Library·Rupa Gosvami (comp.): Padyavali·1
पद्यावली विरचिता रसिकैर् मुकुन्द- सम्बन्ध-बन्धुर-पदा प्रमोदोर्मि-सिन्धुः । रम्या समस्त-तमसां दमनी क्रमेण संगृह्यते कृति-कदम्बक-कौतुकाय
padyāvalī viracitā rasikair mukunda- sambandha-bandhura-padā pramodormi-sindhuḥ | ramyā samasta-tamasāṃ damanī krameṇa saṃgṛhyate kṛti-kadambaka-kautukāya
Sanskrit only: no published translation is held for this verse.
ग्रन्थप्रारम्भे मङ्गलाचरणम् । नमो नलिन-नेत्राय वेणु-वाद्य-विनोदिने । राधाधर-सुधापान- शालिने वन-मालिने
granthaprārambhe maṅgalācaraṇam | namo nalina-netrāya veṇu-vādya-vinodine | rādhādhara-sudhāpāna- śāline vana-māline
Sanskrit only: no published translation is held for this verse.
कस्यचित् ॥ भक्ति-प्रह्व-विलोकन-प्रणयिनी नीलोत्पल-स्पर्धिनी ध्यानालम्बनतां समधि-निरतैर् नीते हित-प्राप्तये । लावण्यैक-महा-निधौ रसिकतां राधा-दृशोस् तन्वती युष्माकं कुरुतां भवार्ति-शमनं नेत्रे तनुर् वा हरेः
kasyacit || bhakti-prahva-vilokana-praṇayinī nīlotpala-spardhinī dhyānālambanatāṃ samadhi-niratair nīte hita-prāptaye | lāvaṇyaika-mahā-nidhau rasikatāṃ rādhā-dṛśos tanvatī yuṣmākaṃ kurutāṃ bhavārti-śamanaṃ netre tanur vā hareḥ
Sanskrit only: no published translation is held for this verse.
श्री-सारङ्गस्य ॥ ये गोवर्धन-मूल-कर्दम-रस-व्यादष्ट-बर्ह-च्छदा ये वृन्दावन-कुक्षिषु व्रज-वधू-लीलोपधानानि च । ये चाभ्यङ्ग-सुगन्धयः कुवलयापीडस्य दानाम्भसा ते वो मङ्गलम् आदिशन्तु सततं कंस-द्विषो बाहवः
śrī-sāraṅgasya || ye govardhana-mūla-kardama-rasa-vyādaṣṭa-barha-cchadā ye vṛndāvana-kukṣiṣu vraja-vadhū-līlopadhānāni ca | ye cābhyaṅga-sugandhayaḥ kuvalayāpīḍasya dānāmbhasā te vo maṅgalam ādiśantu satataṃ kaṃsa-dviṣo bāhavaḥ
Sanskrit only: no published translation is held for this verse.
शुभाङ्कस्य ॥ (स्क्म् १।५९।३) सायं व्यावर्तमानखिल-सुरभि-कुलाह्वान-संकेत-नामान्य् अभीरी-वृन्द-चेतो हठ-हरण-कला-सिद्ध-मन्त्राक्षराणि । सौभाग्यं वः समन्ताद् दधतु मधु-भिदः केलि-गोपाल-मूर्तेः सानन्दकृष्ट-वृन्दावन-रसिक-मृग-श्रेणयो वेणु-नादाः
śubhāṅkasya || (SKM 1.59.3) sāyaṃ vyāvartamānakhila-surabhi-kulāhvāna-saṃketa-nāmāny abhīrī-vṛnda-ceto haṭha-haraṇa-kalā-siddha-mantrākṣarāṇi | saubhāgyaṃ vaḥ samantād dadhatu madhu-bhidaḥ keli-gopāla-mūrteḥ sānandakṛṣṭa-vṛndāvana-rasika-mṛga-śreṇayo veṇu-nādāḥ
Sanskrit only: no published translation is held for this verse.
उमापतिधरस्य ॥ (स्क्म् १।५७।३) अथ श्री-कृष्णस्य महिमा । अम्भोभिः स्थलतां स्थलं जलधितां धूलीलवः शैलतां शैली मृत्-कणतां तृणं कुलिशतां वज्रं तृण-क्षीणताम् । वह्निः शीतलतां हिमं वहनताम् आयाति यस्येच्छया लीला-दुर्ललिताद्भुत-व्यसनिनं कृष्णाय तस्मै नमः
umāpatidharasya || (SKM 1.57.3) atha śrī-kṛṣṇasya mahimā | ambhobhiḥ sthalatāṃ sthalaṃ jaladhitāṃ dhūlīlavaḥ śailatāṃ śailī mṛt-kaṇatāṃ tṛṇaṃ kuliśatāṃ vajraṃ tṛṇa-kṣīṇatām | vahniḥ śītalatāṃ himaṃ vahanatām āyāti yasyecchayā līlā-durlalitādbhuta-vyasaninaṃ kṛṣṇāya tasmai namaḥ
Sanskrit only: no published translation is held for this verse.
कस्यचित् ॥ वात्सल्याद् अभय-प्रदान-समयाद् आर्तार्ति-निर्वापणाद् औदार्याद् अघ-शोषणाद् अगणित-श्रेयः-पद-प्रापणात् । सेव्यः श्री-पतिर् एव सर्व-जगताम् एते यतः साक्षिणः प्रह्लादश् च विभीषणश् च करिराट् पाञ्चल्य-हल्या ध्रुवः
kasyacit || vātsalyād abhaya-pradāna-samayād ārtārti-nirvāpaṇād audāryād agha-śoṣaṇād agaṇita-śreyaḥ-pada-prāpaṇāt | sevyaḥ śrī-patir eva sarva-jagatām ete yataḥ sākṣiṇaḥ prahlādaś ca vibhīṣaṇaś ca karirāṭ pāñcalya-halyā dhruvaḥ
Sanskrit only: no published translation is held for this verse.
कस्यचित् ॥ अथ भजन-माहात्म्यम् । व्याधस्याचरणं ध्रुवस्य च वयो विद्या गजेन्द्रस्य का कुब्जायाः किम् उ नाम रूपम् अधिकं किं तत् सुदाम्नो धनम् । वंशः को विदुरस्य यादवपतेर् उग्रस्य किं पौरुषं भक्त्या तुष्यति केवलं न च गुणैर् भक्ति-प्रियो माधवः
kasyacit || atha bhajana-māhātmyam | vyādhasyācaraṇaṃ dhruvasya ca vayo vidyā gajendrasya kā kubjāyāḥ kim u nāma rūpam adhikaṃ kiṃ tat sudāmno dhanam | vaṃśaḥ ko vidurasya yādavapater ugrasya kiṃ pauruṣaṃ bhaktyā tuṣyati kevalaṃ na ca guṇair bhakti-priyo mādhavaḥ
Sanskrit only: no published translation is held for this verse.
श्री-दाक्षिणात्यस्य ॥ अनुचितम् उचितं वा कर्म कोऽयं विभागो भगवति परम् आस्तां भक्ति-योगो द्रढीयान् । किरति विष-महीन्द्रः सान्द्र-पीयूषम् इन्दुर् द्वयम् अपि स महेशो निर्विशेषं बिभर्ति
śrī-dākṣiṇātyasya || anucitam ucitaṃ vā karma ko'yaṃ vibhāgo bhagavati param āstāṃ bhakti-yogo draḍhīyān | kirati viṣa-mahīndraḥ sāndra-pīyūṣam indur dvayam api sa maheśo nirviśeṣaṃ bibharti
Sanskrit only: no published translation is held for this verse.
श्री-विष्णुपुरीपादानाम् ॥ यदि मधु-मथन त्वद्-अङ्घ्रि-सेवां हृदि विदधाति जहाति वा विवेकी । तद्-अखिलम् अपि दुष्कृतं त्रिलोके कृतम् अकृतं न कृतं कृतं च सर्वम्
śrī-viṣṇupurīpādānām || yadi madhu-mathana tvad-aṅghri-sevāṃ hṛdi vidadhāti jahāti vā vivekī | tad-akhilam api duṣkṛtaṃ triloke kṛtam akṛtaṃ na kṛtaṃ kṛtaṃ ca sarvam
Sanskrit only: no published translation is held for this verse.
तेषम् एव ॥ काषायान् न च भोजनादि-नियमान् नो वा वने वासतो व्याख्यानाद् अथ वा मुनि-व्रत-भराच् चित्तोद्भवः क्षीयते । किन्तु स्फीत-कलिन्द-शैल-तनया-तीरेषु विकीडतो गोविन्दस्य पदारविन्द-भजनारम्भस्य लेशाद् अपि
teṣam eva || kāṣāyān na ca bhojanādi-niyamān no vā vane vāsato vyākhyānād atha vā muni-vrata-bharāc cittodbhavaḥ kṣīyate | kintu sphīta-kalinda-śaila-tanayā-tīreṣu vikīḍato govindasya padāravinda-bhajanārambhasya leśād api
Sanskrit only: no published translation is held for this verse.
कस्यचित् ॥ अलम् अलम् इयम् एव प्राणिनां पातकानां निरसन-विषये या कृष्ण कृष्णेति वाणी । यदि भवति मुकुन्दे भक्तिर् आनन्द-सान्द्रा विलुठति चरणाब्जे मोक्ष-साम्राज्य-लक्ष्मीः
kasyacit || alam alam iyam eva prāṇināṃ pātakānāṃ nirasana-viṣaye yā kṛṣṇa kṛṣṇeti vāṇī | yadi bhavati mukunde bhaktir ānanda-sāndrā viluṭhati caraṇābje mokṣa-sāmrājya-lakṣmīḥ
Sanskrit only: no published translation is held for this verse.
श्री-सर्वज्ञस्य ॥ नानोपचार-कृत-पूजनम् आर्त-बन्धोः प्रेम्णैव भक्त-हृदयं सुख-विद्रुतं स्यात् । यावत् क्षुद् अस्ति जठरे जरठा पिपासा तावत् सुखाय भवतो ननु भक्ष्य-पेये
śrī-sarvajñasya || nānopacāra-kṛta-pūjanam ārta-bandhoḥ premṇaiva bhakta-hṛdayaṃ sukha-vidrutaṃ syāt | yāvat kṣud asti jaṭhare jaraṭhā pipāsā tāvat sukhāya bhavato nanu bhakṣya-peye
Sanskrit only: no published translation is held for this verse.
श्री-रामानन्दरायस्य । (च्च्म्क् १३।४२; च्च् २।८।६९) कृष्ण-भक्ति-रस-भावित-मतिः क्रियतां यदि कुतोऽपि लभ्यते तत्र लौल्यम् अपि मूल्यम् एकलं जन्म-कोटि-सुकृतैर् न लभ्यते
śrī-rāmānandarāyasya | (CCMK 13.42; CC 2.8.69) kṛṣṇa-bhakti-rasa-bhāvita-matiḥ kriyatāṃ yadi kuto'pi labhyate tatra laulyam api mūlyam ekalaṃ janma-koṭi-sukṛtair na labhyate
Sanskrit only: no published translation is held for this verse.
