Library·Atharvaveda Saṃhitā (Śaunaka)·10·10.8
यो भूतं च भव्यं च सर्वं यश् चाधितिष्ठति । स्व् अर्यस्य च केवलं तस्मै ज्येष्ठाय ब्रह्मणे नमः ॥१॥
yo bhūtaṃ ca bhavyaṃ ca sarvaṃ yaś cādhitiṣṭhati | sv aryasya ca kevalaṃ tasmai jyeṣṭhāya brahmaṇe namaḥ ||1||
He who is set over both what is and what is to be and everything, and whose alone is the heaven—to that chief bráhman be homage.
Translated by William Dwight Whitney (1905)
स्कम्भेनेमे विष्टभिते द्यौश् च भूमिश् च तिष्ठतः । स्कम्भ इदं सर्वम् आत्मन्वद् यत् प्राणन् निमिषच् च यत् ॥२॥
skambheneme viṣṭabhite dyauś ca bhūmiś ca tiṣṭhataḥ | skambha idaṃ sarvam ātmanvad yat prāṇan nimiṣac ca yat ||2||
By the skambhá these two stand fixed apart, both sky and earth; in the skambhá [is] all this that has soul, what [is] breathing and what winking.
Translated by William Dwight Whitney (1905)
तिस्रो ह प्रजा अत्यायम् आयन् न्य् अन्या अर्कम् अभितो ऽविशन्त । बृहन् ह तस्थौ रजसो विमानो हरितो हरिणीर् आ विवेश ॥३॥
tisro ha prajā atyāyam āyan ny anyā arkam abhito 'viśanta | bṛhan ha tasthau rajaso vimāno harito hariṇīr ā viveśa ||3||
Three offspring (prajā́) went an over-going; others settled (ni-viç) about the sun (? arká); great stood the traverser (vimā́na) of space (rájas); the yellow one (m.) entered into the yellow ones (f.).
Translated by William Dwight Whitney (1905)
द्वादश प्रधयश् चक्रम् एकं त्रीणि नभ्यानि क उ तच् चिकेत । तत्राहतास् त्रीणि शतानि शङ्कवः षष्टिश् च खीला अविचाचला ये ॥४॥
dvādaśa pradhayaś cakram ekaṃ trīṇi nabhyāni ka u tac ciketa | tatrāhatās trīṇi śatāni śaṅkavaḥ ṣaṣṭiś ca khīlā avicācalā ye ||4||
Twelve fellies, one wheel, three naves—who understands that? therein are inserted (ā́hata) three hundred and sixty pins (çan̄kú), pegs (? khī́la) that are immovable.
Translated by William Dwight Whitney (1905)
इदं सवितर् वि जानीहि षड् यमा एक एकजः । तस्मिन् हापित्वम् इछन्ते य एषाम् एक एकजः ॥५॥
idaṃ savitar vi jānīhi ṣaḍ yamā eka ekajaḥ | tasmin hāpitvam ichante ya eṣām eka ekajaḥ ||5||
This, O Savitar, do thou distinguish: six [are] twins, one [is] sole-born; they seek participation (apitvá) in him who of them is the sole sole-born.
Translated by William Dwight Whitney (1905)
आविः सन् निहितं गुहा जरन् नाम महत् पदम् । तत्रेदं सर्वम् आर्पितम् एजत् प्राणत् प्रतिष्ठितम् ॥६॥
āviḥ san nihitaṃ guhā jaran nāma mahat padam | tatredaṃ sarvam ārpitam ejat prāṇat pratiṣṭhitam ||6||
Being manifest (āvís), [it is] deposited in secret; the great track (padá), "aged" (járat) by name; there is set (ā́rpita) this all, [there is] established what stirs, what breathes.
Translated by William Dwight Whitney (1905)
एकचक्रं वर्तत एकनेमि सहस्राक्षरं प्र पुरो नि पश्चा । अर्धेन विश्वं भुवनं जजान यद् अस्यार्धं क्व तद् बभूव ॥७॥
ekacakraṃ vartata ekanemi sahasrākṣaraṃ pra puro ni paścā | ardhena viśvaṃ bhuvanaṃ jajāna yad asyārdhaṃ kva tad babhūva ||7||
One-wheeled it rolls, one-rimmed, thousand-syllabled, forth in front, down behind; with a half it has generated all existence; what its [other] half is—what has become of that?
