उक्ता विमला बुद्धगुणाः । तत्कर्म जिनक्रियेदानीं वक्तव्या । सा पुनरनाभोगतश्चाप्रश्रब्धितश्च समासतो द्वाभ्यामाकराभ्या प्रवर्तत इति । अनन्तरमनाभोगाप्रश्रब्ध बुद्धकार्यमारभ्य द्वौ श्लोकौ । विनेयधातौ विनयाभ्युपाये विनेयधातोर्विनयक्रियायाम् । तद्देशकाले गमने च नित्यं विभोरनाभोगत एव वृत्तिः
uktā vimalā buddhaguṇāḥ / tatkarma jinakriyedānīṃ vaktavyā / sā punaranābhogataścāpraśrabdhitaśca samāsato dvābhyāmākarābhyā pravartata iti / anantaramanābhogāpraśrabdha buddhakāryamārabhya dvau ślokau / vineyadhātau vinayābhyupāye vineyadhātorvinayakriyāyām / taddeśakāle gamane ca nityaṃ vibhoranābhogata eva vṛttiḥ
Sanskrit only: no published translation is held for this verse.
कृत्स्नं निष्पाद्य यानं प्रवरगुणगणज्ञानरत्नस्वगर्भं पुण्यज्ञानार्करश्मिप्रविसुतविपुलानन्तमध्याम्बराभम् । बुद्धत्वं सर्वसत्त्वे विमलगुणनिधिं निर्विशिष्टं विलोक्य क्लेशज्ञेयाभ्रजालं विधमति करुणा वायुभूता जिनानाम्
kṛtsnaṃ niṣpādya yānaṃ pravaraguṇagaṇajñānaratnasvagarbhaṃ puṇyajñānārkaraśmipravisutavipulānantamadhyāmbarābham / buddhatvaṃ sarvasattve vimalaguṇanidhiṃ nirviśiṣṭaṃ vilokya kleśajñeyābhrajālaṃ vidhamati karuṇā vāyubhūtā jinānām
Sanskrit only: no published translation is held for this verse.
एतयोर्यथाक्रमं द्वाभ्यामष्टाभिश्च श्लोकैः पिण्डार्थो वेदितव्यः । यस्य येन च यावच्च यदा च विनयक्रिया । तद्विकल्पोदयाभावादनाभोगः सदा मुनेः
etayoryathākramaṃ dvābhyāmaṣṭābhiśca ślokaiḥ piṇḍārtho veditavyaḥ / yasya yena ca yāvacca yadā ca vinayakriyā / tadvikalpodayābhāvādanābhogaḥ sadā muneḥ
Sanskrit only: no published translation is held for this verse.
यस्य धातोर्विनेयस्य येनोपायेन भूरिणा । या विनीतिक्रिया यत्र यदा तद्देशकालयोः
yasya dhātorvineyasya yenopāyena bhūriṇā / yā vinītikriyā yatra yadā taddeśakālayoḥ
Sanskrit only: no published translation is held for this verse.
निर्याणे तदुपस्तम्भे तत्फले तत्परिग्रहे । तदावृत्तौ तदुच्छित्तिप्रत्यये चाविकल्पतः
niryāṇe tadupastambhe tatphale tatparigrahe / tadāvṛttau taducchittipratyaye cāvikalpataḥ
Sanskrit only: no published translation is held for this verse.
तत्फलं परमा बोधिर्बोधेः सत्त्वः परिग्रहः
tatphalaṃ paramā bodhirbodheḥ sattvaḥ parigrahaḥ
Sanskrit only: no published translation is held for this verse.
तदावृतिरपर्यन्तक्लेशोपक्लेशवासनाः । करुणा तत्समुद्घातप्रत्ययः सार्वकालिकः
tadāvṛtiraparyantakleśopakleśavāsanāḥ / karuṇā tatsamudghātapratyayaḥ sārvakālikaḥ
Sanskrit only: no published translation is held for this verse.
स्थानानि वेदितव्यानि षडेतानि यथाक्रमम् । महोदधिरविव्योमनिधानाम्बुदवायुवत्
sthānāni veditavyāni ṣaḍetāni yathākramam / mahodadhiravivyomanidhānāmbudavāyuvat
Sanskrit only: no published translation is held for this verse.
ज्ञानाम्बुगुणरत्नत्वादग्रयानं समुद्रवत् । सर्वसत्त्वोपजीव्यत्वात् संभारद्वयमर्कवत्
jñānāmbuguṇaratnatvādagrayānaṃ samudravat / sarvasattvopajīvyatvāt saṃbhāradvayamarkavat
Sanskrit only: no published translation is held for this verse.
विपुलानन्तमध्यत्वाद्बोधिराकाशधतुवत् । सम्यक्संबुद्धधर्मत्वात् सत्त्वधातुर्निधानवत्
vipulānantamadhyatvādbodhirākāśadhatuvat / samyaksaṃbuddhadharmatvāt sattvadhāturnidhānavat
Sanskrit only: no published translation is held for this verse.
आगन्तुव्याप्त्यनिष्प त्तेस्तत्संक्लेशो ऽभ्रराशिवत् । तत्क्षिंप्तिप्रत्युपस्थानात् करुणोद्वृत्तवायुवत्
āgantuvyāptyaniṣpa ttestatsaṃkleśo 'bhrarāśivat / tatkṣiṃptipratyupasthānāt karuṇodvṛttavāyuvat
Sanskrit only: no published translation is held for this verse.
पराधिकारनिर्याणात् सत्त्वात्मसमदर्शनात् । कृत्यापरिसमाप्तेश्च क्रियाप्रश्रब्धिरा भवात्
parādhikāraniryāṇāt sattvātmasamadarśanāt / kṛtyāparisamāpteśca kriyāpraśrabdhirā bhavāt
Sanskrit only: no published translation is held for this verse.
यदनुत्पादानिरोधप्रभावितं बुद्धत्वमित्युक्तं तत्कथमिहासंस्कृतादप्रवृत्तिलक्षणाद्बुद्धत्वादनाभोगाप्रतिप्रश्रब्धमा लोकादविकल्पं बुद्धकार्य प्रवर्तत इति । बुद्धमाहात्म्यधर्मतामारभ्य विमतिसंदेहजातानामचिन्त्यबुद्धविषयाधिमुक्तिसंजननार्थ तस्य माहात्म्ये श्लोकः । शक्रदुन्दुभिवन् मेघब्रह्मार्कमणिरत्नवत् । प्रतिश्रुतिरिवाकाशपृथिवीवत् तथागतः
yadanutpādānirodhaprabhāvitaṃ buddhatvamityuktaṃ tatkathamihāsaṃskṛtādapravṛttilakṣaṇādbuddhatvādanābhogāpratipraśrabdhamā lokādavikalpaṃ buddhakārya pravartata iti / buddhamāhātmyadharmatāmārabhya vimatisaṃdehajātānāmacintyabuddhaviṣayādhimuktisaṃjananārtha tasya māhātmye ślokaḥ / śakradundubhivan meghabrahmārkamaṇiratnavat / pratiśrutirivākāśapṛthivīvat tathāgataḥ
Sanskrit only: no published translation is held for this verse.
