Library·Jiva Gosvamin: Gopalacampu, Purvacampu·1·1.33
यदपि परस्पर-मिलनं हरि-गोपीनां चिरान् न विच्छिन्नम् । तदपि न तृष्णा शान्ता स्वाप्निक-पाने यथा पिपासूनाम्
yadapi paraspara-milanaṃ hari-gopīnāṃ cirān na vicchinnam | tadapi na tṛṣṇā śāntā svāpnika-pāne yathā pipāsūnām
Sanskrit only: no published translation is held for this verse.
अन्योऽ न्यं रहसि प्रयाति मिलति श्लिष्यत्य् अलं चुम्बति क्रीडत्य् उल्लसति ब्रवीति निदिशत्य् उद्भूषयत्य् अन्वहम् । गोपी-कृष्ण-युगं मुहुर् बहुविधं किन्तु स्वयं नोहते शश्वत् किं नु करोमि किं न्व् अकरवं कुर्वीय किं वेत्य् अपि
anyo' nyaṃ rahasi prayāti milati śliṣyaty alaṃ cumbati krīḍaty ullasati bravīti nidiśaty udbhūṣayaty anvaham | gopī-kṛṣṇa-yugaṃ muhur bahuvidhaṃ kintu svayaṃ nohate śaśvat kiṃ nu karomi kiṃ nv akaravaṃ kurvīya kiṃ vety api
Sanskrit only: no published translation is held for this verse.
उत्पत्तिर् अक्ष्णोर् अभितो न सत्-फला याभ्यां न तस्यद्भुत-रूपम् ईक्षितम् । हा कर्णयोर् अप्य् अलम् अर्थदा न सा याभ्यां श्रुतं नैव हरेः सुभाषितम्
utpattir akṣṇor abhito na sat-phalā yābhyāṃ na tasyadbhuta-rūpam īkṣitam | hā karṇayor apy alam arthadā na sā yābhyāṃ śrutaṃ naiva hareḥ subhāṣitam
Sanskrit only: no published translation is held for this verse.
साङ्गालिङ्गन-लङ्गिमेऽ ङ्ग-वलया-सङ्गेऽ पि शार्ङ्गी तदा गोपीनां स्फुरति स्म दूर-गतया प्रेमापगा-पूरतः । यस्माद् उत्कलिका-कलाप-वलना-वृत्तिं बहिर् लुम्पती स्वप्नाभां दिशती शतीम् अपि दृशि स्फूर्तिं मुहुर् लुम्पति ॥ज्ग्च् १,३३।५॥[८] श्री-राधायां तु सुतराम् अनिर्वचनीयम् एव सर्वं तत्-प्रथमतया मिथस् तन्-मिथुनस्यापि । तथा हि- राधाऽजानाद् असङ्गे दनुज-विजयिनः सङ्गम् आराद् असङ्गं सङ्गे चैवं समन्ताद् गृह-समय-सुख-स्वप्न-शीतादिकानि । एतस्या वृत्तिर् एषाजनि सपदि यदान्यद् विचित्रं तदासीत् कान्ताकान्त-स्वभावोऽ प्य् अहह यद् अनयोर् वैपरीत्याय जज्ञे
sāṅgāliṅgana-laṅgime' ṅga-valayā-saṅge' pi śārṅgī tadā gopīnāṃ sphurati sma dūra-gatayā premāpagā-pūrataḥ | yasmād utkalikā-kalāpa-valanā-vṛttiṃ bahir lumpatī svapnābhāṃ diśatī śatīm api dṛśi sphūrtiṃ muhur lumpati ||JGc 1,33.5||[8] śrī-rādhāyāṃ tu sutarām anirvacanīyam eva sarvaṃ tat-prathamatayā mithas tan-mithunasyāpi | tathā hi- rādhā'jānād asaṅge danuja-vijayinaḥ saṅgam ārād asaṅgaṃ saṅge caivaṃ samantād gṛha-samaya-sukha-svapna-śītādikāni | etasyā vṛttir eṣājani sapadi yadānyad vicitraṃ tadāsīt kāntākānta-svabhāvo' py ahaha yad anayor vaiparītyāya jajñe
Sanskrit only: no published translation is held for this verse.
हा गोष्ठं विपिनं पशून् व्रज-जनं दासान् सखीन् प्रेयसीस् तातं मातरम् अप्य् अहो कथम् अमूं हास्यामि राधाम् अपि । मां यान्य् अङ्ग विना क्षणं कथम् अपि प्राप्स्यन्ति नात्म-स्थितिं यान्य् अन्तर्-ज्वलन-प्रभानि विदधत् प्राप्स्यामि दाह-प्रथाम्
hā goṣṭhaṃ vipinaṃ paśūn vraja-janaṃ dāsān sakhīn preyasīs tātaṃ mātaram apy aho katham amūṃ hāsyāmi rādhām api | māṃ yāny aṅga vinā kṣaṇaṃ katham api prāpsyanti nātma-sthitiṃ yāny antar-jvalana-prabhāni vidadhat prāpsyāmi dāha-prathām
Sanskrit only: no published translation is held for this verse.
अन्तःपुरीयसि वनेषु सखीयसि त्वं वन्यान् मृगान् निज-तनूयसि गोप-रामाः । दृष्टश् चकोर-नयनाभिर् अमूभिर् इन्दु- दर्शं कथं वहसि कृष्ण परत्र तृष्णाम्
antaḥpurīyasi vaneṣu sakhīyasi tvaṃ vanyān mṛgān nija-tanūyasi gopa-rāmāḥ | dṛṣṭaś cakora-nayanābhir amūbhir indu- darśaṃ kathaṃ vahasi kṛṣṇa paratra tṛṣṇām
Sanskrit only: no published translation is held for this verse.
यस्मिन्न् आरोपिता हारास् तासां हन्त मया हृदि । साम्राज्यं हा करिष्यन्ति तस्मिन्न् अप्य् अस्र-बिन्दवः
yasminn āropitā hārās tāsāṃ hanta mayā hṛdi | sāmrājyaṃ hā kariṣyanti tasminn apy asra-bindavaḥ
Sanskrit only: no published translation is held for this verse.
हा चन्द्र-द्रव-युत-चन्दनेन सिक्ता राधायां तनु-लतिका मया सहार्दम् । सैषा मद्-विरहज-लोचनोदगाहा म्लास्यन्ती प्रतपति सम्प्रतीह मां च
hā candra-drava-yuta-candanena siktā rādhāyāṃ tanu-latikā mayā sahārdam | saiṣā mad-virahaja-locanodagāhā mlāsyantī pratapati sampratīha māṃ ca
Sanskrit only: no published translation is held for this verse.
या पूर्वम् उपलब्धासीन् नव-चन्द्र-कलोपमा । वह्नेः शिखेव सा जाता राधा दन्दग्धि हृन् मम
yā pūrvam upalabdhāsīn nava-candra-kalopamā | vahneḥ śikheva sā jātā rādhā dandagdhi hṛn mama
Sanskrit only: no published translation is held for this verse.
राधा प्रेम-प्राध्वम् अत्रागतोऽ हं हा प्राध्वः श्यामाशु सोऽ हं कथं वा । तस्मात् प्राध्वं कृत्य धी-वृत्तयोऽ स्मिन्न् एव प्राध्वं कुत्रचिन् नापरत्र
rādhā prema-prādhvam atrāgato' haṃ hā prādhvaḥ śyāmāśu so' haṃ kathaṃ vā | tasmāt prādhvaṃ kṛtya dhī-vṛttayo' sminn eva prādhvaṃ kutracin nāparatra
Sanskrit only: no published translation is held for this verse.
विना मां तातः प्राग् न पिबति जलं सा च जननी विना माम् उच्छ्वासान् विसृजति बतासून् इव मुहुः । यथा तौ हा तद्वद् व्रजम् अनुगता विश्व-जनता तद् आस्तां तिर्यञ्चोऽ प्य् अहह हृदि शल्यं विदधति
vinā māṃ tātaḥ prāg na pibati jalaṃ sā ca jananī vinā mām ucchvāsān visṛjati batāsūn iva muhuḥ | yathā tau hā tadvad vrajam anugatā viśva-janatā tad āstāṃ tiryañco' py ahaha hṛdi śalyaṃ vidadhati
Sanskrit only: no published translation is held for this verse.
दुःखायते पुमान् कश्चित् कश्चिद् वा यः सुखायते । पूर्वस्मिन् न दयालुत्वं परस्मिंस् तु दयालुता
duḥkhāyate pumān kaścit kaścid vā yaḥ sukhāyate | pūrvasmin na dayālutvaṃ parasmiṃs tu dayālutā
Sanskrit only: no published translation is held for this verse.