Translated by William Dwight Whitney (1905)
पञ्चवाही वहत्यग्रम् एषां प्रष्टयो युक्ता अनुसंवहन्ति । अयातम् अस्य ददृशे न यातं परं नेदीयो ऽवरं दवीयः ॥८॥
pañcavāhī vahatyagram eṣāṃ praṣṭayo yuktā anusaṃvahanti | ayātam asya dadṛśe na yātaṃ paraṃ nedīyo 'varaṃ davīyaḥ ||8||
One carrying five carries the summit (ágra) of them; side-horses, harnessed, carry also along; what is not gone of it was seen, not what is gone; the higher thing [is] closer, the lower more distant.
Translated by William Dwight Whitney (1905)
तिर्यग्बिलश् चमस ऊर्ध्वबुध्नस् तस्मिन् यशो निहितं विश्वरूपम् । तद् आसत ऋषयः सप्त साकं ये अस्य गोपा महतो बभूवुः ॥९॥
tiryagbilaś camasa ūrdhvabudhnas tasmin yaśo nihitaṃ viśvarūpam | tad āsata ṛṣayaḥ sapta sākaṃ ye asya gopā mahato babhūvuḥ ||9||
A bowl (camasá) with orifice sideways, bottom-side up—in it is deposited glory of all forms; there sit together the seven seers, who have become the keepers of it, the great one.
Translated by William Dwight Whitney (1905)
या पुरस्ताद् युज्यते या च पश्चाद् या विश्वतो युज्यते या च सर्वतः । यया यज्ञः प्राङ् तायते तां त्वा पृछामि कतमा सा ऋचाम् ॥१०॥ २६
yā purastād yujyate yā ca paścād yā viśvato yujyate yā ca sarvataḥ | yayā yajñaḥ prāṅ tāyate tāṃ tvā pṛchāmi katamā sā ṛcām ||10|| 26
The one which is applied (yuj) in front and which behind, which is applied in all cases and which in every case, by which the sacrifice is extended forward—that I ask of thee: which one of the verses is it?
Translated by William Dwight Whitney (1905)
यद् एजति पतति यच् च तिष्ठति प्राणद् अप्राणन् निमिषच् च यद् भुवत् । तद् दाधार पृथिवीं विश्वरूपं तत् संभूय भवत्य् एकम् एव ॥११॥
yad ejati patati yac ca tiṣṭhati prāṇad aprāṇan nimiṣac ca yad bhuvat | tad dādhāra pṛthivīṃ viśvarūpaṃ tat saṃbhūya bhavaty ekam eva ||11||
What stirs, flies, and what stands, and what is breathing, not breathing, winking—that, all-formed, sustains the earth; that, combining, becomes one only.
Translated by William Dwight Whitney (1905)
अनन्तं विततं पुरुत्रानन्तम् अन्तवच् चा समन्ते । ते नाकपालश् चरति विचिन्वन् विद्वान् भूतम् उत भव्यम् अस्य ॥१२॥
anantaṃ vitataṃ purutrānantam antavac cā samante | te nākapālaś carati vicinvan vidvān bhūtam uta bhavyam asya ||12||
What is endless, stretched out on many sides; what is endless, and what has an end, ending together—these (two) the lord of the firmament keeps (car) separating (vi-ci), knowing what is and what shall be of it.
Translated by William Dwight Whitney (1905)
प्रजापतिश् चरति गर्भे अन्तर् अदृश्यमानो बहुधा वि जायते । अर्धेन विश्वं भुवनं जजान यद् अस्यार्धं कतमः स केतुः ॥१३॥
prajāpatiś carati garbhe antar adṛśyamāno bahudhā vi jāyate | ardhena viśvaṃ bhuvanaṃ jajāna yad asyārdhaṃ katamaḥ sa ketuḥ ||13||
Prajāpati goes about (car) within the womb; not being seen, he is manifoldly born (vi-jā); with a half he has generated all existence; what his [other] half is—which sign is that?
Translated by William Dwight Whitney (1905)
ऊर्ध्वं भरन्तम् उदकं कुम्भेनेवोदहार्यम् । पश्यन्ति सर्वे चक्षुषा न सर्वे मनसा विदुः ॥१४॥
ūrdhvaṃ bharantam udakaṃ kumbhenevodahāryam | paśyanti sarve cakṣuṣā na sarve manasā viduḥ ||14||
Him bearing water aloft, as a water-bearer (f.) with a vessel (kumbhá), all see with the eye, not all know with the mind.
