Library·Jayadeva: Gitagovinda-kavya (in pausa)·7
अत्र अन्तरे च कुलटा-कुल-वर्त्म-पात- संजात-पातकः इव स्फुट-लाञ्छन-श्रीः । वृन्दावन-अन्तरम् अदीपयत् अंशु-जालैः दिक्सुन्दरी-वदन-चन्दन-बिन्दुः इन्दुः ॥
atra antare ca kulaṭā-kula-vartma-pāta- saṃjāta-pātakaḥ iva sphuṭa-lāñchana-śrīḥ / vṛndāvana-antaram adīpayat aṃśu-jālaiḥ diksundarī-vadana-candana-binduḥ induḥ //
Sanskrit only: no published translation is held for this verse.
प्रसरति शश-धर-बिम्बे विहित-विलम्बे च माधवे विधुरा । विरचित-विविध-विलापम् सा परितापम् चकार उच्चैः ॥
prasarati śaśa-dhara-bimbe vihita-vilambe ca mādhave vidhurā / viracita-vividha-vilāpam sā paritāpam cakāra uccaiḥ //
Sanskrit only: no published translation is held for this verse.
कथित-समये अपि हरिः अहह न ययौ वनम् । मम विफलम् इदम् अमल-रूपम् अपि यौवनम् ॥ यामि हे कम् इह शरणम् सखी-जन-वचन-वञ्चिता ॥
kathita-samaye api hariḥ ahaha na yayau vanam / mama viphalam idam amala-rūpam api yauvanam // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
यत् अनुगमनाय निशि गहनम् अपि शीलितम् । तेन मम हृदयम् इदम् असमशर-कीलितम् ॥ यामि हे कम् इह शरणम् सखी-जन-वचन-वञ्चिता ॥
yat anugamanāya niśi gahanam api śīlitam / tena mama hṛdayam idam asamaśara-kīlitam // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
मम मरणम् एव वरम् अतिवितथ-केतना । किम् इह विषहामि विरह-अनलम् अचेतना ॥ यामि हे कम् इह शरणम् सखी-जन-वचन-वञ्चिता ॥
mama maraṇam eva varam ativitatha-ketanā / kim iha viṣahāmi viraha-analam acetanā // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
माम् अहह विधुरयति मधुर-मधु-यामिनी । कापि हरिम् अनुभवति कृत-सुकृत-कामिनी ॥ यामि हे कम् इह शरणम् सखी-जन-वचन-वञ्चिता ॥
mām ahaha vidhurayati madhura-madhu-yāminī / kāpi harim anubhavati kṛta-sukṛta-kāminī // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
अहह कलयामि वलय-आदि-मणि-भूषणम् । हरि-विरह-दहन-वहनेन बहु-दूषणम् ॥ यामि हे कम् इह शरणम् सखी-जन-वचन-वञ्चिता ॥
ahaha kalayāmi valaya-ādi-maṇi-bhūṣaṇam / hari-viraha-dahana-vahanena bahu-dūṣaṇam // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
कुसुम-सुकुमार-तनुम् अतनु-शर-लीलया । स्रक् अपि हृदि हन्ति माम् अतिविषम-शिलया ॥ यामि हे कम् इह शरणम् सखी-जन-वचन-वञ्चिता ॥
kusuma-sukumāra-tanum atanu-śara-līlayā / srak api hṛdi hanti mām ativiṣama-śilayā // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
अहम् इह निवसामि नगणित-वन-वेतसा । स्मरति मधुसूदनः माम् अपि न चेतसा ॥ यामि हे कम् इह शरणम् सखी-जन-वचन-वञ्चिता ॥
aham iha nivasāmi nagaṇita-vana-vetasā / smarati madhusūdanaḥ mām api na cetasā // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
हरि-चरण-शरण-जयदेव-कवि-भारती । वसतु हृदि युवतिः इव कोमल-कलावती ॥ यामि हे कम् इह शरणम् सखी-जन-वचन-वञ्चिता ॥
hari-caraṇa-śaraṇa-jayadeva-kavi-bhāratī / vasatu hṛdi yuvatiḥ iva komala-kalāvatī // yāmi he kam iha śaraṇam sakhī-jana-vacana-vañcitā //
Sanskrit only: no published translation is held for this verse.
तत् किम् कामपि कामिनीम् अभिसृतः किम् वा कला-केलिभिः बद्धः बन्धुभिः अन्धकारिणि वन-उपान्ते किम् उ भ्राम्यति । कान्तः क्लान्त-मनाः मनाक् अपि पथि प्रस्थातुम् एव अक्षमः संकेती-कृत-मञ्जु-वञ्जुल-लता-कुञ्जे अपि यत् न आगतः ॥
tat kim kāmapi kāminīm abhisṛtaḥ kim vā kalā-kelibhiḥ baddhaḥ bandhubhiḥ andhakāriṇi vana-upānte kim u bhrāmyati / kāntaḥ klānta-manāḥ manāk api pathi prasthātum eva akṣamaḥ saṃketī-kṛta-mañju-vañjula-latā-kuñje api yat na āgataḥ //
Sanskrit only: no published translation is held for this verse.
