṇḍana bhava-khaṇḍana e / muni-jana-mānasa-haṃsa jaya jayadeva hare //
Sanskrit only: no published translation is held for this verse.
कालिय-विष-धर-गञ्जन जन-रञ्जन ए । यदु-कुल-नलिन-दिनेश जय जयदेव हरे ॥
kāliya-viṣa-dhara-gañjana jana-rañjana e / yadu-kula-nalina-dineśa jaya jayadeva hare //
Sanskrit only: no published translation is held for this verse.
मधु-मुर-नरक-विनाशन गरुड-आसन ए । सुर-कुल-केलि-निदान जय जयदेव हरे ॥
madhu-mura-naraka-vināśana garuḍa-āsana e / sura-kula-keli-nidāna jaya jayadeva hare //
Sanskrit only: no published translation is held for this verse.
अमल-कमल-दल-लोचन भव-मोचन ए । त्रिभुवन-भवन-निधान जय जयदेव हरे ॥
amala-kamala-dala-locana bhava-mocana e / tribhuvana-bhavana-nidhāna jaya jayadeva hare //
Sanskrit only: no published translation is held for this verse.
जनक-सुता-कृत-भूषण जित-दूषण ए । समर-शमित-दशकण्ठ जय जयदेव हरे ॥
janaka-sutā-kṛta-bhūṣaṇa jita-dūṣaṇa e / samara-śamita-daśakaṇṭha jaya jayadeva hare //
Sanskrit only: no published translation is held for this verse.
अभिनव-जलधर-सुन्दर धृत-मन्दर ए । श्री-मुख-चन्द्र-चकोर जय जयदेव हरे ॥
abhinava-jaladhara-sundara dhṛta-mandara e / śrī-mukha-candra-cakora jaya jayadeva hare //
Sanskrit only: no published translation is held for this verse.
श्रीजयदेव-कवेः इदम् कुरुते मुदम् ए । मङ्गलम् उज्ज्वल-गीतम् जय जयदेव हरे ॥
śrījayadeva-kaveḥ idam kurute mudam e / maṅgalam ujjvala-gītam jaya jayadeva hare //
Sanskrit only: no published translation is held for this verse.
पद्मा-पयोधर-तटी-परिरम्भ-लग्न-काश्मीर-मुद्रितम् उरः मधुसूदनस्य । व्यक्त-अनुरागम् इव खेलत्-अनङ्ग-खेद-स्वेद-अम्बु-पूरम् अनुपूरयतु प्रियम् वः ॥
padmā-payodhara-taṭī-parirambha-lagna-kāśmīra-mudritam uraḥ madhusūdanasya / vyakta-anurāgam iva khelat-anaṅga-kheda-sveda-ambu-pūram anupūrayatu priyam vaḥ //
Sanskrit only: no published translation is held for this verse.
वसन्ते वासन्ती-कुसुम-सुकुमारैः अवयवैः भ्रमन्तीम् कान्तारे बहु-विहित-कृष्ण-अनुसरणाम् । अमन्दम् कन्दर्प-ज्वर-जनित-चिन्ता-आकुलतया वलत्-बाधाम् राधाम् सरसम् इदम् ऊचे सहचरी ॥
vasante vāsantī-kusuma-sukumāraiḥ avayavaiḥ bhramantīm kāntāre bahu-vihita-kṛṣṇa-anusaraṇām / amandam kandarpa-jvara-janita-cintā-ākulatayā valat-bādhām rādhām sarasam idam ūce sahacarī //
Sanskrit only: no published translation is held for this verse.
