Library·Ṛgveda Saṃhitā·7·7.103
संवत्सरं शशयाना ब्राह्मणा व्रतचारिणः । वाचम् पर्जन्यजिन्विताम् प्र मण्डूका अवादिषुः ॥
saṃvatsaraṃ śaśayānā brāhmaṇā vratacāriṇaḥ | vācam parjanyajinvitām pra maṇḍūkā avādiṣuḥ ||
They who lay quiet for a year, the Brahmans who fulfil their vows, The Frogs have lifted up their voice, the voice Parjanya hath inspired.
Translated by Ralph T. H. Griffith (1896)
दिव्या आपो अभि यद् एनम् आयन् दृतिं न शुष्कं सरसी शयानम् । गवाम् अह न मायुर् वत्सिनीनाम् मण्डूकानां वग्नुर् अत्रा सम् एति ॥
divyā āpo abhi yad enam āyan dṛtiṃ na śuṣkaṃ sarasī śayānam | gavām aha na māyur vatsinīnām maṇḍūkānāṃ vagnur atrā sam eti ||
What time on these, as on a dry skin lying in the pool's bed, the floods of heaven descended, The music of the Frogs comes forth in concert like the cows lowing with their calves beside them.
Translated by Ralph T. H. Griffith (1896)
यद् ईम् एनां उशतो अभ्य् अवर्षीत् तृष्यावतः प्रावृष्य् आगतायाम् । अख्खलीकृत्या पितरं न पुत्रो अन्यो अन्यम् उप वदन्तम् एति ॥
yad īm enāṃ uśato abhy avarṣīt tṛṣyāvataḥ prāvṛṣy āgatāyām | akhkhalīkṛtyā pitaraṃ na putro anyo anyam upa vadantam eti ||
When at the coming of the Rains the water has poured upon them as they yearned and thirsted, One seeks another as he talks and greets him with cries of pleasure as a son his father.
Translated by Ralph T. H. Griffith (1896)
अन्यो अन्यम् अनु गृभ्णात्य् एनोर् अपाम् प्रसर्गे यद् अमन्दिषाताम् । मण्डूको यद् अभिवृष्टः कनिष्कन् पृश्निः सम्पृङ्क्ते हरितेन वाचम् ॥
anyo anyam anu gṛbhṇāty enor apām prasarge yad amandiṣātām | maṇḍūko yad abhivṛṣṭaḥ kaniṣkan pṛśniḥ sampṛṅkte haritena vācam ||
Each of these twain receives the other kindly, while they are revelling in the flow of waters, When the Frog moistened by the rain springs forward, and Green and Spotty both combine their voices.
Translated by Ralph T. H. Griffith (1896)
यद् एषाम् अन्यो अन्यस्य वाचं शाक्तस्येव वदति शिक्षमाणः । सर्वं तद् एषां समृधेव पर्व यत् सुवाचो वदथनाध्य् अप्सु ॥
yad eṣām anyo anyasya vācaṃ śāktasyeva vadati śikṣamāṇaḥ | sarvaṃ tad eṣāṃ samṛdheva parva yat suvāco vadathanādhy apsu ||
When one of these repeats the other's language, as he who learns the lesson of the teacher, Your every limb seems to be growing larger as ye converse with eloquence on the waters.
Translated by Ralph T. H. Griffith (1896)
गोमायुर् एको अजमायुर् एकः पृश्निर् एको हरित एक एषाम् । समानं नाम बिभ्रतो विरूपाः पुरुत्रा वाचम् पिपिशुर् वदन्तः ॥
gomāyur eko ajamāyur ekaḥ pṛśnir eko harita eka eṣām | samānaṃ nāma bibhrato virūpāḥ purutrā vācam pipiśur vadantaḥ ||
Onc is Cow-bellow and Goat-bleat the other, one Frog is Green and one of them is Spotty. They bear one common name, and yet they vary, and, talking, modulate the voice diversely.
Translated by Ralph T. H. Griffith (1896)
ब्राह्मणासो अतिरात्रे न सोमे सरो न पूर्णम् अभितो वदन्तः । संवत्सरस्य तद् अहः परि ष्ठ यन् मण्डूकाः प्रावृषीणम् बभूव ॥
brāhmaṇāso atirātre na some saro na pūrṇam abhito vadantaḥ | saṃvatsarasya tad ahaḥ pari ṣṭha yan maṇḍūkāḥ prāvṛṣīṇam babhūva ||
As Brahmans, sitting round the brimful vessel, talk at the Soma-rite of Atiratra, So, Frogs, ye gather round the pool to honour this day of all the year, the first of Rain-time.
Translated by Ralph T. H. Griffith (1896)
ब्राह्मणासः सोमिनो वाचम् अक्रत ब्रह्म कृण्वन्तः परिवत्सरीणम् । अध्वर्यवो घर्मिणः सिष्विदाना आविर् भवन्ति गुह्या न के चित् ॥
brāhmaṇāsaḥ somino vācam akrata brahma kṛṇvantaḥ parivatsarīṇam | adhvaryavo gharmiṇaḥ siṣvidānā āvir bhavanti guhyā na ke cit ||
These Brahmans with the Soma juice, performing their year-long rite, have lifted up their voices; And these Adhvaryus, sweating with their kettles, come forth and show themselves, and none are hidden.
Translated by Ralph T. H. Griffith (1896)
देवहितिं जुगुपुर् द्वादशस्य ऋतुं नरो न प्र मिनन्त्य् एते । संवत्सरे प्रावृष्य् आगतायां तप्ता घर्मा अश्नुवते विसर्गम् ॥
devahitiṃ jugupur dvādaśasya ṛtuṃ naro na pra minanty ete | saṃvatsare prāvṛṣy āgatāyāṃ taptā gharmā aśnuvate visargam ||
They keep the twelve month's God-appointed order, and never do the men neglect the season. Soon as the Rain-time in the year returneth, these who were heated kettles gain their freedom.
Translated by Ralph T. H. Griffith (1896)
गोमायुर् अदाद् अजमायुर् अदात् पृश्निर् अदाद् धरितो नो वसूनि । गवाम् मण्डूका ददतः शतानि सहस्रसावे प्र तिरन्त आयुः ॥
gomāyur adād ajamāyur adāt pṛśnir adād dharito no vasūni | gavām maṇḍūkā dadataḥ śatāni sahasrasāve pra tiranta āyuḥ ||
Cow-bellow and Goat-bleat have granted riches, and Green and Spotty have vouchsafed us treasure. The Frogs who give us cows in hundreds lengthen our lives in this most fertilizing season.
Translated by Ralph T. H. Griffith (1896)