अस्मै वै लोकाय ग्राम्याः पशव आलभ्यन्ते । अमुष्मा आरण्याः । यद्ग्राम्यान्पशूनालभते । इममेव तैर्लोकमवरुन्धे । यदारण्यान् । अमुं तैः । उभयान्पशूनालभते । ग्राम्याꣳ श्चारण्याꣳ श्च । उभयोर्लोकयोरवरुद्ध्यै । उभयान्पशूनालभते १ ग्राम्याꣳ श्चारण्याꣳ श्च । उभयस्यान्नाद्यस्यावरुद्ध्यै । उभयान्पशूनालभते । ग्राम्याꣳ श्चारण्याꣳ श्च । उभयेषां पशूनामवरुद्ध्यै । त्रयस्त्रयो भवन्ति । त्रय इमे लोकाः । एषां लोकानामाप्त्यै । ब्रह्मवादिनो वदन्ति । कस्मात्सत्यात् २ अस्मिꣳल्लोके बहवः कामा इति । यत्समानीभ्यो देवताभ्योऽन्येऽन्ये पशव आलभ्यन्ते । अस्मिन्नेव तल्लोके कामान्दधाति । तस्मादस्मिꣳ ल्लोके बहवः कामाः । त्रयाणांत्रयाणाꣳ सह वपा जुहोति । त्र्यावृतो वै देवाः । त्र्यावृत इमे लोकाः । एषां लोकानामाप्त्यै । एषां लोकानां क्ळ्प्त्यै । पर्यग्निकृ-तानारण्यानुत्सृजन्त्यहिꣳ सायै ३
asmai vai lokāya grāmyāḥ paśava ālabhyante | amuṣmā āraṇyāḥ | yadgrāmyānpaśūnālabhate | imameva tairlokamavarundhe | yadāraṇyān | amuṃ taiḥ | ubhayānpaśūnālabhate | grāmyām̐ ścāraṇyām̐ śca | ubhayorlokayoravaruddhyai | ubhayānpaśūnālabhate 1 grāmyām̐ ścāraṇyām̐ śca | ubhayasyānnādyasyāvaruddhyai | ubhayānpaśūnālabhate | grāmyām̐ ścāraṇyām̐ śca | ubhayeṣāṃ paśūnāmavaruddhyai | trayastrayo bhavanti | traya ime lokāḥ | eṣāṃ lokānāmāptyai | brahmavādino vadanti | kasmātsatyāt 2 asmim̐lloke bahavaḥ kāmā iti | yatsamānībhyo devatābhyo'nye'nye paśava ālabhyante | asminneva talloke kāmāndadhāti | tasmādasmim̐ lloke bahavaḥ kāmāḥ | trayāṇāṃtrayāṇām̐ saha vapā juhoti | tryāvṛto vai devāḥ | tryāvṛta ime lokāḥ | eṣāṃ lokānāmāptyai | eṣāṃ lokānāṃ kl̤ptyai | paryagnikṛ-tānāraṇyānutsṛjantyahim̐ sāyai 3
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.