Translated by William Dwight Whitney (1905)
दूरे पूर्णेन वसति दूर ऊनेन हीयते । महद् यक्षं भुवनस्य मध्ये तस्मै बलिं राष्ट्रभृतो भरन्ति ॥१५॥
dūre pūrṇena vasati dūra ūnena hīyate | mahad yakṣaṃ bhuvanasya madhye tasmai baliṃ rāṣṭrabhṛto bharanti ||15||
In the distance it dwells with the full one, in the distance it is abandoned by the deficient one—the great monster (yakṣá) in the midst of existence; to it the kingdom-bearers bear tribute.
Translated by William Dwight Whitney (1905)
यतः सूर्यः उदेत्य् अस्तं यत्र च गछति । तद् एव मन्ये ऽहं ज्येष्ठं तद् उ नात्य् एति किं चन ॥१६॥
yataḥ sūryaḥ udety astaṃ yatra ca gachati | tad eva manye 'haṃ jyeṣṭhaṃ tad u nāty eti kiṃ cana ||16||
Whence the sun arises, and where he goes to rest—that same I think the chief (jyeṣṭhá); that nothing whatever surpasses.
Translated by William Dwight Whitney (1905)
ये अर्वाङ् मध्य उत वा पुराणं वेदं विद्वांसम् अभितो वदन्ति । आदित्यम् एव ते परि वदन्ति सर्वे अग्निं द्वितीयं त्रिवृतं च हंसम् ॥१७॥
ye arvāṅ madhya uta vā purāṇaṃ vedaṃ vidvāṃsam abhito vadanti | ādityam eva te pari vadanti sarve agniṃ dvitīyaṃ trivṛtaṃ ca haṃsam ||17||
They who hitherward, in the middle, or also anciently, speak round about him who knows the Veda, they all speak around the sun (ādityá), Agni [as] second, and the threefold swan (haṅsá).
Translated by William Dwight Whitney (1905)
सहस्राह्ण्यं वियताव् अस्य पक्षौ हरेर् हंसस्य पततः स्वर्गम् । स देवान्त् सर्वान् उरस्य् उपदद्य संपश्यन् याति भुवनानि विश्वा ॥१८॥
sahasrāhṇyaṃ viyatāv asya pakṣau harer haṃsasya patataḥ svargam | sa devānt sarvān urasy upadadya saṃpaśyan yāti bhuvanāni viśvā ||18||
A thousand days' journey [are] expanded (vi-yam) the wings of him, of the yellow swan flying to heaven (svargá); he, putting all the gods in his breast, goes, viewing together all existences.
Translated by William Dwight Whitney (1905)
सत्येनोर्ध्वस् तपति ब्रह्मणार्वाङ् वि पश्यति । प्राणेन तिर्यङ् प्राणति यस्मिन् ज्येष्ठम् अधि श्रितम् ॥१९॥
satyenordhvas tapati brahmaṇārvāṅ vi paśyati | prāṇena tiryaṅ prāṇati yasmin jyeṣṭham adhi śritam ||19||
By truth he burns aloft; by bráhman he looks abroad hitherward, by breath he breathes crosswise—he on whom rests (çritá) the chief thing.
Translated by William Dwight Whitney (1905)
यो वै ते विद्याद् अरणी याभ्यां निर्मथ्यते वसु । स विद्वान् ज्येष्ठं मन्येत स विद्याद् ब्राह्मणं महत् ॥२०॥ २७
yo vai te vidyād araṇī yābhyāṃ nirmathyate vasu | sa vidvān jyeṣṭhaṃ manyeta sa vidyād brāhmaṇaṃ mahat ||20|| 27
Whoever indeed knows those two churning-sticks, with which is churned out what is good (vásu), he may think himself to know the chief thing; he may know the great bráhmaṇa ⌊neut.⌋.
Translated by William Dwight Whitney (1905)
अपाद् अग्रे सम् अभवत् सो अग्रे स्वर् आभरत् । चतुष्पाद् भूत्वा भोग्यः सर्वम् आदत्त भोजनम् ॥२१॥
apād agre sam abhavat so agre svar ābharat | catuṣpād bhūtvā bhogyaḥ sarvam ādatta bhojanam ||21||
Footless came he into being in the beginning; he in the beginning brought the heaven (svàr); having become four-footed, enjoyable, he took to himself all enjoyment (bhójana),
Translated by William Dwight Whitney (1905)
भोग्यो भवद् अथो अन्नम् अदद् बहु । यो देवम् उत्तरावन्तम् उपासातै सनातनम् ॥२२॥
bhogyo bhavad atho annam adad bahu | yo devam uttarāvantam upāsātai sanātanam ||22||
Enjoyable shall he become, likewise shall he eat much food, who shall worship (upa-ās) the everlasting god who gives superiority (uttarā́vant).