शक्रप्रतिभासत्वादिति । विशुद्धवैडूर्यमयं यथेदं स्यान्महीतलम् । स्वच्छत्वात्तत्र दृश्येत देवेन्द्रः साप्सरोगणः
śakrapratibhāsatvāditi / viśuddhavaiḍūryamayaṃ yathedaṃ syānmahītalam / svacchatvāttatra dṛśyeta devendraḥ sāpsarogaṇaḥ
Sanskrit only: no published translation is held for this verse.
प्रासादो वैजयन्तश्च तदन्ये च दिवौकसः । तद्विमानानि चित्राणि ताश्च दिव्या विभूतयः
prāsādo vaijayantaśca tadanye ca divaukasaḥ / tadvimānāni citrāṇi tāśca divyā vibhūtayaḥ
Sanskrit only: no published translation is held for this verse.
अथ नारीनरगणा महीतलनिवासिनः । प्रतिभासं तमालोक्य प्रणिधिं कुर्युरीदृशम्
atha nārīnaragaṇā mahītalanivāsinaḥ / pratibhāsaṃ tamālokya praṇidhiṃ kuryurīdṛśam
Sanskrit only: no published translation is held for this verse.
अद्यैव न चिरादेवं भवेमस्त्रिदशेश्वराः । कुशलं च समादाय वर्तेरंस्तदवाप्तये
adyaiva na cirādevaṃ bhavemastridaśeśvarāḥ / kuśalaṃ ca samādāya varteraṃstadavāptaye
Sanskrit only: no published translation is held for this verse.
प्रतिभासो ऽयमित्येवमविज्ञायापि ते भुवः । च्युत्वा दिव्युपपद्येरंस्तेन शुक्लेन कर्मणा
pratibhāso 'yamityevamavijñāyāpi te bhuvaḥ / cyutvā divyupapadyeraṃstena śuklena karmaṇā
Sanskrit only: no published translation is held for this verse.
प्रतिभासः स चात्यन्तमविकल्पो निरीहकः । एवं च महतार्थेन भुवि स्यात्प्रत्युपस्थितः
pratibhāsaḥ sa cātyantamavikalpo nirīhakaḥ / evaṃ ca mahatārthena bhuvi syātpratyupasthitaḥ
Sanskrit only: no published translation is held for this verse.
तथा श्रद्धादिविमले श्रद्धादिगुणभाविते । सत्त्वाः पश्यन्ति संबुद्धं प्रतिभास स्वचेतसि
tathā śraddhādivimale śraddhādiguṇabhāvite / sattvāḥ paśyanti saṃbuddhaṃ pratibhāsa svacetasi
Sanskrit only: no published translation is held for this verse.
लक्षणव्यञ्जनोपेतं विचित्रेर्यापथक्रियम् । चङ्क्रम्यमाणं तिष्ठन्तं निषण्णं शयनस्थितम्
lakṣaṇavyañjanopetaṃ vicitreryāpathakriyam / caṅkramyamāṇaṃ tiṣṭhantaṃ niṣaṇṇaṃ śayanasthitam
Sanskrit only: no published translation is held for this verse.
चित्राणि प्रातिहार्याणि दर्शयन्तं महाद्युतिम्
citrāṇi prātihāryāṇi darśayantaṃ mahādyutim
Sanskrit only: no published translation is held for this verse.
तं च दृष्ट्वाभियुज्यन्ते बुद्धत्वाय स्पृहान्विताः । तद्धेतुं च समादाय प्राप्नुवन्तीप्सितं पदम्
taṃ ca dṛṣṭvābhiyujyante buddhatvāya spṛhānvitāḥ / taddhetuṃ ca samādāya prāpnuvantīpsitaṃ padam
Sanskrit only: no published translation is held for this verse.
प्रतिभासः स चात्यन्तमविकल्पो निरीहकः । एवं च महतार्थेन लोकेषु प्रत्युपस्थितः
pratibhāsaḥ sa cātyantamavikalpo nirīhakaḥ / evaṃ ca mahatārthena lokeṣu pratyupasthitaḥ
Sanskrit only: no published translation is held for this verse.
स्वचित्तप्रतिभासो ऽयमिति नैवं पृथग्जनाः । जानन्त्यथ च तत्तेषामवन्ध्यं बिम्बदर्शनम्
svacittapratibhāso 'yamiti naivaṃ pṛthagjanāḥ / jānantyatha ca tatteṣāmavandhyaṃ bimbadarśanam
Sanskrit only: no published translation is held for this verse.
तद्धि दर्शनमागम्य क्रमादस्मिन्नये स्थिताः । सद्धर्मकायं मध्यस्थं पश्यन्ति ज्ञानचक्षुषा
taddhi darśanamāgamya kramādasminnaye sthitāḥ / saddharmakāyaṃ madhyasthaṃ paśyanti jñānacakṣuṣā
Sanskrit only: no published translation is held for this verse.
भूर्यद्वत्स्यात् समन्तव्यपगतविषमस्थानान्तरमला वैडूर्यस्पष्टशुभ्रा विमलमणिगुणा श्रीमत्समतला । शुद्धत्वात्तत्र बिम्बं सुरपतिभवनं माहेन्द्रमरुताम् उत्पद्येत क्रमेण क्षितिगुणविगमादस्तं पुनरियात्
bhūryadvatsyāt samantavyapagataviṣamasthānāntaramalā vaiḍūryaspaṣṭaśubhrā vimalamaṇiguṇā śrīmatsamatalā / śuddhatvāttatra bimbaṃ surapatibhavanaṃ māhendramarutām utpadyeta krameṇa kṣitiguṇavigamādastaṃ punariyāt
Sanskrit only: no published translation is held for this verse.
तद्भावायोपवासव्रतनियमतया दानाद्यभिमुखाः पुष्पादीनि क्षिपेयुः प्रणिहितमनसो नारीनरगणाः । वैडूर्यस्वच्छभुते मनसि मुनिपतिच्छायाधिगमने चित्राण्युत्पादयन्ति प्रमुदितमनसस्तद्वज्जिनसुताः
tadbhāvāyopavāsavrataniyamatayā dānādyabhimukhāḥ puṣpādīni kṣipeyuḥ praṇihitamanaso nārīnaragaṇāḥ / vaiḍūryasvacchabhute manasi munipaticchāyādhigamane citrāṇyutpādayanti pramuditamanasastadvajjinasutāḥ
Sanskrit only: no published translation is held for this verse.