शमितः शमितो येन दानवोऽ सौ सदानवः । स परोऽ परतां यातः सोदयोऽ नुदयो भवान् ॥ज्ग्च् १,३३।१७॥अविलम्बेन ये डिम्बे हसताहसत त्वया । ते सर्वे पूतनापूर्वाः पूनाः पूताश् च सर्वतः ॥ज्ग्च् १,३३।१८॥गुणैर् अगुणतां यातस् त्वम् असौ नन्दनन्दन । बिभर्षि वसुधां चित्रं स्थित्वापि वसुधोपरि ॥ज्ग्च् १,३३।१९॥शशधर-मूर्तिः शुक्ला गङ्गा-विशदा सरस्वती श्येनी । कीर्तिस् तव तु बकान्तक शुभ्रा सर्वं करोति शुभ्राभम् ॥ज्ग्च् १,३३।२०॥त्वत्-कीर्त्या श्वेतितः कंसोऽ प्य् एतत् कृष्ण मृषोदितम् । तत्-स्पर्शस् तस्य नास्त्य् एव किन्तु तद्-भीति-वैकृतम्
śamitaḥ śamito yena dānavo' sau sadānavaḥ | sa paro' paratāṃ yātaḥ sodayo' nudayo bhavān ||JGc 1,33.17||avilambena ye ḍimbe hasatāhasata tvayā | te sarve pūtanāpūrvāḥ pūnāḥ pūtāś ca sarvataḥ ||JGc 1,33.18||guṇair aguṇatāṃ yātas tvam asau nandanandana | bibharṣi vasudhāṃ citraṃ sthitvāpi vasudhopari ||JGc 1,33.19||śaśadhara-mūrtiḥ śuklā gaṅgā-viśadā sarasvatī śyenī | kīrtis tava tu bakāntaka śubhrā sarvaṃ karoti śubhrābham ||JGc 1,33.20||tvat-kīrtyā śvetitaḥ kaṃso' py etat kṛṣṇa mṛṣoditam | tat-sparśas tasya nāsty eva kintu tad-bhīti-vaikṛtam
Sanskrit only: no published translation is held for this verse.
प्रेमा वशयति सर्वं खल्व् इति न मृषा प्रसिद्धिर् उद्भाति । कृष्ण त्वम् अपि स यस्मान् न भजसि पूर्वापरानुसन्धानम् ॥ज्ग्च् १,३३।२२॥तस्माद् विमन-सम-धियंस् त्वाम् अहम् आगच्छमाच्छन्नम् । तां स्मारयितुम् अवश्यं या सम्भविता भवल्-लीला ॥ज्ग्च् १,३३।२३॥लोकेऽ स्मिंस् तव भक्ता बहवः क्रमशश् च ते पाल्याः । तस्माद् अवश्यम् उदियुः पौर्वापर्येण ता लीलाः
premā vaśayati sarvaṃ khalv iti na mṛṣā prasiddhir udbhāti | kṛṣṇa tvam api sa yasmān na bhajasi pūrvāparānusandhānam ||JGc 1,33.22||tasmād vimana-sama-dhiyaṃs tvām aham āgacchamācchannam | tāṃ smārayitum avaśyaṃ yā sambhavitā bhaval-līlā ||JGc 1,33.23||loke' smiṃs tava bhaktā bahavaḥ kramaśaś ca te pālyāḥ | tasmād avaśyam udiyuḥ paurvāparyeṇa tā līlāḥ
Sanskrit only: no published translation is held for this verse.
केशिनं दितिजम् अश्व-वेशिनं यो जघान स भवान् अथाभवान् । तान् विधातुम् अपरान् सतां परान् उच्चकैः प्रभविताखिलाविता
keśinaṃ ditijam aśva-veśinaṃ yo jaghāna sa bhavān athābhavān | tān vidhātum aparān satāṃ parān uccakaiḥ prabhavitākhilāvitā
Sanskrit only: no published translation is held for this verse.
तथा हि- केलि-मात्रेण ते दैत्या यद्-भिदेलिमतां गताः । पचेलिमस् तेन तापात् कंसः प्रध्वंसम् एष्यति ॥ज्ग्च् १,३३।२६॥क्रूरः स नेतुं सद्यस् त्वाम् अक्रूरस् तु प्रहास्यति । त्वं च मात्रादिकं हित्वा यात्रां तं हन्तुम् आप्स्यसि
tathā hi- keli-mātreṇa te daityā yad-bhidelimatāṃ gatāḥ | pacelimas tena tāpāt kaṃsaḥ pradhvaṃsam eṣyati ||JGc 1,33.26||krūraḥ sa netuṃ sadyas tvām akrūras tu prahāsyati | tvaṃ ca mātrādikaṃ hitvā yātrāṃ taṃ hantum āpsyasi
Sanskrit only: no published translation is held for this verse.
कूप-मण्डूकवत् कंसः कण्डूतिं खण्डयन् निजाम् । त्वत्-कर्कश-भुजाभोगि-सङ्घर्षं लब्धुम् इच्छति
kūpa-maṇḍūkavat kaṃsaḥ kaṇḍūtiṃ khaṇḍayan nijām | tvat-karkaśa-bhujābhogi-saṅgharṣaṃ labdhum icchati
Sanskrit only: no published translation is held for this verse.
हर्षद्भिः पाणि-कर्षं निष्कर्षंस् तम अनेकपम् । द्रक्ष्यसे पुण्डरीकाक्ष त्वं व्यक्तं हरितां गतः
harṣadbhiḥ pāṇi-karṣaṃ niṣkarṣaṃs tama anekapam | drakṣyase puṇḍarīkākṣa tvaṃ vyaktaṃ haritāṃ gataḥ
Sanskrit only: no published translation is held for this verse.
अक्रूरं द्वार-मात्रं विदधद् अथ भवान् वृष्णि-धिष्ण्यानि गत्वा भुङ्क्त्वा त्रैयक्ष-चापं सपदि कुवलयापीडकं पीडयित्वा । मल्लान् हत्वा परश्वो दनुज-जनि-तनुं कंसकं ध्वंसयित्वा राज्यं दत्त्वोग्रसेनं प्रति निज-जनकौ मोचयिष्यत्य् अवश्यम्
akrūraṃ dvāra-mātraṃ vidadhad atha bhavān vṛṣṇi-dhiṣṇyāni gatvā bhuṅktvā traiyakṣa-cāpaṃ sapadi kuvalayāpīḍakaṃ pīḍayitvā | mallān hatvā paraśvo danuja-jani-tanuṃ kaṃsakaṃ dhvaṃsayitvā rājyaṃ dattvograsenaṃ prati nija-janakau mocayiṣyaty avaśyam
Sanskrit only: no published translation is held for this verse.
उन्मीलन् नील-शुभ्रारुण-कमल-जिती खञ्जन-ध्वंसि-लीला- चाञ्चल्ये सिंह-सङ्घ-प्रमथन-मदता-व्यञ्जिनी यस्य नेत्रे । चेष्टा दुर्दुष्ट-वृन्द-प्रशम-पटु-कला-कल्पिनी मज्जयन्ती पीयूषे सज्जनालीर् नव-वयसि वरा श्यामलः कः समेति
unmīlan nīla-śubhrāruṇa-kamala-jitī khañjana-dhvaṃsi-līlā- cāñcalye siṃha-saṅgha-pramathana-madatā-vyañjinī yasya netre | ceṣṭā durduṣṭa-vṛnda-praśama-paṭu-kalā-kalpinī majjayantī pīyūṣe sajjanālīr nava-vayasi varā śyāmalaḥ kaḥ sameti
Sanskrit only: no published translation is held for this verse.
ग्राम्याः पौरा नृपालाः सदसि नभसि तु स्वर्ग-सङ्गीत-विज्ञा देवा देवादि-नाथा विधि-शिव-विधिजास् ते वयं च स्तुवानाः । रक्त-त्यग्-दन्ति-दन्त-च्छविर् अविकर-भागंसकौ लून-मल्लौ द्रक्ष्यामो भ्रातरौ वां कवलित-बलवत् कंसकं त्वाम् अपीह
grāmyāḥ paurā nṛpālāḥ sadasi nabhasi tu svarga-saṅgīta-vijñā devā devādi-nāthā vidhi-śiva-vidhijās te vayaṃ ca stuvānāḥ | rakta-tyag-danti-danta-cchavir avikara-bhāgaṃsakau lūna-mallau drakṣyāmo bhrātarau vāṃ kavalita-balavat kaṃsakaṃ tvām apīha
Sanskrit only: no published translation is held for this verse.
किम् इदं श्यामलं रूपं मधुरं रौद्रम् एव वा । स्त्री चास्त्री च न यद् दिव्यं वस्त्रम् अस्त्रं यथायथम्
kim idaṃ śyāmalaṃ rūpaṃ madhuraṃ raudram eva vā | strī cāstrī ca na yad divyaṃ vastram astraṃ yathāyatham
Sanskrit only: no published translation is held for this verse.
वधार्हस्यापि कंसस्य स्त्रीणां दृग्-वारि-बिन्दवः । धरण्यां निपतिष्यन्ति द्रावयिष्यन्ति हृत् तव
vadhārhasyāpi kaṃsasya strīṇāṃ dṛg-vāri-bindavaḥ | dharaṇyāṃ nipatiṣyanti drāvayiṣyanti hṛt tava
Sanskrit only: no published translation is held for this verse.
