Taittirīya Upaniṣad 2

ॐ ब्रह्मविदाप्नोति परम् । तदेषाऽभ्युक्ता । सत्यं ज्ञानमनन्तं ब्रह्म । यो वेद निहितं गुहायां परमे व्योमन् । सोऽश्नुते सर्वान् कामान् सह ब्रह्मणा विपश्चितेति ॥ तस्माद्वा एतस्मादात्मन आकाशः संभूतः । आकाशाद्वायुः । वायोरग्निः । अग्नेरापः । अद्भ्यः पृथिवी । पृथिव्या ओषधयः । ओषधीभ्योऽन्नम् । अन्नाद्रेतः । रेतसः पुरुषः । स वा एष पुरुषोऽन्नरसमयः । तस्येदमेव शिरः । अयं दक्षिणः पक्षः । अयमुत्तरः पक्षः । अयमात्मा । इदं पुच्छं प्रतिष्ठा । तदप्येष श्लोको भवति ॥ १ ॥ संहितादिविषयाणि कर्मभिरविरुद्धान्युपासनान्युक्तानि। अनन्तरं च अन्तःसोपाधिकमात्मदर्शनमुक्तं व्याह्मतिद्वारेण स्वाराज्यफलम्। न चैतावता अशेषतः संसारबीजस्य उपमर्दनमस्ति। अतः अशेषोपद्रवबीजस्य अज्ञानस्य निवृत्त्यर्थं विधूतसर्वोपाधिविशेषात्मदर्शनार्थमिदमारभ्यते -- ब्राह्मविदाप्नोति परमित्यादि। प्रयोजनं चास्या ब्राह्मविद्याया अविद्यानिवृत्तिः, ततश्च आत्यन्तिकः संसाराभावः। वक्ष्यति च -- ' विद्वान्न बिभेति कुतश्चन ' इति। संसारनिमित्ते च सति अभयं प्रतिष्ठां विन्दत इत्यनुपपन्नम्, कृताकृते पुण्यपापे न तपत इति च। अतोऽवगम्यते -- अस्माद्विज्ञानात्सर्वात्मब्राह्मविषयादात्यन्तिकः संसाराभाव इति। स्वयमेवाह प्रयोजनम् ' ब्राह्मविदाप्नोति परम् ' इत्यादावेव संबन्धप्रयोजनप्रज्ञापनार्थम्। निज्र्ञातयोर्हि संबन्धप्रयोजनयोः विद्याश्रवणग्रहणधारणाभ्यासार्थं प्रवर्तते। श्रवणादिपूर्वकं हि विद्याफलम्, ' श्रोतव्यो मन्तव्यो निदिध्यासितव्यः ' इत्यादिश्रुत्यन्तरेभ्यः। ब्राह्मवित् ब्राह्मेति वक्ष्यमाणलक्षणम्, बृहत्तमत्वात् ब्राह्म, तद्वेत्ति विजानातीति ब्राह्मवित्, आप्नोति प्राप्नोति परं निरतिशयम्; तदेव ब्राह्म परम्; न ह्रन्यस्य विज्ञानादन्यस्य प्राप्तिः। स्पष्टं च श्रुत्यन्तरं ब्राह्मप्राप्तिमेव ब्राह्मविदो दर्शयति -- ' स यो ह वै तत्परमं ब्राह्म वेद ब्राह्मैव भवति ' इत्यादि।। ननु, सर्वगतं सर्वस्य चात्मभूतं ब्राह्म वक्ष्यति। अतो नाप्यम्। आप्तिश्च अन्यस्यान्येन परिच्छिन्नस्य च परिच्छिन्नेन दृष्टा। अपरिच्छिन्नं सर्वात्मकं च ब्राह्मेत्यतः परिच्छिन्नवत् अनात्मवच्च तस्याप्तिरनुपपन्ना। नायं दोषः। कथम्? दर्शनादर्शनापेक्षत्वाद्ब्राह्मण आप्त्यनाप्त्योः, परमार्थतो ब्राह्मस्वरूपस्यापि सतः अस्य जीवस्य भूतमात्राकृतबाह्रपरिच्छिन्नान्नमयाद्यात्मदर्शिनः तदासक्तचेतसः। प्रकृतसंख्यापूरणस्यात्मनः अव्यवहितस्यापि बाह्रसंख्येयविषयासक्तचित्ततया स्वरूपाभावदर्शनवत् परमार्थब्राह्मस्वरूपाभावदर्शनलक्षणया अविद्यया अन्नमयादीन्बाह्राननात्मन आत्मत्वेन प्रतिपन्नत्वात् अन्नमयाद्यनात्मभयो नान्योऽहमस्मीत्यभिमन्यते। एवमविद्यया आत्मभूतमपि ब्राह्म अनाप्तं स्यात्। तस्यैवमविद्यया अनाप्तब्राह्मस्वरूपस्य प्रकृतसंख्यापूरणस्यात्मनः अविद्ययानाप्तस्य सतः केनचित्स्मारितस्य पुनस्तस्यैव विद्यया आप्तिर्यथा, तथा श्रुत्युपदिष्टस्य सर्वात्मब्राह्मण आत्मत्वदर्शनेन विद्यया तदाप्तिरुपपद्यत एव। ब्राह्मविदाप्नोति परमिति वाक्यं सूत्रभूतं सर्वस्य वल्ल्यर्थस्य। ब्राह्मविदाप्नोति परमित्यनेन वाक्येन वेद्यतया सूत्रितस्य ब्राह्मणोऽनिर्धारितस्वरूपविशेषस्य सर्वतो व्यावृत्तस्वरूपविशेषसमपर्णसमर्थस्य लक्षणस्याभिधानेन स्वरूपनिर्धारणाय अविशेषेण च उक्तवेदनस्य ब्राह्मणो वक्ष्यमाणलक्षणस्य विशेषेण प्रत्यगात्मतया अनन्यरूपेण विज्ञेयत्वाय, ब्राह्मविद्याफलं च ब्राह्मविदो यत्परप्राप्तिलक्षणमुक्तम्, स सर्वात्मभावः सर्वसंसारधर्मातीतब्राह्मस्वरूपत्वमेव, नान्यदित्येतत्प्रदर्शनाय च एषा ऋगुदाह्यियते -- तदेषाभ्युक्तेति। तत् तस्मिन्नेव ब्रााह्मणवाक्योक्तार्थे एषा ऋक् अभ्युक्ता आम्नाता। सत्यं ज्ञानमनन्तं ब्राह्म इति ब्राह्मणो लक्षणार्थं वाक्यम्। सत्यादीनि हि त्रीणि विशेषणार्थानि पदानि विशेष्यस्य ब्राह्मणः। विशेष्यं ब्राह्म, विवक्षितत्वाद्वेद्यतया। वेद्यत्वेन यतो ब्राह्म प्राधान्येन विवक्षितम्, तस्माद्विशेष्यं विज्ञेयम्। अतः अस्माद्विशेषणविशेष्यत्वादेव सत्यादीनि एकविभक्त्यन्तानि पदानि समानाधिकरणानि। सत्यादिभिस्त्रिभिर्विशेषणैर्विशेष्यमाणं ब्राह्म विशेष्यान्तरेभ्यो निर्धार्यते। एवं हि तज्ज्ञातं भवति, यदन्येभ्यो निर्धारितम्; यथा लोके नीलं महत्सुगन्ध्युत्पलमिति। ननु, विशेष्यं विशेषणान्तरं व्यभिचरद्विशेष्यते, यथा नीलं रक्तं चोत्पलमिति; यदा ह्रनेकानि द्रव्याणि एकजातीयान्येकविशेषणयोगीनि च, तदा विशेषणस्यार्थवत्त्वम्; न ह्रेकस्मिन्नेव वस्तुनि, विशेषणान्तरायोगात्; यथा असावेक आदित्य इति, तथा एकमेव ब्राह्म, न ब्राहृान्तराणि, येभ्यो विशेष्येत नीलोत्पलवत्। न; लक्षणार्थत्वाद्विशेषणानाम्। नायं दोषः। कस्मात्? लक्षणार्थप्रधानानि विशेषणानि, न विशेषणप्रधानान्येव। कः पुनर्लक्षणलक्ष्योर्विशेषणविशेष्ययोर्वा विशेषः? उच्यते। सजातीयेभ्य एव निवर्तकानि विशेषणानि विशेष्यस्य; लक्षणं तु सर्वत एव, यथा अवकाशप्रदात्राकाशमिति। लक्षणार्थं च वाक्यमित्यवोचाम।। सत्यादिशब्दा न परस्परं संबध्यन्ते, परार्थत्वात्; विशेष्यार्था हि ते। अत एव एकैको विशेषणशब्दः परस्परं निरपेक्षो ब्राह्मशब्देन संबध्यते -- सत्यं ब्राह्म ज्ञानं ब्राह्म अनन्तं ब्राह्मेति। सत्यमिति यद्रूपेण यन्निश्चितं तद्रूपं न व्यभिचरति, तत्सत्यम्। यद्रूपेण यन्निश्चितं तद्रूपं व्यभिचरति, तदनृतमित्युच्यते। अतो विकारोऽनृतम्, 'वाचारम्भणं विकारो नामधेयं मृत्तिकेत्येव सत्यम् ', एवं सदेव सत्यमित्यवधारणात्। अतः 'सत्यं ब्राह्म ' इति ब्राह्म विकारान्निवर्तयति। अतः कारणत्वं प्राप्तं ब्राह्मणः। कारणस्य च कारकत्वम्, वस्तुत्वात् मृद्वत् अचिद्रूपता च प्राप्ता; अत इदमुच्यते -- ज्ञानं ब्राह्मेति। ज्ञानं ज्ञप्तिः अवबोधः, -- भावसाधनो ज्ञानशब्दः -- न तु ज्ञानकर्तृ, ब्राह्मविशेषणत्वात्सत्यानन्ताभ्यां सह। न हि सत्यता अनन्तता च ज्ञानकर्तृत्वे सत्युपपद्येते। ज्ञानकर्तृत्वेन हि विक्रियमाणं कथं सत्यं भवेत्, अनन्तं च? यद्धि न कुतश्चित्प्रविभज्यते, तदनन्तम्। ज्ञानकर्तृत्वे च ज्ञेयज्ञानाभ्यां प्रविभक्तमित्यनन्तता न स्यात्, ' यत्र नान्यद्विजानाति स भूमा, अथ यत्रान्यद्विजानाति तदल्पम् ' इति श्रुत्यन्तरात्। ' नान्यद्विजानाति ' इति विशेषणप्रतिषेधात् आत्मानं विजानातीति चेत्, न; भूमलक्षणविधिपरत्वाद्वाक्यस्य। ' यत्र नान्यत्पश्यति ' इत्यादि भूम्नो लक्षणविधिपरं वाक्यम्। यथाप्रसिद्धमेव अन्योऽन्यत्पश्यतीत्येतदुपादाय यत्र तन्नास्ति, स भूमा इति भूमस्वरूपं तत्र ज्ञाप्यते। अन्यग्रहणस्य प्राप्तप्रतिषेधार्थत्वात् न स्वात्मनि क्रियास्तित्वपरं वाक्यम्। स्वात्मनि च भेदाभावाद्विज्ञानानुपपत्तिः। आत्मनश्च विज्ञेयत्वे ज्ञात्रभावप्रसङ्गः, ज्ञेयत्वेनैव विनियुक्तत्वात्।। एक एवात्मा ज्ञेयत्वेन ज्ञातृत्वेन च उभयथा भवतीति चेत्, न; युगपदनंशत्वात्। न हि निरवयवस्य युगपज्ज्ञेयज्ञातृत्वोपपत्तिः। आत्मनश्च घटादिवद्विज्ञेयत्वे ज्ञानोपदेशानर्थक्यम्। न हि घटादिवत्प्रसिद्धस्य ज्ञानोपदेशः अर्थवान्। तस्मात् ज्ञातृत्वे सति आनन्त्यानुपपत्तिः। सन्मात्रत्वं चानुपपन्नं ज्ञानकर्तृत्वादिविशेषवत्त्वे सति; सन्मात्रत्वं च सत्यम्, ' तत्सत्यम् ' इति श्रुत्यन्तरात्। तस्मात्सत्यानन्तशब्दाभ्यां सह विशेषणत्वेन ज्ञानशब्दस्य प्रयोगाद्भावसाधनो ज्ञानशब्दः। 'ज्ञानं ब्राह्म ' इति कर्तृत्वादिकारकनिवृत्त्यर्थं मृदादिवदचिद्रूपतानिवृत्त्यर्थं च प्रयुज्यते। 'ज्ञानं ब्राह्म ' इति वचनात्प्राप्तमन्तवत्त्वम्, लौकिकस्य ज्ञानस्य अन्तवत्त्वदर्शनात्। अतः तन्निवृत्त्यर्थमाह -- अनन्तमिति। सत्यादीनामनृतादिधर्मनिवृत्तिपरत्वाद्विशेष्यस्य च ब्राह्मणः उत्पलादिवदप्रसिद्धत्वात् ' मृगतृष्णाम्भसि स्नातः खपुष्पकृतशेखरः। एष वन्ध्यासुतो याति शशश्रृङ्गधनुर्धरः ' इतिवत् शून्यार्थतैव प्राप्ता सत्यादिवाक्यस्येति चेत्, न; लक्षणार्थत्वात्। विशेषणत्वेऽपि सत्यादीनां लक्षणार्थप्राधान्यमित्यवोचाम। शून्यो हि लक्ष्ये अनर्थकं लक्षणवचनम्। अतः लक्षणार्थत्वान्मन्यामहे न शून्यार्थतेति। विशेषणार्थत्वेऽपि च सत्यादीनां स्वार्थापरित्याग एव। शून्यार्थत्वे हि सत्यादिशब्दानां विशेष्यनियन्तृत्वानुपपत्तिः। सत्याद्यर्थैरर्थवत्त्वे तु तद्विपरीतधर्मवद्भयो विशेष्येभ्यो ब्राह्मणो विशेष्यस्य नियन्तृत्वमुपपद्यते। ब्राह्मशब्दोऽपि स्वार्थेनार्थवानेव। तत्र अनन्तशब्दः अन्तवत्त्वप्रतिषेधद्वारेण विशेषणम्। सत्यज्ञानशब्दौ तु स्वार्थसमप्रणेनैव विशेषणे भवतः।। 'तस्माद्वा एतस्मादात्मनः ' इति ब्राह्मण्येव आत्मशब्दप्रयोगात् वेदितुरात्मैव ब्राह्म। 'एतमानन्दमयमात्मानमुपसंक्रामति ' इति च आत्मतां दर्शयति। तत्प्रवेशाच्च; 'तत्सृष्ट्वा तदेवानुप्राविशत् ' इति च तस्यैव जीवरूपेण शरीरप्रेवशं दर्शयति। अतो वेदितुः स्वरूपं ब्राह्म। एवं तर्हि, आत्मत्वाज्ज्ञानकर्तृत्वम्; 'आत्मा ज्ञाता ' इति हि प्रसिद्धम्, 'सोऽकामयत ' इति च कामिनो ज्ञानकर्तृत्वप्रसिद्धिः; अतो ज्ञानकर्तृत्वात् ज्ञप्तिब्राह्मेत्ययुक्तम्; अनित्यत्वप्रसङ्गाच्च; यदि नाम ज्ञप्तिज्र्ञानमिति भावरूपता ब्राह्मणः, तदाप्यनित्यत्वं प्रसज्येत; पारतन्त्र्यं च, धात्वर्थानां कारकापेक्षत्वात्, ज्ञानं च धात्वर्थः; अतोऽस्य अनित्यत्वं परतन्त्रता च। न; स्वरूपाव्यतिरेकेण कार्यत्वोपचारात्। आत्मनः स्वरूपं ज्ञप्तिः न ततो व्यतिरिच्यते। अतो नित्यैव। तथापि बुद्धेरुपाधिलक्षणायाश्चक्षुरादिद्वारैर्विषयाकारपरिणामिन्याः ये शब्दाद्याकारावभासाः, ते आत्मविज्ञानस्य विषयभूता उत्पद्यमाना एव आत्मविज्ञानेन व्याप्ता उत्पद्यन्ते। तस्मादात्मविज्ञानावभास्याश्च ते विज्ञानशब्दवाच्याश्च धात्वर्थभूता आत्मन एव धर्मा विक्रियारूपा इत्यविवेकिभिः परिकल्प्यन्ते। यत्तु ब्राह्मणो विज्ञानम्, तत् सवितृप्रकाशवत् अग्न्युष्णत्ववच्च ब्राह्मस्वरूपाव्यतिरिक्तं स्वरूपमेव तत्। न तत्कारणान्तरसव्यपेक्षम्, नित्यस्वरूपत्वात्, सर्वभावानां च तेनाविभक्तदेशकालत्वात् कालाकाशादिकारणत्वात् निरतिशयसूक्ष्मत्वाच्च। न तस्यान्यदविज्ञेयं सूक्ष्मं व्यवहितं विप्रकृष्टं भूतं भवद्भविष्यद्वा अस्ति। तस्मात्सर्वज्ञं तद्ब्राह्म। मन्त्रवर्णाच्च 'अपाणिपादो जवनो ग्रहीता पश्यत्यचक्षुः स शृणोत्यकर्णः। स वेत्ति वेद्यं न च तस्यास्ति वेत्ता तमाहुग्र्यं पुरुषं महान्तम् ' इति। 'न हि विज्ञातुर्विज्ञातेर्विपरिलोपो विद्यतेऽविनाशित्वान्न तु तद्वितीयमस्ति ' इत्यादिश्रुतेश्च। विज्ञातृस्वरूपाव्यतिरेकात्करणादिनिमित्तानपेक्षत्वाच्च ब्राह्मणो ज्ञानस्वरूपत्वेऽपि नित्यत्वप्रसिद्धिः। अतो नैव धात्वर्थस्तत्, अक्रियारूपत्वात्। अत एव च न ज्ञानकर्तृ; तस्मादेव च न ज्ञानशब्दवाच्यमपि तद्ब्राह्म। तथापि तदाभासवाचकेन बुद्धिधर्मविशेषेण ज्ञानशब्देन तल्लक्ष्यते; न तु उच्यते, शब्दप्रवृत्तिहेतुजात्यादिधर्मरहितत्वात्। तथा सत्यशब्देनापि। सर्वविशेषप्रत्यस्तमितस्वरूपत्वाद्ब्राह्मणः बाह्रसत्तासामान्यविषयेण सत्यशब्देन लक्ष्यते 'सत्यं ब्राह्म ' इति; न तु सत्यशब्दवाच्यं ब्राह्म। एवं सत्यादिशब्दा इतरेतरसंनिधानादन्योन्यनियम्यनियामकाः सन्तः सत्यादिशब्दवाच्यात् निवर्तका ब्राह्मणः, लक्षणार्थाश्च भवन्तीति। अतः सिद्धम् 'यतो वाचो निवर्तन्ते अप्राप्य मनसा सह अनिरुक्तेऽनिलयने ' इति च अवाच्यत्वम्, नीलोत्पलवदवाक्यार्थत्वं च ब्राह्मणः।। तद्यथाव्याख्यातं ब्राह्म यः वेद विजानाति निहितं स्थितं गुहायाम्, गूहतेः संवरणार्थस्य निगूढा ज्ञानज्ञेयज्ञातृपदार्था इति गुहा बुद्धिः, गूढावस्यां भोगापवर्गौ पुरुषार्थाविति वा, तस्यां परमे प्रकृष्टे व्योमन् व्योम्नि आकाशे अव्याकृताख्ये; तद्धि परमं व्योम, 'एतस्मिन्खल्वक्षरे गाग्र्याकाशः ' इत्यक्षरसंनिकर्षात्; 'गुहायां व्योमन् ' इति वा सामानाधिकरण्यादव्याकृताकाशमेव गुहा; तत्रापि निगूढाः सर्वे पदार्थास्त्रिषु कालेषु, कारणत्वात्सूक्ष्मतरत्वाच्च; तस्मिन्नन्तर्निहितं ब्राह्म। हार्दमेव तु परमं व्योमेति न्याय्यम्, विज्ञानाङ्गत्वेन व्योम्नो विवक्षितत्वात्। 'यो वै स बहिर्धा पुरुषादाकाशो यो वै सोऽन्तः पुरुष आकाशो योऽयमन्तह्र्मदय आकाशः ' इति श्रुत्यन्तरात्प्रसिद्धं हार्दस्य व्योम्नः परमत्वम्। तस्मिन्हार्दे व्योम्नि या बुद्धिर्गुहा, तस्यां निहितं ब्राह्म तद्व्यावृत्त्या विविक्ततयोपलभ्यत इति। न ह्रन्यथा विशिष्टदेशकालसंबन्धोऽस्ति ब्राहृः, सर्वगतत्वान्निर्विशेषत्वाच्च। सः एवं ब्राह्म विजानन्; किमित्याह -- अश्नुते भुङ्क्ते सर्वान् निरवशेषान् कामान् काम्यभोगानित्यर्थः। किमस्मदादिवत्पुत्रस्वर्गादीन्पर्यायेण? नेत्याह -- सह युगपत् एकक्षणोपारूढानेव एकयोपलब्ध्या सवितृप्रकाशवन्नित्यया ब्राह्मस्वरूपाव्यतिरिक्तया, यामवोचाम 'सत्यं ज्ञानम् ' इति। एतत्तदुच्यते -- ब्राह्मणा सहेति। ब्राह्मभूतो विद्वान् ब्राह्मस्वरूपेणैव सर्वान्कामान् सह अश्नुते। न तथा यथोपाधिकृतेन स्वरूपेणात्मनो जलसूर्यकादिवत्प्रतिबिम्बभूतेन सांसारिकेण धर्मादिनिमित्तापेक्षांश्चक्षुरादिकरणोपेक्षांश्च सर्वान्कामान्पर्यायेणाश्नुते लोकः। कथं तर्हि? यथोक्तेन प्रकारेण सर्वज्ञेन सर्वगतेन सर्वात्मना नित्यब्राहृात्मस्वरूपेण धर्मादिनिमित्तानपेक्षान् चक्षुरादिकरणानपेक्षांश्च सर्वान्कामान्सहाश्नुत इत्यर्थः। विपश्चिता मेधाविना सर्वज्ञेन। तद्धि वैपश्चित्यम्, यत्सर्वज्ञत्वम्। तेन सर्वज्ञस्वरूपेण ब्राह्मणा अश्नुत इति। इतिशब्दो मन्त्रपरिसमाप्त्यर्थः।। सर्व एव वल्ल्यर्थः 'ब्राह्मविदाप्नोति परम् ' इति ब्रााह्मणवाक्येन सूत्रितः। स च सूत्रितोऽर्थः संक्षेपतो मन्त्रेण व्याख्यातः। पुनस्तस्यैव विस्तरेणार्थनिर्णयः कर्तव्य इत्युत्तरस्तद्वृत्तिस्थानीयो ग्रन्थ आरभ्यते -- तस्माद्वा एतस्मादित्यादिः। तत्र च 'सत्यं ज्ञानमनन्तं ब्राह्म ' इत्युक्तं मन्त्रादौ; तत्कथं सत्यमनन्तं चेत्यत आह। त्रिविधं ह्रानन्त्यम् -- देशतः कालतो वस्तुतश्चेति। तद्यथा -- देशतोऽनन्त आकाशः; न हि देशतस्तस्य परिच्छेदोऽस्ति। न तु कालतश्चानन्त्यं वस्तुतश्च आकाशस्य। कस्मात्? कार्यत्वात्। नैवं ब्राह्मण आकाशवत्कालतोऽप्यन्तवत्त्वम्, अकार्यत्वात्। कार्यं हि वस्तु कालेन परिच्छिद्यते। अकार्यं च ब्राह्म। तस्मात्कालतोऽस्यानन्त्यम्। तथा वस्तुनः। कथं पुनर्वस्तुत आनन्त्यम्? सर्वानन्यत्वात्। भिन्नं हि वस्तु वस्त्वन्तरस्य अन्तो भवति; वस्त्वन्तरबुद्धिर्हि प्रसक्ताद्वस्त्वन्तरान्निवर्तते। यतो यस्य बुद्धेर्निवृत्तिः, स तस्यान्तः। तद्यथा गोत्वबुद्धिरश्वत्वान्निवर्तत इत्यश्वत्वान्तं गोत्वमित्यन्तवदेव भवति। स चान्तो भिन्नेषु वस्तुषु दृष्टः। नैवं ब्राह्मणो भेदः। अतो वस्तुतोऽप्यानन्त्यम्। कथं पुनः सर्वानन्यत्वं ब्राह्मण इति, उच्यते -- सर्ववस्तुकारणत्वात्। सर्वेषां हि वस्तूनां कालाकाशादीनां कारणं ब्राह्म। कार्यापेक्षया वस्तुतोऽन्तवत्त्वमिति चेत्, न; अनृतत्वात्कार्यस्य वस्तुनः। न हि कारणव्यतिरेकेण कार्यं नाम वस्तुतोऽस्ति, यतः कारणबुद्धिर्विनिवर्तेत; ' वाचारम्भणं विकारो नामधेयं मृत्तिकेत्येव सत्यम् ' एवं सदेव सत्यमिति श्रुत्यन्तरात्। तस्मादाकाशादिकारणत्वाद्देशतस्तावदनन्तं ब्राह्म। आकाशो ह्रनन्त इति प्रसिद्धं देशतः; तस्येदं कारणम्; तस्मात्सिद्धं देशत आत्मन आनन्त्यम्। न ह्रसर्वगतात्सर्वगतमुत्पद्यमानं लोके किंचिद्दृश्यते। अतो निरतिशयमात्मन आनन्त्यं देशतः। तथा अकार्यत्वात्कालतः; तद्भिन्नवस्त्वन्तराभावाच्च वस्तुतः। अत एव निरतिशयसत्यत्वम्।। तस्मात् इति मूलवाक्यसूत्रितं ब्राह्म परामृश्यते; एतस्मात् इति मन्त्रवाक्येन अनन्तरं यथालक्षितम्। यद्ब्राह्म आदौ ब्रााह्मणवाक्येन सूत्रितम् , यच्च 'सत्यं ज्ञानमनन्तं ब्राह्म ' इत्यनन्तरमेव लक्षितम्, तस्मादेतस्माद्ब्राह्मण आत्मनः आत्मशब्दवाच्यात्; आत्मा हि तत् सर्वस्य, 'तत्सत्यं स आत्मा ' इति श्रुत्यन्तरात्; अतो ब्राह्म आत्मा; तस्मादेतस्माद्ब्राह्मण आत्मस्वरूपात् आकाशः संभूतः समुत्पन्नः। आकाशो नाम शब्दगुणः अवकाशकरो मूर्तद्रव्याणाम्। तस्मात् आकाशात् स्वेन स्पर्शगुणेन पूर्वेण च आकाशगुणेन शब्देन द्विगुणः वायुः, संभूत इत्यनुवर्तते। वायोश्च स्वेन रूपगुणेन पूर्वाभ्यां च त्रिगुणः अग्निः संभूतः। अग्नेश्च स्वेन रसगुणेन पूर्वैश्च त्रिभिः चतुर्गुणा आपः संभूताः। अद्भयः स्वेन गन्धगुणेन पूर्वैश्च चतुर्भिः पञ्चगुणा पृथिवी संभूता। पृथिव्याः ओषधयः। ओषधीभ्यः अन्नम्। अन्नात् रेतोरूपेण परिणतात् पुरुषः शिरःपाण्याद्याकृतिमान्। स वै एष पुरुषः अन्नरसमयः अन्नरसविकारः पुरुषाकृतिभावितं हि सर्वेभ्योऽङ्गेभ्यस्तेजःसंभूतं रेतो बीजम्। तस्माद्यो जायते, सोऽपि तथा पुरुषाकृतिरेव स्यात्; सर्वजातिषु जायमानानां जनकाकृतिनियमदर्शनात्। सर्वेषामप्यन्नरसविकारत्वे ब्राहृंवश्यत्वे च अविशिष्टे, कस्मात्पुरुष एव गुह्रते? प्राधान्यात्। किं पुनः प्राधान्यम्? कर्मज्ञानाधिकारः। पुरुष एव हि शक्तत्वादर्थित्वादपर्युदस्तत्वाच्च कर्मज्ञानयोरधिक्रियते, 'पुरुषे त्वेवाविस्तरामात्मा स हि प्रज्ञानेन संपन्नतमो विज्ञातं वदिति विज्ञातं पश्यति वेद श्वस्तनं वेद लोकालोकौ मत्र्येनामृतमीक्षतीत्येवं संपन्नः; अथेतरेषां पशूनामशनायापिपासे एवाभिविज्ञानम् ' इत्यादि श्रुत्यन्तरदर्शनात्।। स हि पुरुषः इह विद्यया आन्तरतमं ब्राह्म संक्रामयितुमिष्टः। तस्य च बाह्रकारविशेषेष्वनात्मसु आत्मभाविताबुद्धिः विना आलम्बविशेषं कंचित् सहसा आन्तरतमप्रत्यगात्मविषया निरालम्बना च कर्तुमशक्येति दृष्टशरीरात्मसामान्यकल्पनया शाखाचन्द्रनिदर्शनवदन्तः प्रवेशयन्नाह -- तस्येदमेव शिरः। तस्य अस्य पुरुषस्यान्नरसमयस्य इदमेव शिरः प्रसिद्धम्। प्राणमयादिष्वशिरसां शिरस्त्वदर्शनादिहापि तत्प्रसङ्गो मा भूदिति इदमेव शिर इत्युच्यते। एवं पक्षादिषु योजना। अयं दक्षिणो बाहुः पूर्वाभिमुखस्य दक्षिणः पक्षः। अयं सव्यो बाहुः उत्तरः पक्षः। अयं मध्यमो देहभागः आत्मा अङ्गानाम्, 'मध्यं ह्रेषामङ्गानामात्मा ' इति श्रुतेः। इदमिति नाभेरधस्ताद्यदङ्गम्, तत पुच्छं प्रतिष्ठा। प्रतितिष्ठत्यनयेति प्रतिष्ठा। पुच्छमिव पुच्छम्, अधोलम्बनसामान्यात्, यथा गोः पुच्छम्। एतत्प्रकृत्य उत्तरेषां प्राणमयादीनां रूपकत्वसिद्धिः, मूषानिषिक्तद्रुतताम्रप्रतिमावत्। तदप्येष श्लोको भवति। तत् तस्मिन्नेवार्थे ब्रााह्मणोक्ते अन्नमयात्मप्रकाशके एष श्लोकः मन्त्रः भवति।। इति प्रथमानुवाकभाष्यम्।।

