देवो वः सवितोत् पुनात्व् अच्छिद्रेण पवित्रेण वसोः सूर्यस्य रश्मिभिः । आपो देवीर् अग्रेपुवो अग्रेगुवो ऽग्र इमं यज्ञं नयताग्रे यज्ञपतिं धत्त युष्मान् इन्द्रो ऽवृणीत वृत्रतूर्ये यूयम् इन्द्रम् अवृणीध्वं वृत्रतूर्ये प्रोक्षिता स्थ । अग्नये वो जुष्टम् प्रोक्षाम्य् अग्नीषोमाभ्याम् । शुन्धध्वं दैव्याय कर्मणे देवयज्यायै । अवधूतꣳ रक्षो ऽवधूता अरातयः । अदित्यास् त्वग् असि प्रति त्वा पृथिवी वेत्तु । अधिषवणम् असि वानस्पत्यम् प्रति त्वाऽदित्यास् त्वग् वेत्तु । अग्नेस् तनूर् असि वाचो विसर्जनम् देववीतये त्वा गृह्णामि । अद्रिर् असि वानस्पत्यः स इदं देवेभ्यो हव्यꣳ सुशमि शमिष्व । इषम् आ वदोर्जम् आ वद द्युमद् वदत वयꣳ संघातं जेष्म वर्षवृद्धम् असि प्रति त्वा वर्षवृद्धं वेत्तु परापूतꣳ रक्षः परापूता अरातयः । रक्षसाम् भागो ऽसि वायुर् वो वि विनक्तु देवो वः सविता हिरण्यपाणिः प्रति गृह्णातु ॥
devo vaḥ savitot punātv acchidreṇa pavitreṇa vasoḥ sūryasya raśmibhiḥ | āpo devīr agrepuvo agreguvo 'gra imaṃ yajñaṃ nayatāgre yajñapatiṃ dhatta yuṣmān indro 'vṛṇīta vṛtratūrye yūyam indram avṛṇīdhvaṃ vṛtratūrye prokṣitā stha | agnaye vo juṣṭam prokṣāmy agnīṣomābhyām | śundhadhvaṃ daivyāya karmaṇe devayajyāyai | avadhūtam̐ rakṣo 'vadhūtā arātayaḥ | adityās tvag asi prati tvā pṛthivī vettu | adhiṣavaṇam asi vānaspatyam prati tvā'dityās tvag vettu | agnes tanūr asi vāco visarjanam devavītaye tvā gṛhṇāmi | adrir asi vānaspatyaḥ sa idaṃ devebhyo havyam̐ suśami śamiṣva | iṣam ā vadorjam ā vada dyumad vadata vayam̐ saṃghātaṃ jeṣma varṣavṛddham asi prati tvā varṣavṛddhaṃ vettu parāpūtam̐ rakṣaḥ parāpūtā arātayaḥ | rakṣasām bhāgo 'si vāyur vo vi vinaktu devo vaḥ savitā hiraṇyapāṇiḥ prati gṛhṇātu ||
Roman (IAST) transliteration rendered by HREEM from the edition's Devanagari; the Devanagari is the edition's own.
a Let the god Savitr purify you, with a filter that has no flaw, with the rays of the bright sun. b Ye divine waters, that go in front and first purify, forward lead this sacrifice, place in front the lord of the sacrifice. c You Indra chose for the contest with Vrtra, ye chose Indra for the contest with Vrtra. d Ye are sprinkled. e I sprinkle you agreeable to Agni, to Agni and Soma. f Be ye pure for the divine rite, for the sacrifice to the gods. g The Raksas is shaken off, the evil spirits are shaken off. h Thou art the skin of Aditi, may the earth' recognize thee [1]. i Thou art the plank' of wood, may the skin of Aditi recognize thee. k Thou art the body of Agni, loostener of speech. l I grasp thee for the joy of the gods. m Thou art the stone of wood. n Do thou with good labour elaborate this offering for the gods. o Utter food, utter strength; p Make ye glorious sounds. q May we be victorious in contest. r Thou art increased by the rain. s May that which is increased by the rain recognize thee. t The Raksas is cleared away, the evil spirits are cleared away. u Thou art the share of the Raksases. v Let the wind separate you. w Let the god Savitr of golden hands, seize you.
Translated by Arthur Berriedale Keith (1914)