यथैव वैडूर्यमहीतले शुचौ सुरेन्द्रकायप्रतिबिम्बसंभवः । तथा जगच्चित्तमहीतले शुचौ मुनीन्द्रकायप्रतिबिम्बसंभवः
yathaiva vaiḍūryamahītale śucau surendrakāyapratibimbasaṃbhavaḥ / tathā jagaccittamahītale śucau munīndrakāyapratibimbasaṃbhavaḥ
Sanskrit only: no published translation is held for this verse.
लोकेषु यद्वदवभासमुपैति बिम्बं तद्वन्न तत्सदिति नासदिति प्रपश्येत्
lokeṣu yadvadavabhāsamupaiti bimbaṃ tadvanna tatsaditi nāsaditi prapaśyet
Sanskrit only: no published translation is held for this verse.
देवदुन्दुभिवदिति । यथैव दिवि देवानां पूर्वशुक्लानुभावतः । यत्नस्थानमनोरूपविकल्परहिता सती
devadundubhivaditi / yathaiva divi devānāṃ pūrvaśuklānubhāvataḥ / yatnasthānamanorūpavikalparahitā satī
Sanskrit only: no published translation is held for this verse.
अनित्यदुःखानैरात्म्यशान्तशब्दैः प्रमादिनः । चोदयत्यमरान् सर्वानसकृद्देवदुन्दुभिः
anityaduḥkhānairātmyaśāntaśabdaiḥ pramādinaḥ / codayatyamarān sarvānasakṛddevadundubhiḥ
Sanskrit only: no published translation is held for this verse.
व्याप्य बुद्धस्वरणैवं विभुर्जगदशेषतः । धर्म दिशति भव्येभ्यो यत्नादिरहितो ऽपि सन्
vyāpya buddhasvaraṇaivaṃ vibhurjagadaśeṣataḥ / dharma diśati bhavyebhyo yatnādirahito 'pi san
Sanskrit only: no published translation is held for this verse.
देवानां दिवि दिव्यदुन्दुभिरवो यैद्वत् स्वकर्मोद्भवो धर्मोदाहरणं मुनेरपि तथा लोके स्वकर्मोद्भवम् । यत्नस्थानशरीरचित्तरहितः शब्दः स शान्त्यावहो यद्वत् तद्वदृते चतुष्टयमयं धर्मः स शान्त्यावहः
devānāṃ divi divyadundubhiravo yaidvat svakarmodbhavo dharmodāharaṇaṃ munerapi tathā loke svakarmodbhavam / yatnasthānaśarīracittarahitaḥ śabdaḥ sa śāntyāvaho yadvat tadvadṛte catuṣṭayamayaṃ dharmaḥ sa śāntyāvahaḥ
Sanskrit only: no published translation is held for this verse.
संग्रामक्लेशवृत्तावसुरबलजयक्रीडाप्रणुदनं दुन्दुभ्याः शब्दहेतुप्रभवमभयदं यद्वत् सुरपुरे । सत्त्वेषु क्लेशदुःखप्रमथनशमनं मार्गोत्तमविधौ ध्यानारूप्यादिहेतुप्रभवमपि तथा लोके निगदितम्
saṃgrāmakleśavṛttāvasurabalajayakrīḍāpraṇudanaṃ dundubhyāḥ śabdahetuprabhavamabhayadaṃ yadvat surapure / sattveṣu kleśaduḥkhapramathanaśamanaṃ mārgottamavidhau dhyānārūpyādihetuprabhavamapi tathā loke nigaditam
Sanskrit only: no published translation is held for this verse.
कस्मादिह धर्मदुन्दुभिरेवाधिकृता न तदन्ये दिव्यास्तूर्यप्रकाराः । ते ऽपि हि दिवौकसां पूर्वकृतकुशलकर्मवशादघट्टिता एव दिव्यश्रवणमनोहरशब्दमनुरुवन्ति । (र्ग्व् १०३) तैस्तथागतघोषस्य चतुःप्रकारगुणवैधर्म्यात् । तत्पुनः कतमत् । तद्यथा प्रादेशिकत्वमहितत्वमसुखत्वमनैर्याणिकत्वमिति । धर्मदुन्दुभ्याः पुनरप्रादेशिकत्वमशेषप्रमत्तदेवगणसंचोदनतया च तत्कालानतिक्रमणतया च परिदीपितम् । हितत्वमसुरादिपरचक्रोपद्रवभयपरित्राणतया चाप्रमादसंनियोजनतया च । सुखत्वमसत्कामरतिसुखविवेचनतया च धर्मारामरतिसुखोपसंहरणतया च । नैर्याणिकत्वमनित्यदुःखशून्यानात्मशब्दोच्चारणतया च सर्वोपद्रवोपायासोपशान्तिकरणतया च परिदीüपितम् । एभिः समासतश्चतुर्भिराकारैर्धर्मदुन्दुभिसाधर्म्येण बुद्धस्वरमण्डलं विशिष्यत इति । बुद्धस्वरमण्डलविशेषणश्लोकः । सार्वजन्यो हितसुखः प्रातिहार्यत्रयान्वितः । मुनेर्घोषो यतो दिव्यतूर्येभ्यो ऽतो विशिष्यते
kasmādiha dharmadundubhirevādhikṛtā na tadanye divyāstūryaprakārāḥ / te 'pi hi divaukasāṃ pūrvakṛtakuśalakarmavaśādaghaṭṭitā eva divyaśravaṇamanoharaśabdamanuruvanti / (Rgv 103) taistathāgataghoṣasya catuḥprakāraguṇavaidharmyāt / tatpunaḥ katamat / tadyathā prādeśikatvamahitatvamasukhatvamanairyāṇikatvamiti / dharmadundubhyāḥ punaraprādeśikatvamaśeṣapramattadevagaṇasaṃcodanatayā ca tatkālānatikramaṇatayā ca paridīpitam / hitatvamasurādiparacakropadravabhayaparitrāṇatayā cāpramādasaṃniyojanatayā ca / sukhatvamasatkāmaratisukhavivecanatayā ca dharmārāmaratisukhopasaṃharaṇatayā ca / nairyāṇikatvamanityaduḥkhaśūnyānātmaśabdoccāraṇatayā ca sarvopadravopāyāsopaśāntikaraṇatayā ca paridīüpitam / ebhiḥ samāsataścaturbhirākārairdharmadundubhisādharmyeṇa buddhasvaramaṇḍalaṃ viśiṣyata iti / buddhasvaramaṇḍalaviśeṣaṇaślokaḥ / sārvajanyo hitasukhaḥ prātihāryatrayānvitaḥ / munerghoṣo yato divyatūryebhyo 'to viśiṣyate
Sanskrit only: no published translation is held for this verse.