अथ आगताम् माधवम् अन्तरेण सखीम् इयम् वीक्ष्य विषाद-मूकाम् । विशङ्कमाना रमितम् कयापि जनार्दनम् दृष्टवत् एतत् आह ॥
atha āgatām mādhavam antareṇa sakhīm iyam vīkṣya viṣāda-mūkām / viśaṅkamānā ramitam kayāpi janārdanam dṛṣṭavat etat āha //
Sanskrit only: no published translation is held for this verse.
स्मर-समर-उचित-विरचित-वेशा । गलित-कुसुम-दर-विलुलित-केशा ॥ कापि मधुरिपुणा विलसति युवतिः अधिक-गुणा ॥
smara-samara-ucita-viracita-veśā / galita-kusuma-dara-vilulita-keśā // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
हरि-परिरम्भण-वलित-विकारा । कुच-कलश-उपरि तरलित-हारा ॥ कापि मधुरिपुणा विलसति युवतिः अधिक-गुणा ॥
hari-parirambhaṇa-valita-vikārā / kuca-kalaśa-upari taralita-hārā // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
विचलत्-अलक-ललित-आनन-चन्द्रा । तत्-अधर-पान-रभस-कृत-तन्द्रा ॥ कापि मधुरिपुणा विलसति युवतिः अधिक-गुणा ॥
vicalat-alaka-lalita-ānana-candrā / tat-adhara-pāna-rabhasa-kṛta-tandrā // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
चञ्चल-कुण्डल-दलित-कपोला । मुखरित-रसन-जघन-गति-लोला ॥ कापि मधुरिपुणा विलसति युवतिः अधिक-गुणा ॥
cañcala-kuṇḍala-dalita-kapolā / mukharita-rasana-jaghana-gati-lolā // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
दयित-विलोकित-लज्जित-हसिता । बहु-विध-कूजित-रति-रस-रसिता ॥ कापि मधुरिपुणा विलसति युवतिः अधिक-गुणा ॥
dayita-vilokita-lajjita-hasitā / bahu-vidha-kūjita-rati-rasa-rasitā // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
विपुल-पुलक-पृथु-वेपथु-भङ्गा । श्वसित-निमीलित-विकसत्-अनङ्गा ॥ कापि मधुरिपुणा विलसति युवतिः अधिक-गुणा ॥
vipula-pulaka-pṛthu-vepathu-bhaṅgā / śvasita-nimīlita-vikasat-anaṅgā // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
श्रमजल-कण-भर-सुभग-शरीरा । परिपतिता उरसि रति-रण-धीरा ॥ कापि मधुरिपुणा विलसति युवतिः अधिक-गुणा ॥
śramajala-kaṇa-bhara-subhaga-śarīrā / paripatitā urasi rati-raṇa-dhīrā // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
श्रीजयदेव-भणित-हरि-रमितम् । कलि-कलुषम् जनयतु परिशमितम् ॥ कापि मधुरिपुणा विलसति युवतिः अधिक-गुणा ॥
śrījayadeva-bhaṇita-hari-ramitam / kali-kaluṣam janayatu pariśamitam // kāpi madhuripuṇā vilasati yuvatiḥ adhika-guṇā //
Sanskrit only: no published translation is held for this verse.
विरह-पाण्डु-मुरारि-मुख-अम्बुज-द्युतिः इयम् तिरयन् अपि चेतनाम् । विधुः अतीव तनोति मनोभुवः सहृदये हृदये मदन-व्यथाम् ॥
viraha-pāṇḍu-murāri-mukha-ambuja-dyutiḥ iyam tirayan api cetanām / vidhuḥ atīva tanoti manobhuvaḥ sahṛdaye hṛdaye madana-vyathām //
Sanskrit only: no published translation is held for this verse.