oṃ brahmavidāpnoti param | tadeṣā'bhyuktā | satyaṃ jñānamanantaṃ brahma | yo veda nihitaṃ guhāyāṃ parame vyoman | so'śnute sarvān kāmān saha brahmaṇā vipaściteti || tasmādvā etasmādātmana ākāśaḥ saṃbhūtaḥ | ākāśādvāyuḥ | vāyoragniḥ | agnerāpaḥ | adbhyaḥ pṛthivī | pṛthivyā oṣadhayaḥ | oṣadhībhyo'nnam | annādretaḥ | retasaḥ puruṣaḥ | sa vā eṣa puruṣo'nnarasamayaḥ | tasyedameva śiraḥ | ayaṃ dakṣiṇaḥ pakṣaḥ | ayamuttaraḥ pakṣaḥ | ayamātmā | idaṃ pucchaṃ pratiṣṭhā | tadapyeṣa śloko bhavati || 1 || saṃhitādiviṣayāṇi karmabhiraviruddhānyupāsanānyuktāni| anantaraṃ ca antaḥsopādhikamātmadarśanamuktaṃ vyāhmatidvāreṇa svārājyaphalam| na caitāvatā aśeṣataḥ saṃsārabījasya upamardanamasti| ataḥ aśeṣopadravabījasya ajñānasya nivṛttyarthaṃ vidhūtasarvopādhiviśeṣātmadarśanārthamidamārabhyate -- brāhmavidāpnoti paramityādi| prayojanaṃ cāsyā brāhmavidyāyā avidyānivṛttiḥ, tataśca ātyantikaḥ saṃsārābhāvaḥ| vakṣyati ca -- ' vidvānna bibheti kutaścana ' iti| saṃsāranimitte ca sati abhayaṃ pratiṣṭhāṃ vindata ityanupapannam, kṛtākṛte puṇyapāpe na tapata iti ca| ato'vagamyate -- asmādvijñānātsarvātmabrāhmaviṣayādātyantikaḥ saṃsārābhāva iti| svayamevāha prayojanam ' brāhmavidāpnoti param ' ityādāveva saṃbandhaprayojanaprajñāpanārtham| nijrñātayorhi saṃbandhaprayojanayoḥ vidyāśravaṇagrahaṇadhāraṇābhyāsārthaṃ pravartate| śravaṇādipūrvakaṃ hi vidyāphalam, ' śrotavyo mantavyo nididhyāsitavyaḥ ' ityādiśrutyantarebhyaḥ| brāhmavit brāhmeti vakṣyamāṇalakṣaṇam, bṛhattamatvāt brāhma, tadvetti vijānātīti brāhmavit, āpnoti prāpnoti paraṃ niratiśayam; tadeva brāhma param; na hranyasya vijñānādanyasya prāptiḥ| spaṣṭaṃ ca śrutyantaraṃ brāhmaprāptimeva brāhmavido darśayati -- ' sa yo ha vai tatparamaṃ brāhma veda brāhmaiva bhavati ' ityādi|| nanu, sarvagataṃ sarvasya cātmabhūtaṃ brāhma vakṣyati| ato nāpyam| āptiśca anyasyānyena paricchinnasya ca paricchinnena dṛṣṭā| aparicchinnaṃ sarvātmakaṃ ca brāhmetyataḥ paricchinnavat anātmavacca tasyāptiranupapannā| nāyaṃ doṣaḥ| katham? darśanādarśanāpekṣatvādbrāhmaṇa āptyanāptyoḥ, paramārthato brāhmasvarūpasyāpi sataḥ asya jīvasya bhūtamātrākṛtabāhraparicchinnānnamayādyātmadarśinaḥ tadāsaktacetasaḥ| prakṛtasaṃkhyāpūraṇasyātmanaḥ avyavahitasyāpi bāhrasaṃkhyeyaviṣayāsaktacittatayā svarūpābhāvadarśanavat paramārthabrāhmasvarūpābhāvadarśanalakṣaṇayā avidyayā annamayādīnbāhrānanātmana ātmatvena pratipannatvāt annamayādyanātmabhayo nānyo'hamasmītyabhimanyate| evamavidyayā ātmabhūtamapi brāhma anāptaṃ syāt| tasyaivamavidyayā anāptabrāhmasvarūpasya prakṛtasaṃkhyāpūraṇasyātmanaḥ avidyayānāptasya sataḥ kenacitsmāritasya punastasyaiva vidyayā āptiryathā, tathā śrutyupadiṣṭasya sarvātmabrāhmaṇa ātmatvadarśanena vidyayā tadāptirupapadyata eva| brāhmavidāpnoti paramiti vākyaṃ sūtrabhūtaṃ sarvasya vallyarthasya| brāhmavidāpnoti paramityanena vākyena vedyatayā sūtritasya brāhmaṇo'nirdhāritasvarūpaviśeṣasya sarvato vyāvṛttasvarūpaviśeṣasamaparṇasamarthasya lakṣaṇasyābhidhānena svarūpanirdhāraṇāya aviśeṣeṇa ca uktavedanasya brāhmaṇo vakṣyamāṇalakṣaṇasya viśeṣeṇa pratyagātmatayā ananyarūpeṇa vijñeyatvāya, brāhmavidyāphalaṃ ca brāhmavido yatparaprāptilakṣaṇamuktam, sa sarvātmabhāvaḥ sarvasaṃsāradharmātītabrāhmasvarūpatvameva, nānyadityetatpradarśanāya ca eṣā ṛgudāhyiyate -- tadeṣābhyukteti| tat tasminneva brāāhmaṇavākyoktārthe eṣā ṛk abhyuktā āmnātā| satyaṃ jñānamanantaṃ brāhma iti brāhmaṇo lakṣaṇārthaṃ vākyam| satyādīni hi trīṇi viśeṣaṇārthāni padāni viśeṣyasya brāhmaṇaḥ| viśeṣyaṃ brāhma, vivakṣitatvādvedyatayā| vedyatvena yato brāhma prādhānyena vivakṣitam, tasmādviśeṣyaṃ vijñeyam| ataḥ asmādviśeṣaṇaviśeṣyatvādeva satyādīni ekavibhaktyantāni padāni samānādhikaraṇāni| satyādibhistribhirviśeṣaṇairviśeṣyamāṇaṃ brāhma viśeṣyāntarebhyo nirdhāryate| evaṃ hi tajjñātaṃ bhavati, yadanyebhyo nirdhāritam; yathā loke nīlaṃ mahatsugandhyutpalamiti| nanu, viśeṣyaṃ viśeṣaṇāntaraṃ vyabhicaradviśeṣyate, yathā nīlaṃ raktaṃ cotpalamiti; yadā hranekāni dravyāṇi ekajātīyānyekaviśeṣaṇayogīni ca, tadā viśeṣaṇasyārthavattvam; na hrekasminneva vastuni, viśeṣaṇāntarāyogāt; yathā asāveka āditya iti, tathā ekameva brāhma, na brāhṛāntarāṇi, yebhyo viśeṣyeta nīlotpalavat| na; lakṣaṇārthatvādviśeṣaṇānām| nāyaṃ doṣaḥ| kasmāt? lakṣaṇārthapradhānāni viśeṣaṇāni, na viśeṣaṇapradhānānyeva| kaḥ punarlakṣaṇalakṣyorviśeṣaṇaviśeṣyayorvā viśeṣaḥ? ucyate| sajātīyebhya eva nivartakāni viśeṣaṇāni viśeṣyasya; lakṣaṇaṃ tu sarvata eva, yathā avakāśapradātrākāśamiti| lakṣaṇārthaṃ ca vākyamityavocāma|| satyādiśabdā na parasparaṃ saṃbadhyante, parārthatvāt; viśeṣyārthā hi te| ata eva ekaiko viśeṣaṇaśabdaḥ parasparaṃ nirapekṣo brāhmaśabdena saṃbadhyate -- satyaṃ brāhma jñānaṃ brāhma anantaṃ brāhmeti| satyamiti yadrūpeṇa yanniścitaṃ tadrūpaṃ na vyabhicarati, tatsatyam| yadrūpeṇa yanniścitaṃ tadrūpaṃ vyabhicarati, tadanṛtamityucyate| ato vikāro'nṛtam, 'vācārambhaṇaṃ vikāro nāmadheyaṃ mṛttiketyeva satyam ', evaṃ sadeva satyamityavadhāraṇāt| ataḥ 'satyaṃ brāhma ' iti brāhma vikārānnivartayati| ataḥ kāraṇatvaṃ prāptaṃ brāhmaṇaḥ| kāraṇasya ca kārakatvam, vastutvāt mṛdvat acidrūpatā ca prāptā; ata idamucyate -- jñānaṃ brāhmeti| jñānaṃ jñaptiḥ avabodhaḥ, -- bhāvasādhano jñānaśabdaḥ -- na tu jñānakartṛ, brāhmaviśeṣaṇatvātsatyānantābhyāṃ saha| na hi satyatā anantatā ca jñānakartṛtve satyupapadyete| jñānakartṛtvena hi vikriyamāṇaṃ kathaṃ satyaṃ bhavet, anantaṃ ca? yaddhi na kutaścitpravibhajyate, tadanantam| jñānakartṛtve ca jñeyajñānābhyāṃ pravibhaktamityanantatā na syāt, ' yatra nānyadvijānāti sa bhūmā, atha yatrānyadvijānāti tadalpam ' iti śrutyantarāt| ' nānyadvijānāti ' iti viśeṣaṇapratiṣedhāt ātmānaṃ vijānātīti cet, na; bhūmalakṣaṇavidhiparatvādvākyasya| ' yatra nānyatpaśyati ' ityādi bhūmno lakṣaṇavidhiparaṃ vākyam| yathāprasiddhameva anyo'nyatpaśyatītyetadupādāya yatra tannāsti, sa bhūmā iti bhūmasvarūpaṃ tatra jñāpyate| anyagrahaṇasya prāptapratiṣedhārthatvāt na svātmani kriyāstitvaparaṃ vākyam| svātmani ca bhedābhāvādvijñānānupapattiḥ| ātmanaśca vijñeyatve jñātrabhāvaprasaṅgaḥ, jñeyatvenaiva viniyuktatvāt|| eka evātmā jñeyatvena jñātṛtvena ca ubhayathā bhavatīti cet, na; yugapadanaṃśatvāt| na hi niravayavasya yugapajjñeyajñātṛtvopapattiḥ| ātmanaśca ghaṭādivadvijñeyatve jñānopadeśānarthakyam| na hi ghaṭādivatprasiddhasya jñānopadeśaḥ arthavān| tasmāt jñātṛtve sati ānantyānupapattiḥ| sanmātratvaṃ cānupapannaṃ jñānakartṛtvādiviśeṣavattve sati; sanmātratvaṃ ca satyam, ' tatsatyam ' iti śrutyantarāt| tasmātsatyānantaśabdābhyāṃ saha viśeṣaṇatvena jñānaśabdasya prayogādbhāvasādhano jñānaśabdaḥ| 'jñānaṃ brāhma ' iti kartṛtvādikārakanivṛttyarthaṃ mṛdādivadacidrūpatānivṛttyarthaṃ ca prayujyate| 'jñānaṃ brāhma ' iti vacanātprāptamantavattvam, laukikasya jñānasya antavattvadarśanāt| ataḥ tannivṛttyarthamāha -- anantamiti| satyādīnāmanṛtādidharmanivṛttiparatvādviśeṣyasya ca brāhmaṇaḥ utpalādivadaprasiddhatvāt ' mṛgatṛṣṇāmbhasi snātaḥ khapuṣpakṛtaśekharaḥ| eṣa vandhyāsuto yāti śaśaśrṛṅgadhanurdharaḥ ' itivat śūnyārthataiva prāptā satyādivākyasyeti cet, na; lakṣaṇārthatvāt| viśeṣaṇatve'pi satyādīnāṃ lakṣaṇārthaprādhānyamityavocāma| śūnyo hi lakṣye anarthakaṃ lakṣaṇavacanam| ataḥ lakṣaṇārthatvānmanyāmahe na śūnyārthateti| viśeṣaṇārthatve'pi ca satyādīnāṃ svārthāparityāga eva| śūnyārthatve hi satyādiśabdānāṃ viśeṣyaniyantṛtvānupapattiḥ| satyādyarthairarthavattve tu tadviparītadharmavadbhayo viśeṣyebhyo brāhmaṇo viśeṣyasya niyantṛtvamupapadyate| brāhmaśabdo'pi svārthenārthavāneva| tatra anantaśabdaḥ antavattvapratiṣedhadvāreṇa viśeṣaṇam| satyajñānaśabdau tu svārthasamapraṇenaiva viśeṣaṇe bhavataḥ|| 'tasmādvā etasmādātmanaḥ ' iti brāhmaṇyeva ātmaśabdaprayogāt vediturātmaiva brāhma| 'etamānandamayamātmānamupasaṃkrāmati ' iti ca ātmatāṃ darśayati| tatpraveśācca; 'tatsṛṣṭvā tadevānuprāviśat ' iti ca tasyaiva jīvarūpeṇa śarīraprevaśaṃ darśayati| ato vedituḥ svarūpaṃ brāhma| evaṃ tarhi, ātmatvājjñānakartṛtvam; 'ātmā jñātā ' iti hi prasiddham, 'so'kāmayata ' iti ca kāmino jñānakartṛtvaprasiddhiḥ; ato jñānakartṛtvāt jñaptibrāhmetyayuktam; anityatvaprasaṅgācca; yadi nāma jñaptijrñānamiti bhāvarūpatā brāhmaṇaḥ, tadāpyanityatvaṃ prasajyeta; pāratantryaṃ ca, dhātvarthānāṃ kārakāpekṣatvāt, jñānaṃ ca dhātvarthaḥ; ato'sya anityatvaṃ paratantratā ca| na; svarūpāvyatirekeṇa kāryatvopacārāt| ātmanaḥ svarūpaṃ jñaptiḥ na tato vyatiricyate| ato nityaiva| tathāpi buddherupādhilakṣaṇāyāścakṣurādidvārairviṣayākārapariṇāminyāḥ ye śabdādyākārāvabhāsāḥ, te ātmavijñānasya viṣayabhūtā utpadyamānā eva ātmavijñānena vyāptā utpadyante| tasmādātmavijñānāvabhāsyāśca te vijñānaśabdavācyāśca dhātvarthabhūtā ātmana eva dharmā vikriyārūpā ityavivekibhiḥ parikalpyante| yattu brāhmaṇo vijñānam, tat savitṛprakāśavat agnyuṣṇatvavacca brāhmasvarūpāvyatiriktaṃ svarūpameva tat| na tatkāraṇāntarasavyapekṣam, nityasvarūpatvāt, sarvabhāvānāṃ ca tenāvibhaktadeśakālatvāt kālākāśādikāraṇatvāt niratiśayasūkṣmatvācca| na tasyānyadavijñeyaṃ sūkṣmaṃ vyavahitaṃ viprakṛṣṭaṃ bhūtaṃ bhavadbhaviṣyadvā asti| tasmātsarvajñaṃ tadbrāhma| mantravarṇācca 'apāṇipādo javano grahītā paśyatyacakṣuḥ sa śṛṇotyakarṇaḥ| sa vetti vedyaṃ na ca tasyāsti vettā tamāhugryaṃ puruṣaṃ mahāntam ' iti| 'na hi vijñāturvijñāterviparilopo vidyate'vināśitvānna tu tadvitīyamasti ' ityādiśruteśca| vijñātṛsvarūpāvyatirekātkaraṇādinimittānapekṣatvācca brāhmaṇo jñānasvarūpatve'pi nityatvaprasiddhiḥ| ato naiva dhātvarthastat, akriyārūpatvāt| ata eva ca na jñānakartṛ; tasmādeva ca na jñānaśabdavācyamapi tadbrāhma| tathāpi tadābhāsavācakena buddhidharmaviśeṣeṇa jñānaśabdena tallakṣyate; na tu ucyate, śabdapravṛttihetujātyādidharmarahitatvāt| tathā satyaśabdenāpi| sarvaviśeṣapratyastamitasvarūpatvādbrāhmaṇaḥ bāhrasattāsāmānyaviṣayeṇa satyaśabdena lakṣyate 'satyaṃ brāhma ' iti; na tu satyaśabdavācyaṃ brāhma| evaṃ satyādiśabdā itaretarasaṃnidhānādanyonyaniyamyaniyāmakāḥ santaḥ satyādiśabdavācyāt nivartakā brāhmaṇaḥ, lakṣaṇārthāśca bhavantīti| ataḥ siddham 'yato vāco nivartante aprāpya manasā saha anirukte'nilayane ' iti ca avācyatvam, nīlotpalavadavākyārthatvaṃ ca brāhmaṇaḥ|| tadyathāvyākhyātaṃ brāhma yaḥ veda vijānāti nihitaṃ sthitaṃ guhāyām, gūhateḥ saṃvaraṇārthasya nigūḍhā jñānajñeyajñātṛpadārthā iti guhā buddhiḥ, gūḍhāvasyāṃ bhogāpavargau puruṣārthāviti vā, tasyāṃ parame prakṛṣṭe vyoman vyomni ākāśe avyākṛtākhye; taddhi paramaṃ vyoma, 'etasminkhalvakṣare gāgryākāśaḥ ' ityakṣarasaṃnikarṣāt; 'guhāyāṃ vyoman ' iti vā sāmānādhikaraṇyādavyākṛtākāśameva guhā; tatrāpi nigūḍhāḥ sarve padārthāstriṣu kāleṣu, kāraṇatvātsūkṣmataratvācca; tasminnantarnihitaṃ brāhma| hārdameva tu paramaṃ vyometi nyāyyam, vijñānāṅgatvena vyomno vivakṣitatvāt| 'yo vai sa bahirdhā puruṣādākāśo yo vai so'ntaḥ puruṣa ākāśo yo'yamantahrmadaya ākāśaḥ ' iti śrutyantarātprasiddhaṃ hārdasya vyomnaḥ paramatvam| tasminhārde vyomni yā buddhirguhā, tasyāṃ nihitaṃ brāhma tadvyāvṛttyā viviktatayopalabhyata iti| na hranyathā viśiṣṭadeśakālasaṃbandho'sti brāhṛḥ, sarvagatatvānnirviśeṣatvācca| saḥ evaṃ brāhma vijānan; kimityāha -- aśnute bhuṅkte sarvān niravaśeṣān kāmān kāmyabhogānityarthaḥ| kimasmadādivatputrasvargādīnparyāyeṇa? netyāha -- saha yugapat ekakṣaṇopārūḍhāneva ekayopalabdhyā savitṛprakāśavannityayā brāhmasvarūpāvyatiriktayā, yāmavocāma 'satyaṃ jñānam ' iti| etattaducyate -- brāhmaṇā saheti| brāhmabhūto vidvān brāhmasvarūpeṇaiva sarvānkāmān saha aśnute| na tathā yathopādhikṛtena svarūpeṇātmano jalasūryakādivatpratibimbabhūtena sāṃsārikeṇa dharmādinimittāpekṣāṃścakṣurādikaraṇopekṣāṃśca sarvānkāmānparyāyeṇāśnute lokaḥ| kathaṃ tarhi? yathoktena prakāreṇa sarvajñena sarvagatena sarvātmanā nityabrāhṛātmasvarūpeṇa dharmādinimittānapekṣān cakṣurādikaraṇānapekṣāṃśca sarvānkāmānsahāśnuta ityarthaḥ| vipaścitā medhāvinā sarvajñena| taddhi vaipaścityam, yatsarvajñatvam| tena sarvajñasvarūpeṇa brāhmaṇā aśnuta iti| itiśabdo mantraparisamāptyarthaḥ|| sarva eva vallyarthaḥ 'brāhmavidāpnoti param ' iti brāāhmaṇavākyena sūtritaḥ| sa ca sūtrito'rthaḥ saṃkṣepato mantreṇa vyākhyātaḥ| punastasyaiva vistareṇārthanirṇayaḥ kartavya ityuttarastadvṛttisthānīyo grantha ārabhyate -- tasmādvā etasmādityādiḥ| tatra ca 'satyaṃ jñānamanantaṃ brāhma ' ityuktaṃ mantrādau; tatkathaṃ satyamanantaṃ cetyata āha| trividhaṃ hrānantyam -- deśataḥ kālato vastutaśceti| tadyathā -- deśato'nanta ākāśaḥ; na hi deśatastasya paricchedo'sti| na tu kālataścānantyaṃ vastutaśca ākāśasya| kasmāt? kāryatvāt| naivaṃ brāhmaṇa ākāśavatkālato'pyantavattvam, akāryatvāt| kāryaṃ hi vastu kālena paricchidyate| akāryaṃ ca brāhma| tasmātkālato'syānantyam| tathā vastunaḥ| kathaṃ punarvastuta ānantyam? sarvānanyatvāt| bhinnaṃ hi vastu vastvantarasya anto bhavati; vastvantarabuddhirhi prasaktādvastvantarānnivartate| yato yasya buddhernivṛttiḥ, sa tasyāntaḥ| tadyathā gotvabuddhiraśvatvānnivartata ityaśvatvāntaṃ gotvamityantavadeva bhavati| sa cānto bhinneṣu vastuṣu dṛṣṭaḥ| naivaṃ brāhmaṇo bhedaḥ| ato vastuto'pyānantyam| kathaṃ punaḥ sarvānanyatvaṃ brāhmaṇa iti, ucyate -- sarvavastukāraṇatvāt| sarveṣāṃ hi vastūnāṃ kālākāśādīnāṃ kāraṇaṃ brāhma| kāryāpekṣayā vastuto'ntavattvamiti cet, na; anṛtatvātkāryasya vastunaḥ| na hi kāraṇavyatirekeṇa kāryaṃ nāma vastuto'sti, yataḥ kāraṇabuddhirvinivarteta; ' vācārambhaṇaṃ vikāro nāmadheyaṃ mṛttiketyeva satyam ' evaṃ sadeva satyamiti śrutyantarāt| tasmādākāśādikāraṇatvāddeśatastāvadanantaṃ brāhma| ākāśo hrananta iti prasiddhaṃ deśataḥ; tasyedaṃ kāraṇam; tasmātsiddhaṃ deśata ātmana ānantyam| na hrasarvagatātsarvagatamutpadyamānaṃ loke kiṃciddṛśyate| ato niratiśayamātmana ānantyaṃ deśataḥ| tathā akāryatvātkālataḥ; tadbhinnavastvantarābhāvācca vastutaḥ| ata eva niratiśayasatyatvam|| tasmāt iti mūlavākyasūtritaṃ brāhma parāmṛśyate; etasmāt iti mantravākyena anantaraṃ yathālakṣitam| yadbrāhma ādau brāāhmaṇavākyena sūtritam , yacca 'satyaṃ jñānamanantaṃ brāhma ' ityanantarameva lakṣitam, tasmādetasmādbrāhmaṇa ātmanaḥ ātmaśabdavācyāt; ātmā hi tat sarvasya, 'tatsatyaṃ sa ātmā ' iti śrutyantarāt; ato brāhma ātmā; tasmādetasmādbrāhmaṇa ātmasvarūpāt ākāśaḥ saṃbhūtaḥ samutpannaḥ| ākāśo nāma śabdaguṇaḥ avakāśakaro mūrtadravyāṇām| tasmāt ākāśāt svena sparśaguṇena pūrveṇa ca ākāśaguṇena śabdena dviguṇaḥ vāyuḥ, saṃbhūta ityanuvartate| vāyośca svena rūpaguṇena pūrvābhyāṃ ca triguṇaḥ agniḥ saṃbhūtaḥ| agneśca svena rasaguṇena pūrvaiśca tribhiḥ caturguṇā āpaḥ saṃbhūtāḥ| adbhayaḥ svena gandhaguṇena pūrvaiśca caturbhiḥ pañcaguṇā pṛthivī saṃbhūtā| pṛthivyāḥ oṣadhayaḥ| oṣadhībhyaḥ annam| annāt retorūpeṇa pariṇatāt puruṣaḥ śiraḥpāṇyādyākṛtimān| sa vai eṣa puruṣaḥ annarasamayaḥ annarasavikāraḥ puruṣākṛtibhāvitaṃ hi sarvebhyo'ṅgebhyastejaḥsaṃbhūtaṃ reto bījam| tasmādyo jāyate, so'pi tathā puruṣākṛtireva syāt; sarvajātiṣu jāyamānānāṃ janakākṛtiniyamadarśanāt| sarveṣāmapyannarasavikāratve brāhṛṃvaśyatve ca aviśiṣṭe, kasmātpuruṣa eva guhrate? prādhānyāt| kiṃ punaḥ prādhānyam? karmajñānādhikāraḥ| puruṣa eva hi śaktatvādarthitvādaparyudastatvācca karmajñānayoradhikriyate, 'puruṣe tvevāvistarāmātmā sa hi prajñānena saṃpannatamo vijñātaṃ vaditi vijñātaṃ paśyati veda śvastanaṃ veda lokālokau matryenāmṛtamīkṣatītyevaṃ saṃpannaḥ; athetareṣāṃ paśūnāmaśanāyāpipāse evābhivijñānam ' ityādi śrutyantaradarśanāt|| sa hi puruṣaḥ iha vidyayā āntaratamaṃ brāhma saṃkrāmayitumiṣṭaḥ| tasya ca bāhrakāraviśeṣeṣvanātmasu ātmabhāvitābuddhiḥ vinā ālambaviśeṣaṃ kaṃcit sahasā āntaratamapratyagātmaviṣayā nirālambanā ca kartumaśakyeti dṛṣṭaśarīrātmasāmānyakalpanayā śākhācandranidarśanavadantaḥ praveśayannāha -- tasyedameva śiraḥ| tasya asya puruṣasyānnarasamayasya idameva śiraḥ prasiddham| prāṇamayādiṣvaśirasāṃ śirastvadarśanādihāpi tatprasaṅgo mā bhūditi idameva śira ityucyate| evaṃ pakṣādiṣu yojanā| ayaṃ dakṣiṇo bāhuḥ pūrvābhimukhasya dakṣiṇaḥ pakṣaḥ| ayaṃ savyo bāhuḥ uttaraḥ pakṣaḥ| ayaṃ madhyamo dehabhāgaḥ ātmā aṅgānām, 'madhyaṃ hreṣāmaṅgānāmātmā ' iti śruteḥ| idamiti nābheradhastādyadaṅgam, tata pucchaṃ pratiṣṭhā| pratitiṣṭhatyanayeti pratiṣṭhā| pucchamiva puccham, adholambanasāmānyāt, yathā goḥ puccham| etatprakṛtya uttareṣāṃ prāṇamayādīnāṃ rūpakatvasiddhiḥ, mūṣāniṣiktadrutatāmrapratimāvat| tadapyeṣa śloko bhavati| tat tasminnevārthe brāāhmaṇokte annamayātmaprakāśake eṣa ślokaḥ mantraḥ bhavati|| iti prathamānuvākabhāṣyam||