ललित-लवङ्ग-लता-परिशीलन-कोमल-मलय-समीरे । मधुकर-निकर-करम्बित-कोकिल-कूजित-कुञ्ज-कुटीरे ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
lalita-lavaṅga-latā-pariśīlana-komala-malaya-samīre / madhukara-nikara-karambita-kokila-kūjita-kuñja-kuṭīre // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
उन्मद-मदन-मनोरथ-पथिक-वधू-जन-जनित-विलापे । अलि-कुल-संकुल-कुसुम-समूह-निराकुल-बकुल-कलापे ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
unmada-madana-manoratha-pathika-vadhū-jana-janita-vilāpe / ali-kula-saṃkula-kusuma-samūha-nirākula-bakula-kalāpe // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
मृगमद-सौरभ-रभस-वशंवद-नव-दल-माल-तमाले । युव-जन-हृदय-विदारण-मनसिज-नख-रुचि-किंशुक-जाले ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
mṛgamada-saurabha-rabhasa-vaśaṃvada-nava-dala-māla-tamāle / yuva-jana-hṛdaya-vidāraṇa-manasija-nakha-ruci-kiṃśuka-jāle // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
मदन-महीपति-कनक-दण्ड-रुचि-केशर-कुसुम-विकासे । मिलित-शिलीमुख-पाटलि-पटल-कृत-स्मर-तूण-विलासे ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
madana-mahīpati-kanaka-daṇḍa-ruci-keśara-kusuma-vikāse / milita-śilīmukha-pāṭali-paṭala-kṛta-smara-tūṇa-vilāse // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
विगलित-लज्जित-जगत्-अवलोकन-तरुण-करुण-कृत-हासे । विरहि-निकृन्तन-कुन्त-मुख-आकृति-केतक-दन्तुरित-आशे ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
vigalita-lajjita-jagat-avalokana-taruṇa-karuṇa-kṛta-hāse / virahi-nikṛntana-kunta-mukha-ākṛti-ketaka-danturita-āśe // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
माधविका-परिमल-ललिते नवमालिक-जाति-सुगन्धौ । मुनि-मनसाम् अपि मोहन-कारिणि तरुण-अकारण-बन्धौ ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
mādhavikā-parimala-lalite navamālika-jāti-sugandhau / muni-manasām api mohana-kāriṇi taruṇa-akāraṇa-bandhau // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
स्फुरत्-अतिमुक्त-लता-परिरम्भण-मुकुलित-पुलकित-चूते । वृन्दावन-विपिने परिसर-परिगत-यमुना-जल-पूते ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
sphurat-atimukta-latā-parirambhaṇa-mukulita-pulakita-cūte / vṛndāvana-vipine parisara-parigata-yamunā-jala-pūte // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
श्रीजयदेव--भणितम् इदम् उदयति हरि-चरण-स्मृति-सारम् । सरस-वसन्त-समय-वन-वर्णनम् अनुगत-मदन-विकारम् ॥ विहरति हरिः इह सरस-वसन्ते नृत्यति युवति-जनेन समम् सखि विरहि-जनस्य दुरन्ते ॥
śrījayadeva--bhaṇitam idam udayati hari-caraṇa-smṛti-sāram / sarasa-vasanta-samaya-vana-varṇanam anugata-madana-vikāram // viharati hariḥ iha sarasa-vasante nṛtyati yuvati-janena samam sakhi virahi-janasya durante //
Sanskrit only: no published translation is held for this verse.
दर-विदलित-मल्ली-वल्लि-चञ्चत्-पराग- प्रकटित-पट-वासैः वासयन् काननानि । इह हि दहति चेतः केतकी-गन्ध-बन्धुः प्रसरत्-असमबाण-प्राणवत्-गन्धवाहः ॥
dara-vidalita-mallī-valli-cañcat-parāga- prakaṭita-paṭa-vāsaiḥ vāsayan kānanāni / iha hi dahati cetaḥ ketakī-gandha-bandhuḥ prasarat-asamabāṇa-prāṇavat-gandhavāhaḥ //
Sanskrit only: no published translation is held for this verse.