तस्यैव । (च्च् २।८।७०) ज्ञानम् अस्ति तुलितं च तुलायां प्रेम नैव तुलितं तु तुलायाम् । सिद्धिर् एव तुलितात्र तुलायां कृष्ण-नाम तुलितं न तुलायाम्
tasyaiva | (CC 2.8.70) jñānam asti tulitaṃ ca tulāyāṃ prema naiva tulitaṃ tu tulāyām | siddhir eva tulitātra tulāyāṃ kṛṣṇa-nāma tulitaṃ na tulāyām
Sanskrit only: no published translation is held for this verse.
श्री-श्री-धरस्वामिपादानाम् ॥ अथ नाममाहात्म्यम् । अंहः संहरद् अखिलं सकृद् उदयाद् एव सकल-लोकस्य । तरणिर् इव तिमिर-जलधिं जयति जगन्-मङ्गलं हरेर् नाम
śrī-śrī-dharasvāmipādānām || atha nāmamāhātmyam | aṃhaḥ saṃharad akhilaṃ sakṛd udayād eva sakala-lokasya | taraṇir iva timira-jaladhiṃ jayati jagan-maṅgalaṃ harer nāma
Sanskrit only: no published translation is held for this verse.
श्री-लक्ष्मीधराणाम् ॥ (नामकौमुदी १।२; च्च् ३।३।१८०) चतुर्णां वेदानां हृदयम् इदम् आकृष्य हरिणा चतुर्भिर् यद् वर्णैः स्फुटम् अघटि नारायण-पदम् । तद् एतद् गायन्तो वयम् अनिशम् आत्मानम् अधुना पुनीमो जानीमो न हरि-परितोषाय किम् अपि
śrī-lakṣmīdharāṇām || (Nāmakaumudī 1.2; CC 3.3.180) caturṇāṃ vedānāṃ hṛdayam idam ākṛṣya hariṇā caturbhir yad varṇaiḥ sphuṭam aghaṭi nārāyaṇa-padam | tad etad gāyanto vayam aniśam ātmānam adhunā punīmo jānīmo na hari-paritoṣāya kim api
Sanskrit only: no published translation is held for this verse.
कस्यचित् ॥ योग-श्रुत्य्-उपपत्ति-निर्जन-वन-ध्यानाध्व-सम्भावित- स्वाराज्यं प्रतिपद्य निर्भयम् अमी मुक्ता भवन्तु द्विजाः । अस्माकं तु कदम्ब-कुञ्ज-कुहर-प्रोन्मीलद्-इन्दीवर- श्रेणी-श्यामल-धाम-नाम जुषतां जन्मास्तु लक्षावधि
kasyacit || yoga-śruty-upapatti-nirjana-vana-dhyānādhva-sambhāvita- svārājyaṃ pratipadya nirbhayam amī muktā bhavantu dvijāḥ | asmākaṃ tu kadamba-kuñja-kuhara-pronmīlad-indīvara- śreṇī-śyāmala-dhāma-nāma juṣatāṃ janmāstu lakṣāvadhi
Sanskrit only: no published translation is held for this verse.
श्री- ईश्वर-पुरी-पादानाम् ॥ कल्याणानां निधानं कलि-मल-मथनं पावनं पावनानां पाथेयं यन् मुमुक्षोः सपदि परपदप्राप्तये प्रोच्यमानम् । विश्राम-स्थानम् एकं कवि-वर-वचसां जीवनं सज्जनानां बीजं धर्म-द्रुमस्य प्रभवतु भवतां भूतये कृष्ण-नाम
śrī- īśvara-purī-pādānām || kalyāṇānāṃ nidhānaṃ kali-mala-mathanaṃ pāvanaṃ pāvanānāṃ pātheyaṃ yan mumukṣoḥ sapadi parapadaprāptaye procyamānam | viśrāma-sthānam ekaṃ kavi-vara-vacasāṃ jīvanaṃ sajjanānāṃ bījaṃ dharma-drumasya prabhavatu bhavatāṃ bhūtaye kṛṣṇa-nāma
Sanskrit only: no published translation is held for this verse.
कस्यचित् ॥ वेपन्ते दुरितानि मोह-महिमा सम्मोहम् आलम्बते सातङ्कं नख-रजनीं कलयति श्री-चित्रगुप्तः कृती । सानन्दं मधुपर्क-सम्भृति-विधौ वेधाः करोत्य् उद्यमं वक्तुं नाम्नि तवेश्वराभिलषिते ब्रूमः किम् अन्यत् परम्
kasyacit || vepante duritāni moha-mahimā sammoham ālambate sātaṅkaṃ nakha-rajanīṃ kalayati śrī-citraguptaḥ kṛtī | sānandaṃ madhuparka-sambhṛti-vidhau vedhāḥ karoty udyamaṃ vaktuṃ nāmni taveśvarābhilaṣite brūmaḥ kim anyat param
Sanskrit only: no published translation is held for this verse.
कस्यचित् ॥ कः परेत-नगरी-पुरन्दरः को भवेद् अथ तदीय-किङ्करः । कृष्ण-नाम जगद्-एक-मङ्गलं कण्ठ-पीठम् उररीकरोति चेत्
kasyacit || kaḥ pareta-nagarī-purandaraḥ ko bhaved atha tadīya-kiṅkaraḥ | kṛṣṇa-nāma jagad-eka-maṅgalaṃ kaṇṭha-pīṭham urarīkaroti cet
Sanskrit only: no published translation is held for this verse.
श्री- आनन्दाचार्यस्य । चेतो-दर्पण-मार्जनं भव-महा-दावाग्नि-निर्वापणं श्रेयः-कैरव-चन्द्रिका-वितरणं विद्या-वधू-जीवनम् । आनन्दाम्बुधि-वर्धनं प्रति-पदं पूर्णामृतास्वादनं सर्वात्म-स्नपनं परं विजयते श्री-कृष्ण-सङ्कीर्तनम्
śrī- ānandācāryasya | ceto-darpaṇa-mārjanaṃ bhava-mahā-dāvāgni-nirvāpaṇaṃ śreyaḥ-kairava-candrikā-vitaraṇaṃ vidyā-vadhū-jīvanam | ānandāmbudhi-vardhanaṃ prati-padaṃ pūrṇāmṛtāsvādanaṃ sarvātma-snapanaṃ paraṃ vijayate śrī-kṛṣṇa-saṅkīrtanam
Sanskrit only: no published translation is held for this verse.
श्री-श्री-भगवतः ॥ (च्च् ३।२०।१२) ब्रह्माण्डानां कोटि-सङ्ख्याधिकानाम् ऐश्वर्यं यच् चेतना वा यद् अंशः । आविर्भूतं तन्-महः कृष्ण-नाम तन् मे साध्यं साधनं जीवनं च
śrī-śrī-bhagavataḥ || (CC 3.20.12) brahmāṇḍānāṃ koṭi-saṅkhyādhikānām aiśvaryaṃ yac cetanā vā yad aṃśaḥ | āvirbhūtaṃ tan-mahaḥ kṛṣṇa-nāma tan me sādhyaṃ sādhanaṃ jīvanaṃ ca
Sanskrit only: no published translation is held for this verse.
संपूर्णानन्द-बोधे महति च पुरुषं स्थापयित्वा निवृत्तम्
saṃpūrṇānanda-bodhe mahati ca puruṣaṃ sthāpayitvā nivṛttam
Sanskrit only: no published translation is held for this verse.
श्री-भगवद्-व्यास-पादानाम् ॥ नाम चिन्तामणिः कृष्णश् चैतन्य-रस-विग्रहः । पूर्णः शुद्धो नित्य-मुक्तो ऽभिन्नत्वान् नाम-नामिनोः
śrī-bhagavad-vyāsa-pādānām || nāma cintāmaṇiḥ kṛṣṇaś caitanya-rasa-vigrahaḥ | pūrṇaḥ śuddho nitya-mukto 'bhinnatvān nāma-nāminoḥ
Sanskrit only: no published translation is held for this verse.
तेषाम् एव ॥ (पद्मपुराण, च्च् २।१७।१३३, ह्ब्व् ११।५०३) मधुर-मधुरम् एतन् मङ्गलं मङ्गलानां सकल-निगम-वल्ली-सत्-फलं चित्-स्वरूपम् । सकृदपि परिगीतं श्रद्धया हेलया वा भृगु-वर नर-मात्रं तारयेत् कृष्ण-नाम
teṣām eva || (Padmapurāṇa, CC 2.17.133, HBV 11.503) madhura-madhuram etan maṅgalaṃ maṅgalānāṃ sakala-nigama-vallī-sat-phalaṃ cit-svarūpam | sakṛdapi parigītaṃ śraddhayā helayā vā bhṛgu-vara nara-mātraṃ tārayet kṛṣṇa-nāma
Sanskrit only: no published translation is held for this verse.
तेषाम् एव ॥ (ह्ब्व् ११।४५१; स्कान्दपुराण, प्रभास-खण्डे) स्वर्गार्थीया व्यवसितिर् असौ दीनयत्य् एव लोकान् मोक्षापेक्षा जनयति जनं केवलं क्लेशभाजम् । योगाभ्यासः परम-विरसस् तादृशैः किं प्रयासैः सर्वं त्यक्त्वा मम तु रसना कृष्ण कृष्णेति रौतु
teṣām eva || (HBV 11.451; Skāndapurāṇa, Prabhāsa-khaṇḍe) svargārthīyā vyavasitir asau dīnayaty eva lokān mokṣāpekṣā janayati janaṃ kevalaṃ kleśabhājam | yogābhyāsaḥ parama-virasas tādṛśaiḥ kiṃ prayāsaiḥ sarvaṃ tyaktvā mama tu rasanā kṛṣṇa kṛṣṇeti rautu
Sanskrit only: no published translation is held for this verse.
कस्यचित् ॥ सदा सर्वत्रास्ते ननु विमलम् आद्यं तव पदं तथाप्य् एकं स्तोकं न हि भव-तरोः पत्रम् अभिनत् । क्षणं जिह्वाग्र-स्थं तव तु भगवन्-नाम निखिलं स-मूलं सम्भारं कषति कतरत् सेव्यम् अनयोः
kasyacit || sadā sarvatrāste nanu vimalam ādyaṃ tava padaṃ tathāpy ekaṃ stokaṃ na hi bhava-taroḥ patram abhinat | kṣaṇaṃ jihvāgra-sthaṃ tava tu bhagavan-nāma nikhilaṃ sa-mūlaṃ sambhāraṃ kaṣati katarat sevyam anayoḥ
Sanskrit only: no published translation is held for this verse.