Sanskrit only: no published translation is held for this verse.

प्राणं देवा अनु प्राणन्ति । मनुष्याः पशवश्च ये । प्राणो हि भूतानामायुः । तस्मात् सर्वायुषमुच्यते । सर्वमेव त आयुर्यन्ति । ये प्राणं ब्रह्मोपासते । प्राणो हि भूतानामायुः । तस्मात् सर्वायुषमुच्यत इति । तस्यैष एव शारीर आत्मा । यः पूर्वस्य तस्माद्वा एतस्मात् प्राणमयात् । अन्योऽन्तर आत्मा मनोमयः । तेनैष पूर्णः । स वा एष पुरुषविध एव । तस्य पुरुषविधताम् । अन्वयं पुरुषविधः । तस्य यजुरेव शिरः । ऋग्दक्षिणः पक्षः । सामोत्तरः पक्षः । आदेश आत्मा । अथर्वाङ्गिरसः पुच्छं प्रतिष्ठा । तदप्येष श्लोको भवति ॥ १ ॥ प्राणं देवा अनु प्राणन्ति। अग्न्यादयः देवाः प्राणं वाय्वात्मानं प्राणनशक्तिमन्तम् अनु तदात्मभूताः सन्तः प्राणन्ति प्राणनकर्म कुर्वन्ति, प्राणनक्रियया क्रियावन्तो भवन्ति। अध्यात्माधिकारात् देवाः इन्द्रियाणि प्राणमनु प्राणन्ति मुख्यप्राणमनु चेष्टन्त इति वा। तथा मनुष्याः पशवश्च ये, ते प्राणनकर्मणैव चेष्टावन्तो भवन्ति। अतश्च नान्नमयेनैव परिच्छिन्नात्मना आत्मवन्तः प्राणिनः। किं तर्हि? तदन्तर्गतप्राणमयेनापि साधारणेनैव सर्वपिण्डव्यापिना आत्मवन्तो मनुष्यादयः। एवं मनोमयादिभिः पूर्वपूर्वव्यापिभिः उत्तरोत्तरैः सूक्ष्मैः आनन्दमयान्तैराकाशादिभूतारब्धैरविद्याकृतैः आत्मवन्तः सर्वे प्राणिनः; तथा, स्वाभाविकेनाप्याकाशादिकारणेन नित्येनाविकृतेन सर्वगतेन सत्यज्ञानानन्तलक्षणेन पञ्चकोशातिगेन सर्वात्मना आत्मवन्तः; स हि परमार्थत आत्मा सर्वेषामित्येतदप्यर्थादुक्तं भवति। प्राणं देवा अनु प्राणन्तीत्याद्युक्तम्; तत्कस्मादित्याह -- प्राणः हि यस्मात् भूतानां प्राणिनाम् आयुः जीवनम्, 'यावद्धयस्मिञ्शरीरे प्राणो वसति तावदेवायुः ' इति श्रुत्यन्तरात्। तस्मात् सर्वायुषम्, सर्वेषामायुः सर्वायुः, सर्वायुरेव सर्वायुषम् इत्युच्यते; प्राणापगमे मरणप्रसिद्धेः। प्रसिद्धं हि लोके सर्वायुष्ट्वं प्राणस्य। अतः अस्माद्बाह्रादसाधारणादन्नमयादात्मनोऽपक्रम्य अन्तः साधारणं प्राणमयमात्मानं ब्राह्म उपासते ये 'अहमस्मि प्राणः सर्वभूतानामात्मा आयुः, जीवनहेतुत्वात् ' इति, ते सर्वमेव आयुः अÏस्मल्लोके यन्ति; नापमृत्युना म्रियन्ते प्राक्प्राप्तादायुष इत्यर्थः। शतं वर्षाणीति तु युक्तम्, 'सर्वमायुरेति ' इति श्रुतिप्रसिद्धेः। किं कारणम्? -- प्राणो हि भूतानामायुः तस्मात्सर्वायुषमुच्यत इति। यो यद्गुणकं ब्राहृोपास्ते, स तद्गुणभाग्भवतीति विद्याफलप्राप्तेर्हेत्वर्थं पुनर्वचनम् -- प्राणो हीत्यादि। तस्य पूर्वस्य अन्नमयस्य एष एव शरीरे अन्नमये भवः शारीरः आत्मा। कः? य एष प्राणमयः। तस्माद्वा एतस्मादित्याद्युक्तार्थमन्यत्। अन्योऽन्तर आत्मा मनोमयः। मन इति संकल्पविकल्पात्मकमन्तःकरणम्, तन्मयो मनोमयः; सोऽयं प्राणमयस्याभ्यन्तर आत्मा। तस्य यजुरेव शिरः। यजुरिति अनियताक्षरपादावसानो मन्त्रविशेषः; तज्जातीयवचनो यजुःशब्दः; तस्य शिरस्त्वम्, प्राधान्यात्। प्राधान्यं च यागादौ संनिपत्योपकारकत्वात् यजुषा हि हविर्दीयते स्वाहाकारादिना।। वाचनिकी वा शिरआदिकल्पना सर्वत्र। मनसो हि स्थानप्रयत्ननादस्वरवर्णपदवाक्यविषया तत्संकल्पात्मिका तद्भाविता वृत्तिः श्रोत्रकरणद्वारा यजुःसंकेतेन विशिष्टा यजुरित्युच्यते। एवम् ऋक्; एवं साम च। एवं च मनोवृत्तित्वे मन्त्राणाम्, वृत्तिरेव आवत्र्यत इति मानसो जप उपपद्यते। अन्यथा अविषयत्वान्मन्त्रो नावर्तयितुं शक्यः घटादिवत् इति मानसो जपो नोपपद्यते। मन्त्रावृत्तिश्चोद्यते बहुशः कर्मसु। अक्षरविषयस्मृत्यावृत्त्या मन्त्रावृत्तिः स्यात् इति चेत्, न; मुख्यार्थासंभवात्। 'त्रिः प्रथमामन्वाह त्रिरुत्तमाम् ' इति ऋगावृत्तिः श्रूयते। तत्र ऋचः अविषयत्वे तद्विषयस्मृत्यावृत्त्या मन्त्रावृत्तौ च क्रियमाणायाम् 'त्रिः प्रथमामन्वाह ' इति ऋगावृत्तिर्मुख्योऽर्थश्चोदितः परित्यक्तः स्यात्। तस्मान्मनोवृत्त्युपाधिपरिच्छिन्नं मनोवृत्तिनिष्ठमात्मचैतन्यमनादिनिधनं यजुःशब्दवाच्यम् आत्मविज्ञानं मन्त्रा इति। एवं च नित्यत्वोपपत्तिर्वेदानाम्। अन्यथाविषयत्वे रूपादिवदनित्यत्वं च स्यात्; नैतद्युक्तम्। 'सर्वे वेदा यत्रैकं भवन्ति स मानसीन आत्मा ' इति च श्रुतिः नित्यात्मनैकत्वं ब्राुवन्ती ऋगादीनां नित्यत्वे समञ्जसा स्यात्। 'ऋचोऽक्षरे परमे व्योमन्यस्मिन्देवा अधि विश्वे निषेदुः ' इति च मन्त्रवर्णः। आदेशः अत्र ब्रााह्मणम्, आदेष्टव्यविशेषानादिशतीति। अथर्वणाङ्गिरसा च दृष्टा मन्त्रा ब्रााह्मणं च शान्तिकपौष्टिकादिप्रतिष्ठाहेतुकर्मप्रधानत्वात् पुच्छं प्रतिष्ठा। तदप्येष श्लोको भवति मनोमयात्मप्रकाशकः पूर्ववत्।। इति तृतीयानुवाकभाष्यम्।।

