क्अ इइइ,२५७।४-१८ रो व्,४९।४-५०।३ किमर्थः शकारः । शित् सर्वस्य इति सर्वादेशः यथा स्यात् । अक्रियमाणे हि शकारे अलः अन्त्यस्य विधयः भवन्ति इति अन्त्यस्य प्रसज्येत । अतः उत्तरम् पठति । अमः मश् न मकारस्य । मकारस्य मकारवचने प्रयोजनम् न अस्ति इति कृत्वा तत्र अन्तरेण शकारम् सर्वादेशः भविष्यति । वचनात् अन्यबाधनम् । अस्ति अन्यत् मकारस्य मकारवचने प्रयोजनम् । ये अन्ये मकारादेशाः प्राप्नुवन्ति तद्बाधनार्थम् । तत् यथा । मः राजि समः क्वौ इति मकारस्य मकारवचनसामर्थ्यात् अनुस्वारादयः बाध्यन्ते । एवम् तर्हि द्विमकारकः निर्देशः करिष्यते । द्विमकारः ईट् अपृक्ते । यदि द्विमकारकः अपृक्ताश्रयः ईट् न प्राप्नोति । वधीम् वृत्रम् मरुतः इन्द्रियेण । यकारादौ न दुष्यति । किम् यकारः न श्रूयते । लुप्तनिर्दिष्टः यकारः । अमः मश् न मकारस्य वचनात् अन्यबाधनम् द्विमकारः ईट् अपृक्ते यकारादौ न दुष्यति ।
KA III,257.4-18 Ro V,49.4-50.3 kimarthaḥ śakāraḥ . śit sarvasya iti sarvādeśaḥ yathā syāt . akriyamāṇe hi śakāre alaḥ antyasya vidhayaḥ bhavanti iti antyasya prasajyeta . ataḥ uttaram paṭhati . amaḥ maś na makārasya . makārasya makāravacane prayojanam na asti iti kṛtvā tatra antareṇa śakāram sarvādeśaḥ bhaviṣyati . vacanāt anyabādhanam . asti anyat makārasya makāravacane prayojanam . ye anye makārādeśāḥ prāpnuvanti tadbādhanārtham . tat yathā . maḥ rāji samaḥ kvau iti makārasya makāravacanasāmarthyāt anusvārādayaḥ bādhyante . evam tarhi dvimakārakaḥ nirdeśaḥ kariṣyate . dvimakāraḥ īṭ apṛkte . yadi dvimakārakaḥ apṛktāśrayaḥ īṭ na prāpnoti . vadhīm vṛtram marutaḥ indriyeṇa . yakārādau na duṣyati . kim yakāraḥ na śrūyate . luptanirdiṣṭaḥ yakāraḥ . amaḥ maś na makārasya vacanāt anyabādhanam dvimakāraḥ īṭ apṛkte yakārādau na duṣyati .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.