श्री-श्री-धरस्वामिपादानाम् ॥ आकृष्टिः कृत-चेतसां सुमनसाम् उच्चांअनं चांहसाम् आचण्डालम् अमूक-लोक-सुलभो वश्यश् च मुक्ति-श्रियः । नो दीक्षां न च सत्-क्रियां न च पुरश्चर्यां मनाग् ईक्षते मन्त्रो ऽयं रसना-स्पृग् एव फलति श्री-कृष्ण-नामात्मकः
śrī-śrī-dharasvāmipādānām || ākṛṣṭiḥ kṛta-cetasāṃ sumanasām uccāṃanaṃ cāṃhasām ācaṇḍālam amūka-loka-sulabho vaśyaś ca mukti-śriyaḥ | no dīkṣāṃ na ca sat-kriyāṃ na ca puraścaryāṃ manāg īkṣate mantro 'yaṃ rasanā-spṛg eva phalati śrī-kṛṣṇa-nāmātmakaḥ
Sanskrit only: no published translation is held for this verse.
श्री-लक्ष्मीधराणाम् ॥ (भगवन्-नाम-कौमुदी १३३; च्च् मध्य १५।११०) विचेयानि विचार्याणि विचिन्त्यानि पुनः पुनः । कृपणस्य धनानीव त्वन्-नामानि भवन्तु नः
śrī-lakṣmīdharāṇām || (Bhagavan-nāma-kaumudī 133; CC Madhya 15.110) viceyāni vicāryāṇi vicintyāni punaḥ punaḥ | kṛpaṇasya dhanānīva tvan-nāmāni bhavantu naḥ
Sanskrit only: no published translation is held for this verse.
श्री-भवानन्दस्य ॥ नाम्नाम् अकारि बहुधा निज-सर्व-शक्तिस् तत्रार्पिता नियमितः स्मरणे न कालः । एतादृशी तव कृपा भगवन् ममापि दुर्दैवम् ईदृशम् इहाजनि नानुरागः
śrī-bhavānandasya || nāmnām akāri bahudhā nija-sarva-śaktis tatrārpitā niyamitaḥ smaraṇe na kālaḥ | etādṛśī tava kṛpā bhagavan mamāpi durdaivam īdṛśam ihājani nānurāgaḥ
Sanskrit only: no published translation is held for this verse.
श्री-भगवतः । (च्च् ३।२०।१६) अथ नामकीर्तनम् । तृणाद् अपि सुनीचेन तरोर् इव सहिष्णुना । अमानिना मानदेन कीर्तनीयः सदा हरिः ॥३२॥ तस्यैव ॥ (च्च् ३।२०।२१) श्री-रामेति जनार्दनेति जगतां नाथेति नारायणे- त्यानन्देति दयापरेति कमलाकान्तेति कृष्णेति च । श्री-मन्-नाम-महामृताब्धि-लहरी-कल्लोलमग्नं मुहु- र्मुह्यन्तं गलद्-अश्रु-नेत्रमवशं मां नाथ नित्यं कुरु
śrī-bhagavataḥ | (CC 3.20.16) atha nāmakīrtanam | tṛṇād api sunīcena taror iva sahiṣṇunā | amāninā mānadena kīrtanīyaḥ sadā hariḥ ||32|| tasyaiva || (CC 3.20.21) śrī-rāmeti janārdaneti jagatāṃ nātheti nārāyaṇe- tyānandeti dayāpareti kamalākānteti kṛṣṇeti ca | śrī-man-nāma-mahāmṛtābdhi-laharī-kallolamagnaṃ muhu- rmuhyantaṃ galad-aśru-netramavaśaṃ māṃ nātha nityaṃ kuru
Sanskrit only: no published translation is held for this verse.
श्री-लक्ष्मीधराणाम् ॥ (द्च्प् २) श्री-कान्त कृष्ण करुणामय कञ्जनाभ कैवल्यवल्लभ मुकुन्द मुरान्तकेति । नामावलीं विमलमौक्तिकहारलक्ष्मी- लावण्य-वञ्चनकरीं करवाणि कण्ठे
śrī-lakṣmīdharāṇām || (DCP 2) śrī-kānta kṛṣṇa karuṇāmaya kañjanābha kaivalyavallabha mukunda murāntaketi | nāmāvalīṃ vimalamauktikahāralakṣmī- lāvaṇya-vañcanakarīṃ karavāṇi kaṇṭhe
Sanskrit only: no published translation is held for this verse.
तेषामेव ॥ (द्च्प् ३) कृष्ण राम मुकुन्द वामन वासुदेव जगद्गुरो मत्स्य कच्छप नारसिंह वराह राघव पाहि माम् । देवदानवनारदादिमुनीन्द्रवन्द्य दयानिधे देवकीसुत देहि मे तव पादभक्तिमचञ्चलाम्
teṣāmeva || (DCP 3) kṛṣṇa rāma mukunda vāmana vāsudeva jagadguro matsya kacchapa nārasiṃha varāha rāghava pāhi mām | devadānavanāradādimunīndravandya dayānidhe devakīsuta dehi me tava pādabhaktimacañcalām
Sanskrit only: no published translation is held for this verse.
कस्यचित् ॥ (द्च्प् ४) हे गोपालक हे कृपा-जल-निधे हे सिन्धु-कन्या-पते हे कंसान्तक हे गजेन्द्र-करुणा-पारीण हे माधव । हे रामानुज हे जगत्-त्रय-गुरो हे पुण्डरीकाक्ष मां हे गोपीजन-नाथ पालय परं जानामि न त्वां विना
kasyacit || (DCP 4) he gopālaka he kṛpā-jala-nidhe he sindhu-kanyā-pate he kaṃsāntaka he gajendra-karuṇā-pārīṇa he mādhava | he rāmānuja he jagat-traya-guro he puṇḍarīkākṣa māṃ he gopījana-nātha pālaya paraṃ jānāmi na tvāṃ vinā
Sanskrit only: no published translation is held for this verse.
श्री-वैष्णवस्य ॥ (क्क् २।१०८, द्च्प् ५) श्री-नारायण पुण्डरीक-नयन श्री-राम सीता-पते गोविन्दाच्युत नन्द-नन्दन मुकुन्दानन्द दामोदर । विष्णो राघव वासुदेव नृ-हरे देवेन्द्र-चूडामणे संसारार्णव-कर्ण-धारक हरे श्री-कृष्ण तुभ्यं नमः
śrī-vaiṣṇavasya || (KK 2.108, DCP 5) śrī-nārāyaṇa puṇḍarīka-nayana śrī-rāma sītā-pate govindācyuta nanda-nandana mukundānanda dāmodara | viṣṇo rāghava vāsudeva nṛ-hare devendra-cūḍāmaṇe saṃsārārṇava-karṇa-dhāraka hare śrī-kṛṣṇa tubhyaṃ namaḥ
Sanskrit only: no published translation is held for this verse.
तस्यैव ॥ भाण्डीरेश शिखण्ड-मण्डन वर श्री-खण्ड-लिप्ताङ्ग हे वृन्दारर्ण्य-पुरन्दर स्फुरद्-अमन्देन्दीवर-श्यामल । कालिन्दी-प्रिय नन्द-नन्दन परानन्दारविन्देक्षण श्री-गोविन्द मुकुन्द सुन्दर-तनो मां दीनम् आनन्दय
tasyaiva || bhāṇḍīreśa śikhaṇḍa-maṇḍana vara śrī-khaṇḍa-liptāṅga he vṛndārarṇya-purandara sphurad-amandendīvara-śyāmala | kālindī-priya nanda-nandana parānandāravindekṣaṇa śrī-govinda mukunda sundara-tano māṃ dīnam ānandaya
Sanskrit only: no published translation is held for this verse.
श्री-गोपाल-भट्टानाम् ॥ श्री-कृष्णकथामाहात्म्यम् । श्रुतम् अप्य् औपनिषदं दूरे हरि-कथामृतात् । यन् न सन्ति द्रवच्-चित्त- कम्पाश्रु-पुलकादयः
śrī-gopāla-bhaṭṭānām || śrī-kṛṣṇakathāmāhātmyam | śrutam apy aupaniṣadaṃ dūre hari-kathāmṛtāt | yan na santi dravac-citta- kampāśru-pulakādayaḥ
Sanskrit only: no published translation is held for this verse.
श्री-भगवद्व्यासपादानाम् ॥ [भक्ति-सन्दर्भ ६९] नैव दिव्य-सुख-भोगम् अर्थये नापवर्गम् अपि नाथ कामये । यान्तु कर्ण-विवर दिने दिने कृष्ण-केलि-चरितामृतानि मे
śrī-bhagavadvyāsapādānām || [Bhakti-sandarbha 69] naiva divya-sukha-bhogam arthaye nāpavargam api nātha kāmaye | yāntu karṇa-vivara dine dine kṛṣṇa-keli-caritāmṛtāni me
Sanskrit only: no published translation is held for this verse.
श्री-कविरत्नस्य ॥ अहो अहोभिर् न कलेर् विदूयते सुधा-सुधाराम् अधुरं पदे पदे । दिने दिने चन्दन-चन्द्र-शीतलं यशो यशोदा-तनयस्य गीयते
śrī-kaviratnasya || aho ahobhir na kaler vidūyate sudhā-sudhārām adhuraṃ pade pade | dine dine candana-candra-śītalaṃ yaśo yaśodā-tanayasya gīyate
Sanskrit only: no published translation is held for this verse.
तस्यैव ॥ नन्द-नन्दन-कैशोर- लीलामृत-महाम्बुधौ । निमग्नानां किम् अस्माकं निर्वाण-लवणाम्भसा
tasyaiva || nanda-nandana-kaiśora- līlāmṛta-mahāmbudhau | nimagnānāṃ kim asmākaṃ nirvāṇa-lavaṇāmbhasā
Sanskrit only: no published translation is held for this verse.
श्री-यादवेन्द्रपुरीपादानाम् ॥ त्वत्-कथामृत-पाथोधौ विहरन्तो महा-मुदः । कुर्वन्ति कृतिनः केचिच् चतुर्-वर्गं तृणोपमम्
śrī-yādavendrapurīpādānām || tvat-kathāmṛta-pāthodhau viharanto mahā-mudaḥ | kurvanti kṛtinaḥ kecic catur-vargaṃ tṛṇopamam
Sanskrit only: no published translation is held for this verse.
श्री-श्री-धरस्वामिपादानाम् ॥ तत्रैव गङ्गा यमुना च तत्र तत्र गोदावरी तत्र सरस्वती च । सर्वाणि तीर्थानि वसन्ति तत्र यत्राच्युतोदार-कथा-प्रसङ्गः
śrī-śrī-dharasvāmipādānām || tatraiva gaṅgā yamunā ca tatra tatra godāvarī tatra sarasvatī ca | sarvāṇi tīrthāni vasanti tatra yatrācyutodāra-kathā-prasaṅgaḥ
Sanskrit only: no published translation is held for this verse.