prāṇaṃ devā anu prāṇanti | manuṣyāḥ paśavaśca ye | prāṇo hi bhūtānāmāyuḥ | tasmāt sarvāyuṣamucyate | sarvameva ta āyuryanti | ye prāṇaṃ brahmopāsate | prāṇo hi bhūtānāmāyuḥ | tasmāt sarvāyuṣamucyata iti | tasyaiṣa eva śārīra ātmā | yaḥ pūrvasya tasmādvā etasmāt prāṇamayāt | anyo'ntara ātmā manomayaḥ | tenaiṣa pūrṇaḥ | sa vā eṣa puruṣavidha eva | tasya puruṣavidhatām | anvayaṃ puruṣavidhaḥ | tasya yajureva śiraḥ | ṛgdakṣiṇaḥ pakṣaḥ | sāmottaraḥ pakṣaḥ | ādeśa ātmā | atharvāṅgirasaḥ pucchaṃ pratiṣṭhā | tadapyeṣa śloko bhavati || 1 || prāṇaṃ devā anu prāṇanti| agnyādayaḥ devāḥ prāṇaṃ vāyvātmānaṃ prāṇanaśaktimantam anu tadātmabhūtāḥ santaḥ prāṇanti prāṇanakarma kurvanti, prāṇanakriyayā kriyāvanto bhavanti| adhyātmādhikārāt devāḥ indriyāṇi prāṇamanu prāṇanti mukhyaprāṇamanu ceṣṭanta iti vā| tathā manuṣyāḥ paśavaśca ye, te prāṇanakarmaṇaiva ceṣṭāvanto bhavanti| ataśca nānnamayenaiva paricchinnātmanā ātmavantaḥ prāṇinaḥ| kiṃ tarhi? tadantargataprāṇamayenāpi sādhāraṇenaiva sarvapiṇḍavyāpinā ātmavanto manuṣyādayaḥ| evaṃ manomayādibhiḥ pūrvapūrvavyāpibhiḥ uttarottaraiḥ sūkṣmaiḥ ānandamayāntairākāśādibhūtārabdhairavidyākṛtaiḥ ātmavantaḥ sarve prāṇinaḥ; tathā, svābhāvikenāpyākāśādikāraṇena nityenāvikṛtena sarvagatena satyajñānānantalakṣaṇena pañcakośātigena sarvātmanā ātmavantaḥ; sa hi paramārthata ātmā sarveṣāmityetadapyarthāduktaṃ bhavati| prāṇaṃ devā anu prāṇantītyādyuktam; tatkasmādityāha -- prāṇaḥ hi yasmāt bhūtānāṃ prāṇinām āyuḥ jīvanam, 'yāvaddhayasmiñśarīre prāṇo vasati tāvadevāyuḥ ' iti śrutyantarāt| tasmāt sarvāyuṣam, sarveṣāmāyuḥ sarvāyuḥ, sarvāyureva sarvāyuṣam ityucyate; prāṇāpagame maraṇaprasiddheḥ| prasiddhaṃ hi loke sarvāyuṣṭvaṃ prāṇasya| ataḥ asmādbāhrādasādhāraṇādannamayādātmano'pakramya antaḥ sādhāraṇaṃ prāṇamayamātmānaṃ brāhma upāsate ye 'ahamasmi prāṇaḥ sarvabhūtānāmātmā āyuḥ, jīvanahetutvāt ' iti, te sarvameva āyuḥ aÏsmalloke yanti; nāpamṛtyunā mriyante prākprāptādāyuṣa ityarthaḥ| śataṃ varṣāṇīti tu yuktam, 'sarvamāyureti ' iti śrutiprasiddheḥ| kiṃ kāraṇam? -- prāṇo hi bhūtānāmāyuḥ tasmātsarvāyuṣamucyata iti| yo yadguṇakaṃ brāhṛopāste, sa tadguṇabhāgbhavatīti vidyāphalaprāpterhetvarthaṃ punarvacanam -- prāṇo hītyādi| tasya pūrvasya annamayasya eṣa eva śarīre annamaye bhavaḥ śārīraḥ ātmā| kaḥ? ya eṣa prāṇamayaḥ| tasmādvā etasmādityādyuktārthamanyat| anyo'ntara ātmā manomayaḥ| mana iti saṃkalpavikalpātmakamantaḥkaraṇam, tanmayo manomayaḥ; so'yaṃ prāṇamayasyābhyantara ātmā| tasya yajureva śiraḥ| yajuriti aniyatākṣarapādāvasāno mantraviśeṣaḥ; tajjātīyavacano yajuḥśabdaḥ; tasya śirastvam, prādhānyāt| prādhānyaṃ ca yāgādau saṃnipatyopakārakatvāt yajuṣā hi havirdīyate svāhākārādinā|| vācanikī vā śiraādikalpanā sarvatra| manaso hi sthānaprayatnanādasvaravarṇapadavākyaviṣayā tatsaṃkalpātmikā tadbhāvitā vṛttiḥ śrotrakaraṇadvārā yajuḥsaṃketena viśiṣṭā yajurityucyate| evam ṛk; evaṃ sāma ca| evaṃ ca manovṛttitve mantrāṇām, vṛttireva āvatryata iti mānaso japa upapadyate| anyathā aviṣayatvānmantro nāvartayituṃ śakyaḥ ghaṭādivat iti mānaso japo nopapadyate| mantrāvṛttiścodyate bahuśaḥ karmasu| akṣaraviṣayasmṛtyāvṛttyā mantrāvṛttiḥ syāt iti cet, na; mukhyārthāsaṃbhavāt| 'triḥ prathamāmanvāha triruttamām ' iti ṛgāvṛttiḥ śrūyate| tatra ṛcaḥ aviṣayatve tadviṣayasmṛtyāvṛttyā mantrāvṛttau ca kriyamāṇāyām 'triḥ prathamāmanvāha ' iti ṛgāvṛttirmukhyo'rthaścoditaḥ parityaktaḥ syāt| tasmānmanovṛttyupādhiparicchinnaṃ manovṛttiniṣṭhamātmacaitanyamanādinidhanaṃ yajuḥśabdavācyam ātmavijñānaṃ mantrā iti| evaṃ ca nityatvopapattirvedānām| anyathāviṣayatve rūpādivadanityatvaṃ ca syāt; naitadyuktam| 'sarve vedā yatraikaṃ bhavanti sa mānasīna ātmā ' iti ca śrutiḥ nityātmanaikatvaṃ brāuvantī ṛgādīnāṃ nityatve samañjasā syāt| 'ṛco'kṣare parame vyomanyasmindevā adhi viśve niṣeduḥ ' iti ca mantravarṇaḥ| ādeśaḥ atra brāāhmaṇam, ādeṣṭavyaviśeṣānādiśatīti| atharvaṇāṅgirasā ca dṛṣṭā mantrā brāāhmaṇaṃ ca śāntikapauṣṭikādipratiṣṭhāhetukarmapradhānatvāt pucchaṃ pratiṣṭhā| tadapyeṣa śloko bhavati manomayātmaprakāśakaḥ pūrvavat|| iti tṛtīyānuvākabhāṣyam||

Sanskrit only: no published translation is held for this verse.

यतो वाचो निवर्तन्ते । अप्राप्य मनसा सह । आनन्दं ब्रह्मणो विद्वान् । न बिभेति कदाचनेति । तस्यैष एव शारीर आत्मा । यः पूर्वस्य तस्माद्वा एतस्मान्मनोमयात् । अन्योऽन्तर आत्मा विज्ञानमयः । तेनैष पूर्णः । स वा एष पुरुषविध एव । तस्य पुरुषविधताम् । अन्वयं पुरुषविधः । तस्य श्रद्धैव शिरः । ऋतं दक्षिणः पक्षः । सत्यमुत्तरः पक्षः । योग आत्मा । महः पुच्छं प्रतिष्ठा । तदप्येष श्लोको भवति ॥ १ ॥ यतो वाचो निवर्तन्ते अप्राप्य मनसा सहेत्यादि। तस्य पूर्वस्य प्राणमयस्य एष एव आत्मा शारीरः शरीरे प्राणमये भवः शारीरः। कः? य एष मनोमयः। तस्माद्वा एतस्मादिति पूर्ववत्। अन्योऽन्तर आत्मा विज्ञानमयः मनोमयस्याभ्यन्तरो विज्ञानमयः। मनोमयो वेदात्मा उक्तः। वेदार्थविषया बुद्धिर्निश्चयात्मिका विज्ञानम्, तच्चाध्यवसायलक्षणमन्तःकरणस्य धर्मः, तन्मयः निश्चयविज्ञानैः प्रमाणस्वरूपैर्निर्विर्तितः आत्मा विज्ञानमयः प्रमाणविज्ञानपूर्वको हि यज्ञादिः तायते। यज्ञादिहेतुत्वं च वक्ष्यति श्लोकेन। निश्चयविज्ञानवतो हि कर्तव्येष्वर्थेषु पूर्वं श्रद्धा उपपद्यते। सा सर्वकर्तव्यानां प्राथम्यात् शिर इव शिरः। ऋतसत्ये यथाव्याख्याते एव। योगः युक्तिः समाधानम् आत्मैव आत्मा। आत्मवतो हि युक्तस्य समाधानवतः अङ्गानीव श्रद्धादीनि यथार्थप्रतिपत्तिक्षमाणि भवन्ति। तस्मात्समाधानं योग आत्मा विज्ञानमयस्य। महः पुच्छं प्रतिष्ठा। मह इति महत्तत्त्वं प्रथमजम्, 'महद्यक्षं प्रथमजं वेद ' इति श्रुत्यन्तरात्, पुच्छं प्रतिष्ठा कारणत्वात्। कारणं हि कार्याणां प्रतिष्ठा, यथा वृक्षवीरुधां पृथिवी। सर्वविज्ञानानां च महत्तत्त्वं कारणम्। तेन तद्विज्ञानमयस्यात्मनः प्रतिष्ठा। तदप्येष श्लोको भवति पूर्ववत्। यथा अन्नमयादीनां ब्रााह्मणोक्तानां प्रकाशकाः श्लोकाः, एवं विज्ञानमयस्यापि।। इति चतुर्थानुवाकभाष्यम्।।

yato vāco nivartante | aprāpya manasā saha | ānandaṃ brahmaṇo vidvān | na bibheti kadācaneti | tasyaiṣa eva śārīra ātmā | yaḥ pūrvasya tasmādvā etasmānmanomayāt | anyo'ntara ātmā vijñānamayaḥ | tenaiṣa pūrṇaḥ | sa vā eṣa puruṣavidha eva | tasya puruṣavidhatām | anvayaṃ puruṣavidhaḥ | tasya śraddhaiva śiraḥ | ṛtaṃ dakṣiṇaḥ pakṣaḥ | satyamuttaraḥ pakṣaḥ | yoga ātmā | mahaḥ pucchaṃ pratiṣṭhā | tadapyeṣa śloko bhavati || 1 || yato vāco nivartante aprāpya manasā sahetyādi| tasya pūrvasya prāṇamayasya eṣa eva ātmā śārīraḥ śarīre prāṇamaye bhavaḥ śārīraḥ| kaḥ? ya eṣa manomayaḥ| tasmādvā etasmāditi pūrvavat| anyo'ntara ātmā vijñānamayaḥ manomayasyābhyantaro vijñānamayaḥ| manomayo vedātmā uktaḥ| vedārthaviṣayā buddhirniścayātmikā vijñānam, taccādhyavasāyalakṣaṇamantaḥkaraṇasya dharmaḥ, tanmayaḥ niścayavijñānaiḥ pramāṇasvarūpairnirvirtitaḥ ātmā vijñānamayaḥ pramāṇavijñānapūrvako hi yajñādiḥ tāyate| yajñādihetutvaṃ ca vakṣyati ślokena| niścayavijñānavato hi kartavyeṣvartheṣu pūrvaṃ śraddhā upapadyate| sā sarvakartavyānāṃ prāthamyāt śira iva śiraḥ| ṛtasatye yathāvyākhyāte eva| yogaḥ yuktiḥ samādhānam ātmaiva ātmā| ātmavato hi yuktasya samādhānavataḥ aṅgānīva śraddhādīni yathārthapratipattikṣamāṇi bhavanti| tasmātsamādhānaṃ yoga ātmā vijñānamayasya| mahaḥ pucchaṃ pratiṣṭhā| maha iti mahattattvaṃ prathamajam, 'mahadyakṣaṃ prathamajaṃ veda ' iti śrutyantarāt, pucchaṃ pratiṣṭhā kāraṇatvāt| kāraṇaṃ hi kāryāṇāṃ pratiṣṭhā, yathā vṛkṣavīrudhāṃ pṛthivī| sarvavijñānānāṃ ca mahattattvaṃ kāraṇam| tena tadvijñānamayasyātmanaḥ pratiṣṭhā| tadapyeṣa śloko bhavati pūrvavat| yathā annamayādīnāṃ brāāhmaṇoktānāṃ prakāśakāḥ ślokāḥ, evaṃ vijñānamayasyāpi|| iti caturthānuvākabhāṣyam||

Sanskrit only: no published translation is held for this verse.

विज्ञानं यज्ञं तनुते । कर्माणि तनुतेऽपि च । विज्ञानं देवाः सर्वे । ब्रह्म ज्येष्ठमुपासते । विज्ञानं ब्रह्म चेद्वेद । तस्माच्चेन्न प्रमाद्यति शरीरे पाप्मनो हित्वा । सर्वान्कामान्समश्नुत इति । तस्यैष एव शारीर आत्मा । यः पूर्वस्य । तस्माद्वा एतस्माद्विज्ञानमयात् । अन्योऽन्तर आत्माऽऽनन्दमयः । तेनैष पूर्णः । स वा एष पुरुषविध एव । तस्य पुरुषविधताम् । अन्वयं पुरुषविधः । तस्य प्रियमेव शिरः । मोदो दक्षिणः पक्षः । प्रमोद उत्तरः पक्षः । आनन्द आत्मा । ब्रह्म पुच्छं प्रतिष्ठा । तदप्येष श्लोको भवति ॥ १ ॥ विज्ञानं यज्ञं तनुते, विज्ञानवान्हि यज्ञं तनोति श्रद्धापूर्वकम्; अतो विज्ञानस्य कर्तृत्वं तनुत इति। कर्माणि च तनुते। यस्माद्विज्ञानकर्तृकं सर्वम्, तस्माद्युक्तं विज्ञानमय आत्मा ब्राह्मेति। किंच, विज्ञानं ब्राह्म सर्वे देवाः इन्द्रादयः ज्येष्ठम्, प्रथमजत्वात्; सर्ववृत्तीनां वा तत्पूर्वकत्वात्प्रथमजं विज्ञानं ब्राह्म उपासते ध्यायन्ति, तस्मिन्विज्ञानमये ब्राह्मण्यभिमानं कृत्वा उपासत इत्यर्थः। तस्मात्ते महतो ब्राह्मण उपासनात् ज्ञानैश्वर्यवन्तो भवन्ति। तच्च विज्ञानं ब्राह्म चेत् यदि वेद विजानाति; न केवलं वेदैव, तस्मात् ब्राह्मणः चेत् न प्रमाद्यति; बाह्रेष्वनात्मस्वात्मा भावितः; तस्मात्प्राप्तं विज्ञानमये ब्राह्मण्यात्मभावनायाः प्रमदनम्; तन्निवृत्त्यर्थमुच्यते -- तस्माच्चेन्न प्रमाद्यतीति। अन्नमयादिष्वात्मभावं हित्वा केवले विज्ञानमये ब्राह्मण्यात्मत्वं भावयन्नास्ते चेदित्यर्थः। ततः किं स्यादिति, उच्यते -- शरीरे पाप्मनो हित्वा; शरीराभिमाननिमित्ता हि सर्वे पाप्मानः; तेषां च विज्ञानमये ब्राह्मण्यात्माभिमानात् निमित्तापाये हानमुपपद्यते, छत्रापाय इव च्छायायाः। तस्मात् शरीराभिमाननिमित्तान्सर्वान् पाप्मनः शरीरप्रभवान् शरीरे एव हित्वा विज्ञानमयब्राह्मस्वरूपापन्नः तत्स्थान् सर्वान् कामान् विज्ञानमयेनैवात्मना समश्नुते सम्यग्भुङ्क्ते इत्यर्थः। तस्य पूर्वस्य मनोमयस्य आत्मा एष एव शरीरे मनोमये भवः शारीरः। कः? य एष विज्ञानमयः। तस्माद्वा एतस्मादित्युक्तार्थम्। आनन्दमय इति कार्यात्मप्रतीतिः, अधिकारात् मयट्शब्दाच्च। अन्नादिमया हि कार्यात्मनो भौतिका इहाधिकृताः। तदधिकारपतितश्चायमानन्दमयः। मयट् चात्र विकारार्थे दृष्टः, यथा अन्नमय इत्यत्र। तस्मात्कार्यात्मा आनन्दमयः प्रत्येतव्यः। संक्रमणाच्च। 'आनन्दमयमात्मानमुपसंक्रामति ' इति वक्ष्यति। कार्यात्मनां च संक्रमणमन्नात्मनां दृष्टम्। संक्रमणकर्मत्वेन च आनन्दमय आत्मा श्रूयते, यथा 'अन्नमयमात्मानमुपसंक्रामति ' इति। न च आत्मन एवोपसंक्रमणम्, अधिकारविरोधात्। असंभवाच्च। न ह्रात्मनैव आत्मन उपसंक्रमणं संभवति, स्वात्मनि भेदाभावात्; आत्मभूतं च ब्राह्म संक्रमितुः। शिरआदिकल्पनानुपपत्तेश्च। न हि यथोक्तलक्षणे आकाशादिकारणे अकार्यपतिते शिरआद्यवयवरूपकल्पना उपपद्यते। 'अदृश्येऽनात्म्येऽनिरुक्तेऽनिलयने अस्थूलमनणु नेति नेत्यात्मा ' इत्यादिविशेषापोहश्रुतिभ्यश्च। मन्त्रोदाहरणानुपपत्तेश्च। न हि, प्रियशिरआद्यवयवविशिष्टे प्रत्यक्षतोऽनुभूयमाने आनन्दमये आत्मनि ब्राह्मणि नास्ति ब्राह्मेत्याशङ्काभावात् 'असन्नेव स भवति असद्ब्राह्मेति वेद चेत् ' इति मन्त्रोदाहरणमुपपद्यते। 'ब्राह्म पुच्छं प्रतिष्ठा ' इत्यपि चानुपपन्नं पृथग्ब्राह्मणः प्रतिष्टात्वेन ग्रहणम्। तस्मात्कार्यपतित एवानन्दमयः, न पर एवात्मा। आनन्द इति विद्याकर्मणोः फलम्, तद्विकार आनन्दमयः। स च विज्ञानमयादान्तरः, यज्ञादिहेतोर्विज्ञानमयादस्यान्तरत्वश्रुतेः। ज्ञानकर्मणोर्हि फलं भोक्त्रर्थत्वादान्तरतमं स्यात्; आन्तरतमश्च आनन्दमय आत्मा पूर्वभ्यः। विद्याकर्मणोः प्रियाद्यर्थत्वाच्च। प्रियादिप्रयुक्ते हि विद्याकर्मणी; तस्मात्प्रियादीनां फलरूपाणामात्मसंनिकर्षात् विज्ञानमयादस्यभ्यन्तरत्वमुपपद्यते; प्रियादिवासनानिर्वर्तितो ह्रात्मा आनन्दमयो विज्ञानमयाश्रितः स्वप्ने उपलभ्यते। तस्य आनन्दमयस्यात्मनः इष्टपुत्रादिदर्शनजं प्रियं शिर इव शिरः, प्राधान्यात्। मोद इति प्रियलाभनिमित्तो हर्षः। स एव च प्रकृष्टो हर्षः प्रमोदः। आनन्द इति सुखसामान्यम् आत्मा प्रियादीनां सुखावयवानाम्, तेष्वनुस्यूतत्वात्। आनन्द इति परं ब्राह्म; तद्धि शुभकर्मणा प्रत्युपस्थाप्यमाने पुत्रमित्रादिविषयविशेषोपाधौ अन्तःकरणवृत्तिविशेषे तमसा अप्रच्छाद्यमाने प्रसन्ने अभिव्यज्यते। तद्विषयसुखमिति प्रसिद्धं लोके। तद्वृत्तिविशेषप्रत्युपस्थापकस्य कर्मणोऽनवस्थितत्वात् सुखस्य क्षणिकत्वम्। तद्यदन्तःकरणं तपसा तमोघ्नेन विद्यया ब्राह्मचर्येण श्रद्धया च निर्मलत्वमापद्यते यावत्, तावत् विविक्ते प्रसन्ने अन्तःकरणे आनन्दविशेष उत्कृष्यते विपुलीभवति। वक्ष्यति च -- 'रसौ वै सः, रसँ् ह्रेवायं लब्ध्वानन्दी भवति, एष ह्रेवानन्दयाति, एतस्यैवानन्दस्यान्यानि भूतानि मात्रामुपजीवन्ति ' इति श्रुत्यन्तरात्। एवं च कामोपशमोत्कर्षापेक्षया शतगुणोत्तरोत्तरोत्कर्षः आनन्दस्य वक्ष्यते। एवं च उत्कृष्यमाणस्य आनन्दमयस्यात्मनः परमार्थब्राह्मविज्ञानापेक्षया ब्राह्म परमेव यत्प्रकृतं सत्यज्ञानानन्तलक्षणम्, यस्य च प्रतिपत्त्यर्थं पञ्च अन्नादिमयाः कोशा उपन्यस्ताः, यच्च तेभ्य आभ्यन्तरम्, येन च ते सर्वे आत्मवन्तः, तत् ब्राह्म पुच्छं प्रतिष्ठा। तदेव च सर्वस्याविद्यापरिकल्पितस्य द्वैतस्य अवसानभूतम् अद्वैतं ब्राह्म प्रतिष्ठा, आनन्दमयस्य एकत्वावसानत्वात्। अस्ति तदेकमविद्याकल्पितस्य द्वैतस्यावसनाभूतमद्वैतं ब्राह्म प्रतिष्ठा पुच्छम्। तदेतस्मिन्नप्यर्थे एष श्लोको भवति।। इति पञ्चमानुवाकभाष्यम्।।