Translated by William Dwight Whitney (1905)
सनातनम् एनम् आहुर् उताद्य स्यात् पुनर्णवः । अहोरात्रे प्र जायेते अन्यो अन्यस्य रूपयोः ॥२३॥
sanātanam enam āhur utādya syāt punarṇavaḥ | ahorātre pra jāyete anyo anyasya rūpayoḥ ||23||
Everlasting they call him, also may he be at present ever-renewed; day and night are generated (pra-jā) in each other's forms.
Translated by William Dwight Whitney (1905)
शतं सहस्रम् अयुतं न्यर्बुदम् असंख्येयं स्वम् अस्मिन् निविष्टम् । तद् अस्य घ्नन्त्य् अभिपश्यत एव तस्माद् देवो रोचत् एष एतत् ॥२४॥
śataṃ sahasram ayutaṃ nyarbudam asaṃkhyeyaṃ svam asmin niviṣṭam | tad asya ghnanty abhipaśyata eva tasmād devo rocat eṣa etat ||24||
A hundred, a thousand, a myriad, a hundred million, an innumerable [number], is his own entered into him; that of him they slay, even as he looks on; therefore this god shines (ruc) thus.
Translated by William Dwight Whitney (1905)
बालाद् एकम् अणीयस्कम् उतैकं नेव दृश्यते । ततः परिष्वजीयसी देवता सा मम प्रिया ॥२५॥
bālād ekam aṇīyaskam utaikaṃ neva dṛśyate | tataḥ pariṣvajīyasī devatā sā mama priyā ||25||
One thing is more minute (áṇu) than a child (bā́la), also one is hardly (né ’va) seen; than that a more embracing deity, is she dear to me.
Translated by William Dwight Whitney (1905)
इयं कल्याण्य् अजरा मर्त्यस्यामृता गृहे । यस्मै कृता शये स यश् चकार जजार सः ॥२६॥
iyaṃ kalyāṇy ajarā martyasyāmṛtā gṛhe | yasmai kṛtā śaye sa yaś cakāra jajāra saḥ ||26||
This beautiful one (f.) [is] unaging, an immortal in the house of a mortal; for whom she [was] made, he lies; he who made [her] grew old.
Translated by William Dwight Whitney (1905)
त्वं स्त्री त्वं पुमान् असि त्वं कुमार उत वा कुमारी॥ त्वं जीर्णो दण्डेन वञ्चसि त्वं जातो भवसि विश्वतोमुखः ॥२७॥
tvaṃ strī tvaṃ pumān asi tvaṃ kumāra uta vā kumārī|| tvaṃ jīrṇo daṇḍena vañcasi tvaṃ jāto bhavasi viśvatomukhaḥ ||27||
Thou art woman, thou [art] man, thou boy, or also girl; thou, when aged, totterest (vañc) with a staff; thou, when born, becomest facing all ways.
Translated by William Dwight Whitney (1905)
उतैषां पितोत वा पुत्र एषाम् उतैषां ज्येष्ठ उत वा कनिष्ठः । एको ह देवो मनसि प्रविष्टः प्रथमो जातः स उ गर्भे अन्तः ॥२८॥
utaiṣāṃ pitota vā putra eṣām utaiṣāṃ jyeṣṭha uta vā kaniṣṭhaḥ | eko ha devo manasi praviṣṭaḥ prathamo jātaḥ sa u garbhe antaḥ ||28||
Both their father, or also their son; both the chief or also the meanest (kaniṣṭhá) of them; the one god, who has entered into the mind, born the first, and he within the womb.
Translated by William Dwight Whitney (1905)
पूर्णात् पूर्णम् उद् अचति पूर्णं पूर्णेन सिच्यते । उतो तद् अद्य विद्याम यतस् तत् परिषिच्यते ॥२९॥
pūrṇāt pūrṇam ud acati pūrṇaṃ pūrṇena sicyate | uto tad adya vidyāma yatas tat pariṣicyate ||29||
The full from the full he bends up (ud-ac); the full is poured with the full; also that may we know today, whence that is poured out.