कस्यचित् ॥ या भुक्ति-लक्ष्मीर् भुवि कामुकानां या मुक्ति-लक्ष्मीर् हृदि योगभाजाम् । यानन्द-लक्ष्मी रसिकेन्द्र-मौलेः सा कापि लीलावतु माधवस्य
kasyacit || yā bhukti-lakṣmīr bhuvi kāmukānāṃ yā mukti-lakṣmīr hṛdi yogabhājām | yānanda-lakṣmī rasikendra-mauleḥ sā kāpi līlāvatu mādhavasya
Sanskrit only: no published translation is held for this verse.
श्री-शङ्करस्य ॥ अथ श्री-कृष्णध्यानम् । फुल्लेन्दीवर-कान्तिम् इन्दु-वदनं बर्हावतंस-प्रियं श्री-वत्साङ्कम् उदार-कौस्तुभ-धरं पीताम्बरं सुन्दरम् । गोपीनां नयनोत्पलार्चित-तनुं गो-गोप-सङ्घावृतं गोविन्दं कल-वेणु-वादन-परं दिव्याङ्ग-भूषं भजे
śrī-śaṅkarasya || atha śrī-kṛṣṇadhyānam | phullendīvara-kāntim indu-vadanaṃ barhāvataṃsa-priyaṃ śrī-vatsāṅkam udāra-kaustubha-dharaṃ pītāmbaraṃ sundaram | gopīnāṃ nayanotpalārcita-tanuṃ go-gopa-saṅghāvṛtaṃ govindaṃ kala-veṇu-vādana-paraṃ divyāṅga-bhūṣaṃ bhaje
Sanskrit only: no published translation is held for this verse.
श्री-शारदाकारस्य ॥ [क्क् ३।८२; कृष्णस् १०६ (प्४९फ़्न्) अत्त्रिबुतेद् तो मृत्यु-सञ्जय-तन्त्र; इबिद्। ह्ब्व् ३।११४ (सारदा-तिलके च)। इन् र्क्अद् तो स्वायम्भुवागम।] अंसालम्बित-वाम-कुण्डल-धरं मन्दोन्नत-भ्रू-लतं किञ्चित्-कुञ्चित-कोमलाधर-पुटं साचि-प्रसारेक्षणम् । आलोलाङ्गुलि-पल्लवैर् मुरलिकाम् आपूरयन्तं मुदा मुले कल्प-तरोस् त्रिभङ्ग-ललितं ध्यायेज् जगन्-मोहनम्
śrī-śāradākārasya || [KK 3.82; KṛṣṇaS 106 (p49fn) attributed to Mṛtyu-sañjaya-tantra; ibid. HBV 3.114 (sāradā-tilake ca). In RKAD to Svāyambhuvāgama.] aṃsālambita-vāma-kuṇḍala-dharaṃ mandonnata-bhrū-lataṃ kiñcit-kuñcita-komalādhara-puṭaṃ sāci-prasārekṣaṇam | ālolāṅguli-pallavair muralikām āpūrayantaṃ mudā mule kalpa-taros tribhaṅga-lalitaṃ dhyāyej jagan-mohanam
Sanskrit only: no published translation is held for this verse.
कस्यचित् ॥ (क्क् २।१०२) अधरे विनिहित-वंशं चम्पक-कुसुमेन कल्पितोत्तंसम् । विनतं दधानम् अंसं वामं सततं नमामि जितकंसम्
kasyacit || (KK 2.102) adhare vinihita-vaṃśaṃ campaka-kusumena kalpitottaṃsam | vinataṃ dadhānam aṃsaṃ vāmaṃ satataṃ namāmi jitakaṃsam
Sanskrit only: no published translation is held for this verse.
श्री-पुरुषोत्तम-देवस्य । व्यत्यस्त-पाद-कमलं ललित-त्रिभङ्गी- सौभाग्यम् अंस-विरलीकृत-केश-पाशम् । पिञ्छावतंसम् उररीकृत-वंश-नालम् अव्याज-मोहनम् उपैमि कृपा-विशेषम्
śrī-puruṣottama-devasya | vyatyasta-pāda-kamalaṃ lalita-tribhaṅgī- saubhāgyam aṃsa-viralīkṛta-keśa-pāśam | piñchāvataṃsam urarīkṛta-vaṃśa-nālam avyāja-mohanam upaimi kṛpā-viśeṣam
Sanskrit only: no published translation is held for this verse.
श्री-नारदस्य । अथ भक्त-वात्सल्यम् । अतन्द्रित-चमू-पति-प्रहित-हस्तम् अस्वीकृत- प्रणीत-मणि-पादुकं किम् इति विस्मृतान्तः पुरम् । अवाहन-परिष्क्रियं पतग-राजम् आरोहतः करि-प्रवर-बृंहिते भगवतस् त्वरायै नमः
śrī-nāradasya | atha bhakta-vātsalyam | atandrita-camū-pati-prahita-hastam asvīkṛta- praṇīta-maṇi-pādukaṃ kim iti vismṛtāntaḥ puram | avāhana-pariṣkriyaṃ pataga-rājam ārohataḥ kari-pravara-bṛṃhite bhagavatas tvarāyai namaḥ
Sanskrit only: no published translation is held for this verse.
श्री-दाक्षिणात्यस्य । श्री-द्रौपदी-त्राणे तद्-वाक्यम् । तमसि रविर् इवोद्यन्-मज्जताम् अप्लवानां प्लव इव तृषितानां स्वादु-वऋसीव मेघः । निधिर् इव निधनानां तीव्र-दुःखामयानां भिषग् इव कुशलं नो दातुम् आयाति शौरिः
śrī-dākṣiṇātyasya | śrī-draupadī-trāṇe tad-vākyam | tamasi ravir ivodyan-majjatām aplavānāṃ plava iva tṛṣitānāṃ svādu-vaṛsīva meghaḥ | nidhir iva nidhanānāṃ tīvra-duḥkhāmayānāṃ bhiṣag iva kuśalaṃ no dātum āyāti śauriḥ
Sanskrit only: no published translation is held for this verse.
श्री-व्यास-पादानाम् । अथ तद्-भक्तानां माहात्म्यम् । प्रह्लाद-नारद-पराशर-पुण्डरीक- व्यासाम्बरीष-शुक-शौनक-भीष्म-दाल्भ्यान् । रुक्माङ्गदोद्धव-विभीषण-फाल्गुनादीन् पुण्यानिमान् परमभागवतान् नमामि
śrī-vyāsa-pādānām | atha tad-bhaktānāṃ māhātmyam | prahlāda-nārada-parāśara-puṇḍarīka- vyāsāmbarīṣa-śuka-śaunaka-bhīṣma-dālbhyān | rukmāṅgadoddhava-vibhīṣaṇa-phālgunādīn puṇyānimān paramabhāgavatān namāmi
Sanskrit only: no published translation is held for this verse.
श्री-दाक्षिणात्यस्य ॥ श्री-विष्णोः श्रवणे परीक्षिद् अभवद् वैयासकिः कीर्तने प्रह्लादः स्मरणे तद्-अङ्घ्रि-भजने लक्ष्मीः पृथुः पूजने । अक्रूरस् त्व् अभिवन्दने कपि-पतिर् दास्ये ऽथ सख्ये ऽर्जुनः सर्वस्वात्म-निवेदने बलिर् अभूत् कृष्णाप्तिर् एषां परा
śrī-dākṣiṇātyasya || śrī-viṣṇoḥ śravaṇe parīkṣid abhavad vaiyāsakiḥ kīrtane prahlādaḥ smaraṇe tad-aṅghri-bhajane lakṣmīḥ pṛthuḥ pūjane | akrūras tv abhivandane kapi-patir dāsye 'tha sakhye 'rjunaḥ sarvasvātma-nivedane balir abhūt kṛṣṇāptir eṣāṃ parā
Sanskrit only: no published translation is held for this verse.
कस्यचित् ॥ (च्च् २।२२।१३६; ब्र्स् १।२।३६५) तेभ्यो नमोऽस्तु भव-वारिधि-जीर्ण-पङ्क- संलग्न-मोक्षण-विचक्षण-पादुकेभ्यः । कृष्णेति वर्ण-युगल-श्रवणेन येषाम् आनन्दथुर् भवति नर्तित-रोम-वृन्दः
kasyacit || (CC 2.22.136; BRS 1.2.365) tebhyo namo'stu bhava-vāridhi-jīrṇa-paṅka- saṃlagna-mokṣaṇa-vicakṣaṇa-pādukebhyaḥ | kṛṣṇeti varṇa-yugala-śravaṇena yeṣām ānandathur bhavati nartita-roma-vṛndaḥ
Sanskrit only: no published translation is held for this verse.
औत्कलस्य ॥ हरि-स्मृत्याह्लाद-स्तिमित-मनसो यस्य कृतिनः स-रोमाञ्चः कायो नयनम् अपि सानन्द-सलिलम् । तम् एवाचन्द्रार्कं वह पुरुष-धौरेयम् अवने किम् अन्यैस् तैर् भारैर् यम-सदन-गत्यागति-परैः
autkalasya || hari-smṛtyāhlāda-stimita-manaso yasya kṛtinaḥ sa-romāñcaḥ kāyo nayanam api sānanda-salilam | tam evācandrārkaṃ vaha puruṣa-dhaureyam avane kim anyais tair bhārair yama-sadana-gatyāgati-paraiḥ
Sanskrit only: no published translation is held for this verse.
श्री-सर्वानन्दस्य । त्वद्-भक्तः सरितां पतिं चुलुकवत् खद्योतवद् भास्करं मेरुं पश्यति लोष्ट्रवत् किम् अपरं भूमेः पतिं भृत्यवत् । चिन्तारत्न-चयं शिला-शकलवत् कल्प-द्रुमं काष्ठवत् संसारं तृण-राशिवत् किम् अपरं देहं निजं भारवत्
śrī-sarvānandasya | tvad-bhaktaḥ saritāṃ patiṃ culukavat khadyotavad bhāskaraṃ meruṃ paśyati loṣṭravat kim aparaṃ bhūmeḥ patiṃ bhṛtyavat | cintāratna-cayaṃ śilā-śakalavat kalpa-drumaṃ kāṣṭhavat saṃsāraṃ tṛṇa-rāśivat kim aparaṃ dehaṃ nijaṃ bhāravat
Sanskrit only: no published translation is held for this verse.
श्री-सर्वज्ञस्य । मीमांसा-रजसा मलीमस-दृशां तावन् न धीर् ईश्वरे गर्वोदर्क-कुतर्क-कर्कश-धियां दूरेऽपि वार्ता हरेः । जानन्तोऽपि न जानते श्रुति-सुखं श्री-रङ्गि-सङ्गाद् ऋते सुस्वादुं परिवेषयन्त्य् अपि रसं गुर्वी न दर्वी स्पृशेत्
śrī-sarvajñasya | mīmāṃsā-rajasā malīmasa-dṛśāṃ tāvan na dhīr īśvare garvodarka-kutarka-karkaśa-dhiyāṃ dūre'pi vārtā hareḥ | jānanto'pi na jānate śruti-sukhaṃ śrī-raṅgi-saṅgād ṛte susvāduṃ pariveṣayanty api rasaṃ gurvī na darvī spṛśet
Sanskrit only: no published translation is held for this verse.