समुदित-मदने रमणी-वदने चुम्बन-वलित-अधरे । मृगमद-तिलकम् लिखति सपुलकम् मृगम् इव रजनी-करे ॥ रमते यमुना-पुलिन-वने विजयी मुरारिः अधुना ॥
samudita-madane ramaṇī-vadane cumbana-valita-adhare / mṛgamada-tilakam likhati sapulakam mṛgam iva rajanī-kare // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
घन-चय-रुचिरे रचयति चिकुरे तरलित-तरुण-आनने । कुरबक-कुसुमम् चपला-सुषमम् रति-पति-मृग-कानने ॥ रमते यमुना-पुलिन-वने विजयी मुरारिः अधुना ॥
ghana-caya-rucire racayati cikure taralita-taruṇa-ānane / kurabaka-kusumam capalā-suṣamam rati-pati-mṛga-kānane // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
घटयति सुघने कुच-युग-गगने मृगमद-रुचि-रूषिते । मणि-सरम् अमलम् तारक-पटलम् नख-पद-शशि-भूषिते ॥ रमते यमुना-पुलिन-वने विजयी मुरारिः अधुना ॥
ghaṭayati sughane kuca-yuga-gagane mṛgamada-ruci-rūṣite / maṇi-saram amalam tāraka-paṭalam nakha-pada-śaśi-bhūṣite // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
जित-बिस-शकले मृदु-भुज-युगले कर-तल-नलिनी-दले । मरकत-वलयम् मधु-कर-निचयम् वितरति हिम-शीतले ॥ रमते यमुना-पुलिन-वने विजयी मुरारिः अधुना ॥
jita-bisa-śakale mṛdu-bhuja-yugale kara-tala-nalinī-dale / marakata-valayam madhu-kara-nicayam vitarati hima-śītale // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
रति-गृह-जघने विपुल-अपघने मनसिज-कनक-आसने । मणि-मय-रसनम् तोरण-हसनम् विकिरति कृत-वासने ॥ रमते यमुना-पुलिन-वने विजयी मुरारिः अधुना ॥
rati-gṛha-jaghane vipula-apaghane manasija-kanaka-āsane / maṇi-maya-rasanam toraṇa-hasanam vikirati kṛta-vāsane // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
चरण-किसलये कमला-निलये नख-मणि-गण-पूजिते । बहिः-अपवरणम् यावक-भरणम् जनयति हृदि योजिते ॥ रमते यमुना-पुलिन-वने विजयी मुरारिः अधुना ॥
caraṇa-kisalaye kamalā-nilaye nakha-maṇi-gaṇa-pūjite / bahiḥ-apavaraṇam yāvaka-bharaṇam janayati hṛdi yojite // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
रमयति सुदृशम् कामपि सुभृशम् खल-हलधर-सोदरे । किम् अफलम् अवसम् चिरम् इह विरसम् वद सखि विटप-उदरे ॥ रमते यमुना-पुलिन-वने विजयी मुरारिः अधुना ॥
ramayati sudṛśam kāmapi subhṛśam khala-haladhara-sodare / kim aphalam avasam ciram iha virasam vada sakhi viṭapa-udare // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
इह रस-भणने कृत-हरि-गुणने मधुरिपु-पद-सेवके । कलियुग-चरितम् न वसतु दुरितम् कवि-नृप-जयदेवके ॥ रमते यमुना-पुलिन-वने विजयी मुरारिः अधुना ॥
iha rasa-bhaṇane kṛta-hari-guṇane madhuripu-pada-sevake / kaliyuga-caritam na vasatu duritam kavi-nṛpa-jayadevake // ramate yamunā-pulina-vane vijayī murāriḥ adhunā //
Sanskrit only: no published translation is held for this verse.
न आयातः सखि निर्दयः यदि शठः त्वम् दूति किम् दूयसे स्वच्छन्दम् बहु-वल्लभः सः रमते किम् तत्र ते दूषणम् । पश्य अद्य प्रिय-संगमाय दयितस्य आकृष्यमाणम् गुणैः उत्कण्ठ-आर्ति-भरात् इव स्फुटत् इदम् चेतः स्वयम् यास्यामि ॥
na āyātaḥ sakhi nirdayaḥ yadi śaṭhaḥ tvam dūti kim dūyase svacchandam bahu-vallabhaḥ saḥ ramate kim tatra te dūṣaṇam / paśya adya priya-saṃgamāya dayitasya ākṛṣyamāṇam guṇaiḥ utkaṇṭha-ārti-bharāt iva sphuṭat idam cetaḥ svayam yāsyāmi //
Sanskrit only: no published translation is held for this verse.
अनिल-तरल-कुवलय-नयनेन । तपति न सा किसलय-शयनेन ॥ सखि या रमिता वनमालिना ॥
anila-tarala-kuvalaya-nayanena / tapati na sā kisalaya-śayanena // sakhi yā ramitā vanamālinā //
Sanskrit only: no published translation is held for this verse.
विकसित-सरसिज-ललित-मुखेन । स्फुटति न सा मनसिज-विशिखेन ॥ सखि या रमिता वनमालिना ॥
vikasita-sarasija-lalita-mukhena / sphuṭati na sā manasija-viśikhena // sakhi yā ramitā vanamālinā //
Sanskrit only: no published translation is held for this verse.