vijñānaṃ yajñaṃ tanute | karmāṇi tanute'pi ca | vijñānaṃ devāḥ sarve | brahma jyeṣṭhamupāsate | vijñānaṃ brahma cedveda | tasmāccenna pramādyati śarīre pāpmano hitvā | sarvānkāmānsamaśnuta iti | tasyaiṣa eva śārīra ātmā | yaḥ pūrvasya | tasmādvā etasmādvijñānamayāt | anyo'ntara ātmā''nandamayaḥ | tenaiṣa pūrṇaḥ | sa vā eṣa puruṣavidha eva | tasya puruṣavidhatām | anvayaṃ puruṣavidhaḥ | tasya priyameva śiraḥ | modo dakṣiṇaḥ pakṣaḥ | pramoda uttaraḥ pakṣaḥ | ānanda ātmā | brahma pucchaṃ pratiṣṭhā | tadapyeṣa śloko bhavati || 1 || vijñānaṃ yajñaṃ tanute, vijñānavānhi yajñaṃ tanoti śraddhāpūrvakam; ato vijñānasya kartṛtvaṃ tanuta iti| karmāṇi ca tanute| yasmādvijñānakartṛkaṃ sarvam, tasmādyuktaṃ vijñānamaya ātmā brāhmeti| kiṃca, vijñānaṃ brāhma sarve devāḥ indrādayaḥ jyeṣṭham, prathamajatvāt; sarvavṛttīnāṃ vā tatpūrvakatvātprathamajaṃ vijñānaṃ brāhma upāsate dhyāyanti, tasminvijñānamaye brāhmaṇyabhimānaṃ kṛtvā upāsata ityarthaḥ| tasmātte mahato brāhmaṇa upāsanāt jñānaiśvaryavanto bhavanti| tacca vijñānaṃ brāhma cet yadi veda vijānāti; na kevalaṃ vedaiva, tasmāt brāhmaṇaḥ cet na pramādyati; bāhreṣvanātmasvātmā bhāvitaḥ; tasmātprāptaṃ vijñānamaye brāhmaṇyātmabhāvanāyāḥ pramadanam; tannivṛttyarthamucyate -- tasmāccenna pramādyatīti| annamayādiṣvātmabhāvaṃ hitvā kevale vijñānamaye brāhmaṇyātmatvaṃ bhāvayannāste cedityarthaḥ| tataḥ kiṃ syāditi, ucyate -- śarīre pāpmano hitvā; śarīrābhimānanimittā hi sarve pāpmānaḥ; teṣāṃ ca vijñānamaye brāhmaṇyātmābhimānāt nimittāpāye hānamupapadyate, chatrāpāya iva cchāyāyāḥ| tasmāt śarīrābhimānanimittānsarvān pāpmanaḥ śarīraprabhavān śarīre eva hitvā vijñānamayabrāhmasvarūpāpannaḥ tatsthān sarvān kāmān vijñānamayenaivātmanā samaśnute samyagbhuṅkte ityarthaḥ| tasya pūrvasya manomayasya ātmā eṣa eva śarīre manomaye bhavaḥ śārīraḥ| kaḥ? ya eṣa vijñānamayaḥ| tasmādvā etasmādityuktārtham| ānandamaya iti kāryātmapratītiḥ, adhikārāt mayaṭśabdācca| annādimayā hi kāryātmano bhautikā ihādhikṛtāḥ| tadadhikārapatitaścāyamānandamayaḥ| mayaṭ cātra vikārārthe dṛṣṭaḥ, yathā annamaya ityatra| tasmātkāryātmā ānandamayaḥ pratyetavyaḥ| saṃkramaṇācca| 'ānandamayamātmānamupasaṃkrāmati ' iti vakṣyati| kāryātmanāṃ ca saṃkramaṇamannātmanāṃ dṛṣṭam| saṃkramaṇakarmatvena ca ānandamaya ātmā śrūyate, yathā 'annamayamātmānamupasaṃkrāmati ' iti| na ca ātmana evopasaṃkramaṇam, adhikāravirodhāt| asaṃbhavācca| na hrātmanaiva ātmana upasaṃkramaṇaṃ saṃbhavati, svātmani bhedābhāvāt; ātmabhūtaṃ ca brāhma saṃkramituḥ| śiraādikalpanānupapatteśca| na hi yathoktalakṣaṇe ākāśādikāraṇe akāryapatite śiraādyavayavarūpakalpanā upapadyate| 'adṛśye'nātmye'nirukte'nilayane asthūlamanaṇu neti netyātmā ' ityādiviśeṣāpohaśrutibhyaśca| mantrodāharaṇānupapatteśca| na hi, priyaśiraādyavayavaviśiṣṭe pratyakṣato'nubhūyamāne ānandamaye ātmani brāhmaṇi nāsti brāhmetyāśaṅkābhāvāt 'asanneva sa bhavati asadbrāhmeti veda cet ' iti mantrodāharaṇamupapadyate| 'brāhma pucchaṃ pratiṣṭhā ' ityapi cānupapannaṃ pṛthagbrāhmaṇaḥ pratiṣṭātvena grahaṇam| tasmātkāryapatita evānandamayaḥ, na para evātmā| ānanda iti vidyākarmaṇoḥ phalam, tadvikāra ānandamayaḥ| sa ca vijñānamayādāntaraḥ, yajñādihetorvijñānamayādasyāntaratvaśruteḥ| jñānakarmaṇorhi phalaṃ bhoktrarthatvādāntaratamaṃ syāt; āntaratamaśca ānandamaya ātmā pūrvabhyaḥ| vidyākarmaṇoḥ priyādyarthatvācca| priyādiprayukte hi vidyākarmaṇī; tasmātpriyādīnāṃ phalarūpāṇāmātmasaṃnikarṣāt vijñānamayādasyabhyantaratvamupapadyate; priyādivāsanānirvartito hrātmā ānandamayo vijñānamayāśritaḥ svapne upalabhyate| tasya ānandamayasyātmanaḥ iṣṭaputrādidarśanajaṃ priyaṃ śira iva śiraḥ, prādhānyāt| moda iti priyalābhanimitto harṣaḥ| sa eva ca prakṛṣṭo harṣaḥ pramodaḥ| ānanda iti sukhasāmānyam ātmā priyādīnāṃ sukhāvayavānām, teṣvanusyūtatvāt| ānanda iti paraṃ brāhma; taddhi śubhakarmaṇā pratyupasthāpyamāne putramitrādiviṣayaviśeṣopādhau antaḥkaraṇavṛttiviśeṣe tamasā apracchādyamāne prasanne abhivyajyate| tadviṣayasukhamiti prasiddhaṃ loke| tadvṛttiviśeṣapratyupasthāpakasya karmaṇo'navasthitatvāt sukhasya kṣaṇikatvam| tadyadantaḥkaraṇaṃ tapasā tamoghnena vidyayā brāhmacaryeṇa śraddhayā ca nirmalatvamāpadyate yāvat, tāvat vivikte prasanne antaḥkaraṇe ānandaviśeṣa utkṛṣyate vipulībhavati| vakṣyati ca -- 'rasau vai saḥ, rasa~ hrevāyaṃ labdhvānandī bhavati, eṣa hrevānandayāti, etasyaivānandasyānyāni bhūtāni mātrāmupajīvanti ' iti śrutyantarāt| evaṃ ca kāmopaśamotkarṣāpekṣayā śataguṇottarottarotkarṣaḥ ānandasya vakṣyate| evaṃ ca utkṛṣyamāṇasya ānandamayasyātmanaḥ paramārthabrāhmavijñānāpekṣayā brāhma parameva yatprakṛtaṃ satyajñānānantalakṣaṇam, yasya ca pratipattyarthaṃ pañca annādimayāḥ kośā upanyastāḥ, yacca tebhya ābhyantaram, yena ca te sarve ātmavantaḥ, tat brāhma pucchaṃ pratiṣṭhā| tadeva ca sarvasyāvidyāparikalpitasya dvaitasya avasānabhūtam advaitaṃ brāhma pratiṣṭhā, ānandamayasya ekatvāvasānatvāt| asti tadekamavidyākalpitasya dvaitasyāvasanābhūtamadvaitaṃ brāhma pratiṣṭhā puccham| tadetasminnapyarthe eṣa śloko bhavati|| iti pañcamānuvākabhāṣyam||

Sanskrit only: no published translation is held for this verse.

असन्नेव स भवति असद्ब्रह्मेति वेद चेत् । ब्रह्मेति चेद्वेद । सन्तमेनं ततो विदुरिति । तस्यैष एव शारीर आत्मा । यः पूर्वस्य अथातोऽनुप्रश्नाः । उताविद्वानमुं लोकं प्रेत्य । कश्चन गच्छी३ । आहो विद्वानमुं लोकं प्रेत्य कश्चित्समश्नुता ३ उ । सोऽकामयत । बहुभ्यां प्रजायेयेति । स तपोऽतप्यत । स तपस्तप्त्वा । इदँ सर्वमसृजत । यदिदं किञ्च । तत्सृष्ट्वा । तदेवानुप्राविशत् । तदनुप्रविश्य । सच्च त्यच्चाभवत् । निरुक्तं चानिरुक्तं च । निलयनं चानिलयनं च । विज्ञानं चाविज्ञानं च । सत्यं चानृतं च । सत्यमभवत् । यदिदं किञ्च । तत्सत्यमित्याचक्षते । तदप्येष श्लोको भवति ॥ १ ॥ असन्नेव असत्सम एव, यथा असन् अपुरुषार्थसंबन्धी, एवं सः भवति अपुरुषार्थसंबन्धी। कोऽसौ? यः असत् अविद्यमानं ब्राह्म इति वेद विजानाति चेत् यदि। तद्विपर्ययेण यत्सर्वविकल्पास्पदं सर्वप्रवृत्तिबीजं सर्वविशेषप्रत्यस्तमितमपि, अस्ति तत् ब्राह्म इति वेद चेत्, कुतः पुनराशङ्का तन्नास्तित्वे? व्यवहारातीतत्वं ब्राह्मण इति ब्राूमः। व्यवहारविषये हि वाचारम्भणमात्रे अस्तित्वभावितबुद्धिः तद्विपरीते व्यवहारातीते नास्तित्वमपि अस्तित्वभावितबुद्धिः तद्विपरीते व्यवहारातीते नास्तित्वमपि प्रतिपद्यते। यथा ' घटादिव्र्यवहारविषयतयोपपन्नः सन्, तद्विपरीतः असन् ' इति प्रसिद्धम्, एवं तत्सामान्यादिहापि स्याद्ब्राह्मणो नास्तित्वं प्रत्याशङ्का। तस्मादुच्यते -- अस्ति ब्राह्मेति चेद्वेदेति। किं पुनः स्यात्तदस्तीति विजानतः? तदाह -- सन्तं विद्यमानं ब्राह्मस्वरूपेण परमार्थसदात्मापन्नम् एनम् एवंविदं विदुः ब्राह्मविदः। ततः तस्मात् अस्तित्ववेदनात् सः अन्येषां ब्राह्मवद्विज्ञेयो भवतीत्यर्थः। अथवा यो नास्ति ब्राह्मेति मन्यते, स सर्वस्यैव सन्मार्गस्य वर्णाश्रमादिव्यवस्थालक्षणस्य नास्तित्वं प्रतिपद्यते; ब्राह्मप्रतिपत्त्यर्थत्वात्तस्य। अतः नास्तिकः सः असन् असाधुरुच्यते लोके। तद्विपरीतः सन् यः अस्ति ब्राह्मेति चेद्वेद, स तदब्राह्मप्रतिपत्तिहेतुं सन्मार्गं वर्णाश्रमादिव्यवस्थालक्षणं श्रद्दधानतया यथावत्प्रतिपद्यते यस्मात्, ततः तस्मात् सन्तं साधुमार्गस्थम् एनं विदुः साधवः। तस्मादस्तीत्येव ब्राह्म प्रतिपत्तव्यमिति वाक्यार्थः। तस्य पूर्वस्य विज्ञानमयस्य एष एव शरीरे विज्ञानमये भवः शारीरः आत्मा। कोऽसौ? य एष आनन्दमयः। तं प्रति नास्त्याशङ्का नास्तित्वे। अपोढसर्वविशेषत्वात्तु ब्राह्मणो नास्तित्वं प्रत्याशङ्का युक्ता; सर्वसाम्याच्च ब्राह्मणः। यस्मादेवम्, अतः तस्मात् अथ अनन्तरं श्रोतुः शिष्यस्य अनुप्रश्नाः आचार्योक्तिमनु एते प्रश्नाः। सामान्यं हि ब्राह्म आकाशादिकारणत्वात् विदुषः अविदुषश्च; अतः अविदुषोऽपि ब्राह्मप्राप्तिराशङ्कयते -- उत अपि अविद्वान् अमुं लोकं परमात्मानम् इतः प्रेत्य कश्चन, चनशब्दः अप्यर्थे, अविद्वानपि गच्छति प्राप्नोति? ' किं वा न गच्छति? ' इति द्वितीयोऽपि प्रश्नो द्रष्टव्यः, अनुप्रश्ना इति बहुवचनात्। विद्वांसं प्रत्यन्यौ प्रश्नौ -- यद्यविद्वान्सामान्यं कारणमपि ब्राह्म न गच्छति, अतो विदुषोऽपि ब्राहृागमनमाशङ्कयते; अतस्तं प्रति प्रश्नः -- आहो विद्वानिति। उकारं च वक्ष्यमाणमधस्तादपकृष्य तकारं च पूर्वस्मादुतशब्दाद्व्यासज्य आहो इत्येतस्मात्पूर्वमुतशब्दं संयोज्य पृच्छति -- उताहो विद्वानिति। विद्वान् ब्राह्मविदपि कश्चित् इतः प्रेत्य अमुं लोकं समश्नुते प्राप्नोति। समश्नुते उ इत्येवं स्थिते, अयादेशे यलोपे च कृते, अकारस्य प्लुतिः -- समश्नुता 3 उ इति। विद्वान्समश्नुते अमुं लोकम्; किं वा, यथा अविद्वान्, एवं विद्वानपि न समश्नुते इत्यपरः प्रश्नः। द्वावेव वा प्रश्नौ विद्वदविद्वद्विषयौ; बहुवचनं तु सामथ्र्यप्राप्तप्रश्नान्तरापेक्षया घटते। ' असद्ब्राह्मेति वेद चेत् अस्ति ब्राह्मेति चेद्वेद ' इति श्रवणादस्ति नास्तीति संशयः। ततः अर्थप्राप्तः किमस्ति नास्तीति प्रथमोऽनुप्रश्नः। ब्राह्मणः अपक्षपातित्वात् अविद्वान्गच्छति न गच्छतीति द्वितीयः। ब्राह्मणः समत्वेऽपि अविदुष इव विदुषोऽप्यगमनमाशङ्कय किं विद्वान्समश्नुते न समश्नुते इति तृतीयोऽनुप्रश्नः।। एतेषां प्रतिवचनार्थ उत्तरो ग्रन्थ आरभ्यते। तत्र अस्तित्वमेव तावदुच्यते। यच्चोक्तम्, ' सत्यं ज्ञानमनन्तं ब्राह्म ' इति, तत्र च कथं सत्यत्वमित्येतद्वक्तव्यमिति इदमुच्यते। सत्त्वोक्त्यैव सत्यत्वमुच्यते। उक्तं हि सदेव सत्यमिति; तस्मात्सत्त्वोक्त्यैव सत्यत्वमुच्यते। कथमेवमर्थता अवगम्यते अस्य ग्रन्थस्य? शब्दानुगमात्। अनेनैव ह्रर्थेनान्वितानि उत्तरवाक्यानि -- 'तत्सत्यमित्याचक्षते यदेष आकाश आनन्दो न स्यात् ' इत्यादीनि। तत्र असदेव ब्राह्मेत्याशङ्कयते। कस्मात्? यदस्ति, तद्विशेषतो गृह्रते; यथा घटादि। यन्नास्ति, तन्नोपलभ्यते; यथा शशविषाणादि। तथा नोपलभ्यते ब्राह्म; तस्माद्विशेषतः अग्रहणान्नास्तीति। तन्न, आकाशादिकारणत्वाद्ब्राह्मणः। न नास्ति ब्राह्म। कस्मात्? आकाशादि हि सर्वं कार्यं ब्राह्मणो जातं गृह्रते; यस्माच्च जायते किंचित्, तदस्तीति दृष्टं लोके, यथा घटाङ्कुरादिकारणं मृद्बीजादि; तस्मादाकाशादिकारणत्वादस्ति ब्राह्म। न चासतो जातं किंचिद्गृह्रते लोके कार्यम्। असतश्चेन्नामरूपादि कार्यम्, निरात्मकत्वान्नोपलभ्येत; उपलभ्यते तु; तस्मादस्ति ब्राह्म। असतश्चेत्कार्यं गृह्रमाणमपि असदन्वितमेव स्यात्; न चैवम्; तस्मादस्ति ब्राह्म। तत्र 'कथमसतः सज्जायेत ' इति श्रुत्यन्तरमसतः सज्जन्मासंभवमन्वाचष्टे न्यायतः। तस्मात्सदेव ब्राह्मेति युक्तम्। तद्यदि मृद्बीजादिवत् कारणं स्यात्, अचेतनं तर्हि। न; कामयितृत्वात्। न हि कामयित्रचेतनमस्ति लोके। सर्वज्ञं हि ब्राह्मेत्यवोचाम्; अतः कामयितृत्वोपपत्तिः। कामयितृत्वादस्मदादिवदनाप्तकाममिति चेत्, न; स्वातन्त्र्यात्। यथा अन्यान्परवशीकृत्य कामादिदोषाः प्रवर्तयन्ति, न तथा ब्राह्मणः प्रवर्तकाः कामाः। कथं तर्हि? सत्यज्ञानलक्षणाः स्वात्मभूतत्वाद्विशुद्धाः। न तैब्र्राह्म प्रवत्र्यते; तेषां तु तत्प्रवर्तकं ब्राह्म प्राणिकर्मापेक्षया। तस्मात्स्वातन्त्र्यं कामेषु ब्राह्मणः; अतो न अनाप्तकामं ब्राह्म। साधनान्तरानपेक्षत्वाच्च। यथा अन्येषामनात्मभूता धर्मादिनिमित्तापेक्षाः कामाः स्वात्मव्यतिरिक्तकार्यकरणसाधनान्तरापेक्षाश्च, न तथा ब्राह्मणः। किं तर्हि? स्वात्मनोऽनन्याः। तदेतदाह -- सोऽकामयत। सः आत्मा यस्मादाकाशः संभूतः, अकामयत कामितवान्। कथम्? बहु प्रभूतं स्यां भवेयम्। कथमेकस्यार्थान्तराननुप्रवेशे बहुत्वं स्यादिति, उच्यते -- प्रजायेय उत्पद्येय। न हि पुत्रोत्पत्तेरिवार्थान्तरविषयं बहुभवनम्। कथं तर्हि? आत्मस्थानभिव्यक्तनामरूपाभिव्यक्त्या। यदा आत्मस्थे अनभिव्यक्ते नामरूपे व्याक्रियेते, तदा आत्मस्वरूपापरित्यागेनैव ब्राह्मणः अप्रविभक्त्देशकाले सर्वावस्थासु व्याक्रियेते। तदेतन्नामरूपव्याकरणं ब्राह्मणो बहुभवनम्। नान्यथा निरवयवस्य ब्राह्मणो बहुत्वापत्तिरुपपद्यते अल्पत्वं वा, यथा आकाशस्याल्पत्वं बहुत्वं च वस्त्वन्तरकृतमेव। अतः तद्द्वारेणैवात्मा बहु भवति। न ह्रात्मनोऽन्यदनात्मभूतं तत्प्रविभक्तदेशकालं सूक्ष्मं व्यवहितं विप्रकृष्टं भूतं भवद्भविष्यद्वा वस्तु विद्यते। अतः नामरूपे सर्वावस्थे ब्राह्मणैवात्मवती। न ब्राह्म तदात्मकम्। ते तत्प्रत्याख्याने न स्त एवेति तदात्मके उच्येते। ताभ्यां च उपाधिभ्यां ज्ञातृज्ञेयज्ञानशब्दार्थादिसर्वसंव्यवहारभाग्ब्राह्म। सः आत्मा एवंकामः सन् तपः अतप्यत। तप इति ज्ञानमुच्यते, 'यस्य ज्ञानमयं तपः ' इति श्रुत्यन्तरात्। आप्तकामत्वाच्च इतरस्य असंभव एव तपसः। तत्तपः अतप्यत तप्तवान्, सृज्यमानजगद्रचनादिविषयामालोचनामकरोदात्मेत्यर्थः। सः एवमालोच्य तपः तप्त्वा प्राणिकर्मादिनिमित्तानुरूपम् इदं सर्वं जगत् देशतः कालतः नाम्ना रूपेण च यथानुभवं सर्वैः प्राणिभिः सर्वावस्थैरनुभूयमानम् असृजत सृष्टवान्। यदिदं किंच यÏत्कचेदमविशिष्टम्, तत् इदं जगत् सृष्ट्वा, किमकरोदिति, उच्यते -- तदेव सृष्टं जगत् अनुप्राविशदिति।। तत्रैतच्चिन्त्यम् -- कथमनुप्राविशदिति। किम्, यः रुाष्टा, स तेनैवात्मनानुप्राविशत् उत अन्येनेति? किं तावद्युक्तम्? क्त्वाप्रत्ययश्रवणात्, यः रुाष्टा स एवानुप्राविशदिति। ननु न युक्तं मृद्वच्चेत्कारणं ब्राह्म, तदात्मकत्वात्कार्यस्य, कारणमेव हि कार्यात्मना परिणमते; अतः अप्रविष्टस्यैव कार्योत्पत्तेरूध्र्वं पृथक्कारणस्य पुनः प्रवेशोऽनुपपन्नः। न हि घटपरिणामव्यतिरेकेण मृदो घटे प्रवेशोऽस्ति। यथा घटे चूर्णात्मना मृदोऽनुप्रवेशः, एवमनेन आत्मना नामरूपकार्ये अनुप्रवेश आत्मनः इति चेत्, श्रुत्यन्तराच्च ' अनेन जीवेनात्मनानुप्रविश्य ' इति; नैवं युक्तम्, एकत्वाद्ब्राह्मणः। मृदात्मनस्त्वनेकत्वात् सावयवत्वाच्च युक्तो घटे मृदश्चूर्णात्मनानुप्रवेशः, मृदश्चूर्णस्य अप्रविष्टदेशत्वाच्च। न त्वात्मन एकत्वे सति निरवयवत्वादप्रविष्टदेशाभावाच्च प्रवेश उपपद्यते; कथं तर्हि प्रवेशः स्यात्? युक्तश्च प्रवेशः, श्रुतत्वात् -- 'तदेवानुप्राविशत् ' इति। सावयवमेवास्तु; तर्हि सावयवत्वात् मुखे हस्तप्रवेशवत् नामरूपकार्ये जीवात्मनानुप्रवेशो युक्त एवेति चेत्, न; अशून्यदेशत्वात्। न हि कार्यात्मना परिणतस्य नामरूपकार्यदेशव्यतिरेकेण आत्मशून्यः प्रदेशोऽस्ति, यं प्रविशेज्जीवात्मना। कारणमेव चेत्प्रविशेत्, जीवात्मत्वं जह्रात्, यथा घटो मृत्प्रवेशे घटत्वं जहाति। 'तदेवानुप्राविशत् ' इति च श्रुतेर्न कारणानुप्रवेशो युक्तः। कार्यान्तरमेव स्यादिति चेत् -- तदेवानुप्राविशदिति जीवात्मरूपं कार्यं नामरूपपरिणतं कार्यान्तरमेव आपद्यत इति चेत्, न; विरोधात्। न हि घटो घटान्तरमापद्यते, व्यतिरेकश्रुतिविरोधाच्च। जीवस्य नामरूपकार्यव्यतिरेकानुवादिन्यः श्रुतयो विरुध्येरन्; तदापत्तौ मोक्षासंभवाच्च। न हि यतो मुच्यमानः, तदेव आपद्यते। न हि शृङ्खलापत्तिः बद्धस्य तस्करादेः। बाह्रान्तर्भेदेन परिणतमिति चेत् -- तदेव कारणं ब्राह्म शरीराद्याधारत्वेन तदन्तर्जीवात्मना आधेयत्वेन च परिणतमिति चेत्, न; बहिष्ठस्य प्रवेशोपपत्तेः। न हि यो यस्यान्तःस्थः स एव तत्प्रविष्ट उच्यते। बहिष्ठस्यानुप्रवेशः स्यात्, प्रवेशशब्दार्थस्यैवं दृष्टत्वात् -- यथा गृहं कृत्वा प्राविशदिति। जलसूर्यकादिप्रतिबिम्बवत् प्रवेशः स्यादिति चेत्, न; अपरिच्छिन्नत्वादमूर्तत्वाच्च। परिच्छिन्नस्य मूर्तस्यान्यस्य अन्यत्र प्रसादस्वभावके जलादौ सूर्यकादिप्रतिबिम्बोदयः स्यात्, न त्वात्मनः; अमूर्तत्वात्, आकाशादिकारणस्य आत्मनः व्यापकत्वात्। तद्विप्रकृष्टदेशप्रतिबिम्बाधारवस्त्वन्तराभावाच्च प्रतिबिम्बवत्प्रवेशो न युक्तः। एवं तर्हि नैवास्ति प्रवेशः; न च गत्यन्तरमुपलभामहे, ' तदेवानुप्राविशत् ' इति श्रुतेः। श्रुतिश्च नोऽतीन्द्रियविषये विज्ञानोत्पत्तौ निमित्तम्। न चास्माद्वाक्यात् यत्नवतामपि विज्ञानमुत्पद्यते। हन्त तह्र्रनर्थकत्वादपोह्रमेतद्वाक्यम् ' तत्सृष्ट्वा तदेवानुप्राविशत् ' इति; न, अन्यार्थत्वात्। किमर्थमस्थाने चर्चा? प्रकृतो ह्रन्यो विवक्षितोऽस्य वाक्यार्थः अस्ति; स स्मर्तव्यः -- ' ब्राह्मविदाप्नोति परम् सत्यं ज्ञानमनन्तं ब्राह्म यो वेद निहितं गुहायाम् ' इति। तद्विज्ञानं च विवक्षितम्; प्रकृतं च तत्। ब्राह्मस्वरूपावगमाय च आकाशाद्यन्नमयान्तं कार्यं प्रदर्शितम्; ब्राहृावगमश्च आरब्धः। तत्र अन्नमयादात्मनोऽन्योऽन्तर आत्मा प्राणमयः, तदन्तर्मनोमयो विज्ञानमय इति विज्ञानगुहायां प्रवेशितः; तत्र च आनन्दमयो विशिष्ट आत्मा प्रदर्शितः। अतः परमानन्दमयलिङ्गाधिगमद्वारेण आनन्दविवृद्धयवसान आत्मा। ब्राह्म पुच्छं प्रतिष्ठा सर्वविकल्पास्पदो निर्विकल्पोऽस्यामेव गुहायामधिगन्तव्य इति तत्प्रवेशः प्रकल्प्यते। न ह्रन्यत्रोपलभ्यते ब्राह्म, निर्विशेषत्वात्; विशेषसंबन्धो ह्रुपलब्धिहेतुर्दृष्टः -- यथा राहोश्चन्द्रार्कविशेषसंबन्धः। एवमन्तःकरणगुहात्मसंबन्धो ब्राह्मण उपलब्धिहेतुः, संनिकर्षात्, अवभासात्मकत्वाच्च अन्तःकरणस्य। यथा च आलोकविशिष्टघटाद्युपलब्धिः, एवं बुद्धिप्रत्ययालोकविशिष्टात्मोपलब्धिः स्यात्; तस्मात् उपलब्धिहेतौ गुहायां निहितमिति प्रकृतमेव। तद्वृत्तिस्थानीये त्विह पुनस्तत्सृष्ट्वा तदेवानुप्राविशदित्युच्यते।। तदेवेदमाकाशादिकारणं कार्यं सृष्ट्वा तदनुप्रविष्टमिवान्तर्गुहायां बुद्धौ द्रष्टृ श्रोतृ मन्तृ विज्ञात्रित्येवं विशेषवदुपलभ्यते। स एव तस्य प्रवेशः; तस्मादस्ति तत्कारणं ब्राह्म। अतः अस्तित्वादस्तीत्येवोपलब्धव्यं तत्। तत् कार्यमनुप्रविश्य; किम्? सच्च मूर्तं त्यच्च अमूर्तम् अभवत्। मूर्तामूर्ते ह्रव्याकृतनामरूपे आत्मस्थे अन्तर्गतेन आत्मना व्याक्रियेते मूर्तामूर्तशब्दवाच्ये। ते आत्मना त्वप्रविभक्तदेशकाले इति कृत्वा आत्मा ते अभवदित्युच्यते। किं च, निरुक्तं चानिरुक्तं च, निरुक्तं नाम निष्कृष्य समानासमानजातीयेभ्यः देशकालविशिष्टतया इदं तदित्युक्तम्; अनिरुक्तं तद्विपरीतम्; निरुक्तानिरुक्ते अपि मूर्तामूर्तयोरेव विशेषणे। यथा सच्च त्यच्च प्रत्यक्षपरोक्षे, तथा निलयनं चानिलयनं च। निलयनं नीडम् आश्रयः मूर्तस्यैव धर्मः; अनिलयनं तद्विपरीतम् अमूर्तस्यैव धर्मः। त्यदनिरुक्तानिलनानि अमूर्तधर्मत्वेऽपि व्याकृतविषयाण्येव, सर्गोत्तरकालबावश्रवणात्। त्यदिति प्राणाद्यनिरुक्तं तदेवानिलयनं च। अतो विशेषणानि अमूर्तस्य व्याकृतविषयाण्येवैतानि। विज्ञानं चेतनम्; अविज्ञानं तद्रहितमचेतनं पाषाणादि। सत्यं च व्यवहारविषयम्, अधिकारात्; न परमार्थसत्यम्; एकमेव हि परमार्थसत्यं ब्राह्म। इह पुनः व्यवहारविषयमापेक्षिकं सत्यम्, मृगतृष्णिकाद्यनृतापेक्षया उदकादि सत्यमुच्यते। अनृतं च तद्विपरीतम्। किं पुनः? एतत्सर्वमभवत्, सत्यं परमार्थसत्यम्; किं पुनस्तत्? ब्राह्म, 'सत्यं ज्ञानमनन्तं ब्राह्म ' इति प्रकृतत्वात्। यस्मात् सत्त्यदादिकं मूर्तामूर्तधर्मजातं यÏत्कचेदं सर्वमविशिष्टं विकारजातमेकमेव सच्छब्दवाच्यं ब्राहृाभवत्, तद्व्यतिरेकेणाभावान्नामरूपविकारस्य, तस्मात् तत् ब्राह्म सत्यमित्याचक्षते ब्राह्मविदः। अस्ति नास्तीत्यनुप्रश्नः प्रकृतः; तस्य प्रतिवचनविषये एतदुक्तम् -- 'आत्माकामयत बहु स्याम् ' इति। स यथाकामं च आकाशादिकार्यं सत्त्यदादिलक्षणं सृष्ट्वा तदनुप्रविश्य पश्यञ्श्रृण्वन्मन्वानो विजानन् बह्वभवत्; तस्मात् तदेवेदमाकाशादिकारणं कार्यस्थं परमे व्योमन् ह्मदयगुहायां निहितं तत्प्रत्ययावभासविशेषेणोपलभ्यमानमस्तीत्येवं विजानीयादित्युक्तं भवति। तत् एतस्मिन्नर्थे ब्रााह्मणोक्ते एषः श्लोकः मन्त्रः भवति। यथा पूर्वेष्वन्नमयाद्यात्मप्रकाशकाः पञ्चस्वपि, एवं सर्वान्तरमात्मास्तित्वप्रकाशकोऽपि मन्त्रः कार्यद्वारेण भवति।। इति षष्ठानुवाकभाष्यम्।।