श्री-माधव-सरस्वती-पादानाम् । ज्ञानावलम्बकाः केचित् केचित् कर्मावलम्बकाः । वयं तु हरि-दासानां पाद-त्राणावलम्बकाः
śrī-mādhava-sarasvatī-pādānām | jñānāvalambakāḥ kecit kecit karmāvalambakāḥ | vayaṃ tu hari-dāsānāṃ pāda-trāṇāvalambakāḥ
Sanskrit only: no published translation is held for this verse.
कस्यचित् । अथ भक्तानां दैन्योक्तिः नामानि प्रणयेन ते सुकृतिनां तन्वन्ति तुण्डोत्सवं धामानि प्रथयन्ति हन्त जलदश्यामानि नेत्राञ्जनम् । सामानि श्रुतिशुष्कलीं मुरलिकाजातान्यलंकुर्वते कामानिर्वृतचेतसाम् अपि विभो नाशापि नः शोभते
kasyacit | atha bhaktānāṃ dainyoktiḥ nāmāni praṇayena te sukṛtināṃ tanvanti tuṇḍotsavaṃ dhāmāni prathayanti hanta jaladaśyāmāni netrāñjanam | sāmāni śrutiśuṣkalīṃ muralikājātānyalaṃkurvate kāmānirvṛtacetasām api vibho nāśāpi naḥ śobhate
Sanskrit only: no published translation is held for this verse.
समाहर्तुः ॥ संसाराम्भसि सम्भृत-भ्रम-भरे गम्भीर-ताप-त्रय- ग्राहेणाभिगृहीतम् उग्रगतिना क्रोशन्तम् अन्तर्-भयात् । दीप्रेणाद्य सुदर्शनेन विबुध-क्लान्ति-च्छिदाकारिणा चिन्ता-सन्तति-रुद्धम् उद्धर हरे मच्-चित्त-दन्तीश्वरम्
samāhartuḥ || saṃsārāmbhasi sambhṛta-bhrama-bhare gambhīra-tāpa-traya- grāheṇābhigṛhītam ugragatinā krośantam antar-bhayāt | dīpreṇādya sudarśanena vibudha-klānti-cchidākāriṇā cintā-santati-ruddham uddhara hare mac-citta-dantīśvaram
Sanskrit only: no published translation is held for this verse.
समाहर्तुः ॥ विवृत-विविध-बाधे भ्रान्ति-वेगाद् अगाधे बलवति भव-पूरे मज्जतो मे विदूरे । अशरण-गण-बन्धो हा कृपा-कौमुदीन्दो सकृद् अकृत-विलम्बं देहि हस्तावलम्बम्
samāhartuḥ || vivṛta-vividha-bādhe bhrānti-vegād agādhe balavati bhava-pūre majjato me vidūre | aśaraṇa-gaṇa-bandho hā kṛpā-kaumudīndo sakṛd akṛta-vilambaṃ dehi hastāvalambam
Sanskrit only: no published translation is held for this verse.
समाहर्तुः । नृत्यन् वायु-विघूर्णितैः स्व-विटपैर् गायन्न् अलीनां रुतैर् मुञ्चन्न् अश्रु मरन्द-बिन्दुभिर् अलं रोमाञ्चवान् अङ्कुरैः । माकन्दोऽपि मुकुन्द मूर्च्छति तव स्मृत्या तु वृन्दावने ब्रूहि प्राणसमान चेतसि कथं नामापि नायाति ते
samāhartuḥ | nṛtyan vāyu-vighūrṇitaiḥ sva-viṭapair gāyann alīnāṃ rutair muñcann aśru maranda-bindubhir alaṃ romāñcavān aṅkuraiḥ | mākando'pi mukunda mūrcchati tava smṛtyā tu vṛndāvane brūhi prāṇasamāna cetasi kathaṃ nāmāpi nāyāti te
Sanskrit only: no published translation is held for this verse.
श्री- ईश्वरपुरीपादानाम् । या द्रौपदी-परित्राणे या गजेन्द्रस्य मोक्षणे । मय्य् आर्ते करुणामूर्ते सा त्वरा क्व गता हरे
śrī- īśvarapurīpādānām | yā draupadī-paritrāṇe yā gajendrasya mokṣaṇe | mayy ārte karuṇāmūrte sā tvarā kva gatā hare
Sanskrit only: no published translation is held for this verse.
श्री- औत्कलस्य दीन-बन्धुर् इति नाम ते स्मरन् यादवेन्द्र पतितोऽहम् उत्सहे । भक्त-वत्सलतया त्वयि श्रुते मामकं हृदयम् आशु कम्पते
śrī- autkalasya dīna-bandhur iti nāma te smaran yādavendra patito'ham utsahe | bhakta-vatsalatayā tvayi śrute māmakaṃ hṛdayam āśu kampate
Sanskrit only: no published translation is held for this verse.
श्री-जगन्नाथसेनस्य । स्तावकास् तव चतुर्मुखादयो भावकास् तु भगवन् भवादयः । सेवकाः शतमुखादयः सुरा वासुदेव यदि के तदा वयम्
śrī-jagannāthasenasya | stāvakās tava caturmukhādayo bhāvakās tu bhagavan bhavādayaḥ | sevakāḥ śatamukhādayaḥ surā vāsudeva yadi ke tadā vayam
Sanskrit only: no published translation is held for this verse.
श्री-धनञ्जयस्य । परम-कारुणिको न भवत्-परः परम-शोच्यतमो न च मत्-परः । इति विचिन्त्य हरेः मयि पामरे यद् उचितं यदुनाथ तद् आचर
śrī-dhanañjayasya | parama-kāruṇiko na bhavat-paraḥ parama-śocyatamo na ca mat-paraḥ | iti vicintya hareḥ mayi pāmare yad ucitaṃ yadunātha tad ācara
Sanskrit only: no published translation is held for this verse.
कस्यचित् । भवोद्भव-क्लेश-कशा-शताहतः परिभ्रमन्न् इन्द्रिय-कापथान्तरे । नियम्यतां माधव मे मनो-हयस् त्वद्-अङ्घ्रि-शङ्कौ दृढ-भक्ति-बन्धने
kasyacit | bhavodbhava-kleśa-kaśā-śatāhataḥ paribhramann indriya-kāpathāntare | niyamyatāṃ mādhava me mano-hayas tvad-aṅghri-śaṅkau dṛḍha-bhakti-bandhane
Sanskrit only: no published translation is held for this verse.
कस्यचित् । न ध्यातोऽसि न कीर्तितोऽसि न मनाग् आराधितोऽसि प्रभो नो जन्मान्तर-गोचरे तव पदाम्भोजे च भक्तिः कृता । तेनाहं बहु-दुःख-भाजनतया प्राप्तो दशाम् ईदृशीं त्वं कारुण्य-निधे विधेहि करुणां श्री-कृष्ण दीने मयि
kasyacit | na dhyāto'si na kīrtito'si na manāg ārādhito'si prabho no janmāntara-gocare tava padāmbhoje ca bhaktiḥ kṛtā | tenāhaṃ bahu-duḥkha-bhājanatayā prāpto daśām īdṛśīṃ tvaṃ kāruṇya-nidhe vidhehi karuṇāṃ śrī-kṛṣṇa dīne mayi
Sanskrit only: no published translation is held for this verse.
श्री-शङ्करस्य । शरणम् असि हरे प्रभो मुरारे जय मधुसूदन वासुदेव विष्णो निरवधि-कलुषौघ-कारिणं मां गति-रहितं जगदीश रक्ष रक्ष
śrī-śaṅkarasya | śaraṇam asi hare prabho murāre jaya madhusūdana vāsudeva viṣṇo niravadhi-kaluṣaugha-kāriṇaṃ māṃ gati-rahitaṃ jagadīśa rakṣa rakṣa
Sanskrit only: no published translation is held for this verse.
कस्यचित् ॥ दिनादौ मुरारे निशादौ मुरारे दिनार्धे मुरारे निशार्धे मुरारे । दिनान्ते मुरारे निशान्ते मुरारे त्वम् एको गतिर् नस् त्वम् एको गतिर् नः
kasyacit || dinādau murāre niśādau murāre dinārdhe murāre niśārdhe murāre | dinānte murāre niśānte murāre tvam eko gatir nas tvam eko gatir naḥ
Sanskrit only: no published translation is held for this verse.
श्री-दाक्षिणात्यस्य ॥ अयि नन्द-तनुज किङ्करं पतितं मां विषमे भवाम्बुधौ कृपया तव पाद-पङ्कज- स्थित-धूली-सदृशं विचिन्तय
śrī-dākṣiṇātyasya || ayi nanda-tanuja kiṅkaraṃ patitaṃ māṃ viṣame bhavāmbudhau kṛpayā tava pāda-paṅkaja- sthita-dhūlī-sadṛśaṃ vicintaya
Sanskrit only: no published translation is held for this verse.
श्री-भगवतः । (च्च् ३।२०।३२) अथ भक्तानां निष्ठा न वयं कवयो न तार्किका न च वेदान्तनितान्तपारगाः । न च वादिनिवारकाः परं कपटाभीरकिशोरकिङ्कराः
śrī-bhagavataḥ | (CC 3.20.32) atha bhaktānāṃ niṣṭhā na vayaṃ kavayo na tārkikā na ca vedāntanitāntapāragāḥ | na ca vādinivārakāḥ paraṃ kapaṭābhīrakiśorakiṅkarāḥ
Sanskrit only: no published translation is held for this verse.
श्री-सार्वभौम-भट्टाचार्याणाम् ॥ परिवदतु जनो यथा तथा वा ननु मुखरो न वयं विचारयामः हरि-रस-मदिरा मदातिमत्ता भुवि विलुठाम नटाम निर्विशाम
śrī-sārvabhauma-bhaṭṭācāryāṇām || parivadatu jano yathā tathā vā nanu mukharo na vayaṃ vicārayāmaḥ hari-rasa-madirā madātimattā bhuvi viluṭhāma naṭāma nirviśāma
Sanskrit only: no published translation is held for this verse.
तेषाम् एव ॥ (ब्र्स् २।२।१५) नाहं विप्रो न च नरपतिर् नापि वैश्यो न शूद्रो नाहं वर्णी न च गृहपतिर् नो वनस्थो यतिर् वा । किन्तु प्रोद्यन्-निखिल-परमानन्द-पूर्णामृताब्धेर् गोपी-भर्तुः पद-कमलयोर् दास-दासानुदासः
teṣām eva || (BRS 2.2.15) nāhaṃ vipro na ca narapatir nāpi vaiśyo na śūdro nāhaṃ varṇī na ca gṛhapatir no vanastho yatir vā | kintu prodyan-nikhila-paramānanda-pūrṇāmṛtābdher gopī-bhartuḥ pada-kamalayor dāsa-dāsānudāsaḥ
Sanskrit only: no published translation is held for this verse.