अमृत-मधुर-मृदुतर-वचनेन । ज्वलति न सा मलयज-पवनेन ॥ सखि या रमिता वनमालिना ॥
amṛta-madhura-mṛdutara-vacanena / jvalati na sā malayaja-pavanena // sakhi yā ramitā vanamālinā //
Sanskrit only: no published translation is held for this verse.
स्थल-जल-रुह-रुचिकर-चरणेन । लुठति न सा हिमकर-किरणेन ॥ सखि या रमिता वनमालिना ॥
sthala-jala-ruha-rucikara-caraṇena / luṭhati na sā himakara-kiraṇena // sakhi yā ramitā vanamālinā //
Sanskrit only: no published translation is held for this verse.
सजल-जलद-समुदय-रुचिरेण । दलति न सा हृदि चिर-विरहेण ॥ सखि या रमिता वनमालिना ॥
sajala-jalada-samudaya-rucireṇa / dalati na sā hṛdi cira-viraheṇa // sakhi yā ramitā vanamālinā //
Sanskrit only: no published translation is held for this verse.
कनक-निकष-रुचि-शुचि-वसनेन । श्वसिति न सा परिजन-हसनेन ॥ सखि या रमिता वनमालिना ॥
kanaka-nikaṣa-ruci-śuci-vasanena / śvasiti na sā parijana-hasanena // sakhi yā ramitā vanamālinā //
Sanskrit only: no published translation is held for this verse.
सकल-भुवन-जन-वर-तरुणेन । वहति न सा रुजम् अतिकरुणेन ॥ सखि या रमिता वनमालिना ॥
sakala-bhuvana-jana-vara-taruṇena / vahati na sā rujam atikaruṇena // sakhi yā ramitā vanamālinā //
Sanskrit only: no published translation is held for this verse.
श्रीजयदेव-भणित-वचनेन । प्रविशतु हरिः अपि हृदयम् अनेन ॥ सखि या रमिता वनमालिना ॥
śrījayadeva-bhaṇita-vacanena / praviśatu hariḥ api hṛdayam anena // sakhi yā ramitā vanamālinā //
Sanskrit only: no published translation is held for this verse.
मनोभव-आनन्दन चन्दन-अनिल प्रसीद रे दक्षिण मुञ्च वामताम् । क्षणम् जगत्-प्राण विधाय माधवम् पुरः मम प्राण-हरः भविष्यसि ॥
manobhava-ānandana candana-anila prasīda re dakṣiṇa muñca vāmatām / kṣaṇam jagat-prāṇa vidhāya mādhavam puraḥ mama prāṇa-haraḥ bhaviṣyasi //
Sanskrit only: no published translation is held for this verse.
रिपुः इव सखी-संवासः अयम् शिखी इव हिम-अनिलः विषम् इव सुधा-रश्मिः यस्मिन् दुनोति मनः-गते । हृदयम् अदये तस्मिन् एवम् पुनः वलते बलात् कुवलय-दृशाम् वामः कामः निकाम-निरङ्कुशः ॥
ripuḥ iva sakhī-saṃvāsaḥ ayam śikhī iva hima-anilaḥ viṣam iva sudhā-raśmiḥ yasmin dunoti manaḥ-gate / hṛdayam adaye tasmin evam punaḥ valate balāt kuvalaya-dṛśām vāmaḥ kāmaḥ nikāma-niraṅkuśaḥ //
Sanskrit only: no published translation is held for this verse.
बाधाम् विधेहि मलय-अनिल पञ्चबाण प्राणान् गृहाण न गृहम् पुनः आश्रयिष्ये । किम् ते कृत-अन्त-भगिनि क्षमया तरङ्गैः अङ्गानि सिञ्च मम शाम्यतु देह-दाहः ॥
bādhām vidhehi malaya-anila pañcabāṇa prāṇān gṛhāṇa na gṛham punaḥ āśrayiṣye / kim te kṛta-anta-bhagini kṣamayā taraṅgaiḥ aṅgāni siñca mama śāmyatu deha-dāhaḥ //
Sanskrit only: no published translation is held for this verse.
प्रातर् नील-निचोलम् अच्युतम् उरः संवीत-पीतांशुकं राधायाश् चकितं विलोक्य हसति स्वैरं सखि-मण्डले । व्रीडा-चञ्चलम् अञ्चलं नयनयोर् आधाय राधानने स्वादु-स्मेर-मुखोऽयम् अस्तु जगद्-आनन्दाय नन्दात्मजः
prātar nīla-nicolam acyutam uraḥ saṃvīta-pītāṃśukaṃ rādhāyāś cakitaṃ vilokya hasati svairaṃ sakhi-maṇḍale | vrīḍā-cañcalam añcalaṃ nayanayor ādhāya rādhānane svādu-smera-mukho'yam astu jagad-ānandāya nandātmajaḥ
Sanskrit only: no published translation is held for this verse.