उन्मीलत्-मधु-गन्ध-लुब्ध-मधुप-व्याधूत-चूत-अङ्कुर- क्रीडत्-कोकिल-काकली-कलकलैः उद्गीर्ण-कर्ण-ज्वराः । नीयन्ते पथिकैः कथम् कथम् अपि ध्यान-अवधान-क्षण- प्राप्त-प्राण-समा-समागम-रस-उल्लासैः अमी वासराः ॥
unmīlat-madhu-gandha-lubdha-madhupa-vyādhūta-cūta-aṅkura- krīḍat-kokila-kākalī-kalakalaiḥ udgīrṇa-karṇa-jvarāḥ / nīyante pathikaiḥ katham katham api dhyāna-avadhāna-kṣaṇa- prāpta-prāṇa-samā-samāgama-rasa-ullāsaiḥ amī vāsarāḥ //
Sanskrit only: no published translation is held for this verse.
अनेक-नारी-परिरम्भ-सम्भ्रम-स्फुरत्-मनोहारि-विलास-लालसम् । मुरारिम् आरात् उपदर्शयन्ती असौ सखी समक्षम् पुनः आह राधिकाम् ॥
aneka-nārī-parirambha-sambhrama-sphurat-manohāri-vilāsa-lālasam / murārim ārāt upadarśayantī asau sakhī samakṣam punaḥ āha rādhikām //
Sanskrit only: no published translation is held for this verse.
चन्दन-चर्चित-नील-कलेवर-पीत-वसन-वनमाली । केलि-चलत्-मणि-कुण्डल-मण्डित-गण्ड-युग-स्मित-शाली ॥ हरिः इह मुग्ध-वधू-निकरे विलासिनि विलसति केलिपरे ॥
candana-carcita-nīla-kalevara-pīta-vasana-vanamālī / keli-calat-maṇi-kuṇḍala-maṇḍita-gaṇḍa-yuga-smita-śālī // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
पीन-पयोधर-भारेण हरिम् परिरभ्य सरागम् । गोप-वधूः अनुगायति काचित् उदञ्चित-पञ्चम-रागम् ॥ हरिः इह मुग्ध-वधू-निकरे विलासिनि विलसति केलिपरे ॥
pīna-payodhara-bhāreṇa harim parirabhya sarāgam / gopa-vadhūḥ anugāyati kācit udañcita-pañcama-rāgam // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
कापि विलास-विलोल-विलोचन-खेलन-जनित-मनोजम् । ध्यायति मुग्ध-वधूः अधिकम् मधु-सूदन-वदन-सरोजम् ॥ हरिः इह मुग्ध-वधू-निकरे विलासिनि विलसति केलिपरे ॥
kāpi vilāsa-vilola-vilocana-khelana-janita-manojam / dhyāyati mugdha-vadhūḥ adhikam madhu-sūdana-vadana-sarojam // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
कापि कपोल-तले मिलिता लपितुम् किमपि श्रुति-मूले । चारु चुचुम्ब नितम्बवती दयितम् पुलकैः अनुकूले ॥ हरिः इह मुग्ध-वधू-निकरे विलासिनि विलसति केलिपरे ॥
kāpi kapola-tale militā lapitum kimapi śruti-mūle / cāru cucumba nitambavatī dayitam pulakaiḥ anukūle // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
केलि-कला-कुतुकेन च काचित् अमुम् यमुना-जल-कूले । मञ्जुल-वञ्जुल-कुञ्ज-गतम् विचकर्ष करेण दुकूले ॥ हरिः इह मुग्ध-वधू-निकरे विलासिनि विलसति केलिपरे ॥
keli-kalā-kutukena ca kācit amum yamunā-jala-kūle / mañjula-vañjula-kuñja-gatam vicakarṣa kareṇa dukūle // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
कर-तल-ताल-तरल-वलय-आवलि-कलित-कल-स्वन-वंशे । रास-रसे सह-नृत्य-परा हरिणा युवतिः प्रशशंसे ॥ हरिः इह मुग्ध-वधू-निकरे विलासिनि विलसति केलिपरे ॥
kara-tala-tāla-tarala-valaya-āvali-kalita-kala-svana-vaṃśe / rāsa-rase saha-nṛtya-parā hariṇā yuvatiḥ praśaśaṃse // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
श्लिष्यति कामपि चुम्बति कामपि कामपि रमयति रामाम् । पश्यति सस्मित-चारु-पराम् अपराम् अनुगच्छति वामाम् ॥ हरिः इह मुग्ध-वधू-निकरे विलासिनि विलसति केलिपरे ॥
śliṣyati kāmapi cumbati kāmapi kāmapi ramayati rāmām / paśyati sasmita-cāru-parām aparām anugacchati vāmām // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
श्रीजयदेव-कवेः इदम् अद्भुत-केशव-केलि-रहस्यम् । वृन्दावन-विपिने ललितम् वितनोतु शुभानि यशस्यम् ॥ हरिः इह मुग्ध-वधू-निकरे विलासिनि विलसति केलिपरे ॥
śrījayadeva-kaveḥ idam adbhuta-keśava-keli-rahasyam / vṛndāvana-vipine lalitam vitanotu śubhāni yaśasyam // hariḥ iha mugdha-vadhū-nikare vilāsini vilasati kelipare //
Sanskrit only: no published translation is held for this verse.