श्री-भगवतः । (च्च् २।१३।८०) धन्यानां हृदि भासतां गिरि-वर-प्रत्यग्र-कुञ्जौकसां सत्यानन्द-रसं विकार-विभव-व्यावृत्तम् अन्तर्-महः । अस्माकं किल वल्लवी-रति-रसो वृन्दाटवी-लालसो गोपः कोऽपि महेन्द्र-नील-रुचिरश् चित्ते मुहुः क्रीडतु
śrī-bhagavataḥ | (CC 2.13.80) dhanyānāṃ hṛdi bhāsatāṃ giri-vara-pratyagra-kuñjaukasāṃ satyānanda-rasaṃ vikāra-vibhava-vyāvṛttam antar-mahaḥ | asmākaṃ kila vallavī-rati-raso vṛndāṭavī-lālaso gopaḥ ko'pi mahendra-nīla-ruciraś citte muhuḥ krīḍatu
Sanskrit only: no published translation is held for this verse.
श्री- ईश्वर-पुरीपादानाम् । रसं प्रशंसन्तु कविता-निष्ठा ब्रह्मामृतं वेद-शिरो-निविष्ठाः । वयं तु गुञ्जाकलितावतंसं गृहीत-वंशं कम् अपि श्रयामः
śrī- īśvara-purīpādānām | rasaṃ praśaṃsantu kavitā-niṣṭhā brahmāmṛtaṃ veda-śiro-niviṣṭhāḥ | vayaṃ tu guñjākalitāvataṃsaṃ gṛhīta-vaṃśaṃ kam api śrayāmaḥ
Sanskrit only: no published translation is held for this verse.
श्री-यादवेन्द्र-पुरीपादानाम् ॥ ध्यानातीतं किम् अपि परमं ये तु जानन्ति तत्त्वं तेषाम् आस्तां हृदय-कुहरे शुद्ध-चिन्मात्र आत्मा । अस्माकं तु प्रकृति-मधुरः स्मेर-वक्त्रारविन्दो मेघ-श्यामः कनक-परिधिः पङ्कजाक्षोऽयम् आत्मा
śrī-yādavendra-purīpādānām || dhyānātītaṃ kim api paramaṃ ye tu jānanti tattvaṃ teṣām āstāṃ hṛdaya-kuhare śuddha-cinmātra ātmā | asmākaṃ tu prakṛti-madhuraḥ smera-vaktrāravindo megha-śyāmaḥ kanaka-paridhiḥ paṅkajākṣo'yam ātmā
Sanskrit only: no published translation is held for this verse.
श्री-कवि-रत्नस्य ॥ (ब्र्स् ३।२।२८) जातु प्रार्थयते न पार्थिव-पदं नेन्द्रे पदे मोदते सन्धत्ते न च योग-सिद्धिषु धियं मोक्षं च नाकाङ्क्षति । कालिन्दी-वन-सीमनि स्थिर-तडिन्-मेघ-दूतौ केवलं शुद्धे ब्रह्मणि वल्लवी-भुज-लता-बद्धे मनो धावति
śrī-kavi-ratnasya || (BRS 3.2.28) jātu prārthayate na pārthiva-padaṃ nendre pade modate sandhatte na ca yoga-siddhiṣu dhiyaṃ mokṣaṃ ca nākāṅkṣati | kālindī-vana-sīmani sthira-taḍin-megha-dūtau kevalaṃ śuddhe brahmaṇi vallavī-bhuja-latā-baddhe mano dhāvati
Sanskrit only: no published translation is held for this verse.
तस्यैव ॥ सन्ध्या-वन्दन भद्रम् अस्तु भवतो भोः स्नान तुभ्यं नमो भो देवाः पितरश् च तर्पण-विधौ नाहं क्षमः क्षम्यताम् । यत्र क्वापि निषद्य यादव-कुलोत्तमस्य कंस-द्विषः स्मारं स्मारम् अघं हरामि तद् अलं मन्ये किम् अन्येन मे
tasyaiva || sandhyā-vandana bhadram astu bhavato bhoḥ snāna tubhyaṃ namo bho devāḥ pitaraś ca tarpaṇa-vidhau nāhaṃ kṣamaḥ kṣamyatām | yatra kvāpi niṣadya yādava-kulottamasya kaṃsa-dviṣaḥ smāraṃ smāram aghaṃ harāmi tad alaṃ manye kim anyena me
Sanskrit only: no published translation is held for this verse.
श्री-माधवेन्द्र-पुरी-पादानाम् ॥ देवकी-तनय-सेवकीभवन् यो भवानि स भवानि किं ततः । उत्पथे क्वचन सत्पथेऽपि वा मानसं व्रजतु दैव-देशितं
śrī-mādhavendra-purī-pādānām || devakī-tanaya-sevakībhavan yo bhavāni sa bhavāni kiṃ tataḥ | utpathe kvacana satpathe'pi vā mānasaṃ vrajatu daiva-deśitaṃ
Sanskrit only: no published translation is held for this verse.
कस्यचित् ॥ मुग्धं मां निगदन्तु नीति-निपुणा भ्रान्तं मुहुर् वैदिकाः मन्दं बान्धव-सञ्चया जड-धियं मुक्तादराः सोदराः । उन्मत्तं धनिनो विवेक-चतुराः कामं महा-दाम्भिकं मोक्तुं न क्षमते मनाग् अपि मनो गोविन्द-पाद-स्पृहाम्
kasyacit || mugdhaṃ māṃ nigadantu nīti-nipuṇā bhrāntaṃ muhur vaidikāḥ mandaṃ bāndhava-sañcayā jaḍa-dhiyaṃ muktādarāḥ sodarāḥ | unmattaṃ dhanino viveka-caturāḥ kāmaṃ mahā-dāmbhikaṃ moktuṃ na kṣamate manāg api mano govinda-pāda-spṛhām
Sanskrit only: no published translation is held for this verse.
श्री-माधवस्य ॥ श्यामम् एव परं रूपं पुरी मधु-पुरी वरा । वयः कैशोरकं ध्येयम् आद्य एव परो रसः
śrī-mādhavasya || śyāmam eva paraṃ rūpaṃ purī madhu-purī varā | vayaḥ kaiśorakaṃ dhyeyam ādya eva paro rasaḥ
Sanskrit only: no published translation is held for this verse.
रघुपत्युपाध्यायस्य । (च्च् २।१९।१०६) पुरतः स्फुरतु विमुक्तिश् चिरम् इह राज्यं करोतु वैराज्यम् । पशुपाल-बालक-पतेः सेवाम् एवाभिवाञ्छामि
raghupatyupādhyāyasya | (CC 2.19.106) purataḥ sphuratu vimuktiś ciram iha rājyaṃ karotu vairājyam | paśupāla-bālaka-pateḥ sevām evābhivāñchāmi
Sanskrit only: no published translation is held for this verse.
श्री-सुरोत्तमाचार्यस्य ॥ क्षौणी-पतित्वम् अथवैकम् अकिञ्चनत्वं नित्यं ददासि बहु-मानम् अथापमानम् । वैकुण्ठ-वासम् अथवा नरके निवासं हा वासुदेव मम नास्ति गतिस् त्वद्-अन्या
śrī-surottamācāryasya || kṣauṇī-patitvam athavaikam akiñcanatvaṃ nityaṃ dadāsi bahu-mānam athāpamānam | vaikuṇṭha-vāsam athavā narake nivāsaṃ hā vāsudeva mama nāsti gatis tvad-anyā
Sanskrit only: no published translation is held for this verse.
श्री-गर्भकवीन्द्रस्य ॥ दिशतु स्वाराज्यं वा वितरतु ताप-त्रयं वापि । सुखितं दुःखितम् अपि मां न विमुञ्चतु केशवः
śrī-garbhakavīndrasya || diśatu svārājyaṃ vā vitaratu tāpa-trayaṃ vāpi | sukhitaṃ duḥkhitam api māṃ na vimuñcatu keśavaḥ
Sanskrit only: no published translation is held for this verse.
श्री-कविराजमिश्रस्य ॥ अथ भक्तानां सोत्कण्ठाप्रार्थना । नन्दनन्दन-पदारविन्दयोः स्यन्दमान-मकरन्द-बिन्दवः । सिन्धवः परम-सौख्य-सम्पदां नन्दयन्तु हृदयं ममानिशम्
śrī-kavirājamiśrasya || atha bhaktānāṃ sotkaṇṭhāprārthanā | nandanandana-padāravindayoḥ syandamāna-makaranda-bindavaḥ | sindhavaḥ parama-saukhya-sampadāṃ nandayantu hṛdayaṃ mamāniśam
Sanskrit only: no published translation is held for this verse.
श्री-कराचार्याणाम् । इह वत्सान् समचारयद् इह नः स्वामी जगौ वंशीम् । इति सास्रं गदतो मे यमुनातीरे दिनं यायात्
śrī-karācāryāṇām | iha vatsān samacārayad iha naḥ svāmī jagau vaṃśīm | iti sāsraṃ gadato me yamunātīre dinaṃ yāyāt
Sanskrit only: no published translation is held for this verse.
श्री-रघुपत्युपाध्यायस्य । अनुशीलन-कुञ्ज-वाटिकायां जघनालम्बित-पीत-शाटिकायाम् । मुरली-कल-कूजिते रतायां मम चेतोऽस्तु कदम्ब-देवतायाम्
śrī-raghupatyupādhyāyasya | anuśīlana-kuñja-vāṭikāyāṃ jaghanālambita-pīta-śāṭikāyām | muralī-kala-kūjite ratāyāṃ mama ceto'stu kadamba-devatāyām
Sanskrit only: no published translation is held for this verse.
श्री-गोविन्दस्य । आरक्त-दीर्घ-नयनो नयनाभिरामः कन्दर्प-कोटि-ललितं वपुर् आदधानः । भूयात् स मेऽद्य हृदयाम्बुरुहाधिवर्ती वृन्दाटवी-नगर-नागर-चक्रवर्ती
śrī-govindasya | ārakta-dīrgha-nayano nayanābhirāmaḥ kandarpa-koṭi-lalitaṃ vapur ādadhānaḥ | bhūyāt sa me'dya hṛdayāmburuhādhivartī vṛndāṭavī-nagara-nāgara-cakravartī
Sanskrit only: no published translation is held for this verse.
श्री-भवानन्दस्य । लावण्यामृत-वन्या मधुरिम-लहरी-परीपाकः । कारुण्यानां हृदयं कपट-किशोरः परिस्फुरतु
śrī-bhavānandasya | lāvaṇyāmṛta-vanyā madhurima-laharī-parīpākaḥ | kāruṇyānāṃ hṛdayaṃ kapaṭa-kiśoraḥ parisphuratu
Sanskrit only: no published translation is held for this verse.