Translated by William Dwight Whitney (1905)
एषा सनत्नी सनम् एव जातैषा पुराणी परि सर्वं बभूव । मही देव्य् उषसो विभाती सैकेनैकेन मिषता वि चष्टे ॥३०॥ २८
eṣā sanatnī sanam eva jātaiṣā purāṇī pari sarvaṃ babhūva | mahī devy uṣaso vibhātī saikenaikena miṣatā vi caṣṭe ||30|| 28
She, everlasting, born indeed of old, she, ancient, encompassed (pari-bhū) all; the great goddess of the dawn, shining forth, she looks forth by every one who winks.
Translated by William Dwight Whitney (1905)
अविर् वै नाम देवतर्तेनास्ते परीवृता । तस्या रूपेणेमे वृक्षा हरिता हरितस्रजः ॥३१॥
avir vai nāma devatartenāste parīvṛtā | tasyā rūpeṇeme vṛkṣā haritā haritasrajaḥ ||31||
The deity, Avi by name, sits enveloped with right; by her form these trees [are] green, green-garlanded.
Translated by William Dwight Whitney (1905)
अन्ति सन्तं न जहात्य् अन्ति सन्तं न पश्यति । देवस्य पश्य काव्यं न ममार न जीर्यति ॥३२॥
anti santaṃ na jahāty anti santaṃ na paśyati | devasya paśya kāvyaṃ na mamāra na jīryati ||32||
Him that is near by he (?) deserts not; him that is near by he (?) sees not; see the wisdom (kā́vya) of the god: he died not, he grows not old.
Translated by William Dwight Whitney (1905)
अपूर्वेणेषिता वाचस् ता वदन्ति यथायथम् । वदन्तीर् यत्र गछन्ति तद् आहुर् ब्राह्मणं महत् ॥३३॥
apūrveṇeṣitā vācas tā vadanti yathāyatham | vadantīr yatra gachanti tad āhur brāhmaṇaṃ mahat ||33||
The voices sent forth by the unpreceded one—they speak as they should (yathāyathám); where they go speaking, that [people] call the great brā́hmaṇa ⌊n.⌋.
Translated by William Dwight Whitney (1905)
यत्र देवाश् च मनुष्याश् चारा नाभाव् इव श्रिताः । अपां त्वा पुष्पं पृछामि यत्र तन् मायया हितम् ॥३४॥
yatra devāś ca manuṣyāś cārā nābhāv iva śritāḥ | apāṃ tvā puṣpaṃ pṛchāmi yatra tan māyayā hitam ||34||
Where both gods and men (manuṣyà) are set (çritá) as spokes in a nave—I ask thee of the flower (púṣpa) of the waters, where that by magic was placed.
Translated by William Dwight Whitney (1905)
येभिर् वात इषितः प्रवाति ये ददन्ते पञ्च दिशः सध्रीचीः । य आहुतिम् अत्यमन्यन्त देवा अपां नेतारः कतमे त आसन् ॥३५॥
yebhir vāta iṣitaḥ pravāti ye dadante pañca diśaḥ sadhrīcīḥ | ya āhutim atyamanyanta devā apāṃ netāraḥ katame ta āsan ||35||
They by whom the wind sent forth blows on, who give the five quarters together (sadhryàñc), the gods who thought themselves above (ati-man) the offering (ā́huti), conductors of the waters—which were they?
Translated by William Dwight Whitney (1905)
इमाम् एषां पृथिवीं वस्त एको ऽन्तरिक्षं पर्य् एको बभूव । दिवम् एषां ददते यो विधर्ता विश्वा आशाः प्रति रक्षन्त्य् एके ॥३६॥
imām eṣāṃ pṛthivīṃ vasta eko 'ntarikṣaṃ pary eko babhūva | divam eṣāṃ dadate yo vidhartā viśvā āśāḥ prati rakṣanty eke ||36||
One of them clothes himself in this earth; one encompassed the atmosphere; he of them who is disposer (vidhartṛ́) gives the sky; some defend respectively all regions (ā́çā).
Translated by William Dwight Whitney (1905)
यो विद्यात् सूत्रं विततं यस्मिन्न् ओताः प्रजा इमाः । सूत्रं सूत्रस्य यो विद्याद् स विद्याद् ब्राह्मणं महत् ॥३७॥
yo vidyāt sūtraṃ vitataṃ yasminn otāḥ prajā imāḥ | sūtraṃ sūtrasya yo vidyād sa vidyād brāhmaṇaṃ mahat ||37||
Whoso may know the stretched-out string in which these offspring (prajā́) are woven in, whoso may know the string of the string, he may know the great brā́hmaṇa.