एषां खलु चतुर्णामाकाराणां यथासंख्यमेव चतुर्भिः श्लोकः समासनिर्देशो वेदितव्यः । शब्दा महान्तो दिवि दुन्दुभीनां क्षितिस्थितेषु श्रवणं न यान्ति । संसारपातालगतेषु लोके संबुद्धतूर्यस्य तु याति शब्दः
eṣāṃ khalu caturṇāmākārāṇāṃ yathāsaṃkhyameva caturbhiḥ ślokaḥ samāsanirdeśo veditavyaḥ / śabdā mahānto divi dundubhīnāṃ kṣitisthiteṣu śravaṇaṃ na yānti / saṃsārapātālagateṣu loke saṃbuddhatūryasya tu yāti śabdaḥ
Sanskrit only: no published translation is held for this verse.
बह्व्यो ऽमराणां दिवि तूर्यकोट्यो नदन्ति कामज्वलनाभिवृद्धौ । एकस्तु घोषः करुणात्मकानां दुःखाग्निहेतुप्रशम्प्रवृत्तः
bahvyo 'marāṇāṃ divi tūryakoṭyo nadanti kāmajvalanābhivṛddhau / ekastu ghoṣaḥ karuṇātmakānāṃ duḥkhāgnihetupraśampravṛttaḥ
Sanskrit only: no published translation is held for this verse.
शुभा मनोज्ञा दिवि तूर्यनिस्वना भवन्ति चित्तोद्धतिवृद्धिहेतवः । (र्ग्व् १०४) तथागतानां तु रुतं महात्मनां समाधिचित्तार्पणभाववाचकम्
śubhā manojñā divi tūryanisvanā bhavanti cittoddhativṛddhihetavaḥ / (Rgv 104) tathāgatānāṃ tu rutaṃ mahātmanāṃ samādhicittārpaṇabhāvavācakam
Sanskrit only: no published translation is held for this verse.
समासतो यत्सुखकारणं दिवि क्षितावनन्तास्वपि लोकधातुषु । अशेषलोकस्फरणावभासनं प्रघोषमागम्य तदप्युदाहृतम्
samāsato yatsukhakāraṇaṃ divi kṣitāvanantāsvapi lokadhātuṣu / aśeṣalokaspharaṇāvabhāsanaṃ praghoṣamāgamya tadapyudāhṛtam
Sanskrit only: no published translation is held for this verse.
कायविकुर्वितेन दशदिगशेषलोकधातुस्फरणमृद्धिप्रातिहार्यमिति सूचितम् । चेतःपर्यायज्ञानेन तत्पर्यापन्नं सर्वसत्त्वचित्तचरितगहनावभासनमादेशनाप्रातिहार्यम् । वाग्घोषोदाहरणेन नैर्याणिकीं प्रतिपदमारभ्य तदववादानुशासनमनुशास्ति प्रातिहार्यम् । इत्येवमव्याहतगतेराकाशधातुवदपरिच्छिन्नवर्तिनो ऽपि बुद्धस्वरमण्डलस्य यन्न सर्वत्र सर्वघोषोपलब्धिः प्रजायते न तत्र बुद्धस्वरमण्डलस्यापराध इति । प्रत्यायनार्थमतत्प्रहितानामात्मापराधे श्लोकः । यथा सूक्ष्मान् शब्दाननुभवति न श्रोत्रविकलो न दिव्यश्रोत्रो ऽपि श्रवणपथमायान्ति निखिलम् । तथा धर्मः सूक्ष्मः परमनिपुणज्ञानविषयः प्रयात्येकेषां तु श्रवणपथमविलष्टमनसाम् ॥ ४१ मेघवदिति । प्रावृट्काले यथा मेघः पृथिव्यामभिवर्षति । वारिस्कन्धं निराभोगो निमित्तं सस्यसंपदः
kāyavikurvitena daśadigaśeṣalokadhātuspharaṇamṛddhiprātihāryamiti sūcitam / cetaḥparyāyajñānena tatparyāpannaṃ sarvasattvacittacaritagahanāvabhāsanamādeśanāprātihāryam / vāgghoṣodāharaṇena nairyāṇikīṃ pratipadamārabhya tadavavādānuśāsanamanuśāsti prātihāryam / ityevamavyāhatagaterākāśadhātuvadaparicchinnavartino 'pi buddhasvaramaṇḍalasya yanna sarvatra sarvaghoṣopalabdhiḥ prajāyate na tatra buddhasvaramaṇḍalasyāparādha iti / pratyāyanārthamatatprahitānāmātmāparādhe ślokaḥ / yathā sūkṣmān śabdānanubhavati na śrotravikalo na divyaśrotro 'pi śravaṇapathamāyānti nikhilam / tathā dharmaḥ sūkṣmaḥ paramanipuṇajñānaviṣayaḥ prayātyekeṣāṃ tu śravaṇapathamavilaṣṭamanasām // 41 meghavaditi / prāvṛṭkāle yathā meghaḥ pṛthivyāmabhivarṣati / vāriskandhaṃ nirābhogo nimittaṃ sasyasaṃpadaḥ
Sanskrit only: no published translation is held for this verse.
जगत्कुशलसस्येषु निर्विकल्पं प्रवर्षति
jagatkuśalasasyeṣu nirvikalpaṃ pravarṣati
Sanskrit only: no published translation is held for this verse.
लोके यथा कुशलकर्मपथप्रवृत्ते वर्षन्ति वायुजनितं सलिलं पयोदाः । तद्वत् कृपानिलजगत्कुशलाभिवृद्धेः सद्धर्मवर्षमभिवर्षति बुद्धमेघः
loke yathā kuśalakarmapathapravṛtte varṣanti vāyujanitaṃ salilaṃ payodāḥ / tadvat kṛpānilajagatkuśalābhivṛddheḥ saddharmavarṣamabhivarṣati buddhameghaḥ
Sanskrit only: no published translation is held for this verse.
भवेषु संवित्करुणावभृत्कः क्षराक्षरासङ्गनभस्तलस्थः । समाधिधारण्यमलाम्बुगर्भो मुनीन्द्रमेघः शुभसस्यहेतुः
bhaveṣu saṃvitkaruṇāvabhṛtkaḥ kṣarākṣarāsaṅganabhastalasthaḥ / samādhidhāraṇyamalāmbugarbho munīndrameghaḥ śubhasasyahetuḥ
Sanskrit only: no published translation is held for this verse.