asanneva sa bhavati asadbrahmeti veda cet | brahmeti cedveda | santamenaṃ tato viduriti | tasyaiṣa eva śārīra ātmā | yaḥ pūrvasya athāto'nupraśnāḥ | utāvidvānamuṃ lokaṃ pretya | kaścana gacchī3 | āho vidvānamuṃ lokaṃ pretya kaścitsamaśnutā 3 u | so'kāmayata | bahubhyāṃ prajāyeyeti | sa tapo'tapyata | sa tapastaptvā | ida~ sarvamasṛjata | yadidaṃ kiñca | tatsṛṣṭvā | tadevānuprāviśat | tadanupraviśya | sacca tyaccābhavat | niruktaṃ cāniruktaṃ ca | nilayanaṃ cānilayanaṃ ca | vijñānaṃ cāvijñānaṃ ca | satyaṃ cānṛtaṃ ca | satyamabhavat | yadidaṃ kiñca | tatsatyamityācakṣate | tadapyeṣa śloko bhavati || 1 || asanneva asatsama eva, yathā asan apuruṣārthasaṃbandhī, evaṃ saḥ bhavati apuruṣārthasaṃbandhī| ko'sau? yaḥ asat avidyamānaṃ brāhma iti veda vijānāti cet yadi| tadviparyayeṇa yatsarvavikalpāspadaṃ sarvapravṛttibījaṃ sarvaviśeṣapratyastamitamapi, asti tat brāhma iti veda cet, kutaḥ punarāśaṅkā tannāstitve? vyavahārātītatvaṃ brāhmaṇa iti brāūmaḥ| vyavahāraviṣaye hi vācārambhaṇamātre astitvabhāvitabuddhiḥ tadviparīte vyavahārātīte nāstitvamapi astitvabhāvitabuddhiḥ tadviparīte vyavahārātīte nāstitvamapi pratipadyate| yathā ' ghaṭādivryavahāraviṣayatayopapannaḥ san, tadviparītaḥ asan ' iti prasiddham, evaṃ tatsāmānyādihāpi syādbrāhmaṇo nāstitvaṃ pratyāśaṅkā| tasmāducyate -- asti brāhmeti cedvedeti| kiṃ punaḥ syāttadastīti vijānataḥ? tadāha -- santaṃ vidyamānaṃ brāhmasvarūpeṇa paramārthasadātmāpannam enam evaṃvidaṃ viduḥ brāhmavidaḥ| tataḥ tasmāt astitvavedanāt saḥ anyeṣāṃ brāhmavadvijñeyo bhavatītyarthaḥ| athavā yo nāsti brāhmeti manyate, sa sarvasyaiva sanmārgasya varṇāśramādivyavasthālakṣaṇasya nāstitvaṃ pratipadyate; brāhmapratipattyarthatvāttasya| ataḥ nāstikaḥ saḥ asan asādhurucyate loke| tadviparītaḥ san yaḥ asti brāhmeti cedveda, sa tadabrāhmapratipattihetuṃ sanmārgaṃ varṇāśramādivyavasthālakṣaṇaṃ śraddadhānatayā yathāvatpratipadyate yasmāt, tataḥ tasmāt santaṃ sādhumārgastham enaṃ viduḥ sādhavaḥ| tasmādastītyeva brāhma pratipattavyamiti vākyārthaḥ| tasya pūrvasya vijñānamayasya eṣa eva śarīre vijñānamaye bhavaḥ śārīraḥ ātmā| ko'sau? ya eṣa ānandamayaḥ| taṃ prati nāstyāśaṅkā nāstitve| apoḍhasarvaviśeṣatvāttu brāhmaṇo nāstitvaṃ pratyāśaṅkā yuktā; sarvasāmyācca brāhmaṇaḥ| yasmādevam, ataḥ tasmāt atha anantaraṃ śrotuḥ śiṣyasya anupraśnāḥ ācāryoktimanu ete praśnāḥ| sāmānyaṃ hi brāhma ākāśādikāraṇatvāt viduṣaḥ aviduṣaśca; ataḥ aviduṣo'pi brāhmaprāptirāśaṅkayate -- uta api avidvān amuṃ lokaṃ paramātmānam itaḥ pretya kaścana, canaśabdaḥ apyarthe, avidvānapi gacchati prāpnoti? ' kiṃ vā na gacchati? ' iti dvitīyo'pi praśno draṣṭavyaḥ, anupraśnā iti bahuvacanāt| vidvāṃsaṃ pratyanyau praśnau -- yadyavidvānsāmānyaṃ kāraṇamapi brāhma na gacchati, ato viduṣo'pi brāhṛāgamanamāśaṅkayate; atastaṃ prati praśnaḥ -- āho vidvāniti| ukāraṃ ca vakṣyamāṇamadhastādapakṛṣya takāraṃ ca pūrvasmādutaśabdādvyāsajya āho ityetasmātpūrvamutaśabdaṃ saṃyojya pṛcchati -- utāho vidvāniti| vidvān brāhmavidapi kaścit itaḥ pretya amuṃ lokaṃ samaśnute prāpnoti| samaśnute u ityevaṃ sthite, ayādeśe yalope ca kṛte, akārasya plutiḥ -- samaśnutā 3 u iti| vidvānsamaśnute amuṃ lokam; kiṃ vā, yathā avidvān, evaṃ vidvānapi na samaśnute ityaparaḥ praśnaḥ| dvāveva vā praśnau vidvadavidvadviṣayau; bahuvacanaṃ tu sāmathryaprāptapraśnāntarāpekṣayā ghaṭate| ' asadbrāhmeti veda cet asti brāhmeti cedveda ' iti śravaṇādasti nāstīti saṃśayaḥ| tataḥ arthaprāptaḥ kimasti nāstīti prathamo'nupraśnaḥ| brāhmaṇaḥ apakṣapātitvāt avidvāngacchati na gacchatīti dvitīyaḥ| brāhmaṇaḥ samatve'pi aviduṣa iva viduṣo'pyagamanamāśaṅkaya kiṃ vidvānsamaśnute na samaśnute iti tṛtīyo'nupraśnaḥ|| eteṣāṃ prativacanārtha uttaro grantha ārabhyate| tatra astitvameva tāvaducyate| yaccoktam, ' satyaṃ jñānamanantaṃ brāhma ' iti, tatra ca kathaṃ satyatvamityetadvaktavyamiti idamucyate| sattvoktyaiva satyatvamucyate| uktaṃ hi sadeva satyamiti; tasmātsattvoktyaiva satyatvamucyate| kathamevamarthatā avagamyate asya granthasya? śabdānugamāt| anenaiva hrarthenānvitāni uttaravākyāni -- 'tatsatyamityācakṣate yadeṣa ākāśa ānando na syāt ' ityādīni| tatra asadeva brāhmetyāśaṅkayate| kasmāt? yadasti, tadviśeṣato gṛhrate; yathā ghaṭādi| yannāsti, tannopalabhyate; yathā śaśaviṣāṇādi| tathā nopalabhyate brāhma; tasmādviśeṣataḥ agrahaṇānnāstīti| tanna, ākāśādikāraṇatvādbrāhmaṇaḥ| na nāsti brāhma| kasmāt? ākāśādi hi sarvaṃ kāryaṃ brāhmaṇo jātaṃ gṛhrate; yasmācca jāyate kiṃcit, tadastīti dṛṣṭaṃ loke, yathā ghaṭāṅkurādikāraṇaṃ mṛdbījādi; tasmādākāśādikāraṇatvādasti brāhma| na cāsato jātaṃ kiṃcidgṛhrate loke kāryam| asataścennāmarūpādi kāryam, nirātmakatvānnopalabhyeta; upalabhyate tu; tasmādasti brāhma| asataścetkāryaṃ gṛhramāṇamapi asadanvitameva syāt; na caivam; tasmādasti brāhma| tatra 'kathamasataḥ sajjāyeta ' iti śrutyantaramasataḥ sajjanmāsaṃbhavamanvācaṣṭe nyāyataḥ| tasmātsadeva brāhmeti yuktam| tadyadi mṛdbījādivat kāraṇaṃ syāt, acetanaṃ tarhi| na; kāmayitṛtvāt| na hi kāmayitracetanamasti loke| sarvajñaṃ hi brāhmetyavocām; ataḥ kāmayitṛtvopapattiḥ| kāmayitṛtvādasmadādivadanāptakāmamiti cet, na; svātantryāt| yathā anyānparavaśīkṛtya kāmādidoṣāḥ pravartayanti, na tathā brāhmaṇaḥ pravartakāḥ kāmāḥ| kathaṃ tarhi? satyajñānalakṣaṇāḥ svātmabhūtatvādviśuddhāḥ| na taibrrāhma pravatryate; teṣāṃ tu tatpravartakaṃ brāhma prāṇikarmāpekṣayā| tasmātsvātantryaṃ kāmeṣu brāhmaṇaḥ; ato na anāptakāmaṃ brāhma| sādhanāntarānapekṣatvācca| yathā anyeṣāmanātmabhūtā dharmādinimittāpekṣāḥ kāmāḥ svātmavyatiriktakāryakaraṇasādhanāntarāpekṣāśca, na tathā brāhmaṇaḥ| kiṃ tarhi? svātmano'nanyāḥ| tadetadāha -- so'kāmayata| saḥ ātmā yasmādākāśaḥ saṃbhūtaḥ, akāmayata kāmitavān| katham? bahu prabhūtaṃ syāṃ bhaveyam| kathamekasyārthāntarānanupraveśe bahutvaṃ syāditi, ucyate -- prajāyeya utpadyeya| na hi putrotpatterivārthāntaraviṣayaṃ bahubhavanam| kathaṃ tarhi? ātmasthānabhivyaktanāmarūpābhivyaktyā| yadā ātmasthe anabhivyakte nāmarūpe vyākriyete, tadā ātmasvarūpāparityāgenaiva brāhmaṇaḥ apravibhaktdeśakāle sarvāvasthāsu vyākriyete| tadetannāmarūpavyākaraṇaṃ brāhmaṇo bahubhavanam| nānyathā niravayavasya brāhmaṇo bahutvāpattirupapadyate alpatvaṃ vā, yathā ākāśasyālpatvaṃ bahutvaṃ ca vastvantarakṛtameva| ataḥ taddvāreṇaivātmā bahu bhavati| na hrātmano'nyadanātmabhūtaṃ tatpravibhaktadeśakālaṃ sūkṣmaṃ vyavahitaṃ viprakṛṣṭaṃ bhūtaṃ bhavadbhaviṣyadvā vastu vidyate| ataḥ nāmarūpe sarvāvasthe brāhmaṇaivātmavatī| na brāhma tadātmakam| te tatpratyākhyāne na sta eveti tadātmake ucyete| tābhyāṃ ca upādhibhyāṃ jñātṛjñeyajñānaśabdārthādisarvasaṃvyavahārabhāgbrāhma| saḥ ātmā evaṃkāmaḥ san tapaḥ atapyata| tapa iti jñānamucyate, 'yasya jñānamayaṃ tapaḥ ' iti śrutyantarāt| āptakāmatvācca itarasya asaṃbhava eva tapasaḥ| tattapaḥ atapyata taptavān, sṛjyamānajagadracanādiviṣayāmālocanāmakarodātmetyarthaḥ| saḥ evamālocya tapaḥ taptvā prāṇikarmādinimittānurūpam idaṃ sarvaṃ jagat deśataḥ kālataḥ nāmnā rūpeṇa ca yathānubhavaṃ sarvaiḥ prāṇibhiḥ sarvāvasthairanubhūyamānam asṛjata sṛṣṭavān| yadidaṃ kiṃca yaÏtkacedamaviśiṣṭam, tat idaṃ jagat sṛṣṭvā, kimakaroditi, ucyate -- tadeva sṛṣṭaṃ jagat anuprāviśaditi|| tatraitaccintyam -- kathamanuprāviśaditi| kim, yaḥ ruāṣṭā, sa tenaivātmanānuprāviśat uta anyeneti? kiṃ tāvadyuktam? ktvāpratyayaśravaṇāt, yaḥ ruāṣṭā sa evānuprāviśaditi| nanu na yuktaṃ mṛdvaccetkāraṇaṃ brāhma, tadātmakatvātkāryasya, kāraṇameva hi kāryātmanā pariṇamate; ataḥ apraviṣṭasyaiva kāryotpatterūdhrvaṃ pṛthakkāraṇasya punaḥ praveśo'nupapannaḥ| na hi ghaṭapariṇāmavyatirekeṇa mṛdo ghaṭe praveśo'sti| yathā ghaṭe cūrṇātmanā mṛdo'nupraveśaḥ, evamanena ātmanā nāmarūpakārye anupraveśa ātmanaḥ iti cet, śrutyantarācca ' anena jīvenātmanānupraviśya ' iti; naivaṃ yuktam, ekatvādbrāhmaṇaḥ| mṛdātmanastvanekatvāt sāvayavatvācca yukto ghaṭe mṛdaścūrṇātmanānupraveśaḥ, mṛdaścūrṇasya apraviṣṭadeśatvācca| na tvātmana ekatve sati niravayavatvādapraviṣṭadeśābhāvācca praveśa upapadyate; kathaṃ tarhi praveśaḥ syāt? yuktaśca praveśaḥ, śrutatvāt -- 'tadevānuprāviśat ' iti| sāvayavamevāstu; tarhi sāvayavatvāt mukhe hastapraveśavat nāmarūpakārye jīvātmanānupraveśo yukta eveti cet, na; aśūnyadeśatvāt| na hi kāryātmanā pariṇatasya nāmarūpakāryadeśavyatirekeṇa ātmaśūnyaḥ pradeśo'sti, yaṃ praviśejjīvātmanā| kāraṇameva cetpraviśet, jīvātmatvaṃ jahrāt, yathā ghaṭo mṛtpraveśe ghaṭatvaṃ jahāti| 'tadevānuprāviśat ' iti ca śruterna kāraṇānupraveśo yuktaḥ| kāryāntarameva syāditi cet -- tadevānuprāviśaditi jīvātmarūpaṃ kāryaṃ nāmarūpapariṇataṃ kāryāntarameva āpadyata iti cet, na; virodhāt| na hi ghaṭo ghaṭāntaramāpadyate, vyatirekaśrutivirodhācca| jīvasya nāmarūpakāryavyatirekānuvādinyaḥ śrutayo virudhyeran; tadāpattau mokṣāsaṃbhavācca| na hi yato mucyamānaḥ, tadeva āpadyate| na hi śṛṅkhalāpattiḥ baddhasya taskarādeḥ| bāhrāntarbhedena pariṇatamiti cet -- tadeva kāraṇaṃ brāhma śarīrādyādhāratvena tadantarjīvātmanā ādheyatvena ca pariṇatamiti cet, na; bahiṣṭhasya praveśopapatteḥ| na hi yo yasyāntaḥsthaḥ sa eva tatpraviṣṭa ucyate| bahiṣṭhasyānupraveśaḥ syāt, praveśaśabdārthasyaivaṃ dṛṣṭatvāt -- yathā gṛhaṃ kṛtvā prāviśaditi| jalasūryakādipratibimbavat praveśaḥ syāditi cet, na; aparicchinnatvādamūrtatvācca| paricchinnasya mūrtasyānyasya anyatra prasādasvabhāvake jalādau sūryakādipratibimbodayaḥ syāt, na tvātmanaḥ; amūrtatvāt, ākāśādikāraṇasya ātmanaḥ vyāpakatvāt| tadviprakṛṣṭadeśapratibimbādhāravastvantarābhāvācca pratibimbavatpraveśo na yuktaḥ| evaṃ tarhi naivāsti praveśaḥ; na ca gatyantaramupalabhāmahe, ' tadevānuprāviśat ' iti śruteḥ| śrutiśca no'tīndriyaviṣaye vijñānotpattau nimittam| na cāsmādvākyāt yatnavatāmapi vijñānamutpadyate| hanta tahrranarthakatvādapohrametadvākyam ' tatsṛṣṭvā tadevānuprāviśat ' iti; na, anyārthatvāt| kimarthamasthāne carcā? prakṛto hranyo vivakṣito'sya vākyārthaḥ asti; sa smartavyaḥ -- ' brāhmavidāpnoti param satyaṃ jñānamanantaṃ brāhma yo veda nihitaṃ guhāyām ' iti| tadvijñānaṃ ca vivakṣitam; prakṛtaṃ ca tat| brāhmasvarūpāvagamāya ca ākāśādyannamayāntaṃ kāryaṃ pradarśitam; brāhṛāvagamaśca ārabdhaḥ| tatra annamayādātmano'nyo'ntara ātmā prāṇamayaḥ, tadantarmanomayo vijñānamaya iti vijñānaguhāyāṃ praveśitaḥ; tatra ca ānandamayo viśiṣṭa ātmā pradarśitaḥ| ataḥ paramānandamayaliṅgādhigamadvāreṇa ānandavivṛddhayavasāna ātmā| brāhma pucchaṃ pratiṣṭhā sarvavikalpāspado nirvikalpo'syāmeva guhāyāmadhigantavya iti tatpraveśaḥ prakalpyate| na hranyatropalabhyate brāhma, nirviśeṣatvāt; viśeṣasaṃbandho hrupalabdhiheturdṛṣṭaḥ -- yathā rāhoścandrārkaviśeṣasaṃbandhaḥ| evamantaḥkaraṇaguhātmasaṃbandho brāhmaṇa upalabdhihetuḥ, saṃnikarṣāt, avabhāsātmakatvācca antaḥkaraṇasya| yathā ca ālokaviśiṣṭaghaṭādyupalabdhiḥ, evaṃ buddhipratyayālokaviśiṣṭātmopalabdhiḥ syāt; tasmāt upalabdhihetau guhāyāṃ nihitamiti prakṛtameva| tadvṛttisthānīye tviha punastatsṛṣṭvā tadevānuprāviśadityucyate|| tadevedamākāśādikāraṇaṃ kāryaṃ sṛṣṭvā tadanupraviṣṭamivāntarguhāyāṃ buddhau draṣṭṛ śrotṛ mantṛ vijñātrityevaṃ viśeṣavadupalabhyate| sa eva tasya praveśaḥ; tasmādasti tatkāraṇaṃ brāhma| ataḥ astitvādastītyevopalabdhavyaṃ tat| tat kāryamanupraviśya; kim? sacca mūrtaṃ tyacca amūrtam abhavat| mūrtāmūrte hravyākṛtanāmarūpe ātmasthe antargatena ātmanā vyākriyete mūrtāmūrtaśabdavācye| te ātmanā tvapravibhaktadeśakāle iti kṛtvā ātmā te abhavadityucyate| kiṃ ca, niruktaṃ cāniruktaṃ ca, niruktaṃ nāma niṣkṛṣya samānāsamānajātīyebhyaḥ deśakālaviśiṣṭatayā idaṃ tadityuktam; aniruktaṃ tadviparītam; niruktānirukte api mūrtāmūrtayoreva viśeṣaṇe| yathā sacca tyacca pratyakṣaparokṣe, tathā nilayanaṃ cānilayanaṃ ca| nilayanaṃ nīḍam āśrayaḥ mūrtasyaiva dharmaḥ; anilayanaṃ tadviparītam amūrtasyaiva dharmaḥ| tyadaniruktānilanāni amūrtadharmatve'pi vyākṛtaviṣayāṇyeva, sargottarakālabāvaśravaṇāt| tyaditi prāṇādyaniruktaṃ tadevānilayanaṃ ca| ato viśeṣaṇāni amūrtasya vyākṛtaviṣayāṇyevaitāni| vijñānaṃ cetanam; avijñānaṃ tadrahitamacetanaṃ pāṣāṇādi| satyaṃ ca vyavahāraviṣayam, adhikārāt; na paramārthasatyam; ekameva hi paramārthasatyaṃ brāhma| iha punaḥ vyavahāraviṣayamāpekṣikaṃ satyam, mṛgatṛṣṇikādyanṛtāpekṣayā udakādi satyamucyate| anṛtaṃ ca tadviparītam| kiṃ punaḥ? etatsarvamabhavat, satyaṃ paramārthasatyam; kiṃ punastat? brāhma, 'satyaṃ jñānamanantaṃ brāhma ' iti prakṛtatvāt| yasmāt sattyadādikaṃ mūrtāmūrtadharmajātaṃ yaÏtkacedaṃ sarvamaviśiṣṭaṃ vikārajātamekameva sacchabdavācyaṃ brāhṛābhavat, tadvyatirekeṇābhāvānnāmarūpavikārasya, tasmāt tat brāhma satyamityācakṣate brāhmavidaḥ| asti nāstītyanupraśnaḥ prakṛtaḥ; tasya prativacanaviṣaye etaduktam -- 'ātmākāmayata bahu syām ' iti| sa yathākāmaṃ ca ākāśādikāryaṃ sattyadādilakṣaṇaṃ sṛṣṭvā tadanupraviśya paśyañśrṛṇvanmanvāno vijānan bahvabhavat; tasmāt tadevedamākāśādikāraṇaṃ kāryasthaṃ parame vyoman hmadayaguhāyāṃ nihitaṃ tatpratyayāvabhāsaviśeṣeṇopalabhyamānamastītyevaṃ vijānīyādityuktaṃ bhavati| tat etasminnarthe brāāhmaṇokte eṣaḥ ślokaḥ mantraḥ bhavati| yathā pūrveṣvannamayādyātmaprakāśakāḥ pañcasvapi, evaṃ sarvāntaramātmāstitvaprakāśako'pi mantraḥ kāryadvāreṇa bhavati|| iti ṣaṣṭhānuvākabhāṣyam||