नन्दादयस् तव परं महताग्रहेण प्राप्स्यन्ति गोष्ठम् अथ तद्-वपुषात्मना न । दृश्यं भवेद् वपुर् इति स्फुटम् अस्य तस्मिन् सङ्कोचिता समुचिता न तु तद्वद् आत्मा
nandādayas tava paraṃ mahatāgraheṇa prāpsyanti goṣṭham atha tad-vapuṣātmanā na | dṛśyaṃ bhaved vapur iti sphuṭam asya tasmin saṅkocitā samucitā na tu tadvad ātmā
Sanskrit only: no published translation is held for this verse.
अङ्गं पल्लव-कोमलं प्रभवनं लक्ष्मी-परार्धाश्रितं सेव्यत्वं सम-सेवकायुत-मनो-राज्याभम् उद्भ्राजते । यस्य श्री-रमणस्य सोऽ पि नितरां वागीश्वरी-लोभनोऽ प्य् आचार्याण्य् उपदिष्ट-काष्ठ-घटनं शर्म-श्रिया निर्ममे
aṅgaṃ pallava-komalaṃ prabhavanaṃ lakṣmī-parārdhāśritaṃ sevyatvaṃ sama-sevakāyuta-mano-rājyābham udbhrājate | yasya śrī-ramaṇasya so' pi nitarāṃ vāgīśvarī-lobhano' py ācāryāṇy upadiṣṭa-kāṣṭha-ghaṭanaṃ śarma-śriyā nirmame
Sanskrit only: no published translation is held for this verse.
वस्त्व् अस्ति यत् तद् गुरवे प्रदीयताम् अदुर्लभं चेद् अथवा सुदुर्लभम् । नष्टं वपुर् यद् गुरुजस्य तद् वपुष्- मन्तं यमात् पश्यतम् आनिनाय सः
vastv asti yat tad gurave pradīyatām adurlabhaṃ ced athavā sudurlabham | naṣṭaṃ vapur yad gurujasya tad vapuṣ- mantaṃ yamāt paśyatam ānināya saḥ
Sanskrit only: no published translation is held for this verse.
ततश् च- यमाद् अपि समानेता गुर्व्-अपत्यं त्वया यदा । विवदेरन् मुखे तर्हि मिर्येरन् नरयो हृदि
tataś ca- yamād api samānetā gurv-apatyaṃ tvayā yadā | vivaderan mukhe tarhi miryeran narayo hṛdi
Sanskrit only: no published translation is held for this verse.
यदा यदा ध्मापयिता भवान् दरं नेत्रे तद्-आर्द्रे इव ते भविष्यतः । लब्धं यशोदा-स्तन-पानजं सुखं कृपा-भरेण स्मरण-प्रथावतः
yadā yadā dhmāpayitā bhavān daraṃ netre tad-ārdre iva te bhaviṣyataḥ | labdhaṃ yaśodā-stana-pānajaṃ sukhaṃ kṛpā-bhareṇa smaraṇa-prathāvataḥ
Sanskrit only: no published translation is held for this verse.
सम्बन्धाद् वः समन्ताद् अहम् अपि स तथा यामि तं वृष्णि-वृन्दे युष्माकं प्राण-योग्य-प्रणय-भुवि तथैवावनं संविधित्से । किन्त्व् एषा मूर्तिर् अत्र स्वयम् अपि तु भवत्-पार्श्व-वर्ती ममात्मा किं वा मूर्तिश् च तस्मिन् भवति हि भवतां स्फूर्तिर् एव प्रमाणम्
sambandhād vaḥ samantād aham api sa tathā yāmi taṃ vṛṣṇi-vṛnde yuṣmākaṃ prāṇa-yogya-praṇaya-bhuvi tathaivāvanaṃ saṃvidhitse | kintv eṣā mūrtir atra svayam api tu bhavat-pārśva-vartī mamātmā kiṃ vā mūrtiś ca tasmin bhavati hi bhavatāṃ sphūrtir eva pramāṇam
Sanskrit only: no published translation is held for this verse.
किं च- आयास्यामीति किं जल्पेद् बद्धः प्रणय-रज्जूभिः । येन बद्धस् तु तस्येच्छाम् अनिच्छां चानुयाति सः
kiṃ ca- āyāsyāmīti kiṃ jalped baddhaḥ praṇaya-rajjūbhiḥ | yena baddhas tu tasyecchām anicchāṃ cānuyāti saḥ
Sanskrit only: no published translation is held for this verse.
अपरिचयेऽ प्य् अवलोकाद् भक्तं भक्तः पिपर्ति कृष्णस्य । स्वरमात्रात् तद्-गानारम्भः सुजनं प्रमोदयति
aparicaye' py avalokād bhaktaṃ bhaktaḥ piparti kṛṣṇasya | svaramātrāt tad-gānārambhaḥ sujanaṃ pramodayati
Sanskrit only: no published translation is held for this verse.
ईश्वरस् त्वम् इति सोऽ यम् अस्माकं उद्धवः समुपदिश्य गच्छति । पुत्र तत् तु न वयं स्म मन्-महे श्रीश ता किम् उ सुते न रोचते
īśvaras tvam iti so' yam asmākaṃ uddhavaḥ samupadiśya gacchati | putra tat tu na vayaṃ sma man-mahe śrīśa tā kim u sute na rocate
Sanskrit only: no published translation is held for this verse.
किं च- यद्य् अहो सुत भवान् अधीश्वरस् तर्ह्य् अपि स्फुरतु ते पदाब्जयोः । प्रीतिर् अत्र च परत्र नः सदा कृष्णताम् अनु यतः सतृष्णता
kiṃ ca- yady aho suta bhavān adhīśvaras tarhy api sphuratu te padābjayoḥ | prītir atra ca paratra naḥ sadā kṛṣṇatām anu yataḥ satṛṣṇatā
Sanskrit only: no published translation is held for this verse.
॥ज्ग्च् १,३३।४५॥ मिस्सिन्ग्! विस्रस्त-केशवेशाद्योस् तयोः कंसस्य भार्ययोः । द्रक्ष्यन्ति विहसिष्यन्ति चाङ्गानि पथिका अपि
||JGc 1,33.45|| MISSING! visrasta-keśaveśādyos tayoḥ kaṃsasya bhāryayoḥ | drakṣyanti vihasiṣyanti cāṅgāni pathikā api
Sanskrit only: no published translation is held for this verse.
तादृशतां भृशम् अविद्वान् कीटक इव कृपीट-योनिम् । अभियाय चाभिया मथुरां मथ्नन्न् इवावरिष्यति ॥ज्ग्च् १,३३।४७॥ततश् च- इन्द्व्-अर्क-द्योत-केलिं कुतुक-कलनया निर्मिमाणाव् अधृष्यौ जारासन्धं तद्-अन्धं तम इव कटकं त्रोटयन्तौ भवन्तौ । एकं तं मागधेशं तम इव घृणया बाढम् उत्सृज्य पर्व- प्राप्तं सर्वं स्व-भक्तं स्व-महसि दधतौ भास्यतः शश्वद् एव
tādṛśatāṃ bhṛśam avidvān kīṭaka iva kṛpīṭa-yonim | abhiyāya cābhiyā mathurāṃ mathnann ivāvariṣyati ||JGc 1,33.47||tataś ca- indv-arka-dyota-keliṃ kutuka-kalanayā nirmimāṇāv adhṛṣyau jārāsandhaṃ tad-andhaṃ tama iva kaṭakaṃ troṭayantau bhavantau | ekaṃ taṃ māgadheśaṃ tama iva ghṛṇayā bāḍham utsṛjya parva- prāptaṃ sarvaṃ sva-bhaktaṃ sva-mahasi dadhatau bhāsyataḥ śaśvad eva
Sanskrit only: no published translation is held for this verse.
शीतं महस् तद् अनुसृत्य मुकुन्द-मूर्तेर् म्लेच्छाधिराड् अधि तमः-कटु-कीट-तुल्यः । एष ज्वलज्-जलनवन् मुचुकुन्द-तेजः सङ्गाद् अलं वलित-विस्मिति भस्मति स्म
śītaṃ mahas tad anusṛtya mukunda-mūrter mlecchādhirāḍ adhi tamaḥ-kaṭu-kīṭa-tulyaḥ | eṣa jvalaj-jalanavan mucukunda-tejaḥ saṅgād alaṃ valita-vismiti bhasmati sma
Sanskrit only: no published translation is held for this verse.
मृधे तु विजितं पुरा त्वम् असि यद्-द्वयेनामुना स सप्तदश-बारकं विजित एव किं तद्-गिरा । अहो सकुतुक-द्रवे प्रकटम् अद्य चाजी यथा जरा-सुत न यद्-ध्रुवं तम् अदसीयमानर्च्छिथ
mṛdhe tu vijitaṃ purā tvam asi yad-dvayenāmunā sa saptadaśa-bārakaṃ vijita eva kiṃ tad-girā | aho sakutuka-drave prakaṭam adya cājī yathā jarā-suta na yad-dhruvaṃ tam adasīyamānarcchitha
Sanskrit only: no published translation is held for this verse.