भाजनविमात्रतायाम् । शीतं स्वादु प्रसन्नं मृदु लघु च पयस्तत्पयोदयाद्विमुक्तं क्षारादिस्थानयोगादतिबहुरसतामेति यद्वत् पृथिव्याम् । आर्याष्ताङ्गाम्बुवर्षं सुविपुलकरुणामेघगर्भाद्विमुक्तं सन्तानस्थानभेदाद्बहुविधरसतामेति तद्वत् प्रजासु
bhājanavimātratāyām / śītaṃ svādu prasannaṃ mṛdu laghu ca payastatpayodayādvimuktaṃ kṣārādisthānayogādatibahurasatāmeti yadvat pṛthivyām / āryāṣtāṅgāmbuvarṣaṃ suvipulakaruṇāmeghagarbhādvimuktaṃ santānasthānabhedādbahuvidharasatāmeti tadvat prajāsu
Sanskrit only: no published translation is held for this verse.
निरपेक्षप्रवृत्तौ । यानाग्रे ऽभिप्रसन्नानां मध्यानां प्रतिघातिनाम् । मनुष्यचातकप्रेतसदृशां राशयस्त्रयः
nirapekṣapravṛttau / yānāgre 'bhiprasannānāṃ madhyānāṃ pratighātinām / manuṣyacātakapretasadṛśāṃ rāśayastrayaḥ
Sanskrit only: no published translation is held for this verse.
धर्माकाङ्क्षिणि धर्मताप्रतिहते लोके च सैवोपमा
dharmākāṅkṣiṇi dharmatāpratihate loke ca saivopamā
Sanskrit only: no published translation is held for this verse.
स्थूलैर्बिन्दुनिपातनैरशनिभिर्वज्राग्निसंपातनैः सूक्ष्मप्राणकशैलदेशगमिकान्नापेक्षते तोयदः । सूक्ष्मौदारिकयुक्त्युपायविधिभिः प्रज्ञाकृपाम्भोधरस् तद्वत् क्लेशगतान्दृष्त्यनुशयान्नापेक्षते सर्वथा
sthūlairbindunipātanairaśanibhirvajrāgnisaṃpātanaiḥ sūkṣmaprāṇakaśailadeśagamikānnāpekṣate toyadaḥ / sūkṣmaudārikayuktyupāyavidhibhiḥ prajñākṛpāmbhodharas tadvat kleśagatāndṛṣtyanuśayānnāpekṣate sarvathā
Sanskrit only: no published translation is held for this verse.
दुःखाग्निप्रशमने । संसारो ऽनवराग्रजातिमरणस्तत्संसृतौ पञ्चधा मार्गः पञ्चविधे च वर्त्मनि सुखं नोच्चारसौगन्ध्यवत् । तद्दुःखं ध्रुवमग्निशस्त्रशिशिरक्षारादिसंस्पर्शजं तच्छान्त्यै च सृजन् कृपाजलधरः सद्धर्मवर्षं महत्
duḥkhāgnipraśamane / saṃsāro 'navarāgrajātimaraṇastatsaṃsṛtau pañcadhā mārgaḥ pañcavidhe ca vartmani sukhaṃ noccārasaugandhyavat / tadduḥkhaṃ dhruvamagniśastraśiśirakṣārādisaṃsparśajaṃ tacchāntyai ca sṛjan kṛpājaladharaḥ saddharmavarṣaṃ mahat
Sanskrit only: no published translation is held for this verse.
देवेषु च्युतिदुःखमित्यवगमात् पर्येष्टिदुःखं नृषु प्राज्ञा नाभिलषन्ति देवमनुजेष्वैश्वर्यमप्युत्तमम् । प्रज्ञायाश्च तथागतप्रवचनश्रद्धानुमान्यादिदं दुःखं हेतुरयं निरोध इति च ज्ञानेन संप्रेक्षणात्
deveṣu cyutiduḥkhamityavagamāt paryeṣṭiduḥkhaṃ nṛṣu prājñā nābhilaṣanti devamanujeṣvaiśvaryamapyuttamam / prajñāyāśca tathāgatapravacanaśraddhānumānyādidaṃ duḥkhaṃ heturayaṃ nirodha iti ca jñānena saṃprekṣaṇāt
Sanskrit only: no published translation is held for this verse.
व्याधिर्ज्ञेयो व्याधिहेतुः प्रहेयः स्वास्थ्यं प्राप्यं भेषजं सेव्यमेवम् । दुःखं हेतुस्तन्निरोधो ऽथ मार्गो ज्ञेयं हेयः स्पर्शितव्यो निषेव्यः
vyādhirjñeyo vyādhihetuḥ praheyaḥ svāsthyaṃ prāpyaṃ bheṣajaṃ sevyamevam / duḥkhaṃ hetustannirodho 'tha mārgo jñeyaṃ heyaḥ sparśitavyo niṣevyaḥ
Sanskrit only: no published translation is held for this verse.
सर्वत्र देवभवने ब्राह्म्यादविचलन् पदात् । प्रतिभासं यथा ब्रह्मा दर्शयत्यप्रयत्नतः
sarvatra devabhavane brāhmyādavicalan padāt / pratibhāsaṃ yathā brahmā darśayatyaprayatnataḥ
Sanskrit only: no published translation is held for this verse.
तद्वन्मुनिरनाभोगान्निर्माणैः सर्वधातुषु । धर्मकायादविचलन् भव्यानामेति दर्शनम् ॥ ५४ यद्वद् ब्रह्मा विमानान्न चलति सततं कामधातुप्रविष्टं देवाः पश्यन्ति चैनं विषयरतिहरं दर्शनं तच्च तेषाम् । तद्वत् सद्धर्मकायान्न चलति सुगतः सर्वलोकेषु चैनं भव्याः पश्यन्ति शश्वत्सकलमलहरं दर्शनं तच्च तेषाम्
tadvanmuniranābhogānnirmāṇaiḥ sarvadhātuṣu / dharmakāyādavicalan bhavyānāmeti darśanam // 54 yadvad brahmā vimānānna calati satataṃ kāmadhātupraviṣṭaṃ devāḥ paśyanti cainaṃ viṣayaratiharaṃ darśanaṃ tacca teṣām / tadvat saddharmakāyānna calati sugataḥ sarvalokeṣu cainaṃ bhavyāḥ paśyanti śaśvatsakalamalaharaṃ darśanaṃ tacca teṣām
Sanskrit only: no published translation is held for this verse.
तस्यैव पूर्वप्रणिधानयोगान् मरुद्गणानां च शुभानुभावात् । ब्रह्मा यथा भासमुपैत्ययत्नान् निर्माणकायेन तथा स्वयंभूः
tasyaiva pūrvapraṇidhānayogān marudgaṇānāṃ ca śubhānubhāvāt / brahmā yathā bhāsamupaityayatnān nirmāṇakāyena tathā svayaṃbhūḥ
Sanskrit only: no published translation is held for this verse.
