क्अ इइइ,३१८।२६-३१९।९ रो व्,१९५।१३-१९७।२ अथ परस्य अवृद्धिः इति अनुवर्तते उताहो न । किम् च अतः । यदि अनुवर्तते शौवम् मांसम् टिलोपे कृते ऐजागमः न प्राप्नोति । अथ निवृत्तम् स्वाध्यायशब्दः द्वारादिषु पठ्यते तत्र यावन्तः यणः सर्वेभ्यः पूर्वः ऐजागमः प्राप्नोति । यथ इच्छसि तथा अस्तु । अस्तु तावत् अनुवर्तते । कथ शौवम् मांसम् । आनुपूर्व्या सिद्धम् एतत् । न अत्र अकृते ऐजागमे टिलोपः प्राप्नोति । किम् कारणम् । प्रकृत्या एकाच् इति प्रकृतिभावेन भवितव्यम् । तत् एतत् आनुपूर्व्या सिद्धम् भवति । अथ वा पुनः अस्तु निवृत्तम् । ननु च उक्तम् स्वाध्यायशब्दः द्वारादिषु पठ्यते तत्र यावन्तः यणः सर्वेभ्यः पूर्वः ऐजागमः प्राप्नोति इति । कः पुनः अर्हति स्वाध्यायशब्दम् द्वारादिषु पठितुम् । एवम् किल् पठ्येत स्वम् अध्ययनम् स्वाध्यायः इति । तत् च न । सुष्ठु वा अध्ययनम् स्वाध्यायः शोभनम् वा अध्ययनम् स्वाध्यायः । अथ अपि स्वम् अध्ययनम् स्वाध्यायः एवम् अपि न दोषः । अचाम् आदेः इति वर्तते ।
KA III,318.26-319.9 Ro V,195.13-197.2 atha parasya avṛddhiḥ iti anuvartate utāho na . kim ca ataḥ . yadi anuvartate śauvam māṃsam ṭilope kṛte aijāgamaḥ na prāpnoti . atha nivṛttam svādhyāyaśabdaḥ dvārādiṣu paṭhyate tatra yāvantaḥ yaṇaḥ sarvebhyaḥ pūrvaḥ aijāgamaḥ prāpnoti . yatha icchasi tathā astu . astu tāvat anuvartate . katha śauvam māṃsam . ānupūrvyā siddham etat . na atra akṛte aijāgame ṭilopaḥ prāpnoti . kim kāraṇam . prakṛtyā ekāc iti prakṛtibhāvena bhavitavyam . tat etat ānupūrvyā siddham bhavati . atha vā punaḥ astu nivṛttam . nanu ca uktam svādhyāyaśabdaḥ dvārādiṣu paṭhyate tatra yāvantaḥ yaṇaḥ sarvebhyaḥ pūrvaḥ aijāgamaḥ prāpnoti iti . kaḥ punaḥ arhati svādhyāyaśabdam dvārādiṣu paṭhitum . evam kil paṭhyeta svam adhyayanam svādhyāyaḥ iti . tat ca na . suṣṭhu vā adhyayanam svādhyāyaḥ śobhanam vā adhyayanam svādhyāyaḥ . atha api svam adhyayanam svādhyāyaḥ evam api na doṣaḥ . acām ādeḥ iti vartate .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.