भीष्माद्रि-स्थित-रुक्मिणी-मणि-मय-श्रेणी-विलोक-स्पृहां शार्दूल-स्थितिम् आश्रिता नृप-सुतास् तावन् मदान् निर्ममुः । यावच्-छङ्ख-निनाद-गर्ज-दलित-प्रागल्भ्य-तत्-तत्-सभा- मध्य-ध्वंसि-नृसिंह-नव्य-तरुणश् चक्रे मनाङ् नोद्यमम्
bhīṣmādri-sthita-rukmiṇī-maṇi-maya-śreṇī-viloka-spṛhāṃ śārdūla-sthitim āśritā nṛpa-sutās tāvan madān nirmamuḥ | yāvac-chaṅkha-nināda-garja-dalita-prāgalbhya-tat-tat-sabhā- madhya-dhvaṃsi-nṛsiṃha-navya-taruṇaś cakre manāṅ nodyamam
Sanskrit only: no published translation is held for this verse.
प्रसेने निःसेने निज-सहजनौ दिव्य-मणि-भाग्- गले सिंह-ध्वस्ते रचयद् अभिशस्तं हरिम् असौ । यदा सत्राजित्-तर्ह्य् अनुमृतयमाणो मणिम् अमुं स कन्यामृक्षेन्द्राद् अलभत स तस्माद् अपि पुनः
prasene niḥsene nija-sahajanau divya-maṇi-bhāg- gale siṃha-dhvaste racayad abhiśastaṃ harim asau | yadā satrājit-tarhy anumṛtayamāṇo maṇim amuṃ sa kanyāmṛkṣendrād alabhata sa tasmād api punaḥ
Sanskrit only: no published translation is held for this verse.
यर्हीतिर् भवतः कृष्ण तर्हीतिर् न तु दुर्लभा । अक्ष्णो रीतिस्तु लोकानां रीतिर् एव तदा मता
yarhītir bhavataḥ kṛṣṇa tarhītir na tu durlabhā | akṣṇo rītistu lokānāṃ rītir eva tadā matā
Sanskrit only: no published translation is held for this verse.
सङ्गः क्वायं व्रजस्थानां मद्-एक-प्राणता-जुषाम् । क्व वा यदूनां सत्राजिच्-छतधन्वादि-शालिनाम्
saṅgaḥ kvāyaṃ vrajasthānāṃ mad-eka-prāṇatā-juṣām | kva vā yadūnāṃ satrājic-chatadhanvādi-śālinām
Sanskrit only: no published translation is held for this verse.
अथवा- भवेद् यः प्रोष्य-पापीयांस् तस्य किं कर्म शर्मदम् । यद् यत् करोति तत्रैव स्नात्वा कालक एव सः
athavā- bhaved yaḥ proṣya-pāpīyāṃs tasya kiṃ karma śarmadam | yad yat karoti tatraiva snātvā kālaka eva saḥ
Sanskrit only: no published translation is held for this verse.
सूर्ये जीवति तत्-कन्या तम् अनापृच्छ्य पश्यत । स्वयं वृतवती कृष्णं वराकी कान्यकन्यका
sūrye jīvati tat-kanyā tam anāpṛcchya paśyata | svayaṃ vṛtavatī kṛṣṇaṃ varākī kānyakanyakā
Sanskrit only: no published translation is held for this verse.
यथार्थ-नाम्ना साम्नाता मित्रविन्दा स्व-बन्धुभिः । स्व-मित्रं विन्दमाना या तद्-अमित्रान् निराकरोत्
yathārtha-nāmnā sāmnātā mitravindā sva-bandhubhiḥ | sva-mitraṃ vindamānā yā tad-amitrān nirākarot
Sanskrit only: no published translation is held for this verse.
श्रुतकीर्तिः सुता-व्याजात् कीर्तिम् एव व्यजायत । कृष्ण-सात्कृतितः सा तु भद्राप्य् अजनि विश्रुता
śrutakīrtiḥ sutā-vyājāt kīrtim eva vyajāyata | kṛṣṇa-sātkṛtitaḥ sā tu bhadrāpy ajani viśrutā
Sanskrit only: no published translation is held for this verse.
यदा त्वं सप्त-वृषभान् उद्दितान् आचरिष्यसि । तदा त्वद्-गोपतां स्मृत्वा बाष्पं मोक्ष्यामहे वयम्
yadā tvaṃ sapta-vṛṣabhān udditān ācariṣyasi | tadā tvad-gopatāṃ smṛtvā bāṣpaṃ mokṣyāmahe vayam
Sanskrit only: no published translation is held for this verse.
नृपो न हरि-सेविता व्यय-कृती न हर्य्-अर्पकः कविर् न हरि-वर्णकः श्रित-गुरुर् न हर्य्-आश्रितः । गुणी न हरि-तत्परः सरस-धीर् नः कृष्णाश्रयः स न व्रज-रमानुगः स्व-हृदि सप्त शल्यानि मे
nṛpo na hari-sevitā vyaya-kṛtī na hary-arpakaḥ kavir na hari-varṇakaḥ śrita-gurur na hary-āśritaḥ | guṇī na hari-tatparaḥ sarasa-dhīr naḥ kṛṣṇāśrayaḥ sa na vraja-ramānugaḥ sva-hṛdi sapta śalyāni me
Sanskrit only: no published translation is held for this verse.
अत्युच्चैर् बन्ध -वेध्याप्रकट-झष-तनोश् छेदम् आकर्ण्य पण्यं कन्याया मद्रपातुः क्षितिपति-नियुतासाध्यम् एकस् तु पश्चात् । दूराद् आगम्य पश्चाद् अपि च विलुलुवे तां हरिर् यः स पश्चाद् भूत्वा तान् युक्तम् आर्दद् युधि तद् अपि मताग्रीयता तस्य चित्रा
atyuccair bandha -vedhyāprakaṭa-jhaṣa-tanoś chedam ākarṇya paṇyaṃ kanyāyā madrapātuḥ kṣitipati-niyutāsādhyam ekas tu paścāt | dūrād āgamya paścād api ca viluluve tāṃ harir yaḥ sa paścād bhūtvā tān yuktam ārdad yudhi tad api matāgrīyatā tasya citrā
Sanskrit only: no published translation is held for this verse.
अथ नरक-निकाय्यं नारकं मेनिरे तास् तद्-अधिकम् अपि तं तु श्री-हरिर् मन्यते स्म । नरक-हरण-नामाप्य् अत्र यत्नातियत्नं यद् अकृत यद् इहासीद् व्यग्रता-बिद्ध-बुद्धिः
atha naraka-nikāyyaṃ nārakaṃ menire tās tad-adhikam api taṃ tu śrī-harir manyate sma | naraka-haraṇa-nāmāpy atra yatnātiyatnaṃ yad akṛta yad ihāsīd vyagratā-biddha-buddhiḥ
Sanskrit only: no published translation is held for this verse.
भित्त्वा दुर्गाणि कृष्णः ससुत-मुर-युतं भौमम् उन्मुख्य राज्ये तत्-पुत्रं स्थापयित्वा सुर-नर-दुहितुर् बन्धनाद् उज्जहार । देवाम्बा-कुण्डलाद्यो मणि-गिरि-वरुण-च्छत्रम् उद्धृत्य तच् च प्रत्यर्प्य क्षुद्र-वृष्णः सह मणि-गिरिणाप्य् अग्रहीत् पारिजातम्
bhittvā durgāṇi kṛṣṇaḥ sasuta-mura-yutaṃ bhaumam unmukhya rājye tat-putraṃ sthāpayitvā sura-nara-duhitur bandhanād ujjahāra | devāmbā-kuṇḍalādyo maṇi-giri-varuṇa-cchatram uddhṛtya tac ca pratyarpya kṣudra-vṛṣṇaḥ saha maṇi-giriṇāpy agrahīt pārijātam
Sanskrit only: no published translation is held for this verse.
त्वाम् अर्चन्ति यदा स्वर्ग्यास् तदा स्वर्गः सुरालयः । त्वां नार्चन्ति यदा स्वर्ग्यास् तदा स्वर्गः सुरालयः
tvām arcanti yadā svargyās tadā svargaḥ surālayaḥ | tvāṃ nārcanti yadā svargyās tadā svargaḥ surālayaḥ
Sanskrit only: no published translation is held for this verse.
अजनाशम् असौ नष्टो जीवनाशं ननाश च । ऊर्ध्व-शोषं स चाशुष्यत् कृष्ण यस् त्वत्-पराङ्मुखः
ajanāśam asau naṣṭo jīvanāśaṃ nanāśa ca | ūrdhva-śoṣaṃ sa cāśuṣyat kṛṣṇa yas tvat-parāṅmukhaḥ
Sanskrit only: no published translation is held for this verse.
कृष्णेऽ पि धृष्णग्-भवितात्र कः पुमान् यस् तु स्वयं योद्धुम् अमुं व्रजिष्यति । यद् अद्य जातं खलु तस्य जातकं हृत्वा ततो मृत्युम् अवाप शम्बरः
kṛṣṇe' pi dhṛṣṇag-bhavitātra kaḥ pumān yas tu svayaṃ yoddhum amuṃ vrajiṣyati | yad adya jātaṃ khalu tasya jātakaṃ hṛtvā tato mṛtyum avāpa śambaraḥ
Sanskrit only: no published translation is held for this verse.