अनाभासगमने । च्युतिं गर्भाक्रान्तिं जननपितृवेश्मप्रविशनं रतिक्रीडारण्यप्रविचरणमारप्रमथनम् । महाबोधिप्राप्तिं प्रशमपुरमार्गप्रणयनं निदर्श्याधन्यानां नयनपथमभ्येति न मुनिः
anābhāsagamane / cyutiṃ garbhākrāntiṃ jananapitṛveśmapraviśanaṃ ratikrīḍāraṇyapravicaraṇamārapramathanam / mahābodhiprāptiṃ praśamapuramārgapraṇayanaṃ nidarśyādhanyānāṃ nayanapathamabhyeti na muniḥ
Sanskrit only: no published translation is held for this verse.
सूर्यवदिति । सूर्ये यथा तपति पद्मगणप्रबुद्धिरेकत्र कालसमये कुमुदप्रसुप्तिः । (र्ग्व् १०८) बुद्धिप्रसुप्तिगुणदोषविधावकल्पः सूर्यो ऽम्बुजेष्वथ च तद्वदिहार्यसूर्यः
sūryavaditi / sūrye yathā tapati padmagaṇaprabuddhirekatra kālasamaye kumudaprasuptiḥ / (Rgv 108) buddhiprasuptiguṇadoṣavidhāvakalpaḥ sūryo 'mbujeṣvatha ca tadvadihāryasūryaḥ
Sanskrit only: no published translation is held for this verse.
द्विविधः सत्त्वधातुरविनेयो विनेयश्च । तत्र यो विनेयस्तमधिकृत्य पद्मोपमता स्वच्छजलभाजनोपमता च । निर्विकल्पो यथादित्यः कमलानि स्वरश्मिभिः । बोधत्येकमुक्ताभिः पाचयत्यपराण्यपि
dvividhaḥ sattvadhāturavineyo vineyaśca / tatra yo vineyastamadhikṛtya padmopamatā svacchajalabhājanopamatā ca / nirvikalpo yathādityaḥ kamalāni svaraśmibhiḥ / bodhatyekamuktābhiḥ pācayatyaparāṇyapi
Sanskrit only: no published translation is held for this verse.
सद्धर्मकिरणैरेवं तथागतदिवाकरः । विनेयजनपद्मेषु निर्विकल्पः प्रवर्तते
saddharmakiraṇairevaṃ tathāgatadivākaraḥ / vineyajanapadmeṣu nirvikalpaḥ pravartate
Sanskrit only: no published translation is held for this verse.
धर्मरूपशरीराभ्यां बोधिमण्डाम्बरोदितः । जगत्स्फरति सर्वज्ञदिनकृज्ज्ञानरश्मिभिः
dharmarūpaśarīrābhyāṃ bodhimaṇḍāmbaroditaḥ / jagatspharati sarvajñadinakṛjjñānaraśmibhiḥ
Sanskrit only: no published translation is held for this verse.
यतः शुचिनि सर्वत्र विनेयसलिलाशये । अमेयसुगतादित्यप्रतिबिम्बोदयः सकृत्
yataḥ śucini sarvatra vineyasalilāśaye / ameyasugatādityapratibimbodayaḥ sakṛt
Sanskrit only: no published translation is held for this verse.
एवमविकल्पत्वे ऽपि सति बुद्धानां त्रिविधे सत्त्वराशौ दर्शनादेशनाप्रवृत्तिक्रममधिकृत्य शैलोपमता । सदा सर्वत्र विसृते धर्मधातुनभस्तले । बुद्धसूर्ये विनेयाद्रितन्निपातो यथार्हतः ॥ ६३ ॥। (र्ग्व् १०९) उदित इह समन्ताल्लोकमाभास्य यद्वत् प्रततदशशतांशुः सप्तसप्तिः क्रमेण । प्रतपति वरमध्यन्यूनशैलेषु तद्वत् प्रतिपति जिनसूर्यः सत्त्वराशौ क्रमेण
evamavikalpatve 'pi sati buddhānāṃ trividhe sattvarāśau darśanādeśanāpravṛttikramamadhikṛtya śailopamatā / sadā sarvatra visṛte dharmadhātunabhastale / buddhasūrye vineyādritannipāto yathārhataḥ // 63 /// (Rgv 109) udita iha samantāllokamābhāsya yadvat pratatadaśaśatāṃśuḥ saptasaptiḥ krameṇa / pratapati varamadhyanyūnaśaileṣu tadvat pratipati jinasūryaḥ sattvarāśau krameṇa
Sanskrit only: no published translation is held for this verse.
प्रभामण्डलविशेषणे । सर्वक्षेत्रनभस्तलस्फरणता भानोर्न संविद्यते नाप्यज्ञानतमोऽन्धकारगहनज्ञेयार्थसंदर्शनम् । नानावर्णविकीर्णरश्मिविसरैरेकैकरोमोद्भवैर् भासन्ते करुणात्मका जगति तु ज्ञेयार्थसंदर्शकाः
prabhāmaṇḍalaviśeṣaṇe / sarvakṣetranabhastalaspharaṇatā bhānorna saṃvidyate nāpyajñānatamo'ndhakāragahanajñeyārthasaṃdarśanam / nānāvarṇavikīrṇaraśmivisarairekaikaromodbhavair bhāsante karuṇātmakā jagati tu jñeyārthasaṃdarśakāḥ
Sanskrit only: no published translation is held for this verse.
बुद्धानां नगरप्रवेशसमये चक्षुर्विहीना जनाः पश्यन्त्यर्थमनर्थजालविगमं विन्दन्ति तद्दर्शनात् । मोहान्धाश्च भवार्णवान्तरगता दृष्ट्यन्धकारावृता बुद्धार्कप्रभयावभासितधियः पश्यन्त्यदृष्टं पदम्
buddhānāṃ nagarapraveśasamaye cakṣurvihīnā janāḥ paśyantyarthamanarthajālavigamaṃ vindanti taddarśanāt / mohāndhāśca bhavārṇavāntaragatā dṛṣṭyandhakārāvṛtā buddhārkaprabhayāvabhāsitadhiyaḥ paśyantyadṛṣṭaṃ padam
Sanskrit only: no published translation is held for this verse.
चिन्तामणिवदिति । युगपद्गोचरस्थानां सर्वाभिप्रायपूरणम् । कुरुते निर्विकल्पो ऽपि पृथक् चिन्तामणिर्यथा
cintāmaṇivaditi / yugapadgocarasthānāṃ sarvābhiprāyapūraṇam / kurute nirvikalpo 'pi pṛthak cintāmaṇiryathā
Sanskrit only: no published translation is held for this verse.