श्री-सार्वभौम-भट्टाचार्याणाम् । भवन्तु तत्र जन्मानि यत्र ते मुरलीकलः । कर्णपेयस्त्वम् आयाति किं मे निर्वाणवार्तया
śrī-sārvabhauma-bhaṭṭācāryāṇām | bhavantu tatra janmāni yatra te muralīkalaḥ | karṇapeyastvam āyāti kiṃ me nirvāṇavārtayā
Sanskrit only: no published translation is held for this verse.
तेषम् एव । आस्वाद्यं प्रमदारद-च्छदम् इव श्रव्यं नवं जल्पितं बालाया इव दृश्यम् उत्तम-वधू-लावण्य-लक्ष्मीर् इव । प्रोद्घोष्यं चिर-विप्रयुक्त-वनिता-सन्देश-वाणीव मे नैवेद्यं चरितं च रूपम् अनिशं श्री-कृष्ण नामास्तु मे
teṣam eva | āsvādyaṃ pramadārada-cchadam iva śravyaṃ navaṃ jalpitaṃ bālāyā iva dṛśyam uttama-vadhū-lāvaṇya-lakṣmīr iva | prodghoṣyaṃ cira-viprayukta-vanitā-sandeśa-vāṇīva me naivedyaṃ caritaṃ ca rūpam aniśaṃ śrī-kṛṣṇa nāmāstu me
Sanskrit only: no published translation is held for this verse.
केषांचित् । नयनं गलद्-अश्रु-धारया वदनं गद्गद-रुद्धया गिरा । पुलकैर् निचितं वपुः कदा तव नाम-ग्रहणे भविष्यति
keṣāṃcit | nayanaṃ galad-aśru-dhārayā vadanaṃ gadgada-ruddhayā girā | pulakair nicitaṃ vapuḥ kadā tava nāma-grahaṇe bhaviṣyati
Sanskrit only: no published translation is held for this verse.
श्री-भगवतः । (च्च् ३।२०।३६) न धनं न जनं न सुन्दरीं कवितां वा जगद्-ईश कामये मम जन्मनि जन्मनीश्वरे भवताद् भक्तिर् अहैतुकी त्वयि
śrī-bhagavataḥ | (CC 3.20.36) na dhanaṃ na janaṃ na sundarīṃ kavitāṃ vā jagad-īśa kāmaye mama janmani janmanīśvare bhavatād bhaktir ahaitukī tvayi
Sanskrit only: no published translation is held for this verse.
तस्यैव । (च्च् ३।२०।२९) गोवर्धन-प्रस्थ-नवाम्बुवाहः कलिन्द-कन्या-नव-नील-पद्मम् । वृन्दावनोदार-तमाल-शाखी ताप-त्रयस्याभिनवं करोतु
tasyaiva | (CC 3.20.29) govardhana-prastha-navāmbuvāhaḥ kalinda-kanyā-nava-nīla-padmam | vṛndāvanodāra-tamāla-śākhī tāpa-trayasyābhinavaṃ karotu
Sanskrit only: no published translation is held for this verse.
श्री-गौडीयस्य । अनङ्ग-रस-चातुरी-चपल-चारु-नेत्राञ्चलश् चलन्-मकर-कुण्डल-स्फुरित-कान्ति-गण्ड-स्थलः । व्रजोल्लसित-नागरी-निकर-रास-लास्योत्सुकः स मे सपदि मानसे स्फुरतु कोऽपि गोपालकः
śrī-gauḍīyasya | anaṅga-rasa-cāturī-capala-cāru-netrāñcalaś calan-makara-kuṇḍala-sphurita-kānti-gaṇḍa-sthalaḥ | vrajollasita-nāgarī-nikara-rāsa-lāsyotsukaḥ sa me sapadi mānase sphuratu ko'pi gopālakaḥ
Sanskrit only: no published translation is held for this verse.
श्री-माधवेन्द्र-पुरीपादानाम् । अथ भक्तानाम् उत्कण्ठा । श्रुतयः पलालकल्पाः किम् इह वयं साम्प्रतं चिनुमः । आह्रियत पुरैव नयनैर् आभीरीभिः परं ब्रह्म
śrī-mādhavendra-purīpādānām | atha bhaktānām utkaṇṭhā | śrutayaḥ palālakalpāḥ kim iha vayaṃ sāmprataṃ cinumaḥ | āhriyata puraiva nayanair ābhīrībhiḥ paraṃ brahma
Sanskrit only: no published translation is held for this verse.
श्री-रघुपत्युपाध्ययस्य ॥ कं प्रति कथयितुम् ईशे सम्प्रति को वा प्रतीतिम् आयातु गो-पति-तनया-कुञ्जे गोप-वधृंई-विंअं ब्रह्म
śrī-raghupatyupādhyayasya || kaṃ prati kathayitum īśe samprati ko vā pratītim āyātu go-pati-tanayā-kuñje gopa-vadhṚṃī-viṃaṃ brahma
Sanskrit only: no published translation is held for this verse.
तस्यैव ॥(च्च् २।१९।९८) ज्ञातं काण-भुजं मतं परिचितैवान्वीक्षिकी शिक्षिता मीमांसा विदितैव साङ्ख्य-सरणिर् योगे वितीर्णा मतिः । वेदान्तां परिशीलिताः सरभसं किं तु स्फुरन्-माधुरी- धारा काचन नन्दसूनु-मुरली मच्-चित्तम् आकर्षति
tasyaiva ||(CC 2.19.98) jñātaṃ kāṇa-bhujaṃ mataṃ paricitaivānvīkṣikī śikṣitā mīmāṃsā viditaiva sāṅkhya-saraṇir yoge vitīrṇā matiḥ | vedāntāṃ pariśīlitāḥ sarabhasaṃ kiṃ tu sphuran-mādhurī- dhārā kācana nandasūnu-muralī mac-cittam ākarṣati
Sanskrit only: no published translation is held for this verse.
श्री-सार्वभौम-भट्टाचार्याणाम् । अमरी-मुख-सीधु-माधुरीणां लहरी काचन चातुरी कलानाम् । तरलीकुरुते मनो मदीयं मुरली-नाद-परम्परा मुरारेः
śrī-sārvabhauma-bhaṭṭācāryāṇām | amarī-mukha-sīdhu-mādhurīṇāṃ laharī kācana cāturī kalānām | taralīkurute mano madīyaṃ muralī-nāda-paramparā murāreḥ
Sanskrit only: no published translation is held for this verse.
तेषाम् एव । अपहरति मनो मे कोऽप्य् अयं कृष्ण-चौरः प्रणत-दुरित-चोरः पूतना-प्राण-चौरः । वलय-वसन-चौरो बाल-गोपी-जनानां नयन-हृदय-चौरः पश्यताम् सज्जनानाम्
teṣām eva | apaharati mano me ko'py ayaṃ kṛṣṇa-cauraḥ praṇata-durita-coraḥ pūtanā-prāṇa-cauraḥ | valaya-vasana-cauro bāla-gopī-janānāṃ nayana-hṛdaya-cauraḥ paśyatām sajjanānām
Sanskrit only: no published translation is held for this verse.
कस्यचित् । अलं त्रि-दिव-वार्तया किम् इति सार्वभौम-श्रिया विदूरतर-वर्तिनी भवतु मोक्ष-लक्ष्मीर् अपि । कलिन्द-गिरि-नन्दिनी-तट-निकुञ्ज-पुञ्जोदरे मनो हरति केवलं नव-तमाल-नीलं महः
kasyacit | alaṃ tri-diva-vārtayā kim iti sārvabhauma-śriyā vidūratara-vartinī bhavatu mokṣa-lakṣmīr api | kalinda-giri-nandinī-taṭa-nikuñja-puñjodare mano harati kevalaṃ nava-tamāla-nīlaṃ mahaḥ
Sanskrit only: no published translation is held for this verse.
श्री-हरि-दासस्य । अवलोकितमनुमोदितम् आलिङ्गितम् अङ्गनाभिर् अनुरागैः । अधिवृन्दावन-कुञ्जं मरकत-पुञ्जं नमस्यामः
śrī-hari-dāsasya | avalokitamanumoditam āliṅgitam aṅganābhir anurāgaiḥ | adhivṛndāvana-kuñjaṃ marakata-puñjaṃ namasyāmaḥ
Sanskrit only: no published translation is held for this verse.
श्री-सर्व-विद्या-विनोदानाम् । कदा द्रक्ष्यामि नन्दस्य बालकं नीप-मालकम् । पालकं सर्व-सत्त्वानां लसत्-तिलक-भालकम्
śrī-sarva-vidyā-vinodānām | kadā drakṣyāmi nandasya bālakaṃ nīpa-mālakam | pālakaṃ sarva-sattvānāṃ lasat-tilaka-bhālakam
Sanskrit only: no published translation is held for this verse.
श्री-माधवेन्द्र-पुरी-पादानाम् । कदा वृन्दारण्ये मिहिर-दुहितुः सङ्ग-माहिते मुहुर् भ्रामं भ्रामं चरित-लहरीं गोकुल-पतेः । लपन्न् उच्चैर् उच्चैर् नयन-पयसां वेणिभिर् अहं करिष्ये सोत्कण्ठं निविडम् उपसेकं विटपिनाम्
śrī-mādhavendra-purī-pādānām | kadā vṛndāraṇye mihira-duhituḥ saṅga-māhite muhur bhrāmaṃ bhrāmaṃ carita-laharīṃ gokula-pateḥ | lapann uccair uccair nayana-payasāṃ veṇibhir ahaṃ kariṣye sotkaṇṭhaṃ niviḍam upasekaṃ viṭapinām
Sanskrit only: no published translation is held for this verse.
समाहर्तुः । दुरारोहे लक्ष्मीवति भगवतीनाम् अपि पदं दधाना धम्मिल्ले नटति कठिने योपनिषदाम् । रुतिर् वंशी-जन्मा धृत-मधुरिमा सा मधुरिपोर् अकस्माद् अस्माकं श्रुति-शिखरम् आरोक्ष्यति
samāhartuḥ | durārohe lakṣmīvati bhagavatīnām api padaṃ dadhānā dhammille naṭati kaṭhine yopaniṣadām | rutir vaṃśī-janmā dhṛta-madhurimā sā madhuripor akasmād asmākaṃ śruti-śikharam ārokṣyati
Sanskrit only: no published translation is held for this verse.
उत्फुल्लता-पिञ्छ-मनोरम-श्री-र् मातुः स्तन-न्यस्त-मुखारविन्दः । सञ्चालयन् पाद-सरोरुहाग्रं कृष्णः कदा यास्यति दृक्-पथं मे
utphullatā-piñcha-manorama-śrī-r mātuḥ stana-nyasta-mukhāravindaḥ | sañcālayan pāda-saroruhāgraṃ kṛṣṇaḥ kadā yāsyati dṛk-pathaṃ me
Sanskrit only: no published translation is held for this verse.