ऊषां बाणस्य कन्यां रहसि गतम् अननानिरुद्धं निरुद्धं युद्धे बुद्धा तम् एतं द्रुतम् अभिगतवान् युध्यतोऽ ग्र्यान् निहत्य । ब्रह्माण्ड-ध्वंसद्-अक्ष-ज्वलन-वह-महा-शूल-भृच्-छूलपाणिं तत्-पक्षं निर्जयंस् तद्-भुज-बलम् अलूनाद् यस् तु तत्रान्यकः कः
ūṣāṃ bāṇasya kanyāṃ rahasi gatam ananāniruddhaṃ niruddhaṃ yuddhe buddhā tam etaṃ drutam abhigatavān yudhyato' gryān nihatya | brahmāṇḍa-dhvaṃsad-akṣa-jvalana-vaha-mahā-śūla-bhṛc-chūlapāṇiṃ tat-pakṣaṃ nirjayaṃs tad-bhuja-balam alūnād yas tu tatrānyakaḥ kaḥ
Sanskrit only: no published translation is held for this verse.
व्रजस्थानां रामः स्व-सहज-वियोगार्चिषि हरेः पुरा सत्यं जज्ञे पुनर् इह तु जातः सुख-कृती । यतस् तेषां ज्वालां स्फुरद् अमृत-वाचा प्रशमयंस् तदीयां स्फूर्तिं दृग्-विषयम् इव चक्रे स्व-बलतः
vrajasthānāṃ rāmaḥ sva-sahaja-viyogārciṣi hareḥ purā satyaṃ jajñe punar iha tu jātaḥ sukha-kṛtī | yatas teṣāṃ jvālāṃ sphurad amṛta-vācā praśamayaṃs tadīyāṃ sphūrtiṃ dṛg-viṣayam iva cakre sva-balataḥ
Sanskrit only: no published translation is held for this verse.
पुण्ड्र-केश स भवान् अभूद् धरिः काशि-राड् न किम् इहाभवच् छिरः । मित्रताम् अशिवतां तथासजन्न् अन्यथा प्रथितवान् स तु त्वयि
puṇḍra-keśa sa bhavān abhūd dhariḥ kāśi-rāḍ na kim ihābhavac chiraḥ | mitratām aśivatāṃ tathāsajann anyathā prathitavān sa tu tvayi
Sanskrit only: no published translation is held for this verse.
यदा सत्रायिता तत्र काशीश-तनयस् तदा । तस्मात् कष्टायमानः सन्न् अष्टिम् उच्चिअर् अटिष्यति
yadā satrāyitā tatra kāśīśa-tanayas tadā | tasmāt kaṣṭāyamānaḥ sann aṣṭim ucciar aṭiṣyati
Sanskrit only: no published translation is held for this verse.
आश्रित्य रामं द्विविदः स्वेच्छया नरकं श्रितः । इति तन्-निष्कृतिं कुर्वन् रामोऽ न्यस् तम् अदण्डयत्
āśritya rāmaṃ dvividaḥ svecchayā narakaṃ śritaḥ | iti tan-niṣkṛtiṃ kurvan rāmo' nyas tam adaṇḍayat
Sanskrit only: no published translation is held for this verse.
हालालोहित-लोचने हल-भृति व्याकोष-शोणाब्ज-युग्- गङ्गा-भ्रान्ति-भराकरा मधुकराः कोटिर् गताः कूटताम् । किं च क्षौणि-शठा हटाद् अघरिपोस् तेजः प्रसुप्तं यशस्य् उद्बुद्धं किल वर्धितुं तद् इति ते वार्धिं गतिं सङ्गताः
hālālohita-locane hala-bhṛti vyākoṣa-śoṇābja-yug- gaṅgā-bhrānti-bharākarā madhukarāḥ koṭir gatāḥ kūṭatām | kiṃ ca kṣauṇi-śaṭhā haṭād agharipos tejaḥ prasuptaṃ yaśasy udbuddhaṃ kila vardhituṃ tad iti te vārdhiṃ gatiṃ saṅgatāḥ
Sanskrit only: no published translation is held for this verse.
यथार्क-तप्तो जल-बिन्दुर् इन्दुना निदाघ-दग्धं विपिन्ं पयोमुचा । विषार्दितं वार्भवता विलोक्यते सङ्गात् तथा त्वद्-विरही त्वया व्रजः
yathārka-tapto jala-bindur indunā nidāgha-dagdhaṃ vipinṃ payomucā | viṣārditaṃ vārbhavatā vilokyate saṅgāt tathā tvad-virahī tvayā vrajaḥ
Sanskrit only: no published translation is held for this verse.
माता तातः पितृ-सहचरा भ्रातरो बन्धु-वर्गा दासा हृद्यास् तव निज-जनाः केचिद् अन्ये च तत्र । प्राप्स्यन्ति त्वां भवति च भविष्यन्ति तेऽ नन्य-चित्तास् तेष्व् आवेशाद् बहुषु भविता नैक-चेता भवांस् तु
mātā tātaḥ pitṛ-sahacarā bhrātaro bandhu-vargā dāsā hṛdyās tava nija-janāḥ kecid anye ca tatra | prāpsyanti tvāṃ bhavati ca bhaviṣyanti te' nanya-cittās teṣv āveśād bahuṣu bhavitā naika-cetā bhavāṃs tu
Sanskrit only: no published translation is held for this verse.
ततश् च- त्वं व्रजेति निज-प्रेम गोपयन्न् इव वत्स्यसि । व्रजस् तु स्व-गुणैस् तत्र सर्व-प्रेयान् भविष्यति
tataś ca- tvaṃ vrajeti nija-prema gopayann iva vatsyasi | vrajas tu sva-guṇais tatra sarva-preyān bhaviṣyati
Sanskrit only: no published translation is held for this verse.
तत्र च- यदा यदा द्रक्ष्यति तां भवांस् तदा पूर्णं समूर्णो लविता दृशोर् जलम् । भवन्तम् अप्य् एवम् अमी यथामुना कण्ठान्तम् अन्तर् हृदयं निरोत्स्यते
tatra ca- yadā yadā drakṣyati tāṃ bhavāṃs tadā pūrṇaṃ samūrṇo lavitā dṛśor jalam | bhavantam apy evam amī yathāmunā kaṇṭhāntam antar hṛdayaṃ nirotsyate
Sanskrit only: no published translation is held for this verse.
बन्धं बन्धं यम् अनु मुमुचे तं जरासन्धम् एनं हन्याम् अद्धा स्वयम् अथ यदि श्रव्यम् एतन् न तर्हि । इत्थं कृष्ण त्वम् इह कलयन् भीमसेनेन युद्धाद् धर्याद् दैत्य-प्रकृतिम् अमुकं घातयिष्यस्य् अस्य् उपेत्य
bandhaṃ bandhaṃ yam anu mumuce taṃ jarāsandham enaṃ hanyām addhā svayam atha yadi śravyam etan na tarhi | itthaṃ kṛṣṇa tvam iha kalayan bhīmasenena yuddhād dharyād daitya-prakṛtim amukaṃ ghātayiṣyasy asy upetya
Sanskrit only: no published translation is held for this verse.
कारागारान्ध-तामिस्र-बन्धाद् अन्धायितान् नृपान् । स्वरूप-दृष्टिभिः सृष्ट-दृष्टीन् परिकरिष्यति
kārāgārāndha-tāmisra-bandhād andhāyitān nṛpān | svarūpa-dṛṣṭibhiḥ sṛṣṭa-dṛṣṭīn parikariṣyati
Sanskrit only: no published translation is held for this verse.
निर्जित्य क्षितिपति-मण्डलानि पाण्डोः पुत्रैस् तान्य् अनुगमितानि सङ्घटय्य । चेदीशं सदसि निहत्य तद्-विरुद्धं तेषां तद्-विरचयितासि राजसूयम्
nirjitya kṣitipati-maṇḍalāni pāṇḍoḥ putrais tāny anugamitāni saṅghaṭayya | cedīśaṃ sadasi nihatya tad-viruddhaṃ teṣāṃ tad-viracayitāsi rājasūyam
Sanskrit only: no published translation is held for this verse.
यज्ञे तस्मिन् नृलोको नृपति-तद्-अधिपा विप्र-विप्रर्षि-वर्याः स्वर्गस्थाः स्वर्ग-पालास् त्रिदश-मुनिवराः किं च वेधाः शिवाश् च । दृष्ट्या श्रुत्यापि तत् तद् बहुविध-भगवद्-रूप-वृन्दस्य विज्ञाः पश्यन्तो रूपम् एतत् तव किम् अपि मुहुर् विस्मरिष्यन्ति सर्वम्
yajñe tasmin nṛloko nṛpati-tad-adhipā vipra-viprarṣi-varyāḥ svargasthāḥ svarga-pālās tridaśa-munivarāḥ kiṃ ca vedhāḥ śivāś ca | dṛṣṭyā śrutyāpi tat tad bahuvidha-bhagavad-rūpa-vṛndasya vijñāḥ paśyanto rūpam etat tava kim api muhur vismariṣyanti sarvam
Sanskrit only: no published translation is held for this verse.