बुद्धचिन्तामणिं तद्वत् समेत्य पृथगाशयाः । शृण्वन्ति धर्मतां चित्रां न कल्पयति तांश्च सः
buddhacintāmaṇiṃ tadvat sametya pṛthagāśayāḥ / śṛṇvanti dharmatāṃ citrāṃ na kalpayati tāṃśca saḥ
Sanskrit only: no published translation is held for this verse.
यथाविकल्पं मणिरत्नमीप्सितं धनं परेभ्यो विसृजत्ययत्नतः । (र्ग्व् ११०) तथा मुनिर्यत्नमृते यथार्हतः परार्थमातिष्ठति नित्यमा भवात्
yathāvikalpaṃ maṇiratnamīpsitaṃ dhanaṃ parebhyo visṛjatyayatnataḥ / (Rgv 110) tathā muniryatnamṛte yathārhataḥ parārthamātiṣṭhati nityamā bhavāt
Sanskrit only: no published translation is held for this verse.
दुर्लभप्राप्तभावास्तथागता इति । इह शुभमणिप्राप्तिर्यद्वज्जगत्यतिदुर्लभा जलनिधिगतं पातालस्थं यतः स्पृहयन्ति तम् । न सुलभमिति ज्ञेयं तद्वज्जगत्यतिदुर्लभगे मनसि विविधक्लेशग्रस्ते तथागतदर्शनम्
durlabhaprāptabhāvāstathāgatā iti / iha śubhamaṇiprāptiryadvajjagatyatidurlabhā jalanidhigataṃ pātālasthaṃ yataḥ spṛhayanti tam / na sulabhamiti jñeyaṃ tadvajjagatyatidurlabhage manasi vividhakleśagraste tathāgatadarśanam
Sanskrit only: no published translation is held for this verse.
प्रतिश्रुत्काशब्दवदिति । प्रतिश्रुत्कारुतं यद्वत् परविज्ञप्तिसंभवम् । निर्विकल्पमनाभोगं नाध्यात्मं न बहिः स्थितम्
pratiśrutkāśabdavaditi / pratiśrutkārutaṃ yadvat paravijñaptisaṃbhavam / nirvikalpamanābhogaṃ nādhyātmaṃ na bahiḥ sthitam
Sanskrit only: no published translation is held for this verse.
तथागतरुतं तद्वत् परविज्ञप्तिसंभवम् । निर्विकल्पमनाभोगं नाध्यात्मं न बहिः स्थितम्
tathāgatarutaṃ tadvat paravijñaptisaṃbhavam / nirvikalpamanābhogaṃ nādhyātmaṃ na bahiḥ sthitam
Sanskrit only: no published translation is held for this verse.
आकाशवदिति । निष्किंचने निराभासे निरालम्बे निराश्रये । चक्षुष्पथव्यतिक्रान्ते ऽप्यरूपिण्यनिदर्शने
ākāśavaditi / niṣkiṃcane nirābhāse nirālambe nirāśraye / cakṣuṣpathavyatikrānte 'pyarūpiṇyanidarśane
Sanskrit only: no published translation is held for this verse.
यथा निम्नोन्नतं व्योम्नि दृश्यते न च तत्तथा । बुद्धेष्वपि तथा सर्व दृश्यते न च तत्तथा
yathā nimnonnataṃ vyomni dṛśyate na ca tattathā / buddheṣvapi tathā sarva dṛśyate na ca tattathā
Sanskrit only: no published translation is held for this verse.
पृथिवीवदिति । सर्वे महीरुहा यद्वदविकल्पां वसुंधराम् । निश्रित्य वृद्धिं वैरूढिं वैपुल्यमुपयान्ति च
pṛthivīvaditi / sarve mahīruhā yadvadavikalpāṃ vasuṃdharām / niśritya vṛddhiṃ vairūḍhiṃ vaipulyamupayānti ca
Sanskrit only: no published translation is held for this verse.
संबुद्धपृथिवीमेवमविकल्पामशेषतः । जगत्कुशलमूलानि वृद्धिमाश्रित्य यान्ति हि
saṃbuddhapṛthivīmevamavikalpāmaśeṣataḥ / jagatkuśalamūlāni vṛddhimāśritya yānti hi
Sanskrit only: no published translation is held for this verse.
न प्रयत्नमृते केश्चिद्दृष्टः कुर्वन् क्रियामतः । विनेयसंशयच्छित्त्यै नवधोक्तं निदर्शनम्
na prayatnamṛte keściddṛṣṭaḥ kurvan kriyāmataḥ / vineyasaṃśayacchittyai navadhoktaṃ nidarśanam
Sanskrit only: no published translation is held for this verse.
सूत्रस्य तस्य नाम्नैव दिपितं तत्प्रयोजनम् । यत्रैते नव दृष्टान्ता विस्तरेण प्रकाशिताः
sūtrasya tasya nāmnaiva dipitaṃ tatprayojanam / yatraite nava dṛṣṭāntā vistareṇa prakāśitāḥ
Sanskrit only: no published translation is held for this verse.
एतच्छ्रतमयोदारज्ञानालोकाद्यलंकृताः । धीमन्तो ऽवतरन्त्याशु सकलं बुद्धगोचरम्
etacchratamayodārajñānālokādyalaṃkṛtāḥ / dhīmanto 'vatarantyāśu sakalaṃ buddhagocaram
Sanskrit only: no published translation is held for this verse.
इत्यर्थ शक्रवैडूर्यप्रतिबिम्बाद्युदाहृतिः । नवधोदाहृता तस्मिन्तत्पिण्डार्थो ऽवधार्यते
ityartha śakravaiḍūryapratibimbādyudāhṛtiḥ / navadhodāhṛtā tasmintatpiṇḍārtho 'vadhāryate
Sanskrit only: no published translation is held for this verse.
दर्शनादेशना व्याप्तिर्विकृतिर्ज्ञाननिःसृतिः । मनोवाक्कायगुह्यानि प्राप्तिश्च करुणात्मनाम्
darśanādeśanā vyāptirvikṛtirjñānaniḥsṛtiḥ / manovākkāyaguhyāni prāptiśca karuṇātmanām
Sanskrit only: no published translation is held for this verse.
सर्वाभोगपरिस्पन्दप्रशान्ता निर्विकल्पिकाः । धियो विमलवैडूर्यशक्रबिम्बोदयादिवत्
sarvābhogaparispandapraśāntā nirvikalpikāḥ / dhiyo vimalavaiḍūryaśakrabimbodayādivat
Sanskrit only: no published translation is held for this verse.
प्रतिज्ञाभोगशान्तत्वं हेतुर्धीनिर्विकल्पता । दृष्टान्तः शक्रबिम्बादिः प्रकृतार्थसुसिद्धये
pratijñābhogaśāntatvaṃ heturdhīnirvikalpatā / dṛṣṭāntaḥ śakrabimbādiḥ prakṛtārthasusiddhaye
Sanskrit only: no published translation is held for this verse.