कस्यचित् । अथ मोक्षानादरः । भक्तिः सेवा भगवतो मुक्तिस् तत्-पद-लङ्घनम् । को मूढो दासतां प्राप्य प्राभवं पदमिच्छति
kasyacit | atha mokṣānādaraḥ | bhaktiḥ sevā bhagavato muktis tat-pada-laṅghanam | ko mūḍho dāsatāṃ prāpya prābhavaṃ padamicchati
Sanskrit only: no published translation is held for this verse.
श्री-शिव-मौनिनाम् । भव-बन्ध-च्छिदे तस्यै स्पृहयामि न मुक्तये । भवान् प्रभुर् अहं दास इति यत्र विलुप्यते
śrī-śiva-mauninām | bhava-bandha-cchide tasyai spṛhayāmi na muktaye | bhavān prabhur ahaṃ dāsa iti yatra vilupyate
Sanskrit only: no published translation is held for this verse.
श्री-हनुमतः । हन्त चित्रीयते मित्र स्मृत्वा तान् मम मानसम् । विवेकित्नोऽपि ये कुर्युस् तृष्णाम् आत्यन्तिके लये
śrī-hanumataḥ | hanta citrīyate mitra smṛtvā tān mama mānasam | vivekitno'pi ye kuryus tṛṣṇām ātyantike laye
Sanskrit only: no published translation is held for this verse.
केषांचित् । का त्वं मुक्तिर् उपागतास्मि भवती कस्माद् अकस्माद् इह श्री-कृष्ण-स्मरणेन देव भवती दासी-पदं प्रापिता । दूरे तिष्ठ मनाग् अनागसि कथ कुर्याद् अनार्यं मयि त्वद्-गन्धान् निज-नाम-चन्दन-रसालेपस्य लोपो भवेत्
keṣāṃcit | kā tvaṃ muktir upāgatāsmi bhavatī kasmād akasmād iha śrī-kṛṣṇa-smaraṇena deva bhavatī dāsī-padaṃ prāpitā | dūre tiṣṭha manāg anāgasi katha kuryād anāryaṃ mayi tvad-gandhān nija-nāma-candana-rasālepasya lopo bhavet
Sanskrit only: no published translation is held for this verse.
कस्यचित् । अथ श्री-भगवद्धर्मतत्त्वम् । अर्च्ये विष्णौ शिला-धीर् गुरुषु नर-मतिर् वैष्णवे जाति-बुद्धिर् विष्णोर् वा वैष्णवानां कलि-मल-मथने पाद-तीर्थे ऽम्बु-बुद्धिः । श्री-विष्णोर् नाम्नि मन्त्रे सकल-कलुष-हे शब्द-सामान्य-बुद्धिर् विष्णौ सर्वेश्वरेशे तद्-इतर-सम-धीर् यस्य वा नारकी सः
kasyacit | atha śrī-bhagavaddharmatattvam | arcye viṣṇau śilā-dhīr guruṣu nara-matir vaiṣṇave jāti-buddhir viṣṇor vā vaiṣṇavānāṃ kali-mala-mathane pāda-tīrthe 'mbu-buddhiḥ | śrī-viṣṇor nāmni mantre sakala-kaluṣa-he śabda-sāmānya-buddhir viṣṇau sarveśvareśe tad-itara-sama-dhīr yasya vā nārakī saḥ
Sanskrit only: no published translation is held for this verse.
श्री-दाक्षिणात्यस्य ॥ हत्यां हन्ति यद्-अङ्घ्रि-सङ्ग-तुलसी स्तेयं च तोयं पदोर् नैवेद्यं बहु-मद्य-पान-दुरितं गुर्व्-अङ्गना-सङ्गजम् । श्री-शाधिन-मतिः स्थितिर् हरि-जनैस् तत्-सङ्गजं किल्बिषं शालाग्राम-शिला-नृसिंह-महिमा कोऽप्य् एष लोकोत्तरः
śrī-dākṣiṇātyasya || hatyāṃ hanti yad-aṅghri-saṅga-tulasī steyaṃ ca toyaṃ pador naivedyaṃ bahu-madya-pāna-duritaṃ gurv-aṅganā-saṅgajam | śrī-śādhina-matiḥ sthitir hari-janais tat-saṅgajaṃ kilbiṣaṃ śālāgrāma-śilā-nṛsiṃha-mahimā ko'py eṣa lokottaraḥ
Sanskrit only: no published translation is held for this verse.
श्री-आगमस्य । (ह्ब्व् ५।४४६) अथ नैवेद्यार्पणे विज्ञप्तिः । द्विज-स्त्रीणां भक्ते मृदुनि विदुरान्ने व्रज-गवां दधिक्षेरे सख्युः स्फुट-चिपिट-मृष्टौ मुररिपो । यशोदायाः स्तन्ये व्रज-युवति-दत्ते मधुनि ते यथासीद् आमोदस् तम् इमम् उपहारेऽपि कुरुताम्
śrī-āgamasya | (HBV 5.446) atha naivedyārpaṇe vijñaptiḥ | dvija-strīṇāṃ bhakte mṛduni vidurānne vraja-gavāṃ dadhikṣere sakhyuḥ sphuṭa-cipiṭa-mṛṣṭau muraripo | yaśodāyāḥ stanye vraja-yuvati-datte madhuni te yathāsīd āmodas tam imam upahāre'pi kurutām
Sanskrit only: no published translation is held for this verse.
श्री-रामानुजस्य । या प्रीतिर् विदुरार्पिते मुररिपो कुन्त्य्-अर्पिते यादृशी या गोवर्धन-मूर्ध्नि या च पृथुके स्तने यशोदार्पिते । भारद्वाज-समर्पिते शबरिका-दत्तेऽधरे योषितां या वा ते मुनि-भामिनी-विनिहितेऽन्नेऽत्रापि ताम् अर्पये
śrī-rāmānujasya | yā prītir vidurārpite muraripo kunty-arpite yādṛśī yā govardhana-mūrdhni yā ca pṛthuke stane yaśodārpite | bhāradvāja-samarpite śabarikā-datte'dhare yoṣitāṃ yā vā te muni-bhāminī-vinihite'nne'trāpi tām arpaye
Sanskrit only: no published translation is held for this verse.
कस्यचित् । क्षीरे श्यामलयार्पिते कमलया विश्राणिते फाणिते दत्ते लड्डूनि भद्रया मधुरसे सोभाभया लम्भिते । तुष्टिर्या भवतस् ततः शतगुणां राधा-निदेशान् मया नस्तेऽस्मिन् पुरतस् त्वम् अर्पय हरे रम्योपहारे रतिम्
kasyacit | kṣīre śyāmalayārpite kamalayā viśrāṇite phāṇite datte laḍḍūni bhadrayā madhurase sobhābhayā lambhite | tuṣṭiryā bhavatas tataḥ śataguṇāṃ rādhā-nideśān mayā naste'smin puratas tvam arpaya hare ramyopahāre ratim
Sanskrit only: no published translation is held for this verse.
समाहर्तुः ॥ अथ श्री-मथुरामहिमा । हे मातुर् मथुरे त्वम् एव नियतं धन्यासि भूमी-तले निर्व्याजं नतयः शतं सविधयस् तुभ्यं सदा सन्तु नः । हित्वा हन्त नितान्तम् अद्भुत-गुणं वैकुण्ठम् उत्कण्ठया त्वय्य् अम्भोज-विलोचनः स भगवान् येनावतीर्णो हरिः
samāhartuḥ || atha śrī-mathurāmahimā | he mātur mathure tvam eva niyataṃ dhanyāsi bhūmī-tale nirvyājaṃ natayaḥ śataṃ savidhayas tubhyaṃ sadā santu naḥ | hitvā hanta nitāntam adbhuta-guṇaṃ vaikuṇṭham utkaṇṭhayā tvayy ambhoja-vilocanaḥ sa bhagavān yenāvatīrṇo hariḥ
Sanskrit only: no published translation is held for this verse.
कस्यचित् । अत्रासीत् किल नन्द-सद्म शकटस्यात्राभवद् भञ्जनं बन्ध-च्छेद-करोऽपि दामभिर् अभूद् बद्धोऽत्र दामोदरः । इत्थं मथुरा-वृद्ध-वक्त्र-विगलत्-पीयूष-धारां पिबन् नान्दाश्रु-धरः कदा मधु-पुरीं धन्यश् चरिष्याम्य् अहम्
kasyacit | atrāsīt kila nanda-sadma śakaṭasyātrābhavad bhañjanaṃ bandha-ccheda-karo'pi dāmabhir abhūd baddho'tra dāmodaraḥ | itthaṃ mathurā-vṛddha-vaktra-vigalat-pīyūṣa-dhārāṃ piban nāndāśru-dharaḥ kadā madhu-purīṃ dhanyaś cariṣyāmy aham
Sanskrit only: no published translation is held for this verse.
श्री-कवि-शेखरस्य । (ब्र्स् १।३।४०) यत्राखिलादि-गुरुर् अम्बुज-सम्भवोऽपि स्तम्बात्मना जनुर् अनुस्पृहयाम्बभूव । चक्रध्वजाङ्कुश-लसत्-पद-राजि-रम्या सा राजतेऽद्य मथुरा हरि-राज-धानी
śrī-kavi-śekharasya | (BRS 1.3.40) yatrākhilādi-gurur ambuja-sambhavo'pi stambātmanā janur anuspṛhayāmbabhūva | cakradhvajāṅkuśa-lasat-pada-rāji-ramyā sā rājate'dya mathurā hari-rāja-dhānī
Sanskrit only: no published translation is held for this verse.
कस्यचित् ॥ बीजं मुक्ति-तरोर् अनर्थ-पटली-निस्तारकं तारकं धाम प्रेम-रसस्य वाञ्छित-धुरा-सम्पारकं पारकम् । एतद् यत्र निवासिनाम् उदयते चिच्-छक्ति-वृत्ति-द्वयं मथ्नातु व्यसनानि माथुर-पुरी सा वः श्रियं च क्रियात्
kasyacit || bījaṃ mukti-taror anartha-paṭalī-nistārakaṃ tārakaṃ dhāma prema-rasasya vāñchita-dhurā-sampārakaṃ pārakam | etad yatra nivāsinām udayate cic-chakti-vṛtti-dvayaṃ mathnātu vyasanāni māthura-purī sā vaḥ śriyaṃ ca kriyāt
Sanskrit only: no published translation is held for this verse.
समाहर्तुः ॥ वितरति मुर-मर्दनः प्रभुस्ते न हि भजमान-जनाय यं कदापि । वितरसि बत भक्ति-योगम् एतं तव मथुरे महिमा गिराम् अभूमिः
samāhartuḥ || vitarati mura-mardanaḥ prabhuste na hi bhajamāna-janāya yaṃ kadāpi | vitarasi bata bhakti-yogam etaṃ tava mathure mahimā girām abhūmiḥ
Sanskrit only: no published translation is held for this verse.