ततश् च- क्रुध्यन् क्रुध्यत्-सौभ-पुरं व्योमाध्व द्वारकारुधम् । ध्वंसयिष्यसि तद् यद्वत् त्रिपुरं त्रिपुरान्तकृत्
tataś ca- krudhyan krudhyat-saubha-puraṃ vyomādhva dvārakārudham | dhvaṃsayiṣyasi tad yadvat tripuraṃ tripurāntakṛt
Sanskrit only: no published translation is held for this verse.
ऊडुम्बरे कृमिस् तावन् निजाडम्बर-गर्वितः । यावन् न दन्ति-दन्तानाम् अन्तः पतति तत्-फलम्
ūḍumbare kṛmis tāvan nijāḍambara-garvitaḥ | yāvan na danti-dantānām antaḥ patati tat-phalam
Sanskrit only: no published translation is held for this verse.
जननी-वेश-सम्बन्धाभासात् पूतनिकापि सा । जनई-गतिम् अव्राजीद् इति कैमुत्य-योगतः ॥ज्ग्च् १,३३।८७॥उपकृष्णं कृष्ण-घोषः सुगो-गोपं तद् आप्स्यति । अतिदुःखं दुष्प्रतीपं तद् गोलोकं स-शर्म च
jananī-veśa-sambandhābhāsāt pūtanikāpi sā | janaī-gatim avrājīd iti kaimutya-yogataḥ ||JGc 1,33.87||upakṛṣṇaṃ kṛṣṇa-ghoṣaḥ sugo-gopaṃ tad āpsyati | atiduḥkhaṃ duṣpratīpaṃ tad golokaṃ sa-śarma ca
Sanskrit only: no published translation is held for this verse.
किं च- साङ्गं यावद् वैभवं च व्रजः कृष्णं व्रजिष्यति । स-कृष्णम् अनुकृष्णं यो धास्यते च स-रामकम् ॥ज्ग्च् १,३३।८९॥सद्वादश-स्कन्धम् एवं श्री-भागवतम् ईक्षते । यथा-शक्ति-बुधोऽ न्यस्य शक्ति-प्रति न विद्यते
kiṃ ca- sāṅgaṃ yāvad vaibhavaṃ ca vrajaḥ kṛṣṇaṃ vrajiṣyati | sa-kṛṣṇam anukṛṣṇaṃ yo dhāsyate ca sa-rāmakam ||JGc 1,33.89||sadvādaśa-skandham evaṃ śrī-bhāgavatam īkṣate | yathā-śakti-budho' nyasya śakti-prati na vidyate
Sanskrit only: no published translation is held for this verse.
भीमस्याहं तुल्य-संविद्-गदाया द्वन्द्वाघाते माधवं मागधाभम् । जित्वा राज्यं माथुरं साधयिष्याम्य् एवं नङ्क्षत्य् एष को दन्तवक्रः
bhīmasyāhaṃ tulya-saṃvid-gadāyā dvandvāghāte mādhavaṃ māgadhābham | jitvā rājyaṃ māthuraṃ sādhayiṣyāmy evaṃ naṅkṣaty eṣa ko dantavakraḥ
Sanskrit only: no published translation is held for this verse.
यदा यातः कृष्णः पुनर् अपि यदूनां नगरतस् तदा गोपाः सोऽ पि प्रति-निजम् अधुर् मोद-निवहम् । व्यतिश्लिष्टा यर्हि प्रतिजनम् इदं नाजनि मनाग् अयं कृष्णः कृष्णः किम् अहम् इति तर्हि स्फुटतरम्
yadā yātaḥ kṛṣṇaḥ punar api yadūnāṃ nagaratas tadā gopāḥ so' pi prati-nijam adhur moda-nivaham | vyatiśliṣṭā yarhi pratijanam idaṃ nājani manāg ayaṃ kṛṣṇaḥ kṛṣṇaḥ kim aham iti tarhi sphuṭataram
Sanskrit only: no published translation is held for this verse.
यतः- यद्वत् कल्यन्तिमानां सुकृत-विरहिणां सत्य-धर्मावतारः पृथ्वी-स्थानां महावग्रह-हत-वपुषां वर्षुकाब्द-प्रचारः । आकूपार-ह्रदानां मुनि-हृत-पयसां नव्य-गङ्गा-प्रसारस् तद्वद् गोष्ठ-स्थितानां तव विरह-रुजां हन्त ते सङ्ग-सारः
yataḥ- yadvat kalyantimānāṃ sukṛta-virahiṇāṃ satya-dharmāvatāraḥ pṛthvī-sthānāṃ mahāvagraha-hata-vapuṣāṃ varṣukābda-pracāraḥ | ākūpāra-hradānāṃ muni-hṛta-payasāṃ navya-gaṅgā-prasāras tadvad goṣṭha-sthitānāṃ tava viraha-rujāṃ hanta te saṅga-sāraḥ
Sanskrit only: no published translation is held for this verse.
कृष्णं मध्य-गतं विधाय पितरौ तद्-भ्रातरः स्त्री-गणास् तन्-मित्राणि कुटुम्ब-संवलनया चान्ये चिरात् प्राप्तितः । मुञ्चन्तः स्फुटम् अश्रु तस्य सुखदं चारूप-चारं चिरं विस्मृत्य स्थगित-क्रियाः समभवन् मूकाश् च वैस्वर्यतः
kṛṣṇaṃ madhya-gataṃ vidhāya pitarau tad-bhrātaraḥ strī-gaṇās tan-mitrāṇi kuṭumba-saṃvalanayā cānye cirāt prāptitaḥ | muñcantaḥ sphuṭam aśru tasya sukhadaṃ cārūpa-cāraṃ ciraṃ vismṛtya sthagita-kriyāḥ samabhavan mūkāś ca vaisvaryataḥ
Sanskrit only: no published translation is held for this verse.
॥ज्ग्च् १,३३।९६॥ मिस्सिन्ग्! यर्ह्य् आगन्तास्य् अघहर चिराद् द्वारकातस् तदा ते सर्वेऽ प्य् एते व्रज-जनि-जना श्रेष्ठ-मध्यस्थ-निघ्नाः । धावन्तोऽ पि प्रतिदिशम् अहो तत्-तद्-एकैक-कार्यं कुर्वन्तोऽ पि स्थगित-कृतिताम् एव यास्यन्ति हन्त
||JGc 1,33.96|| MISSING! yarhy āgantāsy aghahara cirād dvārakātas tadā te sarve' py ete vraja-jani-janā śreṣṭha-madhyastha-nighnāḥ | dhāvanto' pi pratidiśam aho tat-tad-ekaika-kāryaṃ kurvanto' pi sthagita-kṛtitām eva yāsyanti hanta
Sanskrit only: no published translation is held for this verse.
यद्यपि गोपाः सम्यक् परिचरितुं त्वां न तर्हि शक्ष्यन्ति । तद् अपि न तत्-प्रमदामृत-भोगास् त्वामी सदैव पोक्ष्यन्ति
yadyapi gopāḥ samyak paricarituṃ tvāṃ na tarhi śakṣyanti | tad api na tat-pramadāmṛta-bhogās tvāmī sadaiva pokṣyanti
Sanskrit only: no published translation is held for this verse.
किं भोक्तव्यं क्वासितव्यं स्वपनीयं क्व वामुना । इति मात्रादि-धी-यात्रा नात्रायास्यति तृप्तताम् ॥९८॥ सखायन्ते सुखाधीना विस्मरिष्यन्ति सर्वकम् । स्मरिष्यन्ति तु तां त्वत्-कां पुनः संश्लेष-नव्यताम् ॥ज्ग्च् १,३३।९९॥दासाश् च तव दाशार्ह पुनर् आशां स्व-मूर्तिषु । धास्यन्ति सेवा-सुधया विधास्यन्ति यद् आप्लवम् ॥ज्ग्च् १,३३।१००॥गावः प्राग्वद् भवत्-स्फूर्ति-प्रभाव-स्थित-तद्-दशाः । तद्वद् एव सदैवामूर् धास्यन्ति प्रमदं त्वयि ॥ज्ग्च् १,३३।१०१॥शिशवः पशवश् चैव वयांसि च पयांसि च । येऽ न्ये हृद्या जना हृद्यास् तव तेषां तु का कथा
kiṃ bhoktavyaṃ kvāsitavyaṃ svapanīyaṃ kva vāmunā | iti mātrādi-dhī-yātrā nātrāyāsyati tṛptatām ||98|| sakhāyante sukhādhīnā vismariṣyanti sarvakam | smariṣyanti tu tāṃ tvat-kāṃ punaḥ saṃśleṣa-navyatām ||JGc 1,33.99||dāsāś ca tava dāśārha punar āśāṃ sva-mūrtiṣu | dhāsyanti sevā-sudhayā vidhāsyanti yad āplavam ||JGc 1,33.100||gāvaḥ prāgvad bhavat-sphūrti-prabhāva-sthita-tad-daśāḥ | tadvad eva sadaivāmūr dhāsyanti pramadaṃ tvayi ||JGc 1,33.101||śiśavaḥ paśavaś caiva vayāṃsi ca payāṃsi ca | ye' nye hṛdyā janā hṛdyās tava teṣāṃ tu kā kathā
Sanskrit only: no published translation is held for this verse.