विश्वेषाम् अनुरञ्जनेन जनयन् आनन्दम् इन्दीवर- श्रेणी-श्यामल-कोमलैः उपनयन् अङ्ôऐः अनङ्ग-उत्सवम् । स्वच्छन्दम् व्रज-सुन्दरीभिः अभितः प्रति-अङ्गम् आलिङ्गितः शृङ्गारः सखि मूर्तिमान् इव मधौ मुग्धः हरिः क्रीडति ॥
viśveṣām anurañjanena janayan ānandam indīvara- śreṇī-śyāmala-komalaiḥ upanayan aṅôaiḥ anaṅga-utsavam / svacchandam vraja-sundarībhiḥ abhitaḥ prati-aṅgam āliṅgitaḥ śṛṅgāraḥ sakhi mūrtimān iva madhau mugdhaḥ hariḥ krīḍati //
Sanskrit only: no published translation is held for this verse.
अद्य उत्सङ्ग-वसत्-भुजङ्ग-कवल-क्लेशात् इव ईश-अचलम् प्रालेय-प्लवन-इच्छया अनुसरति श्रीखण्ड-शैल-अनिलः । किम् च स्निग्ध-रसाल-मौलि-मुकुलानि आलोक्य हर्ष-उदयात् उन्मीलन्ति कुहूः कुहूः इति कल-उत्तालाः पिकानाम् गिरः ॥
adya utsaṅga-vasat-bhujaṅga-kavala-kleśāt iva īśa-acalam prāleya-plavana-icchayā anusarati śrīkhaṇḍa-śaila-anilaḥ / kim ca snigdha-rasāla-mauli-mukulāni ālokya harṣa-udayāt unmīlanti kuhūḥ kuhūḥ iti kala-uttālāḥ pikānām giraḥ //
Sanskrit only: no published translation is held for this verse.
किं च स्निग्ध-रसाल-मौलि-मुकुलान्य् आलोक्य हर्षोदयाद् उन्मीलन्ति कुहूः कुहूर् इति कलोत्तालाः पिकानां गिरः
kiṃ ca snigdha-rasāla-mauli-mukulāny ālokya harṣodayād unmīlanti kuhūḥ kuhūr iti kalottālāḥ pikānāṃ giraḥ
Sanskrit only: no published translation is held for this verse.
रासोल्लास-भरेण विभ्रम-भृताम् आभीर-वाम-भ्रुवाम् अभ्यर्णं परिरभ्य निर्भरम् उरः प्रेमान्धया राधया । साधु त्वद्-वदनं सुधा-मयम् इति व्याहृत्य गीत-स्तुति-व्याजाद् उद्भट-चुम्बितः स्मित-मनोहारि हरिः पातु वः
rāsollāsa-bhareṇa vibhrama-bhṛtām ābhīra-vāma-bhruvām abhyarṇaṃ parirabhya nirbharam uraḥ premāndhayā rādhayā | sādhu tvad-vadanaṃ sudhā-mayam iti vyāhṛtya gīta-stuti-vyājād udbhaṭa-cumbitaḥ smita-manohāri hariḥ pātu vaḥ
Sanskrit only: no published translation is held for this verse.