Sanskrit only: no published translation is held for this verse.

असद्वा इदमग्र आसीत् । ततो वै सदजायत । तदात्मानँ स्वयमकुरुत । तस्मात्तत्सुकृतमुच्यत इति । यद्वै तत् सुकृतम् । रसो वै सः । रसँ ह्येवायं लब्ध्वाऽऽनन्दी भवति । को ह्येवान्यात्कः प्राण्यात् । यदेष आकाश आनन्दो न स्यात् । एष ह्येवानन्दयाति । यदा ह्येवैष एतस्मिन्नदृश्येऽनात्म्येऽनिरुक्तेऽनिलयनेऽभयं प्रतिष्ठां विन्दते । अथ सोऽभयं गतो भवति । यदा ह्येवैष एतस्मिन्नुदरमन्तरं कुरुते । अथ तस्य भयं भवति । तत्त्वेव भयं विदुषोऽमन्वानस्य । तदप्येष श्लोको भवति ॥१॥ असद्वा इदमग्र आसीत्। असदिति व्याकृतनामरूपविशेषविपरीतरूपम् अव्याकृतं ब्राह्म उच्यते; न पुनरत्यन्तमेवासत्। न ह्रसतः सज्जन्मास्ति। इदम् इति नामरूपविशेषवद्व्याकृतं जगत्; अग्रे पूर्वं प्रागुत्पत्तेः ब्राह्मैव असच्छब्दवाच्यमासीत्। ततः असतः वै सत् प्रविभक्तनामरूपविशेषम् अजायत उत्पन्नम्। किं ततः प्रविभक्तं कार्यमिति -- पितुरिव पुत्रः? नेत्याह। तत् असच्छब्दवाच्यं स्वयमेव आत्मानमेव अकुरुत कृतवत्। यस्मादेवम्, तस्मात् तत् ब्राह्मैव सुकृतं स्वयं कर्तृ उच्यते। स्वयं कर्तृ ब्राह्मेति प्रसिद्धं लोके सर्वकारणत्वात्। यस्माद्वा स्वयमकरोत्सर्वं सर्वात्मना, तस्मात्पुण्यरूपेणापि तदेव ब्राह्म कारणं सुकृतम् उच्यते। सर्वथापि तु फलसंबन्धादिकारणं सुकृतशब्दवाच्यं प्रसिद्धं लोके। यदि पुण्यं यदि वा अन्यत् सा प्रसिद्धिः नित्ये चेतनकारणे सति उपपद्यते, तस्मादस्ति ब्राह्म, सुकृतप्रसिद्धेरिति। इतश्चास्ति; कुतः? रसत्वात्। कुतो रसत्वप्रसिद्धिब्र्राह्मण इत्यत आह -- यद्वै तत्सुकृतं रसौ वै सः। रसो नाम तृप्तिहेतुः आनन्दकरो मधुराम्लादिः प्रसिद्धो लोके। रसमेव हि अयं लब्ध्वा प्राप्य आनन्दी सुखी भवति। नासत आनन्दहेतुत्वं दृष्टं लोके। बाह्रानन्दसाधनरहिता अपि अनीहा निरेषणा ब्रााह्मणा बाह्ररसलाभादिव सानन्दा दृश्यन्ते विद्वांसः; नूनं ब्राह्मैव रसस्तेषाम्। तस्मादस्ति तत्तेषामानन्दकारणं रसवद्ब्राह्म। इतश्चास्ति; कुतः? प्राणनादिक्रियादर्शनात्। अयमपि हि पिण्डो जीवतः प्राणेन प्राणिति अपानेन अपानिति। एवं वायवीया ऐन्द्रियकाश्च चेष्टाः संहतैः कार्यकरणैर्निर्वत्र्यमाना दृश्यन्ते। तच्चैकार्थवृत्तित्वेन संहननं नान्तरेण चेतनमसंहतं संभवति, अन्यत्रादर्शनात्। तदाह -- यत् यदि एषः आकाशे परमे व्योम्नि गुहायां निहित आनन्दो न स्यात् न भवेत्, को ह्रेव लोके अन्यात् अपानचेष्टां कुर्यादित्यर्थः। कः प्राण्यात् प्राणनं वा कुर्यात्; तस्मादस्ति तद्ब्राह्म, यदर्थाः कार्यकरणप्राणनादिचेष्टाः; तत्कृत एव च आनन्दो लोकस्य। कुतः? एष ह्रेव पर आत्मा आनन्दयाति आनन्दयति सुखयति लोकं धर्मानुरूपम्। स एवात्मा आनन्दरूपोविद्यया परिच्छिन्नो विभाव्यते प्राणिभिरित्यर्थः। भयाभयहेतुत्वाद्विद्वदविदुषोरस्ति तद्ब्राह्म। सद्वस्ताश्रयणेन हि अभयं भवति; नासद्वस्त्वाश्रयणेन भयनिवृत्तिरुपपद्यते। कथमभयहेतुत्वमिति, उच्यते -- यदा ह्रेव यस्मात् एषः साधकः एतस्मिन् ब्राह्मणि -- किंविशिष्टे? अदृश्ये दृश्यं नाम द्रष्टव्यं विकारः, दर्शनार्थत्वाद्विकारस्य; न दृश्यम् अदृश्यम्, अविकारइत्यर्थः। एतस्मिन्नदृश्ये अविकारेऽविषयभूते, अनात्म्ये अशरीरे, यस्माददृश्यं तस्मादनात्म्यम्, यस्मादनात्म्यं तस्मादनिरुक्तम्; विशेषो हि निरुच्यते; विशेषश्च विकारः; अविकारं च ब्राह्म, सर्वविकारहेतुत्वात्; तस्मात् अनिरुक्तम्। यत् एवम्, तस्मादनिलयनं निलयनं नीड आश्रयः न निलयनम् अनिलयनम् अनाधारं तस्मिन् एतस्मिन् अदृश्येऽनात्म्येऽनिरुक्तेऽनिलयने सर्वकार्यधर्मविलक्षणे ब्राह्मणीति वाक्यार्थः। अभयमिति क्रियाविशेषणम्। अभयामिति वा लिङ्गान्तरं परिणम्यते। प्रतिष्ठां स्थितिमात्मभावं विन्दते लभते। अथ तदा सः तस्मिन्नानात्वस्य भयहेतोरविद्याकृतस्यादर्शनादभयं गतो भवति। स्वरूपप्रतिष्ठो ह्रसौ यदा भवति, तदा नान्यत्पश्यति नान्यच्छृणोति नान्यद्विजानाति। अन्यस्य ह्रन्यतो भयं भवति, न आत्मन एव आत्मनो भयं युक्तम्; तस्मात् आत्मैव आत्मनः अभयकारणम्। सर्वतो हि निर्भया ब्रााह्मणा दृश्यन्ते सत्सु भयहेतुषु; तच्चायुक्तमसति भयत्राणे ब्राह्मणि। तस्मात्तेषामभयदर्शनादस्ति तदभयकारणं ब्राह्मेति। कदा असौ अभयं गतो भवति साधकः? यदा नान्यत्पश्यति आत्मनि च अन्तरं भेदं न कुरुते, तदा अभयं गतो भवतीत्यभिप्रायः। यदा पुनरविद्यावस्थायां हि यस्मात् एषः अविद्यावान् अविद्यया प्रत्युपस्थापितं वस्तु तैमिरिकद्वितीयचन्द्रवत्पश्यत्यात्मनि च एतस्मिन् ब्राह्मणि, उत अपि, अरम् अल्पमपि, अन्तरं छिद्रं भेददर्शनं कुरुते; भेददर्शनमेव हि भयकारणम्; अल्पमपि भेदं पश्यतीत्यर्थः। अथ तस्माद्भेददर्शनाद्धेतोः तस्य भेददर्शिनः आत्मनो भयं भवति। तस्मादात्मैवात्मनो भयकारणमविदुषः; तदेतदाह -- तत् ब्राह्म त्वेव भयं भेददर्शिनो विदुषः ईश्वरोऽन्यो मत्तः अहमन्यः संसारीत्येवंविदुषः भेददृष्टमीश्वराख्यं तदेव ब्राह्म अल्पमप्यन्तरं कुर्वतः भयं भवति एकत्वेन अमन्वानस्य। तस्मात् विद्वानप्यविद्वानेवासौ, योऽयमेकमभिन्नमात्मतत्त्वं न पश्यति। उच्छेदहेतुदर्शनाद्धयुच्छेद्याभिमतस्य भयं भवति; अनुच्छेद्यो ह्रुच्छेदहेतुः; तत्र असत्युच्छेदहेतौ उच्छेद्ये न तद्दर्शनकार्यं भयं युक्तम्। सर्वं च जगद्भयवद्दृश्यते। तस्माज्जगतो भयदर्शनाद्गम्यते -- नूनं तदस्ति भयकारणमुच्छेदहेतुरनुच्छेद्यात्मकम्, यतो जगद्बिभेतीति। तत् एतस्मिन्नप्यर्थे एषः श्लोकः भवति।। इति सप्तमानुवाकभाष्यम्।।