येषां प्रेम-गुणैर् यस् त्वं बद्धः सुष्ठुतया हरिः । तस्य तैर् विनिरुद्धा ये कुर्युस् ते कथम् अन्यथा
yeṣāṃ prema-guṇair yas tvaṃ baddhaḥ suṣṭhutayā hariḥ | tasya tair viniruddhā ye kuryus te katham anyathā
Sanskrit only: no published translation is held for this verse.
अहो पर-स्पर्श-सुभीरु यद् वपुर् यत् कृष्णसार-प्रणयैक-शर्म च । तासां मृगीणाम् इव तत्-परं प्रति प्रदित्सवो व्याध-मनांसि बिभ्रति
aho para-sparśa-subhīru yad vapur yat kṛṣṇasāra-praṇayaika-śarma ca | tāsāṃ mṛgīṇām iva tat-paraṃ prati praditsavo vyādha-manāṃsi bibhrati
Sanskrit only: no published translation is held for this verse.
देयम् अधीनं कार्त्स्न्येनाभिव्याप्त्या च तत्र कृष्णे स्वम् । तद्-रूपं रचयित्वा सातिप्रत्यय-पदानि ता दधिरे
deyam adhīnaṃ kārtsnyenābhivyāptyā ca tatra kṛṣṇe svam | tad-rūpaṃ racayitvā sātipratyaya-padāni tā dadhire
Sanskrit only: no published translation is held for this verse.
बुधिताः पैतृक-जनता बुद्धाः श्वशुराभिमानिनो लोकाः । मानिताः सर्वेऽ प्य् अस्माभिर् न मतो धर्मस् तु केनापि
budhitāḥ paitṛka-janatā buddhāḥ śvaśurābhimānino lokāḥ | mānitāḥ sarve' py asmābhir na mato dharmas tu kenāpi
Sanskrit only: no published translation is held for this verse.
कुर्वन्ति मौनं क्रन्दं वा शून्यं पश्यति वर्त्म वा । कृष्णं वाञ्छन्ति मृत्युं वा तासाम् एवंविधा गतिः
kurvanti maunaṃ krandaṃ vā śūnyaṃ paśyati vartma vā | kṛṣṇaṃ vāñchanti mṛtyuṃ vā tāsām evaṃvidhā gatiḥ
Sanskrit only: no published translation is held for this verse.
दाव-त्रस्ता मृग-दुहितरश् चन्द्रहीनाश् चकोर्यः स्रस्ता वृक्षान् नव-कलतिका नीर-रिक्ताः शफर्यः । ऊर्ज-प्रान्ताद् बहिर् अपगता हन्त नव्याब्ज-नाल्यो यद्वद् दृष्टा हरि-विरहिता राधिकाद्याश् च तद्वत्
dāva-trastā mṛga-duhitaraś candrahīnāś cakoryaḥ srastā vṛkṣān nava-kalatikā nīra-riktāḥ śapharyaḥ | ūrja-prāntād bahir apagatā hanta navyābja-nālyo yadvad dṛṣṭā hari-virahitā rādhikādyāś ca tadvat
Sanskrit only: no published translation is held for this verse.
राहु-ग्रासाद् इव शशि-कला वारिदाद् ऋक्ष-माला वर्षाधर्षात् पुलिन-रुचयः स्पर्शनाद् दीप-लक्ष्म्याः । निष्क्रम्यामूः पर-परिभवात् तत्-क्षणं विन्दमानाः कान्तिं स्वीयां नयन-कदनं मोचयेयुर् जनानाम्
rāhu-grāsād iva śaśi-kalā vāridād ṛkṣa-mālā varṣādharṣāt pulina-rucayaḥ sparśanād dīpa-lakṣmyāḥ | niṣkramyāmūḥ para-paribhavāt tat-kṣaṇaṃ vindamānāḥ kāntiṃ svīyāṃ nayana-kadanaṃ mocayeyur janānām
Sanskrit only: no published translation is held for this verse.
तत्र च- तारासु चन्द्र-वलयस्य कलाः कलासु तस्यातिचारु दधते स्फुरणं यथा श्रीः । गोपाङ्गनाह्वय-रमासु विशाखिकादि- सख्यः सखीषु च तथा वृषभानु-पुत्रीः
tatra ca- tārāsu candra-valayasya kalāḥ kalāsu tasyāticāru dadhate sphuraṇaṃ yathā śrīḥ | gopāṅganāhvaya-ramāsu viśākhikādi- sakhyaḥ sakhīṣu ca tathā vṛṣabhānu-putrīḥ
Sanskrit only: no published translation is held for this verse.
गो-धुङ्न्यर्बुद-गेह-गेह-बलवद्-वाद्यानवद्य-ध्वनि- प्रोल्लासित-व्रज-मण्डले दिविषदां वादित्र-चित्रे महे । आदान-प्रतिदान-दान-वचनोदारैः सदारैर् नरैर् निर्व्यूढा मुरजिद्-विवाह-पटली ज्ञाता न तत्-तद्-भिदा
go-dhuṅnyarbuda-geha-geha-balavad-vādyānavadya-dhvani- prollāsita-vraja-maṇḍale diviṣadāṃ vāditra-citre mahe | ādāna-pratidāna-dāna-vacanodāraiḥ sadārair narair nirvyūḍhā murajid-vivāha-paṭalī jñātā na tat-tad-bhidā
Sanskrit only: no published translation is held for this verse.
। यतः- गतानाम् उत्पत्त्या त्वयि रतिम् अपि त्वद्-विवहनान् निरस्तानां त्वत्-प्राप्त्य्-अभिलषित-संन्यस्त-जगताम् । अमूषाम् उत्कण्ठा यदि हत-फला तर्हि वलतां कथं वा विश्वासस् त्वयि मुरहरास्माकम् अभितः
| yataḥ- gatānām utpattyā tvayi ratim api tvad-vivahanān nirastānāṃ tvat-prāpty-abhilaṣita-saṃnyasta-jagatām | amūṣām utkaṇṭhā yadi hata-phalā tarhi valatāṃ kathaṃ vā viśvāsas tvayi muraharāsmākam abhitaḥ
Sanskrit only: no published translation is held for this verse.
यर्ह्य् आयाता व्रज-नृप-गृहं राधिकाद्यास् तदासां स्व-ज्योत्स्नाभिस् तद् अलम् अभवद् धेम-धाम-प्रकारम् । गोलोकाख्यं पदम् उदयिता यत् तु तस्य प्रकाशस् तासां श्रीणाम् अनुगत इति द्योतनं यत्र जातम्
yarhy āyātā vraja-nṛpa-gṛhaṃ rādhikādyās tadāsāṃ sva-jyotsnābhis tad alam abhavad dhema-dhāma-prakāram | golokākhyaṃ padam udayitā yat tu tasya prakāśas tāsāṃ śrīṇām anugata iti dyotanaṃ yatra jātam
Sanskrit only: no published translation is held for this verse.
असङ्ख्य-गणन-स्नुषा-गण-निवासम् आकस्मिकं कथं व्रज-पती तदा विअदधतुस् तथा तच् छृणु । गृही इव तरुण-व्रजा यद् इह भान्ति यावत्-स्पृहं वनान्य् उपवन-प्रभाण्य् अति-सहस्र-संस्थान्य् अपि
asaṅkhya-gaṇana-snuṣā-gaṇa-nivāsam ākasmikaṃ kathaṃ vraja-patī tadā viadadhatus tathā tac chṛṇu | gṛhī iva taruṇa-vrajā yad iha bhānti yāvat-spṛhaṃ vanāny upavana-prabhāṇy ati-sahasra-saṃsthāny api
Sanskrit only: no published translation is held for this verse.
कालिन्द्याः पुलिने रम्ये पुण्य-वृक्ष-समावृते । गोप-नारीभिर् अनिशं क्रीडयामास केशवः ॥ रम्य-केलि-सुखेनैव गोप-वेष-धरो हरिः । बद्ध-प्रेम-रसेनात्र मास-द्वयम् उवास ह ॥[पद्मप् ६।२५२।१९-२७] किं च- यः कौमार-हरः स एव हि वरस् ता एव चैत्र-क्षपाः इत्य् आद्य् अप्य् अधियन् कयाचिद् उदितं गोपालिका-गीर् इति । भावोन्मादज-गान-नृत्य-विवशः श्री-गुण्डिचा-पर्वसु श्री-चैतन्य-तनुर् मतं स भगवान् अङ्गीकरिषत्य् अदः
kālindyāḥ puline ramye puṇya-vṛkṣa-samāvṛte | gopa-nārībhir aniśaṃ krīḍayāmāsa keśavaḥ || ramya-keli-sukhenaiva gopa-veṣa-dharo hariḥ | baddha-prema-rasenātra māsa-dvayam uvāsa ha ||[PadmaP 6.252.19-27] kiṃ ca- yaḥ kaumāra-haraḥ sa eva hi varas tā eva caitra-kṣapāḥ ity ādy apy adhiyan kayācid uditaṃ gopālikā-gīr iti | bhāvonmādaja-gāna-nṛtya-vivaśaḥ śrī-guṇḍicā-parvasu śrī-caitanya-tanur mataṃ sa bhagavān aṅgīkariṣaty adaḥ
Sanskrit only: no published translation is held for this verse.
