कृष्णो ऽस्य् आखरेष्ठो ऽग्नये त्वा स्वाहा वेदिर् असि बर्हिषे त्वा स्वाहा बर्हिर् असि स्रुग्भ्यस् त्वा स्वाहा दिवे त्वान्तरिक्षाय त्वा पृथिव्यै त्वा स्वधा पितृभ्य ऊर्ग् भव बर्हिषद्भ्यः । ऊर्जा पृथिवीं गच्छत विष्णोः स्तूपो ऽसि । ऊर्णाम्रदसं त्वा स्तृणामि स्वासस्थं देवेभ्यः । गन्धर्वो ऽसि विश्वावसुर् विश्वस्माद् ईषतो यजमानस्य परिधिर् इड ईडितः । इन्द्रस्य बाहुर् असि दक्षिणो यजमानस्य परिधिर् इड ईडितः । मित्रावरुणौ त्वोत्तरतः परि धत्तां ध्रुवेण धर्मणा यजमानस्य परिधिर् इड ईडितः सूर्यस् त्वा पुरस्तात् पातु कस्याश् चिद् अभिशस्त्याः। वीतिहोत्रं त्वा कवे द्युमन्तꣳ सम् इधीमह्य् अग्ने बृहन्तम् अध्वरे विशो यन्त्रे स्थः । वसूनाꣳ रुद्राणाम् आदित्यानाꣳ सदसि सीद जुहूर् उपभृद् ध्रुवाऽसि घृताची नाम्ना प्रियेण नाम्ना प्रिये सदसि सीद । एता असदन्त् सुकृतस्य लोके ता विष्णो पाहि पाहि यज्ञम् पाहि यज्ञपतिम् पाहि मां यज्ञनियम् ॥
kṛṣṇo 'sy ākhareṣṭho 'gnaye tvā svāhā vedir asi barhiṣe tvā svāhā barhir asi srugbhyas tvā svāhā dive tvāntarikṣāya tvā pṛthivyai tvā svadhā pitṛbhya ūrg bhava barhiṣadbhyaḥ | ūrjā pṛthivīṃ gacchata viṣṇoḥ stūpo 'si | ūrṇāmradasaṃ tvā stṛṇāmi svāsasthaṃ devebhyaḥ | gandharvo 'si viśvāvasur viśvasmād īṣato yajamānasya paridhir iḍa īḍitaḥ | indrasya bāhur asi dakṣiṇo yajamānasya paridhir iḍa īḍitaḥ | mitrāvaruṇau tvottarataḥ pari dhattāṃ dhruveṇa dharmaṇā yajamānasya paridhir iḍa īḍitaḥ sūryas tvā purastāt pātu kasyāś cid abhiśastyāḥ| vītihotraṃ tvā kave dyumantam̐ sam idhīmahy agne bṛhantam adhvare viśo yantre sthaḥ | vasūnām̐ rudrāṇām ādityānām̐ sadasi sīda juhūr upabhṛd dhruvā'si ghṛtācī nāmnā priyeṇa nāmnā priye sadasi sīda | etā asadant sukṛtasya loke tā viṣṇo pāhi pāhi yajñam pāhi yajñapatim pāhi māṃ yajñaniyam ||
Roman (IAST) transliteration rendered by HREEM from the edition's Devanagari; the Devanagari is the edition's own.
a Thou I art a black deer, living in the lair, to Agni thee, hail! b Thou art the altar, to the strew thee, hail! c Thou art the strew,' to the ladles thee, hail d To the sky thee, to the atmosphere thee, to the earth thee! e Be thou refreshment to the fathers, strength to those that sit on the strew. f With strength go ye to the earth. g Thou art the hair-knot of Visnu. h Soft as wool I strew thee, offering a good seat to the gods. i Thou art the Gandharva, Viçvavasu (possessing all wealth), the fence of the sacrificer from every attacker, praised and to be praised. k Thou art the right arm of Indra, the fence of the sacrificer, praised and to be praised. l May Mitra and Varuna lay thee around in the north with firm law, thou art the fence of the sacrificer, praised and to be praised. m May the sun in the east protect thee from all evil. n May we kindle thee, O wise one, That dost invite to the sacrifice, the radiant one, O Agni, thee that art mighty at the sacrifice. o Ye two are the props of the people. p Sit on the seat of the Vasus, Rudras, Adityas. q Thou art named juhu, upabhrt, dhruva, loving the ghee, sit on thy dear seat with thy dear name. r These have sat down in the world of good action. s Protect them, O Visnu. t Protect the sacrifice, protect the lord of the sacrifice, protect me that conduct the sacrifice.
Translated by Arthur Berriedale Keith (1914)