asadvā idamagra āsīt | tato vai sadajāyata | tadātmāna~ svayamakuruta | tasmāttatsukṛtamucyata iti | yadvai tat sukṛtam | raso vai saḥ | rasa~ hyevāyaṃ labdhvā''nandī bhavati | ko hyevānyātkaḥ prāṇyāt | yadeṣa ākāśa ānando na syāt | eṣa hyevānandayāti | yadā hyevaiṣa etasminnadṛśye'nātmye'nirukte'nilayane'bhayaṃ pratiṣṭhāṃ vindate | atha so'bhayaṃ gato bhavati | yadā hyevaiṣa etasminnudaramantaraṃ kurute | atha tasya bhayaṃ bhavati | tattveva bhayaṃ viduṣo'manvānasya | tadapyeṣa śloko bhavati ||1|| asadvā idamagra āsīt| asaditi vyākṛtanāmarūpaviśeṣaviparītarūpam avyākṛtaṃ brāhma ucyate; na punaratyantamevāsat| na hrasataḥ sajjanmāsti| idam iti nāmarūpaviśeṣavadvyākṛtaṃ jagat; agre pūrvaṃ prāgutpatteḥ brāhmaiva asacchabdavācyamāsīt| tataḥ asataḥ vai sat pravibhaktanāmarūpaviśeṣam ajāyata utpannam| kiṃ tataḥ pravibhaktaṃ kāryamiti -- pituriva putraḥ? netyāha| tat asacchabdavācyaṃ svayameva ātmānameva akuruta kṛtavat| yasmādevam, tasmāt tat brāhmaiva sukṛtaṃ svayaṃ kartṛ ucyate| svayaṃ kartṛ brāhmeti prasiddhaṃ loke sarvakāraṇatvāt| yasmādvā svayamakarotsarvaṃ sarvātmanā, tasmātpuṇyarūpeṇāpi tadeva brāhma kāraṇaṃ sukṛtam ucyate| sarvathāpi tu phalasaṃbandhādikāraṇaṃ sukṛtaśabdavācyaṃ prasiddhaṃ loke| yadi puṇyaṃ yadi vā anyat sā prasiddhiḥ nitye cetanakāraṇe sati upapadyate, tasmādasti brāhma, sukṛtaprasiddheriti| itaścāsti; kutaḥ? rasatvāt| kuto rasatvaprasiddhibrrāhmaṇa ityata āha -- yadvai tatsukṛtaṃ rasau vai saḥ| raso nāma tṛptihetuḥ ānandakaro madhurāmlādiḥ prasiddho loke| rasameva hi ayaṃ labdhvā prāpya ānandī sukhī bhavati| nāsata ānandahetutvaṃ dṛṣṭaṃ loke| bāhrānandasādhanarahitā api anīhā nireṣaṇā brāāhmaṇā bāhrarasalābhādiva sānandā dṛśyante vidvāṃsaḥ; nūnaṃ brāhmaiva rasasteṣām| tasmādasti tatteṣāmānandakāraṇaṃ rasavadbrāhma| itaścāsti; kutaḥ? prāṇanādikriyādarśanāt| ayamapi hi piṇḍo jīvataḥ prāṇena prāṇiti apānena apāniti| evaṃ vāyavīyā aindriyakāśca ceṣṭāḥ saṃhataiḥ kāryakaraṇairnirvatryamānā dṛśyante| taccaikārthavṛttitvena saṃhananaṃ nāntareṇa cetanamasaṃhataṃ saṃbhavati, anyatrādarśanāt| tadāha -- yat yadi eṣaḥ ākāśe parame vyomni guhāyāṃ nihita ānando na syāt na bhavet, ko hreva loke anyāt apānaceṣṭāṃ kuryādityarthaḥ| kaḥ prāṇyāt prāṇanaṃ vā kuryāt; tasmādasti tadbrāhma, yadarthāḥ kāryakaraṇaprāṇanādiceṣṭāḥ; tatkṛta eva ca ānando lokasya| kutaḥ? eṣa hreva para ātmā ānandayāti ānandayati sukhayati lokaṃ dharmānurūpam| sa evātmā ānandarūpovidyayā paricchinno vibhāvyate prāṇibhirityarthaḥ| bhayābhayahetutvādvidvadaviduṣorasti tadbrāhma| sadvastāśrayaṇena hi abhayaṃ bhavati; nāsadvastvāśrayaṇena bhayanivṛttirupapadyate| kathamabhayahetutvamiti, ucyate -- yadā hreva yasmāt eṣaḥ sādhakaḥ etasmin brāhmaṇi -- kiṃviśiṣṭe? adṛśye dṛśyaṃ nāma draṣṭavyaṃ vikāraḥ, darśanārthatvādvikārasya; na dṛśyam adṛśyam, avikāraityarthaḥ| etasminnadṛśye avikāre'viṣayabhūte, anātmye aśarīre, yasmādadṛśyaṃ tasmādanātmyam, yasmādanātmyaṃ tasmādaniruktam; viśeṣo hi nirucyate; viśeṣaśca vikāraḥ; avikāraṃ ca brāhma, sarvavikārahetutvāt; tasmāt aniruktam| yat evam, tasmādanilayanaṃ nilayanaṃ nīḍa āśrayaḥ na nilayanam anilayanam anādhāraṃ tasmin etasmin adṛśye'nātmye'nirukte'nilayane sarvakāryadharmavilakṣaṇe brāhmaṇīti vākyārthaḥ| abhayamiti kriyāviśeṣaṇam| abhayāmiti vā liṅgāntaraṃ pariṇamyate| pratiṣṭhāṃ sthitimātmabhāvaṃ vindate labhate| atha tadā saḥ tasminnānātvasya bhayahetoravidyākṛtasyādarśanādabhayaṃ gato bhavati| svarūpapratiṣṭho hrasau yadā bhavati, tadā nānyatpaśyati nānyacchṛṇoti nānyadvijānāti| anyasya hranyato bhayaṃ bhavati, na ātmana eva ātmano bhayaṃ yuktam; tasmāt ātmaiva ātmanaḥ abhayakāraṇam| sarvato hi nirbhayā brāāhmaṇā dṛśyante satsu bhayahetuṣu; taccāyuktamasati bhayatrāṇe brāhmaṇi| tasmātteṣāmabhayadarśanādasti tadabhayakāraṇaṃ brāhmeti| kadā asau abhayaṃ gato bhavati sādhakaḥ? yadā nānyatpaśyati ātmani ca antaraṃ bhedaṃ na kurute, tadā abhayaṃ gato bhavatītyabhiprāyaḥ| yadā punaravidyāvasthāyāṃ hi yasmāt eṣaḥ avidyāvān avidyayā pratyupasthāpitaṃ vastu taimirikadvitīyacandravatpaśyatyātmani ca etasmin brāhmaṇi, uta api, aram alpamapi, antaraṃ chidraṃ bhedadarśanaṃ kurute; bhedadarśanameva hi bhayakāraṇam; alpamapi bhedaṃ paśyatītyarthaḥ| atha tasmādbhedadarśanāddhetoḥ tasya bhedadarśinaḥ ātmano bhayaṃ bhavati| tasmādātmaivātmano bhayakāraṇamaviduṣaḥ; tadetadāha -- tat brāhma tveva bhayaṃ bhedadarśino viduṣaḥ īśvaro'nyo mattaḥ ahamanyaḥ saṃsārītyevaṃviduṣaḥ bhedadṛṣṭamīśvarākhyaṃ tadeva brāhma alpamapyantaraṃ kurvataḥ bhayaṃ bhavati ekatvena amanvānasya| tasmāt vidvānapyavidvānevāsau, yo'yamekamabhinnamātmatattvaṃ na paśyati| ucchedahetudarśanāddhayucchedyābhimatasya bhayaṃ bhavati; anucchedyo hrucchedahetuḥ; tatra asatyucchedahetau ucchedye na taddarśanakāryaṃ bhayaṃ yuktam| sarvaṃ ca jagadbhayavaddṛśyate| tasmājjagato bhayadarśanādgamyate -- nūnaṃ tadasti bhayakāraṇamucchedaheturanucchedyātmakam, yato jagadbibhetīti| tat etasminnapyarthe eṣaḥ ślokaḥ bhavati|| iti saptamānuvākabhāṣyam||

Sanskrit only: no published translation is held for this verse.

भीषाऽस्माद्वातः पवते । भीषोदेति सूर्यः । भीषाऽस्मादग्निश्चेन्द्रश्च । मृत्युर्धावति पञ्चम इति । सैषाऽऽनन्दस्य मीमाँसा भवति । युवा स्यात्साधुयुवाऽध्यायकः । आशिष्ठो द्रढिष्ठो बलिष्ठः । तस्येयं पृथिवी सर्वा वित्तस्य पूर्णा स्यात् । स एको मानुष आनन्दः । ते ये शतं मानुषा आनन्दाः । स एको मनुष्यगन्धर्वाणामानन्दः । श्रोत्रियस्य चाकामहतस्य । ते ये शतं मनुष्यगन्धर्वाणामानन्दाः । स एको देवगन्धर्वाणामानन्दः । श्रोत्रियस्य चाकामहतस्य । ते ये शतं देवगन्धर्वाणामानन्दाः । स एकः पितृणां चिरलोकलोकानामानन्दः । स एक आजानजानां देवानामानन्दः । श्रोत्रियस्य चाकामहतस्य । ते ये शतमाजानजानां देवानामानन्दाः । स एकः कर्मदेवानां देवानामानन्दः । ये कर्मणा देवानपि यन्ति । श्रोत्रियस्य चाकामहतस्य । ते ये शतं कर्मदेवानां देवानामानन्दाः । स एको देवानामानन्दः । श्रोत्रियस्य चाकामहतस्य । ते ये शतं देवानामानन्दाः । स एक इन्द्रस्याऽऽनन्दः । श्रोत्रियस्य चाकामहतस्य । ते ये शतमिन्द्रस्याऽऽनन्दाः । स एको बृहस्पतेरानन्दः । श्रोत्रियस्य चाकामहतस्य । ते ये शतं बृहस्पतेरानन्दाः । स एकः प्रजापतेरानन्दः । श्रोत्रियस्य चाकामहतस्य । ते ये शतं प्रजापतेरानन्दाः । स एको ब्रह्मण आनन्दः । श्रोत्रियस्य चाकामहतस्य । स यश्चायं पुरुषे । यश्चासावादित्ये । स एकः । स य एवंवित् । अस्माल्लोकात्प्रेत्य । एतमन्नमयमात्मानमुपसङ्क्रामति । एतं प्राणमयमात्मानमुपसङ्क्रामति । एतं मनोमयमात्मानमुपसङ्क्रामति । एतं विज्ञानमयमात्मानमुपसङ्क्रामति । एतमानन्दमयमात्मानमुपसङ्क्रामति । तदप्येष श्लोको भवति ॥ १ ॥ निरस्ते त्वविद्याकृते विषयविषयिविभागे, विद्यया स्वाभाविकः परिपूर्णः एकः आनन्दः अद्वैतः भवतीत्येतमर्थं विभावयिष्यन्नाह -- युवा प्रथमवयाः; साधुयुवेति साधुश्चासौ युवा चेति यूनो विशेषणम्; युवाप्यसाधुर्भवति साधुरप्ययुवा, अतो विशेषणं युवा स्यात्साधुयुवेति; अध्यायकः अधीतवेदः। आशिष्ठः आशास्तृतमः; दृढिष्ठः दृढतमः; बलिष्ठः बलवत्तमः; एवमाध्यात्मिकसाधनसंपन्नः। तस्येयं पृथिवी उर्वी सर्वा वित्तस्य वित्तेनोपभोगसाधनेन दृष्टार्थेनादृष्टार्थेन च कर्मसाधनेन संपन्ना पूर्णा राजा पृथिवीपतिरित्यर्थः। तस्य च य आनन्दः, सः एकः मानुषः मनुष्याणां प्रकृष्टः एक आनन्दः। ते ये शतं मानुषा आनन्दाः, स एको मनुष्यगन्धर्वाणामानन्दः; मानुषानन्दात् शतगुणेनोत्कृष्टः मनुष्यगन्धर्वाणामानन्दः भवति। मनुष्याः सन्तः कर्मविद्याविशेषात् गन्धर्वत्वं प्राप्ता मनुष्यगन्धर्वाः। ते ह्रन्तर्धानादिशक्तिसंपन्नाः सूक्ष्मकार्यकरणाः; तस्मात्प्रतिघाताल्पत्वं तेषां द्वन्द्वप्रतिघातशक्तिसाधनसंपत्तिश्च। ततः अप्रतिहन्यमानस्य प्रतीकारवतः मनुष्यगन्धर्वस्य स्याच्चित्तप्रसादः। तत्प्रसादविशेषात्सुखविशेषाभिव्यक्तिः। एवं पूर्वस्याः पूर्वस्या भूमेरुत्तरस्यामुत्तरस्यां भूमौ प्रसादविशेषतः शतगुणेन आनन्दोत्कर्ष उपपद्यते। प्रथमं तु अकामहताग्रहणं मनुष्यविषयभोगकामानभिहतस्य श्रोत्रियस्य मनुष्यानन्दात् शतगुणेन आनन्दोत्कर्षः मनुष्यगन्धर्वेण तुल्यो वक्तव्य इत्येवमर्थम्। साधुयुवा अध्यायक इति श्रोत्रियत्वावृजिनत्वे गृह्रेते। ते ह्रविशिष्टे सर्वत्र। अकामहतत्वं तु विषयोत्कर्षापकर्षतः सुखोत्कर्षापकर्षाय विशेष्यते। अतः अकामहतग्रहणम्, तद्विशेषतः शतगुणसुखोत्कर्षोपलब्धेः अकामहतत्वस्य परमानन्दप्राप्तिसाधनत्वविधानार्थम्। व्याख्यातमन्यत्। देवगन्धर्वा जातित एव। चिरलोकलोकानामिति पितॄणां विशेषणम्। चिरकालस्थायी लोको येषां पितॄणाम्, ते चिरलोकलोका इति। आजान इति देवलोकः तस्मिन्नाजाने जाता आजानजा देवाः, स्मार्तकर्मविशेषतो देवस्थानेषु जाताः। कर्मदेवा ये वैदिकेन कर्मणा अग्निहोत्रादिना केवलेन देवानपियन्ति। देवा इति त्रयस्त्रिशद्धविर्भुजः; इन्द्रस्तेषां स्वामी; तस्य आचार्यो बृहस्पतिः। प्रजापतिः विराट् त्रैलोक्यशरीरो ब्राहृा समष्टिव्यष्टिरूपः संसारमण्डलव्यापी। यत्रैते आनन्दभेदा एकतां गच्छन्ति, धर्मश्च तन्निमित्तः ज्ञानं च तद्विषयम् अकामहतत्वं च निरतिशयं यत्र, स एष हिरण्यगर्भो ब्राहृा, तस्यैष आनन्दः श्रोत्रियेण अवृजिनेन अकामहेतन च सर्वतः प्रत्यक्षमुपलभ्यते। तस्मादेतानि त्रीणि साधनानीत्यवगम्यते। तत्र श्रोत्रित्वावृजिनत्वे नियते, अकामहतत्वं तु उत्कृष्यत इति प्रकृष्टसाधनता अवगम्यते। तस्य अकामहतत्वप्रकर्षतश्चोपलभ्यमानः श्रोत्रियप्रत्यक्षो ब्राह्मण आनन्दः यस्य परमानन्दस्य मात्रा एकदेशः, ' एतस्यैवानन्दस्यान्यानि भूतानि मात्रामुपजीवन्ति ' इति श्रुत्यन्तरात्। स एष आनन्दः -- यस्य मात्रा समुद्राम्भस इव विप्रुषः प्रविभक्ताः यत्रैकतां गताः -- स एष परमानन्दः स्वाभाविकः, अद्वैतात्; आनन्दानन्दिनोश्च अविभागोऽत्र।।

bhīṣā'smādvātaḥ pavate | bhīṣodeti sūryaḥ | bhīṣā'smādagniścendraśca | mṛtyurdhāvati pañcama iti | saiṣā''nandasya mīmā~sā bhavati | yuvā syātsādhuyuvā'dhyāyakaḥ | āśiṣṭho draḍhiṣṭho baliṣṭhaḥ | tasyeyaṃ pṛthivī sarvā vittasya pūrṇā syāt | sa eko mānuṣa ānandaḥ | te ye śataṃ mānuṣā ānandāḥ | sa eko manuṣyagandharvāṇāmānandaḥ | śrotriyasya cākāmahatasya | te ye śataṃ manuṣyagandharvāṇāmānandāḥ | sa eko devagandharvāṇāmānandaḥ | śrotriyasya cākāmahatasya | te ye śataṃ devagandharvāṇāmānandāḥ | sa ekaḥ pitṛṇāṃ ciralokalokānāmānandaḥ | sa eka ājānajānāṃ devānāmānandaḥ | śrotriyasya cākāmahatasya | te ye śatamājānajānāṃ devānāmānandāḥ | sa ekaḥ karmadevānāṃ devānāmānandaḥ | ye karmaṇā devānapi yanti | śrotriyasya cākāmahatasya | te ye śataṃ karmadevānāṃ devānāmānandāḥ | sa eko devānāmānandaḥ | śrotriyasya cākāmahatasya | te ye śataṃ devānāmānandāḥ | sa eka indrasyā''nandaḥ | śrotriyasya cākāmahatasya | te ye śatamindrasyā''nandāḥ | sa eko bṛhaspaterānandaḥ | śrotriyasya cākāmahatasya | te ye śataṃ bṛhaspaterānandāḥ | sa ekaḥ prajāpaterānandaḥ | śrotriyasya cākāmahatasya | te ye śataṃ prajāpaterānandāḥ | sa eko brahmaṇa ānandaḥ | śrotriyasya cākāmahatasya | sa yaścāyaṃ puruṣe | yaścāsāvāditye | sa ekaḥ | sa ya evaṃvit | asmāllokātpretya | etamannamayamātmānamupasaṅkrāmati | etaṃ prāṇamayamātmānamupasaṅkrāmati | etaṃ manomayamātmānamupasaṅkrāmati | etaṃ vijñānamayamātmānamupasaṅkrāmati | etamānandamayamātmānamupasaṅkrāmati | tadapyeṣa śloko bhavati || 1 || niraste tvavidyākṛte viṣayaviṣayivibhāge, vidyayā svābhāvikaḥ paripūrṇaḥ ekaḥ ānandaḥ advaitaḥ bhavatītyetamarthaṃ vibhāvayiṣyannāha -- yuvā prathamavayāḥ; sādhuyuveti sādhuścāsau yuvā ceti yūno viśeṣaṇam; yuvāpyasādhurbhavati sādhurapyayuvā, ato viśeṣaṇaṃ yuvā syātsādhuyuveti; adhyāyakaḥ adhītavedaḥ| āśiṣṭhaḥ āśāstṛtamaḥ; dṛḍhiṣṭhaḥ dṛḍhatamaḥ; baliṣṭhaḥ balavattamaḥ; evamādhyātmikasādhanasaṃpannaḥ| tasyeyaṃ pṛthivī urvī sarvā vittasya vittenopabhogasādhanena dṛṣṭārthenādṛṣṭārthena ca karmasādhanena saṃpannā pūrṇā rājā pṛthivīpatirityarthaḥ| tasya ca ya ānandaḥ, saḥ ekaḥ mānuṣaḥ manuṣyāṇāṃ prakṛṣṭaḥ eka ānandaḥ| te ye śataṃ mānuṣā ānandāḥ, sa eko manuṣyagandharvāṇāmānandaḥ; mānuṣānandāt śataguṇenotkṛṣṭaḥ manuṣyagandharvāṇāmānandaḥ bhavati| manuṣyāḥ santaḥ karmavidyāviśeṣāt gandharvatvaṃ prāptā manuṣyagandharvāḥ| te hrantardhānādiśaktisaṃpannāḥ sūkṣmakāryakaraṇāḥ; tasmātpratighātālpatvaṃ teṣāṃ dvandvapratighātaśaktisādhanasaṃpattiśca| tataḥ apratihanyamānasya pratīkāravataḥ manuṣyagandharvasya syāccittaprasādaḥ| tatprasādaviśeṣātsukhaviśeṣābhivyaktiḥ| evaṃ pūrvasyāḥ pūrvasyā bhūmeruttarasyāmuttarasyāṃ bhūmau prasādaviśeṣataḥ śataguṇena ānandotkarṣa upapadyate| prathamaṃ tu akāmahatāgrahaṇaṃ manuṣyaviṣayabhogakāmānabhihatasya śrotriyasya manuṣyānandāt śataguṇena ānandotkarṣaḥ manuṣyagandharveṇa tulyo vaktavya ityevamartham| sādhuyuvā adhyāyaka iti śrotriyatvāvṛjinatve gṛhrete| te hraviśiṣṭe sarvatra| akāmahatatvaṃ tu viṣayotkarṣāpakarṣataḥ sukhotkarṣāpakarṣāya viśeṣyate| ataḥ akāmahatagrahaṇam, tadviśeṣataḥ śataguṇasukhotkarṣopalabdheḥ akāmahatatvasya paramānandaprāptisādhanatvavidhānārtham| vyākhyātamanyat| devagandharvā jātita eva| ciralokalokānāmiti pitṝṇāṃ viśeṣaṇam| cirakālasthāyī loko yeṣāṃ pitṝṇām, te ciralokalokā iti| ājāna iti devalokaḥ tasminnājāne jātā ājānajā devāḥ, smārtakarmaviśeṣato devasthāneṣu jātāḥ| karmadevā ye vaidikena karmaṇā agnihotrādinā kevalena devānapiyanti| devā iti trayastriśaddhavirbhujaḥ; indrasteṣāṃ svāmī; tasya ācāryo bṛhaspatiḥ| prajāpatiḥ virāṭ trailokyaśarīro brāhṛā samaṣṭivyaṣṭirūpaḥ saṃsāramaṇḍalavyāpī| yatraite ānandabhedā ekatāṃ gacchanti, dharmaśca tannimittaḥ jñānaṃ ca tadviṣayam akāmahatatvaṃ ca niratiśayaṃ yatra, sa eṣa hiraṇyagarbho brāhṛā, tasyaiṣa ānandaḥ śrotriyeṇa avṛjinena akāmahetana ca sarvataḥ pratyakṣamupalabhyate| tasmādetāni trīṇi sādhanānītyavagamyate| tatra śrotritvāvṛjinatve niyate, akāmahatatvaṃ tu utkṛṣyata iti prakṛṣṭasādhanatā avagamyate| tasya akāmahatatvaprakarṣataścopalabhyamānaḥ śrotriyapratyakṣo brāhmaṇa ānandaḥ yasya paramānandasya mātrā ekadeśaḥ, ' etasyaivānandasyānyāni bhūtāni mātrāmupajīvanti ' iti śrutyantarāt| sa eṣa ānandaḥ -- yasya mātrā samudrāmbhasa iva vipruṣaḥ pravibhaktāḥ yatraikatāṃ gatāḥ -- sa eṣa paramānandaḥ svābhāvikaḥ, advaitāt; ānandānandinośca avibhāgo'tra||

Sanskrit only: no published translation is held for this verse.

यतो वाचो निवर्तन्ते अप्राप्य मनसा सह । आनन्दं ब्रह्मणो विद्वान् । न बिभेत कुतश्चनेति । एतँ ह वाव न तपति । किमहँ साधु नाकरवम् । किमहं पापमकरवमिति । स य एवं विद्वानेते आत्मानँ स्पृणुते । उभे ह्येवैष एते आत्मानँ स्पृणुते । य एवं वेद । इत्युपनिषत् ॥ १ ॥

yato vāco nivartante aprāpya manasā saha | ānandaṃ brahmaṇo vidvān | na bibheta kutaścaneti | eta~ ha vāva na tapati | kimaha~ sādhu nākaravam | kimahaṃ pāpamakaravamiti | sa ya evaṃ vidvānete ātmāna~ spṛṇute | ubhe hyevaiṣa ete ātmāna~ spṛṇute | ya evaṃ veda | ityupaniṣat || 1 ||

Sanskrit only: no published translation is held for this verse.