Translated by William Dwight Whitney (1905)
वेदाहं सूत्रं विततं यस्मिन्न् ओताः प्रजा इमाः । सूत्रं सूत्रस्याहं वेदाथो यद् ब्राह्मणं महद् ॥३८॥
vedāhaṃ sūtraṃ vitataṃ yasminn otāḥ prajā imāḥ | sūtraṃ sūtrasyāhaṃ vedātho yad brāhmaṇaṃ mahad ||38||
I know the stretched-out string in which these offspring are woven in; the string of the string I know, likewise the great brā́hmaṇa.
Translated by William Dwight Whitney (1905)
यद् अन्तरा द्यावापृथिवी अग्निर् ऐत् प्रदहन् विश्वदाव्यः । यत्रातिष्ठन्न् एकपत्नीः परस्तात् क्वेवासीन् मातरिश्वा तदानीम् ॥३९॥
yad antarā dyāvāpṛthivī agnir ait pradahan viśvadāvyaḥ | yatrātiṣṭhann ekapatnīḥ parastāt kvevāsīn mātariśvā tadānīm ||39||
As between heaven-and-earth Agni went, burning on, all-consuming, where stood beyond they (f.) of one husband—where perchance was Mātariçvan then?
Translated by William Dwight Whitney (1905)
अप्स्व् आसीन् मातरिश्वा प्रविष्टः प्रविष्टा देवाः सलिलान्य् आसन्॥ बृहन् ह तस्थौ रजसो विमानः पवमानो हरित आ विवेश ॥४०॥
apsv āsīn mātariśvā praviṣṭaḥ praviṣṭā devāḥ salilāny āsan|| bṛhan ha tasthau rajaso vimānaḥ pavamāno harita ā viveśa ||40||
Mātariçvan was entered into the waters; the gods were entered into the seas; great stood the traverser of space; the purifying one entered into the green ones.
Translated by William Dwight Whitney (1905)
उत्तरेणेव गयत्रीम् अमृते ऽधि वि चक्रमे । साम्ना ये साम संविदुर् अजस् तद् ददृशे क्व ॥४१॥
uttareṇeva gayatrīm amṛte 'dhi vi cakrame | sāmnā ye sāma saṃvidur ajas tad dadṛśe kva ||41||
Higher, as it were, than the gāyatrī́, upon the immortal (amṛ́ta) he strode out; they who know completely chant with chant—where then was seen the goat?
Translated by William Dwight Whitney (1905)
निवेशनः संगमनो वसूनां देव इव सविता सत्यधर्मा । इन्द्रो न तस्थौ समरे धनानाम् ॥४२॥
niveśanaḥ saṃgamano vasūnāṃ deva iva savitā satyadharmā | indro na tasthau samare dhanānām ||42||
The reposer, the assembler of good things, like god Savitar, of true ordinances (-dhárman), he stood like Indra in the conflict for riches.
Translated by William Dwight Whitney (1905)
पुण्डरीकं नवद्वारं त्रिभिर् गुणेभिर् आवृतम् । तस्मिन् यद् यक्षम् आत्मन्वत् तद् वै ब्रह्मविदो विदुः ॥४३॥
puṇḍarīkaṃ navadvāraṃ tribhir guṇebhir āvṛtam | tasmin yad yakṣam ātmanvat tad vai brahmavido viduḥ ||43||
The lotus-flower of nine doors, covered with three strands (guṇá) — what soulful prodigy (yakṣá) is within it, that the bráhman -knowers know.
Translated by William Dwight Whitney (1905)
अकामो धीरो अमृतः स्वयंभू रसेन तृप्तो न कुतश् चनोनः । तम् एव विद्वान् न बिभाय मृत्योर् आत्मानं धीरम् अजरं युवानम् ॥४४॥ २९
akāmo dhīro amṛtaḥ svayaṃbhū rasena tṛpto na kutaś canonaḥ | tam eva vidvān na bibhāya mṛtyor ātmānaṃ dhīram ajaraṃ yuvānam ||44|| 29
Free from desire, wise (dhī́ra), immortal, self-existent, satisfied with sap, not deficient in any respect—knowing that wise, unaging, young soul, one is not afraid of death.
Translated by William Dwight Whitney (1905)