अयं च प्रकृतो ऽत्रार्थो नवधा दर्शनादिकम् । जन्मान्तर्धिमृते शास्तुरनाभोगात् प्रवर्तते
ayaṃ ca prakṛto 'trārtho navadhā darśanādikam / janmāntardhimṛte śāsturanābhogāt pravartate
Sanskrit only: no published translation is held for this verse.
यः शक्रवद्दुन्दुभिवत् पयोदवद् ब्रह्मार्कचिन्तामणिराजरत्नवत् । प्रतिश्रुतिव्योममहीवदा भवात् परार्थकृद्यत्नमृते स योगवित्
yaḥ śakravaddundubhivat payodavad brahmārkacintāmaṇirājaratnavat / pratiśrutivyomamahīvadā bhavāt parārthakṛdyatnamṛte sa yogavit
Sanskrit only: no published translation is held for this verse.
सुरेन्द्ररत्नप्रतिभासदर्शनः सुदैशिको दुन्दुभिवद् विभो रुतम् । विभुर्महाज्ञानकृपाभ्रमण्डलः स्फरत्यनन्तं जगदा भवाग्रतः
surendraratnapratibhāsadarśanaḥ sudaiśiko dundubhivad vibho rutam / vibhurmahājñānakṛpābhramaṇḍalaḥ spharatyanantaṃ jagadā bhavāgrataḥ
Sanskrit only: no published translation is held for this verse.
अनास्रवाद्ब्रह्मवदच्युतः पदादनेकधा दर्शनमेति निर्मितैः । सदार्कवज्ज्ञानविनिःसृतद्युतिर्विशुद्धचिन्तामणिरत्नमानसः
anāsravādbrahmavadacyutaḥ padādanekadhā darśanameti nirmitaiḥ / sadārkavajjñānaviniḥsṛtadyutirviśuddhacintāmaṇiratnamānasaḥ
Sanskrit only: no published translation is held for this verse.
प्रतिरव इव घोषो ऽनक्षरोक्तो जिनानां गगनमिव शरीरं व्याप्यरूपि ध्रुवं च । क्षितिरिव निखिलानां शुक्लधर्मौषधीनां जगत इह समन्तादास्प दं बुद्धभूमिः
pratirava iva ghoṣo 'nakṣarokto jinānāṃ gaganamiva śarīraṃ vyāpyarūpi dhruvaṃ ca / kṣitiriva nikhilānāṃ śukladharmauṣadhīnāṃ jagata iha samantādāspa daṃ buddhabhūmiḥ
Sanskrit only: no published translation is held for this verse.
कथं पुनरनेनोदाहरणनिर्देशेन सततमनुत्पन्ना अनिरुद्धाश्च बुद्धा भगवन्त उत्पद्यमाना निरुध्यमानाश्च संदृश्यन्ते सर्वजगति चैषामनाभोगेन बुद्धकार्याप्रतिप्रश्रब्धिएरिति परिदीपितम् । शुभं वैडूर्यवच्चित्ते बुद्धदर्शनहेतुकम् । तद्विशुद्धिरसंहार्यश्रद्धेन्द्रियविरूढिता
kathaṃ punaranenodāharaṇanirdeśena satatamanutpannā aniruddhāśca buddhā bhagavanta utpadyamānā nirudhyamānāśca saṃdṛśyante sarvajagati caiṣāmanābhogena buddhakāryāpratipraśrabdhieriti paridīpitam / śubhaṃ vaiḍūryavaccitte buddhadarśanahetukam / tadviśuddhirasaṃhāryaśraddhendriyavirūḍhitā
Sanskrit only: no published translation is held for this verse.
मुनिर्नोदेति न व्येति शक्रवद्धर्मकायतः
munirnodeti na vyeti śakravaddharmakāyataḥ
Sanskrit only: no published translation is held for this verse.
अयत्नात् कृत्यमित्येवं दर्शनादि प्रवर्तते । धर्मकायादनुत्पादानिरोधादा भवस्थितेः
ayatnāt kṛtyamityevaṃ darśanādi pravartate / dharmakāyādanutpādānirodhādā bhavasthiteḥ
Sanskrit only: no published translation is held for this verse.
अयमेषां समासार्थ औपम्यानां क्रमः पुनः । पूर्वकस्योत्तरेणोक्तो वैधर्म्यपरिहारतः
ayameṣāṃ samāsārtha aupamyānāṃ kramaḥ punaḥ / pūrvakasyottareṇokto vaidharmyaparihārataḥ
Sanskrit only: no published translation is held for this verse.
बुद्धत्वं प्रतिबिम्बाभं तद्वन्न च न घोषवत् । देवदुन्दुभिवत् तद्वन्न च नो सर्वथार्थकृत्
buddhatvaṃ pratibimbābhaṃ tadvanna ca na ghoṣavat / devadundubhivat tadvanna ca no sarvathārthakṛt
Sanskrit only: no published translation is held for this verse.
महामेघोपमं तद्वन्न च नो सार्थबीजवत् । महाब्रह्मोपमं तद्वन्न च नात्यन्तपाचकम्
mahāmeghopamaṃ tadvanna ca no sārthabījavat / mahābrahmopamaṃ tadvanna ca nātyantapācakam
Sanskrit only: no published translation is held for this verse.
सूर्यमण्डलवत् तद्वन्न नात्यन्त तमो ऽपहम् । चिन्तामणिनिभं तद्वन्न च नो दुर्लभोदयम्
sūryamaṇḍalavat tadvanna nātyanta tamo 'paham / cintāmaṇinibhaṃ tadvanna ca no durlabhodayam
Sanskrit only: no published translation is held for this verse.
प्रतिश्रुत्कोपमं तद्वन्न च प्रत्ययसंभवम् । आकाशसदृशं तद्वन्न च शुक्लास्पदं च तत्
pratiśrutkopamaṃ tadvanna ca pratyayasaṃbhavam / ākāśasadṛśaṃ tadvanna ca śuklāspadaṃ ca tat
Sanskrit only: no published translation is held for this verse.
पृथिवीमण्डलप्रख्यं तत्प्रतिष्ठाश्रयत्वतः । लौक्यलोकोत्तराशेषजगत्कुशलसंपदम्
pṛthivīmaṇḍalaprakhyaṃ tatpratiṣṭhāśrayatvataḥ / laukyalokottarāśeṣajagatkuśalasaṃpadam
Sanskrit only: no published translation is held for this verse.
शुक्लकर्मपथध्यानाप्रमाणारूप्यसंभव इति
śuklakarmapathadhyānāpramāṇārūpyasaṃbhava iti
Sanskrit only: no published translation is held for this verse.