उत्सर्पज्-ज्योतिर्-आली-विभव-वशतया तं रथं तूर्ध्व-भाजं चर्माक्षा मेनिरे तर्ह्य् उपरिगततया तत्-पदोपासकाश् च । कृष्ट्वा ब्रह्म-ह्रदात् प्राग् अपि मुरजयिना लम्भिता गोमिनो या तां वृन्दारण्य-मध्ये गतिम् इह सुगतास् तद्विदश् चार्व् अपश्यन्
utsarpaj-jyotir-ālī-vibhava-vaśatayā taṃ rathaṃ tūrdhva-bhājaṃ carmākṣā menire tarhy uparigatatayā tat-padopāsakāś ca | kṛṣṭvā brahma-hradāt prāg api murajayinā lambhitā gomino yā tāṃ vṛndāraṇya-madhye gatim iha sugatās tadvidaś cārv apaśyan
Sanskrit only: no published translation is held for this verse.
तत्र पर्जन्य-वर्याश् च ये गताः प्राग्-अदृश्यताम् । द्रक्ष्यन्ते तेऽ पि तत्रैव तद् आश्चर्यं भविष्यति
tatra parjanya-varyāś ca ye gatāḥ prāg-adṛśyatām | drakṣyante te' pi tatraiva tad āścaryaṃ bhaviṣyati
Sanskrit only: no published translation is held for this verse.
ततश् च- वृन्दारण्ये स-कल्प-द्रुम-विविध-लता-मञ्जु-कुञ्जादि-धन्ये घोषे चिन्तामणीन्द्र-प्रथित-निलयता-चित्त-वृत्ति-प्रमोषे । रामाद्यैः काम-धुग्-गव्य्-अनुगति-कुतुकी लक्ष-लक्ष्मी-प्रकार- श्री-गोपी-प्राण-सारः स जयति नितरां गोप-गोप्तुः कुमारः
tataś ca- vṛndāraṇye sa-kalpa-druma-vividha-latā-mañju-kuñjādi-dhanye ghoṣe cintāmaṇīndra-prathita-nilayatā-citta-vṛtti-pramoṣe | rāmādyaiḥ kāma-dhug-gavy-anugati-kutukī lakṣa-lakṣmī-prakāra- śrī-gopī-prāṇa-sāraḥ sa jayati nitarāṃ gopa-goptuḥ kumāraḥ
Sanskrit only: no published translation is held for this verse.
सोऽ यं गोपेन्द्र पुत्रस् तव महित-महीयःसु शश्वन्-महीय्यस् त्वन्-नाना-बन्धुतानाम् अपि विविधतया बन्धुता-बद्ध-बुद्धिः । यस्माल् लब्धा भवन्तः शिव-कमल-भवाद्यन्तर-ध्येय-वर्गाद् दूरं धाम प्रभावं विभवम् अपि महा-प्रेम-माधुर्यम् अत्र
so' yaṃ gopendra putras tava mahita-mahīyaḥsu śaśvan-mahīyyas tvan-nānā-bandhutānām api vividhatayā bandhutā-baddha-buddhiḥ | yasmāl labdhā bhavantaḥ śiva-kamala-bhavādyantara-dhyeya-vargād dūraṃ dhāma prabhāvaṃ vibhavam api mahā-prema-mādhuryam atra
Sanskrit only: no published translation is held for this verse.
गोपाल-यशसा स्पृष्टं यन् मृष्टं सूत-जन्म च । तत् तु स्पर्श-मणेर् जातं जात-रूप-मयोऽ पि नः
gopāla-yaśasā spṛṣṭaṃ yan mṛṣṭaṃ sūta-janma ca | tat tu sparśa-maṇer jātaṃ jāta-rūpa-mayo' pi naḥ
Sanskrit only: no published translation is held for this verse.
तथा हि- अत्र श्री-व्रज-राज-राजित-सभा-मध्ये क्रम-ध्येयता- साध्ये श्री-हरिर् एष राम-सहितः प्रत्यक्षताम् आगतः । तत्रापि स्व-कथा-प्रथां कथयितुं नः सम्यग् आदिष्टवान् कारुण्यं किम् अथास्य वर्ण्यम् असकृत् पुण्यं च किं नः सखे
tathā hi- atra śrī-vraja-rāja-rājita-sabhā-madhye krama-dhyeyatā- sādhye śrī-harir eṣa rāma-sahitaḥ pratyakṣatām āgataḥ | tatrāpi sva-kathā-prathāṃ kathayituṃ naḥ samyag ādiṣṭavān kāruṇyaṃ kim athāsya varṇyam asakṛt puṇyaṃ ca kiṃ naḥ sakhe
Sanskrit only: no published translation is held for this verse.
वाणी कंसरिपो तवानुकथनं कर्णौ कथा-कर्णनं हस्तौ सन्तत-सेवनं हृदयम् अप्य् उत्कण्ठया धारणम् । शीर्षं गोकुल-वस्तु-मात्र-नमनं दृष्टी समस्त-व्रज- प्रेष्ठानां स्थिति-वीक्षणं च भजतां नौ नैव तत्-तद्-बहिः
vāṇī kaṃsaripo tavānukathanaṃ karṇau kathā-karṇanaṃ hastau santata-sevanaṃ hṛdayam apy utkaṇṭhayā dhāraṇam | śīrṣaṃ gokula-vastu-mātra-namanaṃ dṛṣṭī samasta-vraja- preṣṭhānāṃ sthiti-vīkṣaṇaṃ ca bhajatāṃ nau naiva tat-tad-bahiḥ
Sanskrit only: no published translation is held for this verse.
ततश् च- पुण्ड्रं पूर्वाङ्ग-चर्चा निज-मणि-वलितालङ्कृतिर् दिव्यताम्बू- लाग्र्यं प्राग्य-स्व-वस्त्र-व्रततिर् इति बहु स्वात्मनैवोपयुज्य । गन्त्र्यो वाहाः समन्तात् परिजन-जनताः स्पृह्य-गृह्यादिवस्तून्य् एतान्य् अन्यैः समर्प्य द्वयम् अभिहितवान् श्रील-गोलोक-राजः
tataś ca- puṇḍraṃ pūrvāṅga-carcā nija-maṇi-valitālaṅkṛtir divyatāmbū- lāgryaṃ prāgya-sva-vastra-vratatir iti bahu svātmanaivopayujya | gantryo vāhāḥ samantāt parijana-janatāḥ spṛhya-gṛhyādivastūny etāny anyaiḥ samarpya dvayam abhihitavān śrīla-goloka-rājaḥ
Sanskrit only: no published translation is held for this verse.
अद्यारभ्यानुपाल्येत लाल्येन भवतोर् द्वयम् । अस्य मात्रा तथा माता तद्वत् पित्रा मया पिता
adyārabhyānupālyeta lālyena bhavator dvayam | asya mātrā tathā mātā tadvat pitrā mayā pitā
Sanskrit only: no published translation is held for this verse.
जय-ध्वनि-युतास् तदा ववृषुर् उद्धताः सद्-धनं यथा बत सदः-सदस्तद् अवगाह्य बाह्यं गृहम् । तथान्तर-गता यतश् चपलम् एव तत्-पूरितं स्थलं किल कृत-क्रियं व्यसृजद् आत्म-लब्धान् जनान्
jaya-dhvani-yutās tadā vavṛṣur uddhatāḥ sad-dhanaṃ yathā bata sadaḥ-sadastad avagāhya bāhyaṃ gṛham | tathāntara-gatā yataś capalam eva tat-pūritaṃ sthalaṃ kila kṛta-kriyaṃ vyasṛjad ātma-labdhān janān
Sanskrit only: no published translation is held for this verse.
वृन्दारण्याभिधाने सरसि सरसिज-श्रेणि-लक्ष्मीषु गोपीष्व् एका राधाभिधा सा विभवति सततः दिव्य-सौगन्धिक-श्रीः । भ्राम्यन् याम् एव लब्धुं व्रजपति-तनयश् चावर्मूर् वर्तम-वृत्तीः सर्वा निर्माय यस्याम् अलिर् इव कलया केलिम् उच्चैस् तनोति
vṛndāraṇyābhidhāne sarasi sarasija-śreṇi-lakṣmīṣu gopīṣv ekā rādhābhidhā sā vibhavati satataḥ divya-saugandhika-śrīḥ | bhrāmyan yām eva labdhuṃ vrajapati-tanayaś cāvarmūr vartama-vṛttīḥ sarvā nirmāya yasyām alir iva kalayā kelim uccais tanoti
Sanskrit only: no published translation is held for this verse.